ကလၤတံ 1:6 - Sgaw Karen Common Bible

⁶ ယကမၢကမၣ်လၢသုဃိလီၤ. လၢတစိၢ်ဖိအတီၢ်ပူၤသုညိကွံာ် ကစၢ်ယွၤလၢအကိးတ့ၢ်သုခီဖျိခရံာ်အဘျုးအဖှိၣ်, ဒီးတူၢ်လိာ်တၢ်သးခုကစီၣ်အဂၤတခါအဃိန့ၣ်လီၤ.

ကလၤတံ 1:6 Iomraidhean Croise

စံးထီၣ်ပတြၢၤ 106:13

ဘၣ်ဆၣ်အဝဲသ့ၣ်သးပ့ၤနီၣ်အဝဲ အတၢ်မၤတဖၣ်ချ့သဒံး ဒီးမၤတၢ်တအိၣ်ဒီးတၢ်ခိး အဝဲတၢ်ဟ့ၣ်ကူၣ်ဟ့ၣ်ဖးဘၣ်န့ၣ်လီၤ.

လံာ်ယၡါယၤ 29:13

ဒီးယွၤစံးဝဲဒၣ်, “မ့ၢ်ပှၤဂီၢ်မုၢ်အံၤသုးဘူးအသးဆူ ယအိၣ်လၢအထးခိၣ်ဒီးမၤလၤကပီၤယၤလၢအပျူၤ ဘၣ်ဆၣ်ဒီးပာ်အသးယံၤဒီးယၤလီၤ. အတၢ် ဘူၣ်တၢ်ဘါန့ၣ်မ့ၢ်ဒၣ်ပှၤကညီအတၢ်သိၣ်တၢ်ဘျၢ တဖၣ်ဒီးတၢ်ဟဲလီၤစၢၤတဖၣ်ဧိၤ, လၢအဝဲသ့ၣ်တိၢ်ရူးဝဲန့ၣ်လီၤ.

လံာ်မၢ်ကူး 6:6

ဒီးကမၢကမၣ်ဝဲဒိၣ်မးလၢပှၤသ့ၣ်တဖၣ်အတၢ်နာ်အီၤတအိၣ်ဘၣ်အဃိ လီၤ. ယ့ၣ်ၡူးဟးဝ့ၤဝီၤလၢသဝီအိၣ်ဘူးအိၣ်တံၢ်တဖၣ်အပူၤဒီးသိၣ် လီၤသီလီၤတၢ်လီၤ.

လံာ်ယိၤဟၣ် 9:30

ပှၤအမဲာ်ထံၣ်ထီၣ်က့ၤတၢ်တဂၤန့ၣ်စံးဆၢတၢ်ဒီးစံးဝဲ, “တၢ်တမံၤအံၤမ့ၢ်တၢ်လီၤကမၢကမၣ်ဒိၣ်မးလီၤ. ပှၤတဂၤအံၤဟဲလၢလဲၣ်န့ၣ်သုတသ့ၣ်ညါဘၣ်. ဘၣ်ဆၣ်အဝဲမၤဘျါက့ၤယၤလၢယတၢ်မဲာ်ဘျီၣ်န့ၣ်လီၤ.

မၤတၢ် 15:11

တမ့ၢ်ဒ်န့ၣ်ဘၣ်. ပစူၢ်က့ၤနာ်က့ၤတၢ်ဒီးပဘၣ်တၢ်အုၣ်က့ၤခီၣ်က့ၤပှၤ ခီဖျိကစၢ်ယ့ၣ်ၡူးအဘျုးအဖှိၣ်လီၤ. အဝဲသ့ၣ်စ့ၢ်ကီးစူၢ်က့ၤနာ်က့ၤတၢ်ဒီးဘၣ်တၢ်အုၣ်က့ၤခီၣ်က့ၤအီၤ န့ၣ်လီၤ.

