ကလၤတံ 2:20 - Sgaw Karen Common Bible

²⁰ လၢတၢ်န့ၣ်အဃိ, ပှၤလၢအမူဝဲခဲအံၤန့ၣ်, တမ့ၢ်လၢၤယၤဘၣ်, မ့မ့ၢ်ခရံာ်မ့ၢ်ပှၤလၢအမူဝဲလၢယပူၤလီၤ. တၢ်အိၣ်မူလၢယအိၣ်မူ ခဲကနံၣ်အံၤ, မ့ၢ်ယမူလၢတၢ်နာ်ဘၣ်ဃးဒီးကစၢ်ယွၤအဖိခွါလၢ အအဲၣ်ယၤဒီးဟ့ၣ်လီၤကွံာ်အသးသမူလၢယဂီၢ်တဂၤန့ၣ်အပူၤလီၤ.

ကလၤတံ 2:20 Iomraidhean Croise

လံာ်တၢ်သးဝံၣ်တဖၣ်အတၢ်သးဝံၣ် 7:10

ယဘၣ်ဃးဒီးပှၤလၢယအဲၣ်တဂၤ, ဒီးအဝဲအဲၣ်ယၤန့ၣ်လီၤ.

လံာ်မးသဲ 20:28

ဒ်ပှၤကညီဖိခွါအသိး, လၢအဟဲဝဲတမ့ၢ်ဘၣ်လၢပှၤကမၤန့ၢ်တၢ်အခ့အပှၤ အတၢ်မၤလၢအဂီၢ်ဘၣ်. မ့ၢ်ဒ်သိးကမၤတၢ်အခ့အပှၤအတၢ်မၤလၢပှၤဂၤ အဂီၢ်, ဒီးကဟ့ၣ်လီၤအသးသမူလၢကအုၣ်က့ၤခီၣ်က့ၤပှၤအါဂၤအသးသမူ အဂီၢ်လီၤ.”

လံာ်မးသဲ 4:3

အန့ၣ်တဘျီမုၣ်ကီၤလံၢ်ဟဲဝဲဒီးစံးဘၣ်အီၤ, “နမ့မ့ၢ်ကစၢ်ယွၤအဖိခွါဒီးခါလီၤနကလုၢ်လၢလၢၢ်သ့ၣ်တဖၣ် အံၤကကဲထီၣ်လၢကိၣ်အလိၣ်တဖၣ်တက့ၢ်.”

လံာ်ယိၤဟၣ် 1:49

စီၤနၤသန့လးစံးဆၢတၢ်ဒီးစံးဝဲ, “သရၣ်ဧၢ, နဲဒၣ်အံၤနမ့ၢ်ကစၢ်ယွၤ အဖိခွါ, နမ့ၢ်အံၣ်စရ့လးအစီၤပၤန့ၣ်လီၤ.”

လံာ်ယိၤဟၣ် 10:11

ယဲဒၣ်အံၤယမ့ၢ်ပှၤကွၢ်သိလၢအဂ့ၤတဂၤလၢအဟ့ၣ်လီၤကွံာ် အသးသမူလၢအသိအဂီၢ်လီၤ.

လံာ်ယိၤဟၣ် 15:13

တၢ်အဲၣ်တၢ်ကွံအဒိၣ်ကတၢၢ်လၢပှၤတဂၤဟ့ၣ်အတံၤသကိး တဖၣ်သ့န့ၣ်, မ့ၢ်တၢ်တူၢ်သံအသးလၢအဝဲသ့ၣ်အဂီၢ်န့ၣ်လီၤ.

လံာ်ယိၤဟၣ် 17:21

ယဃ့ဘါထုကဖၣ်ယဲဒ်သိးအဝဲသ့ၣ်ခဲလၢာ်ကမ့ၢ်တၢ်တမံၤဃီ အဂီၢ်န့ၣ်လီၤ. ပၢ်ဧၢ, မ်အဝဲသ့ၣ်ကအိၣ်လၢပပူၤ, ဒ်နအိၣ်လၢယပူၤဒီးယအိၣ်လၢနပူၤအသိးန့ၣ်တက့ၢ်. မ်အဝဲသ့ၣ်ကမ့ၢ်ဒၣ်ဝဲတၢ်တမံၤဃီ, ဒ်သိးဟီၣ်ခိၣ်ကနာ်လၢနမၢလီၤယၤန့ၣ်တက့ၢ်.

