ကလၤတံ 2:15 - Sgaw Karen Common Bible

¹⁵ ပအိၣ်ဖျဲၣ်ထီၣ်ဒ်ပှၤယူဒၤဖိတဖၣ်နီၢ်နီၢ်, ဒီးတမ့ၢ်, “ပှၤတၢ်ဒဲးဘးဖိကလုာ်ဂၤတဖၣ်” ဒ်အဘၣ်တၢ်ကိးအီၤအသိးန့ၣ်ဘၣ်.

ကလၤတံ 2:15 Iomraidhean Croise

လံာ်မးသဲ 9:11

ပှၤဖၤရံၤၡဲတနီၤထံၣ်တၢ်အံၤဒီးသံကွၢ်အပျဲၢ်အဘီၣ်တဖၣ်ဒီး စံး, “ဘၣ်မနုၤလၢသုသရၣ်န့ၣ်အီၣ်သကိးတၢ်ဒီးပှၤဒ်န့ၣ်အသိးတဖၣ် န့ၣ်လဲၣ်.”

လံာ်လူၤကၣ် 24:7

‘ပှၤကညီဖိခွါကဘၣ်တၢ်ဟ့ၣ်လီၤကွံာ်အီၤဆူပှၤတၢ်ဒဲးဘးဖိတဖၣ် အစုပူၤ, ကဘၣ်တၢ်ပျၤထီအီၤလၢထူၣ်စုညါအလိၤ, ဒီးကဂဲၤဆၢထၢၣ်သမူထီၣ်က့ၤဝဲဖဲသၢသီတသီန့ၣ်လီၤ.’ ”

မၤတၢ် 22:21

ကစၢ်စံးဘၣ်ယၤ, ‘လဲၤတက့ၢ်. အဂ့ၢ်ဒ်အံၤ, ယကဆှၢလီၤနၤဆူတၢ်လီၢ်အယံၤဆူပှၤကလုာ်ဂၤတဖၣ် အအိၣ်န့ၣ်လီၤ.’ ”

ရိမ့ၤ 3:9

မ့မ့ၢ်ဒ်န့ၣ်ဒီး, ပဝဲပှၤယူဒၤဖိတဖၣ်မ့ၢ်ပဂ့ၤန့ၢ်ဒံးပှၤ ကလုာ်ဂၤတဖၣ်န့ၣ်ဧါ. တမ့ၢ်ဒ်န့ၣ်ဘၣ်. ယပာ်ဖျါတ့ၢ်လၢပှၤယူဒၤဖိဒီးပှၤကလုာ်ဂၤခဲလၢာ်အိၣ် ဒၣ်လၢတၢ်ဒဲးဘးအစိကမီၤအဖီလာ်ဒ်သိးသိးန့ၣ်လီၤ.

ရိမ့ၤ 4:16

ဒီးလၢတၢ်န့ၣ်အဃိတၢ်အၢၣ်လီၤအီလီၤအံၤဒိးသန့ၤထီၣ် အသးလၢတၢ်နာ်အဖီခိၣ်, မ့ၢ်ဒ်သိးအကကဲထီၣ်တၢ်အုၣ်ခီၣ်အသးလၢကစၢ်ယွၤဟ့ၣ် ကလီတၢ်အၢၣ်လီၤအီလီၤအံၤလၢစီၤအၤဘြၤဟၣ်အစၢၤ အသွဲၣ်ခဲလၢာ်, ဒီးတမ့ၢ်ထဲလၢပှၤတိၢ်န့ၢ်တၢ်သိၣ်တၢ်သီ အဂီၢ်ဧိၤဘၣ်. မ့ၢ်စ့ၢ်ကီးလၢပှၤသ့ၣ်တဖၣ်လၢအနာ်တၢ်ဒ် စီၤအၤဘြၤဟၣ်နာ်တ့ၢ်ဝဲအသိးအဂီၢ်န့ၣ်လီၤ. အဂ့ၢ်ဒ်အံၤ, စီၤအၤဘြၤဟၣ်မ့ၢ်ပဝဲခဲလၢာ်အပၢ်လၢသူၣ်လၢသးန့ၣ် လီၤ.

ကလၤတံ 2:17

မ့မ့ၢ်ဒ်န့ၣ်ဒီး, ဖဲပဂုာ်ကျဲးစၢးမၤလိၤမၤဘၣ်ပသးဒီးကစၢ်ယွၤ ခီဖျိပတၢ်မ့ၢ်တၢ်တမံၤဃီဒီးခရံာ်အဖၢမုၢ်, တၢ်မ့ၢ်ထံၣ်န့ၢ်ပှၤလၢပမ့ၢ်ပှၤတၢ်ဒဲးဘးဖိထဲသိးဒီးပှၤကလုာ်ဂၤ တဖၣ်န့ၣ်, တၢ်အံၤအခီပညီမ့ၢ်ခရံာ်ဆီၣ်ထွဲမၤစၢၤတၢ်ဒဲးဘး အခံန့ၣ်ဧါ. တမ့ၢ်လ့ၤတက့ၤဘၣ်.

အ့းဖ့းစူး 2:3

နီၢ်နီၢ်တခီပဝဲကိးဂၤပမၤတ့ၢ်ပသးဒ်အဝဲသ့ၣ်အသိးဒီး ပအိၣ်မူတ့ၢ်ဒ်ပသးအတၢ်ဆၢမိၣ်န့ၢ်ဘၣ်အသိး, ပလူၤတ့ၢ်ပသးဒီးမၤတ့ၢ်ပဝဲဒ်ပနီၢ်ခိသူၣ်လီသးကွံတၢ် အသိးဒီးဒ်ပတၢ်ဆိကမိၣ်ဆှၢပှၤအသိးလီၤ. ဒ်ပှၤဟီၣ်ခိၣ်ဖိအဂုၤအဂၤတဖၣ်အသိး, ဟီၣ်ခိၣ်ဖိအန့ဆၢၣ်လၢပပူၤမ့ၢ်တၢ်လၢအဒုးကြၢးပှၤဒီး တၢ်တူၢ်ဘၣ်ကစၢ်ယွၤအတၢ်သးဒိၣ်န့ၣ်လီၤ.

ဖံလံးပံၤ 3:4

ယပာ်ယတၢ်နာ်လၢတၢ်ဒ်န့ၣ်အသိးတဖၣ်အပူၤသ့ကစီဒီလီၤ. ပှၤတဂၤဂၤမ့ၢ်ဆိကမိၣ်လၢအနာ်န့ၢ်တၢ်အလုၢ်အလၢ်လၢ အအိၣ်ဖျါလၢခိတဖၣ်န့ၣ်သ့ဝဲဒီး, ယအိၣ်ဒီးတၢ်အဂ့ၢ်အခၢးဒိၣ်ဒၣ်တၢ်တက့ၢ်လၢယကပာ်သူၣ် ပာ်သးဒ်န့ၣ်န့ၣ်လီၤ.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:18

ဒီးအဝဲဆှၢထီၣ်နၤဃုာ်ဒီးတၢ်မၤလိာ်တဖၣ်လၢနကမၤဟးဂီၤကွံာ် ကီၢ်ဧမၤလ့းအပှၤဂီၢ်မုၢ်လၢအအၢအသီတဖၣ်န့ၣ်လီၤ. အဝဲစံးတ့ၢ်နၤလၢနကဒုးတၢ်တုၤနမၤသံကွံာ်အဝဲသ့ၣ်ကိးဂၤဒဲးလီၤ.