ရိမ့ၤ 10:3

အဝဲသ့ၣ်တသ့ၣ်ညါကစၢ်ယွၤအတၢ်ပာ်တီပာ်လိၤပှၤ အကျဲဘၣ်ဒီးကျဲးစၢးဒုးအိၣ်ထီၣ်အကျဲဒၣ်ဝဲ, သတးဒီးအဝဲသ့ၣ်တဟ့ၣ်လီၤအသးဆူကစၢ်ယွၤအကျဲလၢ အပာ်တီပာ်လိၤတၢ်အပူၤန့ၣ်ဘၣ်.

ရိမ့ၤ 5:2

အဝဲဆှၢပှၤ, ခီဖျိတၢ်နာ်, ဆူတၢ်လဲၤခီဖျိကလၢၢ်ဘၣ်ကစၢ် ယွၤအဘျုးအဖှိၣ်လၢပအိၣ်မူလၢအပူၤခဲအံၤန့ၣ်လီၤ. သတးဒီး ပသးခုဒီးပာ်ကဖၢလၢပသးလၢပအိၣ်ဒီးတၢ်မုၢ်လၢ်လၢ ပကဒိးန့ၢ်ဃုာ်ကစၢ်ယွၤအလၤကပီၤအဃိန့ၣ်လီၤ.

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

ရိမ့ၤ 8:30

ဒီးလၢတၢ်န့ၣ်အဃိ ကစၢ်ယွၤကိးထီၣ်ပှၤလၢအပာ်လီၤ ဆီတ့ၢ်လံဝဲတဖၣ်, ဒီးပှၤတဖၣ်လၢအကိးထီၣ်ဝဲန့ၣ်အဝဲဒၣ် ပာ်တီပာ်လိၤဝဲဒီးအီၤ, ဒီးပှၤတဖၣ်လၢအပာ်တီပာ်လိၤ ဝဲန့ၣ်ဟ့ၣ်နီၤလီၤဝဲလၢအလၤအကပီၤစ့ၢ်ကီးန့ၣ်လီၤ.

1 ကရံၣ်သူး 4:15

အဂ့ၢ်ဒ်အံၤ, လၢသုတၢ်အိၣ်မူဒ်ခရံာ်ဖိအသိးအပူၤန့ၣ်, သုမ့ၢ်အိၣ်ဒီးပှၤသိၣ်သီပၢဆှၢသုအဂၤတကလးသနာ်က့သုပၢ် အိၣ်ဒၣ်ထဲတဂၤဧိၤလီၤ. အဂ့ၢ်ဒ်အံၤ, လၢသုတၢ်အိၣ်မူပာ်ဖှိၣ်ဃုာ်သုသးဒီးယ့ၣ်ၡူးခရံာ်အပူၤန့ၣ် ယကဲထီၣ်တ့ၢ်ယဲလၢသုပၢ်, ခီဖျိယဟဲစိာ်တၢ်သးခုကစီၣ်ဆူသုအိၣ် န့ၣ်လီၤ.

၂ ကရံၣ်သူး 11:4

အဂ့ၢ်ဒ်အံၤ, သုတူၢ်လိာ်ပှၤတဂၤလၢ်လၢ်လၢအဟဲဆူသုအိၣ် ဒီးစံၣ်တဲၤတဲလီၤယ့ၣ်ၡူးအဂၤတဂၤ, တမ့ၢ်တဂၤဃီလၢပစံၣ်တဲၤတဲလီၤလၢအဂ့ၢ်ဘၣ်. ဒီးသုတူၢ်လိာ်သးလၢအလီၤဆီဝဲဒၣ်လၢာ်လၢာ်ဆ့ဆ့ ဒီးသးလၢသုဒိးန့ၢ်လၢပအိၣ်, ဒီးတၢ်သးခုကစီၣ်လၢအလီၤဆီဝဲလၢာ်လၢာ်ဆ့ဆ့ဒီးတၢ် သးခုကစီၣ်လၢသုဒိးန့ၢ်သုဝဲလၢပအိၣ်န့ၣ်လီၤ.