လံာ်ယိၤဟၣ် 3:16

အဂ့ၢ်ဒ်အံၤ, ကစၢ်ယွၤအဲၣ်ပှၤဟီၣ်ခိၣ်ဖိ တုၤအဟ့ၣ်လီၤကွံာ်အဖိခွါအိၣ်တဂၤဃီ, ဒ်သိးကယဲၢ်ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်, အသုတဟးဂီၤတဂ့ၤဒီးကန့ၢ်ဘၣ်တၢ်မူ အထူအယိာ်န့ၣ်လီၤ.

လံာ်ယိၤဟၣ် 3:35

ပၢ်အဲၣ်အဖိခွါဒီးဟ့ၣ်လီၤတၢ်ခဲလၢာ်လၢအစုပူၤလီၤ.

လံာ်ယိၤဟၣ် 6:57

ပၢ်လၢအမူဝဲတဂၤမၢလီၤယၤ, ဒီးလၢအဝဲဒၣ်အဃိယမူယဲစ့ၢ် ကီးလီၤ. ဒ်န့ၣ်အသိး, ပှၤတဂၤလၢ်လၢ်လၢအအီၣ်ယၤန့ၣ်ကမူ ဝဲလၢယဃိန့ၣ်လီၤ.

လံာ်ယိၤဟၣ် 6:69

ဒီးခဲအံၤပနာ်ဒီးသ့ၣ်ညါလၢနမ့ၢ်ပှၤစီဆှံတဂၤ လၢအဟဲလၢကစၢ်ယွၤအအိၣ်န့ၣ်လီၤ.”

မၤတၢ် 8:36

ဒီးဖဲအလဲၤကဒီးဆူညါအဖၢမုၢ်န့ၣ်, အဝဲသ့ၣ်တုၤဃီၤဝဲဒၣ်လၢထံအိၣ်အလီၢ်တတီၤ, ဒီးပဒိၣ်န့ၣ်စံးဝဲ, “ထံအိၣ်ဖဲအံၤလီၤ. ယမ့ၢ်အဲၣ်ဒိးဒိးဘျၢယသးလၢထံဒီး, တၢ်လၢကတြီယကျဲမ့ၢ်အအိၣ်တမံၤမံၤဧါ.”

မၤတၢ် 9:20

အဝဲဒၣ်လဲၤဝဲတဘျီဃီဆူဘူၣ်ဘျီၣ်လၢအမ့ၢ်တၢ်ဘါလီၢ် တဖၣ်, ဒီးစံၣ်တဲၤတဲလီၤဝဲလၢယ့ၣ်ၡူးမ့ၢ်ကစၢ်ယွၤအဖိခွါန့ၣ် လီၤ.

ရိမ့ၤ 1:17

အဂ့ၢ်ဒ်အံၤ, တၢ်သးခုအကစီၣ်လီၣ်ဖျါထီၣ်ကစၢ်ယွၤအတၢ် ပာ်တီပာ်လိၤပှၤကညီဒ်လဲၣ်အဂ့ၢ်န့ၣ်လီၤ. မၤဝဲခီဖျိတၢ်စူၢ်တၢ်နာ်, စးထီၣ်လၢအခီၣ်ထံးတုၤလၢအကတၢၢ်လီၤ. ဒ်တၢ်ကွဲးအသးစီဆှံစံးဝဲ အသိး, “ပှၤလၢအဘၣ်တၢ်ပာ်တီပာ်လိၤအီၤလၢကစၢ်ယွၤခီဖျိတၢ်စူၢ် တၢ်နာ်န့ၣ်, ကမူဝဲလီၤ.”

ရိမ့ၤ 14:7

ပတမူလၢပဂီၢ်ဒၣ်ပဝဲနီတဂၤဘၣ်, ဒီးပတသံလၢပဂီၢ်ဒၣ် ပဝဲနီတဂၤဘၣ်.

ရိမ့ၤ 3:22

ကစၢ်ယွၤပာ်တီပာ်လိၤပှၤဟီၣ်ခိၣ်ဖိခီဖျိအဝဲသ့ၣ်အတၢ်စူၢ်တၢ်နာ် ယ့ၣ်ၡူးခရံာ်န့ၣ်လီၤ. ကစၢ်ယွၤမၤတၢ်အံၤလၢပှၤလၢအစူၢ်က့ၤနာ်က့ၤခရံာ်ကိးဂၤဒဲးအဂီၢ်, မ့ၢ်လၢတၢ်လီၤဆီတအိၣ်ဘၣ်လၢပှၤယူဒၤဖိဒီးပှၤကလုာ်ဂၤ တဖၣ်အဘၢၣ်စၢၤအဃိလီၤ.

