ကလၤတံ 2:12 - Sgaw Karen Common Bible

¹² တချုးလၢပှၤဘၣ်ထွဲဒီးစီၤယၤကိာ်တနီၤဟဲတုၤဒံးဘၣ်န့ၣ်, စီၤပ့းတရူးအီၣ်အီတ့ၢ်တၢ်တပူၤဃီဒီးအဒီပုၢ်ဝဲၢ်ပှၤ ကလုာ်ဂၤတဖၣ်လီၤ. မ့မ့ၢ်ဖဲပှၤသ့ၣ်တဖၣ်အံၤဟဲတုၤဝံၤ အလီၢ်ခံန့ၣ်, အဝဲဒၣ်ထုးဖးကွံာ်အသးဒီးတအီၣ်တၢ်ဒီးပှၤကလုာ်ဂၤတဖၣ် လၢၤဘၣ်. အဂ့ၢ်မ့ၢ်လၢ အဝဲဒၣ်ပျံၤပှၤသ့ၣ်တဖၣ်လၢ အအဲၣ်ဒိးပှၤကလုာ်ဂၤတဖၣ်ဒိးတၢ်ကူးတရံးအဃိ န့ၣ်လီၤ.

ကလၤတံ 2:12 Iomraidhean Croise

တၢ်ကတိၤဒိ. 29:25

နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.

လံာ်ယၡါယၤ 57:11

ယွၤစံးဝဲ, “တုၤဒၣ်လဲာ်သုဘၣ်တဲယၤတၢ်လီတၢ်ဝ့ၤတဖၣ် ဒီးသးပ့ၤနီၣ်ကွံာ်ယၤလၢာ်လၢာ်ဆ့ဆ့န့ၣ်, မ့ၢ်ကစၢ်မတၤတဖၣ်မၤပျံၤမၤဖုးသုန့ၣ်လဲၣ်. မ့ၢ်သုဆိကတီၢ်ကွံာ်သု တၢ်ယူးယီၣ်ယၤ, မ့ၢ်လၢယအိၣ်ဘှ့ၣ် အိၣ်ဘှီၣ်ကဲၣ်ဆိးအဃိန့ၣ်ဧါ.

လံာ်ယၡါယၤ 65:5

ဝံၤဒီးအဝဲသ့ၣ်စံးဘၣ်ပှၤဂၤတဖၣ်အိၣ်ယံၤဒီးပှၤတက့ၢ်. အဂ့ၢ်ဒ်အံၤ, ပစီဆှံကဲၣ်ဆိးလၢသုကထိးဘၣ်ပှၤအဂီၢ်လီၤ. ပှၤဂီၢ်မုၢ်ဒ်သိးအံၤတဖၣ်ယကွၢ်အီၤတလိၤဘၣ်. ယတၢ်သးဒိၣ်ထီဒါအဝဲသ့ၣ်အံၤလီၤဂာ်ဒ်မ့ၣ်အူ တခါလၢအတလီၤပံာ်နီတစုဘၣ်အသိးန့ၣ်လီၤ.

လံာ်လူၤကၣ် 15:2

ပှၤဖၤရံၤၡဲဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်စးထီၣ် ကဒူးကဒ့ၣ်တၢ်ဒီးစံးဝဲ, “ပှၤတဂၤအံၤတူၢ်လိာ်ပှၤတၢ်ဒဲးဘးဖိတဖၣ်, ဒီးအီၣ်သကိးအီသကိးဃုာ်တၢ်ဒီးအဝဲသ့ၣ်ဒၣ်လဲာ်န့ၣ်လီၤ.”

လံာ်လူၤကၣ် 5:38

မ့မ့ၢ်စပံးထံအသီန့ၣ်, ကြၢးဘၣ်တၢ်ဒၢနုာ်အီၤလၢစပံးထံဒၢတၢ်ဖံးအသီတဖၣ်အပူၤလီၤ.

မၤတၢ် 10:28

ဒီးအဝဲဒၣ်စံးဘၣ်အဝဲသ့ၣ်, “သုနီၢ်ကစၢ်ဒၣ်သုဝဲသုသ့ၣ်ညါလၢပှၤယူဒၤဖိတဂၤအတၢ် ဘူၣ်တၢ်ဘါတပျဲအီၤလၢအကလဲၤဒီးရ့လိာ်အသးဒီးပှၤကလုာ် ဂၤမ့ၢ်ဂ့ၤ, ကမၤဘၣ်ထွဲအသးဒီးအီၤမ့ၢ်ဂ့ၤန့ၣ်ဘၣ်. ဘၣ်ဆၣ်ဒီးကစၢ်ယွၤဒုးနဲၣ်တ့ၢ်ယၤလၢယတဘၣ်ပာ်ပှၤနီတဂၤလၢ အတကဆှီမ့ၢ်ဂ့ၤ, တစီတဆှံမ့ၢ်ဂ့ၤန့ၣ်ဘၣ်လီၤ.