၂ ကရံၣ်သူး 2:17

ပတလီၤဂာ်ပဝဲဒီးပှၤအဂၤအါဒံအါဂၤလၢအဟံးဃာ် ကစၢ်ယွၤအတၢ်ကစီၣ်, လီၤဂာ်မးဒ်အမ့ၢ်တၢ်ပနံာ်တၢ်ကၤလၢအပှ့ၤဘၣ်တကလုာ် အသိးန့ၣ်ဘၣ်. မ့မ့ၢ်, ကစၢ်ယွၤဆှၢလီၤပှၤအဃိပစံးကတိၤ တၢ်လၢအဝဲဒၣ်အမဲာ်ညါအိၣ်ဒီးတၢ်ပာ်ပသးသပှၢ်ပှၢ်ဒ်ခရံာ် အခ့အပှၤတဖၣ်အသိးန့ၣ်လီၤ.

ကလၤတံ 1:11

ယဒီပုၢ်ဝဲၢ်သ့ၣ်ဧၢ, ပျဲယစံးဘၣ်တဲဘၣ်သုတက့ၢ်. တၢ်သးခုကစီၣ်လၢယစံၣ်တဲၤတဲလီၤအံၤန့ၣ်တမ့ၢ် တၢ်ဒုးအိၣ်ထီၣ်အီၤလၢပှၤကညီဘၣ်.

ကလၤတံ 1:15

ဘၣ်ဆၣ်ဒီး, လၢအဘျုးအဖှိၣ်အပူၤကစၢ်ယွၤဃုထၢပာ်လီၤ ဆီယၤတချုးလၢယအိၣ်ဖျဲၣ်ထီၣ်ဒံးဒၣ်လဲာ်, ဒီးကိးယၤဒ်သိးယကမၤအတၢ်န့ၣ်လီၤ. ဒီးဖဲအဝဲဒၣ်ပာ်လီၤအသး

ကလၤတံ 1:7

နီၢ်နီၢ်န့ၣ် “တၢ်သးခုကစီၣ်အဂၤ” တအိၣ်နီတခါဘၣ်. မ့မ့ၢ်ယစံးတၢ်အံၤန့ၣ်, မ့ၢ်လၢပှၤအိၣ်ဝဲဒၣ်တနီၤလၢအမၤကဒံကဒါသုသးဒီးဂုာ်ကျဲး စၢးလဲလိာ်တၢ်သးခုကစီၣ်ဘၣ်ဃးခရံာ်အဃိန့ၣ်လီၤ.

ကလၤတံ 2:14

ဖဲယထံၣ်ဘၣ်လၢအဝဲသ့ၣ်တလဲၤတၢ်လၢကျဲအဘျၢလၢအလီၤ ပလိာ်ဒီးတၢ်သးခုကစီၣ်အတၢ်မ့ၢ်တၢ်တီဘၣ်န့ၣ်, ယစံးဘၣ်စီၤပ့းတရူးလၢအဝဲသ့ၣ်ခဲလၢာ်အမဲာ်ညါ, “နမ့ၢ်ပှၤယူဒၤဖိတဂၤဘၣ်ဆၣ်နအိၣ်မူဒ်ပှၤကလုာ်ဂၤ တဂၤအသိးဒီးတမ့ၢ်ဒ်ပှၤယူဒၤဖိတဂၤအသိးန့ၣ်ဘၣ် လီၤ. မ့မ့ၢ်ဒ်န့ၣ်ဒီးနဂုာ်ကျဲးစၢးမၢဆူၣ်ပှၤကလုာ်ဂၤတဖၣ်လၢ ကအိၣ်မူလီၤဂာ်ဒီးပှၤယူဒၤဖိတဖၣ်ကသ့ဝဲလၢကျဲဒ်လဲၣ်.”