ရိမ့ၤ 4:25

အဝဲဘၣ်တၢ်ဟ့ၣ်လီၤကွံာ်အီၤလၢအကသံလၢပတၢ်ဒဲးဘး တဖၣ်အဃိ, ဒီးဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤဒ်သိး အကပာ်တီပာ်လိၤပှၤအဂီၢ်န့ၣ်လီၤ.

ရိမ့ၤ 5:2

အဝဲဆှၢပှၤ, ခီဖျိတၢ်နာ်, ဆူတၢ်လဲၤခီဖျိကလၢၢ်ဘၣ်ကစၢ် ယွၤအဘျုးအဖှိၣ်လၢပအိၣ်မူလၢအပူၤခဲအံၤန့ၣ်လီၤ. သတးဒီး ပသးခုဒီးပာ်ကဖၢလၢပသးလၢပအိၣ်ဒီးတၢ်မုၢ်လၢ်လၢ ပကဒိးန့ၢ်ဃုာ်ကစၢ်ယွၤအလၤကပီၤအဃိန့ၣ်လီၤ.

ရိမ့ၤ 5:6

မ့ၢ်အဂ့ၢ်ဒ်လဲၣ်န့ၣ်, ဖဲပမၤစၢၤလီၤပသးတသ့ဒံးဘၣ်အဖၢမုၢ်န့ၣ်, ခရံာ်တူၢ်သံအသးလၢပှၤအၢပှၤသီတဖၣ်အဂီၢ်လၢအဆၢ ကတီၢ်ဖဲကစၢ်ယွၤဃုထၢပာ်လီၤဝဲန့ၣ်လီၤ.

ရိမ့ၤ 5:8

ဘၣ်ဆၣ်ဒီးကစၢ်ယွၤဒုးနဲၣ်လံပှၤလၢအအဲၣ်ပှၤထဲလဲၣ်န့ၣ်လီၤ. ဖဲပမ့ၢ်ဒံးပှၤတၢ်ဒဲးဘးဖိတဖၣ်အဖၢမုၢ်န့ၣ်, ခရံာ်တူၢ်သံတ့ၢ် အသးလၢပဂီၢ်န့ၣ်လီၤ.

ရိမ့ၤ 6:13

တဘၣ်ဟ့ၣ်လီၤသုနီၢ်ခိအက့ၢ်အဂီၤတဖၣ်ဆူတၢ်ဒဲးဘး အစုပူၤလၢတၢ်ကသူအီၤလၢတၢ်အၢတၢ်သီအဂီၢ်နီတမံၤ တဂ့ၤ. မ့မ့ၢ်, ဟ့ၣ်လီၤသုသးဆူကစၢ်ယွၤအစုပူၤဒ်ပှၤသ့ၣ် တဖၣ်လၢအဘၣ်တၢ်မၤမူထီၣ်က့ၤအီၤလၢတၢ်သံ, ဒီးဟ့ၣ်လီၤသုသးဒီးနီၢ်ခိဒီဂၤညါဆူအစုပူၤဒ် သိးတၢ်ကသူအီၤလၢတၢ်တီတၢ်လိၤအဂီၢ်န့ၣ်တက့ၢ်.

ရိမ့ၤ 6:8

ပမ့ၢ်သံဃုာ်တ့ၢ်လံဒီးခရံာ်ဒီး, ပနာ်လၢပကမူဃုာ်ဒီးအီၤစ့ၢ်ကီးလီၤ.

ရိမ့ၤ 8:10

ဘၣ်ဆၣ်, ခရံာ်မ့ၢ်မူလၢသုပူၤဒီး, လၢတၢ်ဒဲးဘးအဃိသုနီၢ်ခိတဖၣ်မ့ၢ်သံသနာ်က့, ယွၤအသးမ့ၢ်တၢ်မူလၢသုဂီၢ်အဂ့ၢ်မ့ၢ်လၢသုဘၣ် တၢ်ပာ်တီပာ်လိၤသုအဃိန့ၣ်လီၤ.

