ကလၤတံ 2:17 - Sgaw Karen Common Bible

¹⁷ မ့မ့ၢ်ဒ်န့ၣ်ဒီး, ဖဲပဂုာ်ကျဲးစၢးမၤလိၤမၤဘၣ်ပသးဒီးကစၢ်ယွၤ ခီဖျိပတၢ်မ့ၢ်တၢ်တမံၤဃီဒီးခရံာ်အဖၢမုၢ်, တၢ်မ့ၢ်ထံၣ်န့ၢ်ပှၤလၢပမ့ၢ်ပှၤတၢ်ဒဲးဘးဖိထဲသိးဒီးပှၤကလုာ်ဂၤ တဖၣ်န့ၣ်, တၢ်အံၤအခီပညီမ့ၢ်ခရံာ်ဆီၣ်ထွဲမၤစၢၤတၢ်ဒဲးဘး အခံန့ၣ်ဧါ. တမ့ၢ်လ့ၤတက့ၤဘၣ်.

ကလၤတံ 2:17 Iomraidhean Croise

လံာ်မးသဲ 1:21

အဝဲကဆံးစၢ်န့ၢ်ဖိခွါတဂၤဒီးနကဘၣ်ယုၢ်န့ၢ်အမံၤလၢယ့ၣ်ၡူး လီၤ. အဂ့ၢ်မ့ၢ်လၢအဝဲကအုၣ်က့ၤခီၣ်က့ၤအပှၤဂီၢ်မုၢ်လၢအဝဲသ့ၣ် အတၢ်ဒဲးဘးအပူၤလီၤ.”

လံာ်လူၤကၣ် 20:16

“အဝဲဒၣ်ကဟဲဒီးမၤသံပှၤသ့ၣ်တဖၣ်န့ၣ်, ဒီးဟ့ၣ်လီၤက့ၤစပံးလီၢ်ဆူ ပှၤမၤဟီၣ်ခိၣ်အဂၤတဖၣ်အစုပူၤလီၤ.” ဖဲပှၤဂီၢ်မုၢ်တဖၣ်နၢ်ဟူတၢ်အံၤန့ၣ်, အဝဲသ့ၣ်စံးဝဲ, “မ်တၢ်သုတမၤအသးဒ်န့ၣ်တဂ့ၤ.”

ရိမ့ၤ 11:7

မ့မ့ၢ်ဒ်န့ၣ်ဒီးပကစံးဒ်လဲၣ်. ပှၤအံၣ်စရ့လးဖိတဖၣ်တထံၣ်န့ၢ်တၢ်လၢအဝဲသ့ၣ်ဃုဝဲဘၣ်. ပှၤလၢအထံၣ်န့ၢ်တၢ်တခီမ့ၢ်ပှၤစှၤဂၤလၢကစၢ်ယွၤဃုထၢ ဝဲမ့မ့ၢ်ပှၤအဂၤတဖၣ်အနၢ်တအၢထီၣ်ဒီးတနၢ်ဟူကစၢ်ယွၤ အတၢ်ကိးဘၣ်.

ရိမ့ၤ 15:8

အဂ့ၢ်ဒ်အံၤ ယစံးဘၣ်သုလၢခရံာ်ကဲထီၣ်ပှၤယူဒၤဖိတဖၣ် အခ့အပှၤဒ်သိးကဒုးနဲၣ်ဝဲလၢယွၤအံၤအကလုၢ်တီဝဲ, ဒ်သိးအကမၤဂၢၢ်မၤကျၢၤတၢ်လၢကစၢ်ယွၤစံးပာ်တ့ၢ်ပမိၢ်ပပၢ်ဖံ ဖုသ့ၣ်လၢပျၢၤတဖၣ်,

ရိမ့ၤ 3:4

တမ့ၢ်ဒ်န့ၣ်ဘၣ်. ပှၤကညီကိးဂၤဒဲးမ့မ့ၢ်ပှၤလီတၢ်သနာ်က့, ကစၢ်ယွၤတီဝဲလိၤဝဲလီၤ. ဒ်တၢ်ကွဲးအသးစံးဝဲအသိး, “နကဘၣ်တၢ်ပာ်တီပာ်လိၤနၤလၢ နတၢ်ကတိၤတဖၣ်အပူၤ, ဒီးနကမၤနၢၤတၢ်ဖဲ နဘၣ်တၢ်လိာ်ကွီၢ်နၤန့ၣ်လီၤ.”