ကလၤတံ 2:2

ယလဲၤဖဲန့ၣ်န့ၣ်, မ့ၢ်လၢကစၢ်ယွၤလီၣ်ဖျါထီၣ်န့ၢ်ယၤလၢယကြၢးလဲၤယဲ အဃိလီၤ. ပထံၣ်လိာ်ပသးကစုဒုဒီးပှၤခိၣ်ပှၤနၢ်တဖၣ်ဒီးယတဲဖျါ ဘၣ်ဃးတၢ်သးခုကစီၣ်လၢယစံၣ်တဲၤတဲလီၤယဲလၢပှၤ ကလုာ်ဂၤတဖၣ်အသိးအကျါလီၤ. ယတသးအိၣ်လၢယတၢ်ဖံးတၢ်မၤလၢအပူၤကွံာ်မ့ၢ်ဂ့ၤ, အခဲအံၤမ့ၢ်ဂ့ၤကကဲထီၣ်တၢ်ကလီကလီန့ၣ်ဘၣ်.

ကလၤတံ 2:5

ဘၣ်ဆၣ်ဒီး, ဒ်သိးတၢ်မ့ၢ်တၢ်တီဘၣ်ဃးတၢ်သးခုကစီၣ်ကအိၣ် ကဆိးဒီးသုအဂီၢ်န့ၣ်, ပတအၢၣ်လီၤပိာ်ထွဲအဝဲသ့ၣ်ထဲတစိၢ်ဖိဒၣ် လဲာ်ဘၣ်လီၤ.

ကလၤတံ 2:7

မ့မ့ၢ် အဝဲသ့ၣ်ထံၣ်ဘၣ်ဝဲလၢကစၢ်ယွၤဟ့ၣ်တ့ၢ်ယၤတၢ်မၤလၢ အမ့ၢ်တၢ်စံၣ်တဲၤတဲလီၤတၢ်သးခုကစီၣ်ဆူပှၤကလုာ်ဂၤတဖၣ် အအိၣ်, ဒ်အဝဲဟ့ၣ်တ့ၢ်စီၤပ့းတရူးတၢ်မၤဘၣ်ဃးဒီးတၢ်စံၣ် တဲၤတဲလီၤတၢ်သးခုကစီၣ်ဆူပှၤယူဒၤဖိတဖၣ်အအိၣ်အသိး န့ၣ်လီၤ.

ကလၤတံ 5:14

အဂ့ၢ်ဒ်အံၤ, တၢ်သိၣ်တၢ်သီခဲလၢာ်ဘၣ်တၢ်ပာ်ဖှိၣ်အီၤလၢ တၢ်မၤလိာ်တထံၣ်အပူၤ “အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိးတက့ၢ်” န့ၣ်လီၤ.

ကလၤတံ 5:4

သုဝဲသ့ၣ်တဖၣ်လၢအဂုာ်ကျဲးစၢးမၤလိၤမၤဘၣ်သုသးဒီး ကစၢ်ယွၤခီဖျိတၢ်စူၢ်တၢ်သိၣ်တၢ်သီန့ၣ်, သုထုးဖးကွံာ်သုသးလၢာ်လၢာ်ဆ့ဆ့ဒီးခရံာ်လီၤ. သုလီၤတဲာ်ကွံာ်လၢကစၢ်ယွၤအဘျုးအဖှိၣ်အပူၤ,

၂ သ့းစၤလနံ 2:14

လၢတၢ်တမံၤအံၤအဂီၢ်ကစၢ်ယွၤကိးဃီၤသုခီဖျိတၢ်သးခု ကစီၣ်လၢပစံၣ်တဲၤတဲလီၤန့ၢ်သုန့ၣ်လီၤ. အဝဲဒၣ်ကိးဃီၤသုဒ်သိးသုကဒိးန့ၢ်ဃုာ်ပကစၢ်ယ့ၣ်ၡူးခရံာ် အလၤကပီၤအဂီၢ်န့ၣ်လီၤ.