ရိမ့ၤ 8:37

မ့မ့ၢ်လၢတၢ်န့ၣ်တဖၣ်ခဲလၢာ်အပူၤပမ့ၢ်ပှၤလၢအမၤ နၢၤတၢ်လၢလၢပှဲၤပှဲၤခီဖျိပှၤလၢအအဲၣ်ပှၤအဃိလီၤ.

1 ကရံၣ်သူး 6:17

မ့မ့ၢ်ပှၤတဂၤလၢအပာ်ဖှိၣ်ဃုာ်အသးဒီးကစၢ်န့ၣ်, ကဲထီၣ်ပှၤတဂၤဃီဒီးအီၤလၢသူၣ်လၢသးတကပၤလီၤ.

၂ ကရံၣ်သူး 1:24

ပတဂုာ်ကျဲးစၢးနဲၣ်သုလၢသုကဘၣ်စူၢ်တၢ်နာ်တၢ်ဒ်အံၤဒ် နုၤဘၣ်. ပသ့ၣ်ညါလၢသုအိၣ်ဆၢထၢၣ်သုဝဲကျၢၤကျၢၤလၢ တၢ်စူၢ်တၢ်နာ်အပူၤလီၤ. အခိၣ်တလိာ်ပမၤသကိးတၢ်ဒီးသု, လၢသုတၢ်သူၣ်ဖှံသးညီဒၣ်ဝဲအဂီၢ်န့ၣ်လီၤ.

၂ ကရံၣ်သူး 10:3

ပအိၣ်မူလၢဟီၣ်ခိၣ်ချၢန့ၣ်မ့ၢ်ကစီဒီလီၤ. ဘၣ်ဆၣ်ဒီးပတဒုးတၢ်အိၣ်ဒီးဟီၣ်ခိၣ်အတၢ်ထိၣ်ဂဲၤပသး တဖၣ်န့ၣ်ဘၣ်.

၂ ကရံၣ်သူး 11:10

ဒ်ခရံာ်အတၢ်မ့ၢ်တၢ်တီလၢအအိၣ်လၢယပူၤအသိးန့ၣ်, ယအၢၣ်လီၤအီလီၤယဲလၢယတၢ်ကတိၤတၢ်ကဖၢလၢတမံၤ အံၤတဘၣ်တၢ်မၤဘှ့ၣ်မၤဘှီၣ်အီၤလၢကီၢ်အဃါယၤဒီဘ့ၣ် အပူၤလၢတၢ်လီၢ်နီတတီၤဘၣ်.

၂ ကရံၣ်သူး 13:3

သုကဒိးန့ၢ်ဘၣ်တၢ်အုၣ်အသးလၢသုသးလီသုဝဲခဲလၢာ်လၢ ခရံာ်ကတိၤတၢ်ခီဖျိယၤအဂ့ၢ်န့ၣ်လီၤ. ဖဲအဝဲဒၣ်ထံၣ်လိာ်ဖံးမၤတၢ်ဘၣ်ဃးဒီးသုန့ၣ်, အဝဲအဂံၢ်အဘါ တစၢ်ဘၣ်. အခိၣ်တလိာ်အဝဲပာ်ဖျါထီၣ်အတၢ်စိတၢ်ကမီၤလၢ သုသိးသုကျါလီၤ.

၂ ကရံၣ်သူး 13:5

ဒိးတၢ်မၤကွၢ်လၢသုနီၢ်ကစၢ်ဒၣ်သုဝဲဒီးစံၣ်ညီၣ်လီၤက့ၤသု သးဒၣ်သုဝဲ, ဒ်သိးသုအိၣ်မူလၢတၢ်စူၢ်တၢ်နာ်အပူၤကစီ ဒီဧါတအိၣ်မူလဲၣ်န့ၣ်သုကသ့ၣ်ညါဘၣ်သုဝဲအဂီၢ်န့ၣ် တက့ၢ်. မ့တမ့ၢ်လၢသုလီၤတိၢ်သုဝဲလၢာ်လၢာ်ဆ့ဆ့လံဘၣ် န့ၣ်, သပှၢ်ကတၢၢ်သုသ့ၣ်ညါလၢယ့ၣ်ၡူးခရံာ်အိၣ်လၢသုပူၤလီၤ တမ့ၢ်ဘၣ်ဧါ.

