ကလၤတံ 2:11 - Sgaw Karen Common Bible

¹¹ ဘၣ်ဆၣ်ဒီးဖဲစီၤပ့းတရူးဟဲတုၤဖဲဝ့ၢ်အၣ်တံၤအီာ်န့ၣ်, ယကတိၤထီဒါအီၤလၢကမျၢၢ်အမဲာ်ညါမ့ၢ်လၢအဝဲအတၢ် ကမၣ်အိၣ်အဃိန့ၣ်လီၤ.

ကလၤတံ 2:11 Iomraidhean Croise

လံာ်ယံးရမံယၤ 1:17

စီၤယံးရမံယၤဧၢ, အိၣ်ကတဲာ်ကတီၤနသး, လဲၤဒီးတဲဘၣ်အဝဲသ့ၣ်တၢ်ခဲလၢာ်လၢယမၤလိာ်နၤလၢနကစံးဘၣ် တဲဘၣ်န့ၣ်တက့ၢ်. ခဲကနံၣ်အံၤ, ပျံၤအဝဲသ့ၣ်တဂ့ၤ. မ့တမ့ၢ်ဘၣ်ဒီး, ယကဒုးလီၤတၢ်ပျံၤတၢ်ဖုးလၢနပူၤဒိၣ်ဒၣ်တၢ်တက့ၢ်ဖဲနအိၣ်ဒီးအဝဲသ့ၣ် အဆၢကတီၢ်န့ၣ်လီၤ.

လံာ်ယိၤနါ 1:3

ဘၣ်ဆၣ်ဒီးစီၤယိၤနါလဲၤဆူဝ့ၢ် တၢ်ၡံၣ်ဒ်သိးကဃ့ၢ်ပူၤဖျဲးအသးလၢယွၤအမဲာ်ညါအဂီၢ်န့ၣ်လီၤ. အဝဲလဲၤလီၤဆူဝ့ၢ်ယၤဖိၤဒီးထံၣ်န့ၢ်ကဘီလၢကလဲၤဆူ ဝ့ၢ်တၢ်ၡံၣ်, ဒီးဟ့ၣ်အဘူးအလဲ, ဒီးလဲၤနုာ်ဆူကဘီပူၤလၢ ကလဲၤသကိးတၢ်ဒီးပှၤကဘီဖိတဖၣ်ဆူဝ့ၢ်တၢ်ၡံၣ်ဒ်သိး ကယံၤဒီးယွၤအဂီၢ်န့ၣ်လီၤ.

လံာ်ယိၤနါ 4:9

ဘၣ်ဆၣ်ကစၢ်ယွၤစံးဘၣ်စီၤယိၤနါ, “နသးဒိၣ်လၢမာ်တိ အဃိန့ၣ်ဂ့ၤစ့ၢ်ကီးဧါ.” ဒီးစီၤယိၤနါစံးဆၢ, “ယသးဒိၣ်န့ၣ်ဂ့ၤဝဲ, ဒီးယသးဒိၣ်တုၤယကသံဒၣ်လဲာ်န့ၣ်လီၤ.”

လံာ်တၢ်ဂံၢ် 20:12

ဘၣ်ဆၣ်ဒီးယွၤသိၣ်ဃီၣ်တ့ၢ်စီၤမိၤၡ့ဒီးစီၤအၤဟရိၣ်လီၤ. အဝဲစံးဝဲဒၣ်, “မ့ၢ်လၢသုတအိၣ်ဒီးတၢ်စူၢ်တၢ်နာ်လၢလၢပှဲၤပှဲၤလၢသုကသ့ၣ်ညါ နီၣ်ပာ်ကဲယစိယကမီၤစီဆှံလၢကီၢ်အံၣ်စရ့လးအပှၤဂီၢ်မုၢ်အမဲာ်ညါ အဃိဒီး, သုတဆှၢနုာ်ဘၣ်အဝဲသ့ၣ်ဆူကီၢ်တဘ့ၣ်အပူၤ, လၢယအၢၣ်လီၤတ့ၢ်ဒ်သိးယကဟ့ၣ်အီၤန့ၣ်ဘၣ်လီၤ.”

လံာ်မးသဲ 16:23

ယ့ၣ်ၡူးဃၣ်အသးဒီးစံးဘၣ်စီၤပ့းတရူး, “မုၣ်ကီၤလံၢ်ဧၢ, ဟးဖးဒီးယၤတက့ၢ်. နမ့ၢ်ပှၤလၢအမၤတံာ်တာ်ယကျဲလီၤ. အဂ့ၢ်ဒ်အံၤ, နတၢ်ဆိကမိၣ်အံၤတမ့ၢ်တၢ်ဟဲလၢယွၤအအိၣ်ဘၣ်. မ့ၢ်တၢ်ဘၣ်ဃးဒီးပှၤကညီလီၤ.”