မၤတၢ် 12:17

အဝဲဒၣ်ဒုးနဲၣ်အစုဒ်သိးအဝဲသ့ၣ်ကအိၣ်ဘှီၣ်, ဒီးတဲနၢ်ပၢၢ်အဝဲသ့ၣ်ဘၣ်ဃးကစၢ်ထုးထီၣ်ကွံာ်တ့ၢ်အီၤ လၢဃိာ်ပူၤဒ်လဲၣ်အဂ့ၢ်န့ၣ်လီၤ. အဝဲဒၣ်စံးဝဲ, “တဲဘၣ်စီၤယၤကိာ်ဒီးပှၤစူၢ်က့ၤနာ်က့ၤတၢ်ဖိအဂၤတဖၣ်လၢ တၢ်တမံၤအံၤအဂ့ၢ်န့ၣ်တက့ၢ်.” ဝံၤဒီးဟးထီၣ်လဲၤဆူတၢ်လီၢ် အဂၤတပူၤလီၤ.

ကလၤတံ 2:14

ဖဲယထံၣ်ဘၣ်လၢအဝဲသ့ၣ်တလဲၤတၢ်လၢကျဲအဘျၢလၢအလီၤ ပလိာ်ဒီးတၢ်သးခုကစီၣ်အတၢ်မ့ၢ်တၢ်တီဘၣ်န့ၣ်, ယစံးဘၣ်စီၤပ့းတရူးလၢအဝဲသ့ၣ်ခဲလၢာ်အမဲာ်ညါ, “နမ့ၢ်ပှၤယူဒၤဖိတဂၤဘၣ်ဆၣ်နအိၣ်မူဒ်ပှၤကလုာ်ဂၤ တဂၤအသိးဒီးတမ့ၢ်ဒ်ပှၤယူဒၤဖိတဂၤအသိးန့ၣ်ဘၣ် လီၤ. မ့မ့ၢ်ဒ်န့ၣ်ဒီးနဂုာ်ကျဲးစၢးမၢဆူၣ်ပှၤကလုာ်ဂၤတဖၣ်လၢ ကအိၣ်မူလီၤဂာ်ဒီးပှၤယူဒၤဖိတဖၣ်ကသ့ဝဲလၢကျဲဒ်လဲၣ်.”

ကလၤတံ 2:9

စီၤယၤကိာ်, စီၤပ့းတရူးဒီးစီၤယိၤဟၣ်, လၢအမ့ၢ်ပှၤခိၣ်ပှၤနၢ်တဖၣ်ထံၣ်သ့ၣ်ညါဝဲလၢကစၢ်ယွၤ ဟ့ၣ်တ့ၢ်ယၤတၢ်မၤလီၤဆီအဝဲအံၤန့ၣ်လီၤ. လၢတၢ်န့ၣ် အဃိအဝဲသ့ၣ်ဟံးစုကွၢ်မဲာ်စီၤဘၢ်နါဘၤဒီးယၤဒ်အမ့ၢ် တၢ်ပနီၣ်လၢပဝဲသ့ၣ်ခဲလၢာ်ပမ့ၢ်ပှၤမၤသကိးတၢ်တဖၣ် န့ၣ်လီၤ. ပအၢၣ်လီၤသကိးလၢစီၤဘၢ်နါဘၤဒီးယၤ ပကမၤတၢ်လၢပှၤကလုာ်ဂၤတဖၣ်အကျါဒီးအဝဲသ့ၣ်တခီလၢ ပှၤယူဒၤဖိတဖၣ်အကျါလီၤ.

အ့းဖ့းစူး 2:15

အဝဲတြူာ်ကွံာ်ပှၤယူဒၤဖိအတၢ်သိၣ်တၢ်သီဃုာ်ဒီးအတၢ်မၤ လိာ်ဒီးအတၢ်ဘျၢတဖၣ်ဒ်သိးအကဒုးကဲထီၣ်ပှၤခံကလုာ်လၢပှၤ တကလုာ်ဃီလၢအဝဲအပူၤ, ဒီးလၢကျဲဒ်အံၤအပူၤဒုးအိၣ်ထီၣ်တၢ် ဃူတၢ်ဖိးလီၤ.

အ့းဖ့းစူး 3:6

တၢ်ခူသူၣ်မ့ၢ်ဝဲ, ခီဖျိတၢ်သးခုကစီၣ်န့ၣ်, ပှၤကလုာ်ဂၤတဖၣ်မ့ၢ်ပှၤန့ၢ်သါဘၣ်ဃုာ်ကစၢ်ယွၤအတၢ်ဆိၣ်ဂ့ၤ တဖၣ်ဒီးပှၤယူဒၤဖိ, အဝဲသ့ၣ်မ့ၢ်နီၢ်တဂၤဃီအက့ၢ်အဂီၤတဖၣ် ဒီးဒိးန့ၢ်ဃုာ်တၢ်စံးပာ်လၢကစၢ်ယွၤစံးပာ်တ့ၢ်ဝဲခီဖျိယ့ၣ်ၡူးခရံာ် န့ၣ်လီၤ.

၁ သ့းစၤလနံ 5:22

ဒီးဟးဆှဲးတၢ်အၢတၢ်သီကိးအက့ၢ်အဂီၤဒဲးတက့ၢ်.