၂ ကရံၣ်သူး 5:14

ပဘၣ်တၢ်ပၢၤဃာ်ပှၤလၢခရံာ်အတၢ်အဲၣ်န့ၣ်လီၤ. အဂ့ၢ်မ့ၢ်လၢ, ခဲကနံၣ်အံၤ, ပပာ်သူၣ်ပာ်သးလၢပှၤတဂၤသံလၢပှၤခဲလၢာ် အဂီၢ်, အခီပညီမ့ၢ်ဝဲ, ပှၤကိးဂၤဒဲးသံဃုာ်ဒီးအီၤန့ၣ်လီၤ.

၂ ကရံၣ်သူး 5:15

အဝဲဒၣ်သံလၢပှၤကိးဂၤဒဲးအဂီၢ်, ဒ်သိးပှၤလၢအမူတဖၣ် သုတအိၣ်မူလၢၤလၢအနီၢ်ကစၢ်ဒၣ်ဝဲအဂီၢ်တဂ့ၤ. မ့မ့ၢ်ကအိၣ်မူ ဒၣ်ထဲလၢ လၢပှၤလၢအသံတ့ၢ်ဒီးဘၣ်တၢ်ဒုးဂဲၤဆၢထၢၣ်သမူ ထီၣ်က့ၤအီၤလၢအဝဲသ့ၣ်အဃိတဂၤအဂီၢ်ဧိၤန့ၣ်လီၤ.

၂ ကရံၣ်သူး 5:7

အဂ့ၢ်ဒ်အံၤ, ပတၢ်အိၣ်မူမ့ၢ်တၢ်လၢအဘၣ်ဃးဒီးတၢ်စူၢ် တၢ်နာ်လီၤ. တမ့ၢ်တၢ်လၢအဘၣ်တၢ်ထံၣ်အီၤသ့န့ၣ်ဘၣ်.

ကလၤတံ 1:4

ခရံာ်ဟ့ၣ်လီၤကွံာ်အသးလၢပတၢ်ဒဲးဘးတဖၣ်အဂီၢ်ဒ်သိး ကဒုးထူၣ်ဖျဲးထီၣ်ကွံာ်ပှၤလၢဆၢကတီၢ်အအၢအသီတကတီၢ် အံၤန့ၣ်လီၤ. မၤဝဲလၢတၢ်ဒိကနၣ်ပပၢ်ယွၤအတၢ်ဘၣ်အသး အပူၤန့ၣ်လီၤ.

ကလၤတံ 2:16

သနာ်က့ပသ့ၣ်ညါလၢပှၤကညီတဂၤဘၣ်တၢ်မၤလိၤမၤဘၣ်အီၤဒီး ကစၢ်ယွၤခီဖျိဒၣ်ထဲလၢတၢ်စူၢ်တၢ်နာ်လၢယ့ၣ်ၡူးခရံာ်အပူၤ, ဒီးတမ့ၢ်ဝဲဒၣ်ခီဖျိတၢ်မၤထွဲတၢ်သိၣ်တၢ်သီအခံန့ၣ်ဘၣ်. ပဝဲစ့ၢ်ကီးပစူၢ်က့ၤနာ်က့ၤယ့ၣ်ၡူးခရံာ်ဒ်သိးပကဘၣ်တၢ်မၤ လိၤမၤဘၣ်ပှၤဒီးကစၢ်ယွၤခီဖျိပတၢ်စူၢ်တၢ်နာ်လၢခရံာ် အပူၤ, ဒီးတမ့ၢ်ဝဲတၢ်မၤထွဲတၢ်သိၣ်တၢ်သီန့ၣ်ဘၣ်. အဂ့ၢ်ဒ်အံၤ, တၢ်တမၤလိၤမၤဘၣ်ပှၤဒီးကစၢ်ယွၤလၢတၢ်မၤထွဲတၢ်သိၣ် တၢ်သီအခံအဃိနီတဂၤဘၣ်.