လံာ်ယိၤဟၣ် 1:42

ဒီးအဝဲဒၣ်လဲၤဆှၢစီၤၡံမိၣ်ဆူယ့ၣ်ၡူးအအိၣ်န့ၣ်လီၤ. ဒီးယ့ၣ်ၡူးကွၢ်ဃီၤအီၤဒီးစံးဝဲ, “နမံၤမ့ၢ်စီၤၡံမိၣ်ဒီးနပၢ်အမံၤမ့ၢ် စီၤယိၤနါန့ၣ်လီၤ. ဘၣ်ဆၣ်တၢ်ကကိးက့ၤနၤလၢစီၤက့ၤဖးန့ၣ်လီၤ.” (မ့ၢ်တမံၤဃီဒီးစီၤပ့းတရူးလၢအခီပညီမ့ၢ်လၢၢ်လီၤ.)

မၤတၢ် 11:19

ပှၤစူၢ်က့ၤနာ်က့ၤတၢ်တနီၤလီၤမုၢ်ပြံပြါဝဲဒၣ်, မ့ၢ်လၢတၢ်မၤအၢမၤနးအိၣ်ထီၣ်ဖဲစီၤစတ့းဖၣ်ဘၣ်တၢ်မၤသံအီၤ အဆၢကတီၢ်အဃိန့ၣ်လီၤ. အဝဲသ့ၣ်တနီၤလဲၤဝဲတုၤလၢတၢ်ပၢၤခိၣ်ဖံၤနံက့ၤဒီးကီးကူပြူးဒီး ဝ့ၢ်အၣ်တံၤအီာ်ဒီးစံးဘၣ်တဲဘၣ်တၢ်ကစီၣ်ထဲလၢပှၤယူဒၤ ဖိတကလုာ်ဧိၤလီၤ.

မၤတၢ် 11:20

မ့မ့ၢ်ပှၤစူၢ်က့ၤနာ်က့ၤတၢ်အဂၤတနီၤလၢကီးကူပြူးဒီးကီၢ်ကူၤရ့ၤန့ တဖၣ်, လဲၤဝဲတုၤလၢဝ့ၢ်အၣ်တံၤအီာ်ဒီးစံၣ်တဲၤတဲလီၤတၢ်ကစီၣ်လၢ ပှၤကလုာ်ဂၤတဖၣ်စ့ၢ်ကီး, ဒီးစံးဘၣ်တဲဘၣ်အဝဲသ့ၣ်တၢ်သးခုအကစီၣ်ဘၣ်ဃးကစၢ်ယ့ၣ်ၡူး အဂ့ၢ်န့ၣ်လီၤ.

မၤတၢ် 11:22

တၢ်ဂ့ၢ်တမံၤအံၤအကစီၣ်လဲၤတုၤဆူတၢ်အိၣ်ဖှိၣ်လၢဝ့ၢ်ယရူၤၡလ့ၣ်, သတးဒီးအဝဲသ့ၣ်ဆှၢလီၤစီၤဘၢ်နါဘၤဆူဝ့ၢ်အၣ်တံၤအီာ်န့ၣ်လီၤ.

မၤတၢ် 11:27

အကတီၢ်ဖဲန့ၣ်, ဝံတနီၤဟးထီၣ်လၢဝ့ၢ်ယရူၤၡလ့ၣ်ဒီးလဲၤဆူဝ့ၢ်အၣ် တံၤအီာ်န့ၣ်လီၤ.

မၤတၢ် 15:1

အန့ၣ်ဝံၤအလီၢ်ခံ, ပှၤတနီၤဟဲလၢကီၢ်ယူဒၤဆူဝ့ၢ်အၣ်တံၤအီာ်ဒီး သိၣ်လီၤသီလီၤပှၤစူၢ်က့ၤနာ်က့ၤတၢ်တဖၣ်ဒီးစံး, “သုမ့ၢ်တဒိးတၢ်ကူးတရံးဒ်စီၤမိၤၡ့အတၢ်သိၣ်တၢ်သီ အိၣ်ဝဲအသိးဘၣ်န့ၣ်, သုဒိးန့ၢ်တၢ်အုၣ်က့ၤခီၣ်က့ၤတသ့ဘၣ်.”

