ကလၤတံ 1:9 - Sgaw Karen Common Bible

⁹ ပစံးတ့ၢ်လံလၢအပူၤကွံာ်, ဒီးခဲအံၤယစံးကဒီးလီၤ. ပှၤတဂၤဂၤန့ၣ်မ့ၢ်စံၣ်တဲၤတဲလီၤန့ၢ်သုတၢ်သးခုကစီၣ် တခါလၢအလီၤဆီဒီးတၢ်သးခုကစီၣ်လၢသုတူၢ်လိာ်လံ အီၤန့ၣ်, မ်အဘၣ်တၢ်ဆိၣ်အၢတက့ၢ်.

ကလၤတံ 1:9 Iomraidhean Croise

တၢ်ကတိၤဒိ. 30:6

တၢ်တမံၤလၢအတစံးဝဲနီတဘျီဘၣ်န့ၣ်, နမ့ၢ်တဲလၢအစံးဝဲဒီး, အဝဲကသိၣ်ဃီၣ်နၤဒီးဒုးနဲၣ်ဝဲလၢနမ့ၢ်ပှၤလီတၢ်ဖိတဂၤန့ၣ် လီၤ.”

လံာ်ယံးရမံယၤ 23:16

ယွၤသ့တၢ်လၢာ်စံးဘၣ်ဝ့ၢ်ယရူၤၡလ့ၣ်အပှၤဂီၢ်မုၢ်, “ဒိကနၣ်တၢ်လၢဝံတဖၣ်စံးကတိၤဝဲန့ၣ်တဂ့ၤ. အဝဲသ့ၣ်မၤပှဲၤသုဒီးတၢ်မုၢ်လၢ်လၢအတတီဘၣ်တဖၣ်န့ၣ်လီၤ. အဝဲသ့ၣ်တဲဘၣ်သုတၢ်လၢအဆိကမိၣ်ထီၣ်ဒၣ်ဝဲ, ဒီးတမ့ၢ်ဘၣ်တၢ်လၢယစံးတ့ၢ်တဖၣ်န့ၣ်ဘၣ်.

မၤတၢ် 18:23

အဝဲဒၣ်အိၣ်ဖဲန့ၣ်တစိၢ်တလီၢ်ဝံၤဟးထီၣ်ဝဲဒၣ်လီၤ. အဝဲလဲၤခီဂာ်တၢ်လီၢ်တၢ်ကျဲဖဲကီၢ်ကလၤတံဒီးကီၢ်ဖြူၤ ကံ, ဒီးဟ့ၣ်ဆူၣ်ထီၣ်အပျဲၢ်အဘီၣ်ဖဲန့ၣ်တဖၣ်အဂံၢ်အဘါလီၤ.

ရိမ့ၤ 16:17

ယဒီပုၢ်ဝဲၢ်သ့ၣ်ဧၢ, ယသဆၣ်ထီၣ်သုခံ, ပလီၢ်သုသးလၢပှၤလၢအဒုးအိၣ်ထီၣ်တၢ်လီၤမုၢ် လီၤဖးဒီးမၤကဒံကဒါပှၤအတၢ်စူၢ်တၢ်နာ်, ပှၤလၢအထီဒါ တၢ်သိၣ်လိလၢသုဒိးန့ၢ်တ့ၢ်လံတဖၣ်န့ၣ်တက့ၢ်. ဟးဆှဲးပှၤတဖၣ်န့ၣ်တက့ၢ်.

ရိမ့ၤ 9:3

လၢအဝဲသ့ၣ်အဃိ, ယဆၢယဲဒၣ်လၢယကအိၣ်လၢကစၢ်ယွၤ အတၢ်ဆိၣ်အၢအဖီလာ်ဒီးအိၣ်လီၤဖးဒီးခရံာ်န့ၣ်လီၤ.

၂ ကရံၣ်သူး 1:17

လၢယတၢ်ကူၣ်ထီၣ်ဖးလီၤတမံၤအံၤအပူၤန့ၣ်, မ့ၢ်ယအိၣ်ဖျါဒ်ပှၤလၢအသးကဒံကဒါတဂၤဧါ. ဖဲယကူၣ်ထီၣ် ဖးလီၤတၢ်တဖၣ်န့ၣ်, မ့ၢ်ယမၤအီၤအိၣ်ဒီးတၢ်အဲၣ်လီၤသးအတၢ်ပာ်သူၣ်ပာ်သးအိၣ် ဒီးတၢ်သးအိၣ်အၢၣ်လီၤညီတၢ်, ဒီးဂ့ၢ်လိာ်ညီတၢ်လၢတဘျီဃီ အတီၢ်ပူၤန့ၣ်ဧါ.

လံာ်သိၣ်လီၤသီလီၤတၢ် 12:32

ကယဲၢ်တၢ်လၢယမၤလိာ်တ့ၢ်သုခဲလၢာ်န့ၣ်မၤအီၤတက့ၢ်. ဒီးမၤအါထီၣ်အီၤနီတမံၤတဂ့ၤ. ဒီးထုးကွံာ်တၢ်လၢအီၤနီတမံၤတဂ့ၤ.

လံာ်သိၣ်လီၤသီလီၤတၢ် 4:2

မၤအါထီၣ်တၢ်လၢယမၤလိာ်တ့ၢ်သုနီတမံၤတဂ့ၤ. ဒီးထုးကွံာ်တၢ်နီတမံၤတဂ့ၤ. စူၢ်ယွၤ, သုကစၢ်ယွၤအတၢ်မၤ လိာ်တဖၣ်လၢယဟ့ၣ်လီၤသုန့ၣ်တက့ၢ်.

ဖံလံးပံၤ 3:1

လၢခံကတၢၢ်န့ၣ်, ယဒီပုၢ်ဝဲၢ်သ့ၣ်ဧၢ, သူၣ်ခုသးခုလၢသုတၢ်မ့ၢ်တၢ်တမံၤဃီဒီးကစၢ်ခရံာ်အဃိ န့ၣ်တက့ၢ်. ယကတဲကဒီး တၢ်လၢယကွဲးတ့ၢ်လံလၢညါန့ၣ်တမ့ၢ်တၢ်တံာ်တာ်လၢ ယဂီၢ်ဘၣ်, ဒီးယမ့ၢ်မၤဒ်န့ၣ်မးဒီးတၢ်လီၤဘၣ်ယိၣ်လၢသုဂီၢ် ကစှၤလီၤဝဲလီၤ.

ဖံလံးပံၤ 4:4

မ်သုသးခုလၢကစၢ်အပူၤထီဘိတက့ၢ်. ယစံးကဒီးသးခုတက့ၢ်.