ကလၤတံ 3:11

ခဲကနံၣ်အံၤ, အိၣ်ဖျါဝဲဒၣ်ဆှံဆှံလၢတၢ်တမၤလိၤမၤဘၣ် ပှၤကညီဒီးကစၢ်ယွၤခီဖျိတၢ်သိၣ်တၢ်သီန့ၣ်နီတဂၤဘၣ်. အဂ့ၢ်ဒ်အံၤ, တၢ်ကွဲးအသးစံးဝဲ, “ထဲဒၣ်ပှၤလၢအဘၣ်တၢ်မၤလိၤမၤဘၣ်အီၤဒီးကစၢ်ယွၤခီဖျိ တၢ်နာ်န့ၣ်ကမူဝဲလီၤ” (ဃဘး ၂:၄).

ကလၤတံ 5:24

ဒီးပှၤလၢအဘၣ်ဃးဒီးယ့ၣ်ၡူးခရံာ်တဖၣ်န့ၣ်, မၤသံကွံာ်အတၢ်ဖံးတၢ်ညၣ်အသးဆၢန့ၢ်တၢ် ဒီး အတၢ်သူၣ်လီသးကွံခဲလၢာ်လံ.

ကလၤတံ 6:14

မ့မ့ၢ်ယဲဒၣ်အံၤ, ယကပာ်ကဖၢလၢယသးထဲဒၣ်လၢပကစၢ် ယ့ၣ်ၡူးခရံာ်အထူၣ်စုညါအဃိလီၤ. အဂ့ၢ်ဒ်အံၤ, ခီဖျိလၢ အထူၣ်စုညါန့ၣ်, တၢ်ဘၣ်ဃးဒီးဟီၣ်ခိၣ်သံသဒၣ်ကွံာ်ယၤဒီး ယသံသဒၣ်ကွံာ်တၢ်ဘၣ်ဃးဒီးဟီၣ်ခိၣ်န့ၣ်လီၤ.

အ့းဖ့းစူး 3:17

လၢခရံာ်ကအိၣ်ဝဲဆိးဝဲလၢသုသးကံၢ်ပူၤခီဖျိတၢ်စူၢ်တၢ်နာ် အဂီၢ်, ဒီးလၢသုကစဲၤလီၤသုဂံၢ်ဒီးသူၣ်လီၤသုသးလၢ တၢ်အဲၣ်တၢ်ကွံပူၤအဂီၢ်,

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

အ့းဖ့းစူး 5:25

ဝၤသ့ၣ်ဧၢ, အဲၣ်သုမါဒ်ခရံာ်အဲၣ်တၢ်အိၣ်ဖှိၣ်ဒီးဟ့ၣ်လီၤကွံာ် အသးသမူလၢအဂီၢ်အသိးန့ၣ်တက့ၢ်.

ဖံလံးပံၤ 1:21

အဂ့ၢ်ဒ်အံၤတၢ်မူမ့ၢ်တၢ်မနုၤလဲၣ်. လၢယဂီၢ်, မ့ၢ်ခရံာ်န့ၣ်လီၤ. မ့မ့ၢ်ဒ်န့ၣ်ဒီး, တၢ်သံကဟဲစိာ်တၢ်ဘျုးအါဒိၣ်တက့ၢ်လီၤ.

ဖံလံးပံၤ 4:13

ယအိၣ်ဒီးတၢ်ဂံၢ်တၢ်ဘါလၢယကကွၢ်ဆၢၣ်မဲာ်တၢ်မၤ အသးခဲလၢာ်လၢတၢ်စိကမီၤလၢခရံာ်ဟ့ၣ်လီၤယၤန့ၣ်လီၤ.

ကလီးစဲ 1:27

ကစၢ်ယွၤအတၢ်ရဲၣ်တၢ်ကျဲၤမ့ၢ်ဒ်သိးအကလီၣ်ဖျါထီၣ်န့ၢ် အပှၤဂီၢ်မုၢ်လၢအဝဲအတၢ်ခူသူၣ်န့ၣ်လီၤ. တၢ်ခူသူၣ်လၢအအိၣ်ဒီးအလုၢ်အပှ့ၤဒီးအလၤထူးကပီၤတီၤအံၤ မ့ၢ်ဝဲလၢပှၤကိးကလုာ်ဒဲးအဂီၢ်ဒီးတၢ်ခူသူၣ်အံၤမ့ၢ်ဝဲခရံာ် အိၣ်လၢသုပူၤ, အခီပညီသုကန့ၢ်သါဃုာ်ကစၢ်ယွၤအလၤ အကပီၤန့ၣ်လီၤ.