မၤတၢ် 15:5

ဘၣ်ဆၣ်ဒီးပှၤစူၢ်က့ၤနာ်က့ၤတၢ်တနီၤလၢအဘၣ်ဃးဒီးပှၤ ဖၤရံၤၡဲအကရူၢ်ဂဲၤဆၢထၢၣ်ကတိၤတၢ်ဒီးစံး, “အလီၢ်အိၣ်လၢပှၤကလုာ်ဂၤတဖၣ်ကဒိးတၢ်ကူးတရံးဒီး ကဘၣ်တၢ်စံးဘၣ်တဲဘၣ်အီၤလၢအကစူၢ်စီၤမိၤၡ့အတၢ် သိၣ်တၢ်သီန့ၣ်လီၤ.”

၂ ကရံၣ်သူး 11:5

ယတဆိကမိၣ်လၢယဆံးန့ၢ်သုပှၤလီၤတိၢ်လီၤဆီမးတဖၣ် လၢတၢ်ကိးအီၤလၢသု “ပှၤတၢ်မၢဖိတဖၣ်” ထဲတစဲး ဧိၤဒၣ်လဲာ်န့ၣ်ဘၣ်.

၂ ကရံၣ်သူး 12:11

ယမၤယသးဒ်တၢ်ပျုၢ်တဂၤအသိးလီၤ, ဘၣ်ဆၣ်ဒီးမ့ၢ်ဒၣ်လၢ သုဃိလီၤ. သုမ့ၢ်ပှၤတဖၣ်လၢအကြၢးပာ်ဖျါသုတၢ်ဘၣ်သူၣ်ဘၣ် သးယၤလီၤ. အဂ့ၢ်ဒ်အံၤ, ယမ့တမ့ၢ်တၢ်နီတမံၤသနာ်က့, လၢကျဲတဘိအပူၤဒၣ်လဲာ်ယတဆံးန့ၢ်သု “ပှၤတၢ်မၢဖိ” လီၤတိၢ်လီၤဆီမးတဖၣ်န့ၣ်ဘၣ်.

၂ ကရံၣ်သူး 5:16

လၢတၢ်န့ၣ်အဃိ, ပတစံၣ်ညီၣ်လၢၤပှၤတဂၤဂၤလၢပှၤဟီၣ်ခိၣ်ဖိ အနီၣ်ထိၣ်ဘၣ်. တဘျီန့ၣ်ပမ့ၢ်စံၣ်ညီၣ်တ့ၢ်လံခရံာ်လၢပှၤဟီၣ်ခိၣ်ဖိ အနီၣ်ထိၣ်သနာ်က့, ပတမၤလၢၤပဝဲဒ်န့ၣ်ဘၣ်.

ကလၤတံ 1:18

သၢနံၣ်ဝံၤအလီၢ်ခံယလဲၤဆူဝ့ၢ်ယရူၤၡလ့ၣ်ဒ်သိးယကမၤန့ၢ်တၢ် ကစီၣ်လၢစီၤပ့းတရူးအအိၣ်ဒီးယအိၣ်ဒီးအီၤခံနွံလီၤ.

ကလၤတံ 2:14

ဖဲယထံၣ်ဘၣ်လၢအဝဲသ့ၣ်တလဲၤတၢ်လၢကျဲအဘျၢလၢအလီၤ ပလိာ်ဒီးတၢ်သးခုကစီၣ်အတၢ်မ့ၢ်တၢ်တီဘၣ်န့ၣ်, ယစံးဘၣ်စီၤပ့းတရူးလၢအဝဲသ့ၣ်ခဲလၢာ်အမဲာ်ညါ, “နမ့ၢ်ပှၤယူဒၤဖိတဂၤဘၣ်ဆၣ်နအိၣ်မူဒ်ပှၤကလုာ်ဂၤ တဂၤအသိးဒီးတမ့ၢ်ဒ်ပှၤယူဒၤဖိတဂၤအသိးန့ၣ်ဘၣ် လီၤ. မ့မ့ၢ်ဒ်န့ၣ်ဒီးနဂုာ်ကျဲးစၢးမၢဆူၣ်ပှၤကလုာ်ဂၤတဖၣ်လၢ ကအိၣ်မူလီၤဂာ်ဒီးပှၤယူဒၤဖိတဖၣ်ကသ့ဝဲလၢကျဲဒ်လဲၣ်.”

