ကလၤတံ 2:18 - Sgaw Karen Common Bible

¹⁸ ယမ့ၢ်မၤထီၣ်ကဒါက့ၤတၢ်လၢယမၤလီၤပှီၢ်ကွံာ်တ့ၢ်လံအီၤ န့ၣ်, ယဒုးနဲၣ်ဖျါယသးလၢယမ့ၢ်ပှၤတဂၤလၢအမၤကမၣ် တၢ်သိၣ်တၢ်သီန့ၣ်လီၤ.

ကလၤတံ 2:18 Iomraidhean Croise

ရိမ့ၤ 14:15

သုမ့ၢ်မၤတံာ်တာ်ဘၣ်သုဒီပုၢ်ဝဲၢ်အသးလၢသုတၢ်အီၣ်တမံၤမံၤ အဃိဒီး, သုမၤတၢ်အံၤတမ့ၢ်လၢတၢ်အဲၣ်တၢ်ကွံအပူၤလၢၤဘၣ်. သုတပျဲတၢ်အီၣ်လၢသုအီၣ်မၤဟးဂီၤကွံာ်ပှၤတဂၤလၢခရံာ် သံလၢအဂီၢ်န့ၣ်တဂ့ၤ.

ရိမ့ၤ 2:25

နမ့ၢ်တိၢ်န့ၢ်ယူဒၤအတၢ်သိၣ်တၢ်သီဒီးနတၢ်ကူးတရံးနသးန့ၣ်, အလုၢ်အပှ့ၤအိၣ်ဝဲလီၤ. ဘၣ်ဆၣ်နမ့ၢ်လုၣ်သ့ၣ်ခါပတာ် တၢ်သိၣ်တၢ်သီဒီး, နမ့ၢ်တဒိးကူးတရံးတ့ၢ်နသးတခီကဂ့ၤဒိၣ်ဒၣ်တၢ် တက့ၢ်န့ၣ်လီၤ.

ရိမ့ၤ 3:5

ဘၣ်ဆၣ်ဒီး, ပတၢ်မၤကမၣ်တၢ်န့ၣ်မ့ၢ်မၤဖျါထီၣ်ကစၢ်ယွၤ အတၢ်မၤလၢအဘၣ်န့ၣ်ဒီးဆှံဆှံပစံးမနုၤကသ့န့ၣ်လဲၣ်. မ့ၢ်ပကစံးလၢကစၢ်ယွၤမၤကမၣ်တၢ်ဖဲအဝဲစံၣ်ညီၣ်ပှၤန့ၣ်ဧါ. (ယကတိၤတၢ်ဒ်ပှၤကညီအသိးလီၤ.)

ကလၤတံ 2:21

ယတပာ်ကွံာ်ကစၢ်ယွၤအဘျုးအဖှိၣ်န့ၣ်ဘၣ်. ဘၣ်ဆၣ်ဒီး, ပှၤတဂၤဂၤမ့ၢ်ဘၣ်တၢ်မၤလိၤမၤဘၣ်အီၤဒီးကစၢ်ယွၤ ခီဖျိတၢ်သိၣ်တၢ်သီဒီး, အခီပညီခရံာ်တူၢ်သံအသးမ့ၢ်တၢ် ကလီကလီလီၤ.

ကလၤတံ 5:11

မ့မ့ၢ်ယဲဒၣ်အံၤ, ယဒီပုၢ်ဝဲၢ်သ့ၣ်ဧၢ, ယမ့ၢ်စံၣ်တဲၤတဲလီၤဒံးလၢ တၢ်ဒိးတၢ်ကူးတရံးအလီၢ်အိၣ်န့ၣ်, ဘၣ်မနုၤအဃိ ပှၤမၤအၢမၤနးဒံးယၤလဲၣ်. မ့မ့ၢ်ဒ်န့ၣ်ဒီး, ယတၢ်စံၣ်တဲၤတဲလီၤဘၣ်ဃးခရံာ်အထူၣ်စုညါတဒုးအိၣ်ထီၣ် တၢ်ကီတၢ်ခဲဘၣ်.