၁ သ့းစၤလနံ 1:10

ဒီးအိၣ်ခိးအဖိခွါအတၢ်ဟဲလီၤလၢမူခိၣ်, အဖိခွါယ့ၣ်ၡူးလၢအဝဲဒၣ်ဒုးဂဲၤဆၢထၢၣ်က့ၤအီၤလၢတၢ်သံတ ဂၤလၢအဒုးပူၤဖျဲးထီၣ်ပှၤလၢကစၢ်ယွၤအတၢ်သးဒိၣ်လၢ အကဟဲန့ၣ်လီၤ.

၁ သ့းစၤလနံ 5:10

လၢအသံလၢပဂီၢ်ဒ်သိးဖဲအဝဲဒၣ်ဟဲက့ၤအခါန့ၣ်ပမူမ့ၢ်ဂ့ၤ, ပသံမ့ၢ်ဂ့ၤ, ပကအိၣ်ဘၣ်ဒီးအီၤတပူၤဃီအဂီၢ်န့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

ဧ့ၤဘြံၤ 8:3

ပှၤလုၢ်တၢ်အခိၣ်အဒိၣ်ကတၢၢ်ကိးဂၤဒဲးဘၣ်တၢ်ဃုထၢပာ် လီၤအီၤလၢအကလုၢ်ထီၣ်တၢ်မၤဘူၣ်ဒီးတၢ်လုၢ်တၢ်ပာ်တဖၣ် အဂီၢ်န့ၣ်လီၤ. လၢတၢ်န့ၣ်အဃိ, အလီၢ်အိၣ်ဝဲလၢပှၤလုၢ်တၢ်အခိၣ်အဒိၣ်ကတၢၢ်အံၤစ့ၢ် ကီးကအိၣ်ဒီးတၢ်လၢအကလုၢ်ထီၣ်ဝဲတမံၤမံၤန့ၣ်လီၤ.

၁ ပ့းတရူး 1:8

သုတထံၣ်ဘၣ်ဒံးအီၤသနာ်က့သုအဲၣ်အီၤ, ဒီးသုတထံၣ်အီၤခဲအံၤသနာ်က့သုနာ်အီၤ န့ၣ်လီၤ. လၢတၢ်န့ၣ်အဃိ, သုသူၣ်ခုသးခုလၢတၢ်သးခုဖးဒိၣ်ဒီးတၢ်သးခုလၢ အပှဲၤဒီးတၢ်လၤကပီၤလၢပစံးကတိၤလၢအဂ့ၢ်တသ့ဘၣ်.

၁ ယိၤဟၣ် 1:7

ဘၣ်ဆၣ်ပမ့ၢ်အိၣ်မူလၢတၢ်ကပီၤအပူၤ, ဒ်အဝဲဒၣ်အိၣ်လၢတၢ်ကပီၤအပူၤအသိးန့ၣ်ဒီး, မ့ၢ်ပရ့လိာ်မုာ်လိာ်ပသးတဂၤဒီးတဂၤဒီးကစၢ်ယွၤ အဖိခွါယ့ၣ်ၡူးခရံာ်အသွံၣ်သ့စီကွံာ်ပှၤလၢပတၢ် ဒဲးဘးခဲလၢာ်န့ၣ်လီၤ.

၁ ယိၤဟၣ် 4:14

ဒီးပထံၣ်လံဒီးပစံးဘၣ်တဲဘၣ်ပှၤဂၤတဖၣ်လၢ ပၢ်မၢလီၤအဖိခွါဒ်သိးအကကဲထီၣ်ပှၤလၢကအုၣ် က့ၤခီၣ်က့ၤဟီၣ်ခိၣ်အဂီၢ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.

လံာ်လီၣ်ဖျါ 1:5

ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,

လံာ်လီၣ်ဖျါ 3:20

ဒိကနၣ်တက့ၢ်. ယအိၣ်ဆၢထၢၣ်ယဲဖဲတြဲၤအခီၣ်ထံးဒီးဒိ တကျိာ်တၢ်လီၤ. ပှၤတဂၤဂၤမ့ၢ်နၢ်ဟူယကလုၢ်ဒီးအိးထီၣ်တြဲၤန့ၣ်, ယကဟဲနုာ်လီၤလၢအဟံၣ်ပူၤဒီးအီၣ်တၢ်အီတၢ်ဒီးအီၤဒီး အဝဲဒၣ်ကအီၣ်တၢ်အီတၢ်ဒီးယၤလီၤ.