ရိမ့ၤ 3:6

တမ့ၢ်ဒ်န့ၣ်ဘၣ်. ယွၤမ့ၢ်တတီတလိၤဘၣ်ဒီး, အဝဲစံၣ်ညီၣ်ဟီၣ်ခိၣ်ကသ့လၢကျဲဒ်လဲၣ်.

ကလၤတံ 2:11

ဘၣ်ဆၣ်ဒီးဖဲစီၤပ့းတရူးဟဲတုၤဖဲဝ့ၢ်အၣ်တံၤအီာ်န့ၣ်, ယကတိၤထီဒါအီၤလၢကမျၢၢ်အမဲာ်ညါမ့ၢ်လၢအဝဲအတၢ် ကမၣ်အိၣ်အဃိန့ၣ်လီၤ.

ကလၤတံ 2:15

ပအိၣ်ဖျဲၣ်ထီၣ်ဒ်ပှၤယူဒၤဖိတဖၣ်နီၢ်နီၢ်, ဒီးတမ့ၢ်, “ပှၤတၢ်ဒဲးဘးဖိကလုာ်ဂၤတဖၣ်” ဒ်အဘၣ်တၢ်ကိးအီၤအသိးန့ၣ်ဘၣ်.

ကလၤတံ 3:21

မ့မ့ၢ်ဒ်န့ၣ်ဒီး, တၢ်သိၣ်တၢ်သီထီဒါကစၢ်ယွၤအတၢ်အၢၣ်လီၤ အီလီၤတဖၣ်ဧါ. တမ့ၢ်လ့ၤတက့ၤဘၣ်. အဂ့ၢ်ဒ်အံၤပှၤဟီၣ်ခိၣ်ဖိ မ့ၢ်ဒိးန့ၢ်တၢ်သိၣ်တၢ်သီလၢအဟ့ၣ်တၢ်မူသ့ဒီး, ပှၤကိးဂၤဒဲးကဘၣ်တၢ်မၤလိၤမၤဘၣ်အီၤဒီးကစၢ်ယွၤခီဖျိတၢ် ဒိကနၣ်တၢ်သိၣ်တၢ်သီန့ၣ်လီၤ.

ကလၤတံ 6:14

မ့မ့ၢ်ယဲဒၣ်အံၤ, ယကပာ်ကဖၢလၢယသးထဲဒၣ်လၢပကစၢ် ယ့ၣ်ၡူးခရံာ်အထူၣ်စုညါအဃိလီၤ. အဂ့ၢ်ဒ်အံၤ, ခီဖျိလၢ အထူၣ်စုညါန့ၣ်, တၢ်ဘၣ်ဃးဒီးဟီၣ်ခိၣ်သံသဒၣ်ကွံာ်ယၤဒီး ယသံသဒၣ်ကွံာ်တၢ်ဘၣ်ဃးဒီးဟီၣ်ခိၣ်န့ၣ်လီၤ.

ဧ့ၤဘြံၤ 8:2

အဝဲဒၣ်မၤတၢ်အခ့အပှၤအတၢ်မၤလၢတၢ်လီၢ်စီဆှံကတၢၢ်ဒီး လၢဒဲစီဆှံနီၢ်နီၢ်လၢအဘၣ်တၢ်သူၣ်ထီၣ်အီၤလၢကစၢ်ဒီး တမ့ၢ်ဘၣ်လၢပှၤကညီဘၣ်အပူၤန့ၣ်လီၤ.

၁ ယိၤဟၣ် 3:5

သုသ့ၣ်ညါလၢခရံာ်အိၣ်ဖျါထီၣ်တ့ၢ်ဝဲဒ်သိးအကစိာ် ကွံာ်ပတၢ်ဒဲးဘးတဖၣ်အဂီၢ်, ဒီးလၢအဝဲဒၣ်အပူၤတခီ တၢ်ဒဲးဘးတအိၣ်နီတမံၤဘၣ်န့ၣ်လီၤ.