ကလၤတံ 2:5

ဘၣ်ဆၣ်ဒီး, ဒ်သိးတၢ်မ့ၢ်တၢ်တီဘၣ်ဃးတၢ်သးခုကစီၣ်ကအိၣ် ကဆိးဒီးသုအဂီၢ်န့ၣ်, ပတအၢၣ်လီၤပိာ်ထွဲအဝဲသ့ၣ်ထဲတစိၢ်ဖိဒၣ် လဲာ်ဘၣ်လီၤ.

ကလၤတံ 2:7

မ့မ့ၢ် အဝဲသ့ၣ်ထံၣ်ဘၣ်ဝဲလၢကစၢ်ယွၤဟ့ၣ်တ့ၢ်ယၤတၢ်မၤလၢ အမ့ၢ်တၢ်စံၣ်တဲၤတဲလီၤတၢ်သးခုကစီၣ်ဆူပှၤကလုာ်ဂၤတဖၣ် အအိၣ်, ဒ်အဝဲဟ့ၣ်တ့ၢ်စီၤပ့းတရူးတၢ်မၤဘၣ်ဃးဒီးတၢ်စံၣ် တဲၤတဲလီၤတၢ်သးခုကစီၣ်ဆူပှၤယူဒၤဖိတဖၣ်အအိၣ်အသိး န့ၣ်လီၤ.

ကလၤတံ 2:9

စီၤယၤကိာ်, စီၤပ့းတရူးဒီးစီၤယိၤဟၣ်, လၢအမ့ၢ်ပှၤခိၣ်ပှၤနၢ်တဖၣ်ထံၣ်သ့ၣ်ညါဝဲလၢကစၢ်ယွၤ ဟ့ၣ်တ့ၢ်ယၤတၢ်မၤလီၤဆီအဝဲအံၤန့ၣ်လီၤ. လၢတၢ်န့ၣ် အဃိအဝဲသ့ၣ်ဟံးစုကွၢ်မဲာ်စီၤဘၢ်နါဘၤဒီးယၤဒ်အမ့ၢ် တၢ်ပနီၣ်လၢပဝဲသ့ၣ်ခဲလၢာ်ပမ့ၢ်ပှၤမၤသကိးတၢ်တဖၣ် န့ၣ်လီၤ. ပအၢၣ်လီၤသကိးလၢစီၤဘၢ်နါဘၤဒီးယၤ ပကမၤတၢ်လၢပှၤကလုာ်ဂၤတဖၣ်အကျါဒီးအဝဲသ့ၣ်တခီလၢ ပှၤယူဒၤဖိတဖၣ်အကျါလီၤ.

၁ တံၤမသ့း 5:20

ပှၤလၢအမၤတၢ်ဒဲးဘးခဲလၢာ်န့ၣ်, သိၣ်ဃီၣ်အီၤလၢကမျၢၢ်အမဲာ်ညါ, ဒ်သိးပှၤဂၤတဖၣ်ကအိၣ်ဒီးတၢ်ပျံၤတၢ်ဖုးအဂီၢ်န့ၣ် တက့ၢ်.

ယၤကိာ် 3:2

ပဝဲခဲလၢာ်ပမၤကမၣ်တၢ်တလီၢ်လီၢ်လီၤ. ဘၣ်ဆၣ်ဒီး, ပှၤတဂၤမ့ၢ်တမၤကမၣ်တၢ်ခီဖျိအတၢ်ကလုၢ်ကတိၤအပူၤနီ တဘျီဘၣ်ဒီး, အဝဲဒၣ်မ့ၢ်ပှၤအလၢအပှဲၤတဂၤဒီးသ့ပၢၤစ့ၢ်ကီး အနီၢ်ဒီဂၤညါန့ၣ်လီၤ.

ယူဒၤ 1:3

ယတံၤသကိးသးဘိသ့ၣ်ဧၢ, ဖဲယကျဲးစၢးအဂ့ၤကတၢၢ်ဒ်သိးယကကွဲးတၢ်ဆူသုအိၣ် ဘၣ်ဃးဒီးတၢ်အုၣ်က့ၤခီၣ်က့ၤလၢအမ့ၢ်ပဝဲခဲလၢာ်အတၢ် အခါန့ၣ်, ယထံၣ်လၢအလီၢ်အိၣ်ဝဲတဘျီဃီလၢယကကွဲး ဟ့ၣ်ဆူၣ်ထီၣ်သုဂံၢ်သုဘါ, ဒ်သိးသုကဒုးတၢ်လၢတၢ်စူၢ်တၢ်နာ်လၢတဘျီကစၢ်ယွၤ ဟ့ၣ်လီၤတ့ၢ်ဝဲအပှၤဂီၢ်မုၢ်ခဲလၢာ်အဂီၢ်န့ၣ်လီၤ.