၁ တံၤမသ့း 1:14

ဒီးပကစၢ်လူလီၤဂၢ်လီၤအဘျုးအဖှိၣ်အါအါကလဲာ်လၢယလိၤ, ဒီးဟ့ၣ်ယၤတၢ်စူၢ်တၢ်နာ်ဒီးတၢ်အဲၣ်တၢ်ကွံလၢအအိၣ်လၢ ယ့ၣ်ၡူးခရံာ်အပူၤန့ၣ်လီၤ.

၁ တံၤမသ့း 1:3

ယအဲၣ်ဒိးလၢနကအိၣ်လၢဝ့ၢ်အ့းဖ့းစူးအပူၤ, ဒ်ယမၢန့ၢ်ဆီၣ်ခံနၤဖဲယလဲၤဆူကီၢ်မၤက့းဒနံအခါအသိးန့ၣ် လီၤ. ပှၤအိၣ်ဖဲန့ၣ်တနီၤ သိၣ်လီၤသီလီၤတၢ်စူၢ်ကမၣ်နာ်ကမၣ် တဖၣ်, သတးဒီးနကဘၣ်ဟ့ၣ်လီၤနကလုၢ်လၢ အဝဲသ့ၣ်ကဆိကတီၢ်ကွံာ်ဝဲအဂီၢ်လီၤ.

၂ တံၤမသ့း 1:9

အဝဲဒၣ်အုၣ်က့ၤခီၣ်က့ၤပှၤဒီးကိးထီၣ်ပှၤဒ်သိးပကမ့ၢ် အတၢ်ဒၣ်ဝဲ, တမ့ၢ်လၢတၢ်ဖံးတၢ်မၤလၢပမၤတ့ၢ်လံတဖၣ် အဃိဘၣ်. မ့မ့ၢ်, မ့ၢ်လၢအတၢ်တိာ်ဒီးအဘျုးအဖှိၣ်ဒၣ်ဝဲ အဃိန့ၣ်လီၤ. အဝဲဒၣ်ဟ့ၣ်လီၤပှၤတၢ်ဘျုးတၢ်ဖှိၣ်အံၤခီဖျိ ယ့ၣ်ၡူးခရံာ်, တချုးလၢဟီၣ်ခိၣ်ဘၣ်တၢ်တ့လီၤအီၤဒံးဒၣ် လဲာ်န့ၣ်လီၤ.

၂ တံၤမသ့း 2:1

မ့မ့ၢ်နဲဒၣ်ယဖိခွါဧၢ, အိၣ်ဒီးနဂံၢ်ဆူၣ်ဘါဆူၣ်ခီဖျိတၢ်ဘျုး တၢ်ဖှိၣ်လၢအအိၣ်ဒီးပှၤလၢပတၢ်အိၣ်မူလၢယ့ၣ်ၡူးခရံာ် အပူၤန့ၣ်တက့ၢ်.

၁ ပ့းတရူး 1:15

မ့မ့ၢ်, ဒ်ကစၢ်ယွၤလၢအကိးန့ၢ်သုစီဝဲဆှံဝဲအသိးန့ၣ်, ကဲထီၣ်ပှၤစီဆှံလၢသုတၢ်မၤကိးမံၤဒဲးအပူၤန့ၣ်တက့ၢ်.

၂ ပ့းတရူး 1:3

ကစၢ်ယွၤအတၢ်စိကမီၤဟ့ၣ်လီၤပှၤတၢ်ခဲလၢာ်လၢပလိၣ် ဘၣ်အီၤ, ဒ်သိးပကအိၣ်မူတၢ်အဲၣ်ထူအဲၣ်ယွၤအတၢ်အိၣ် မူနီၢ်နီၢ်ခီဖျိပတၢ်သ့ၣ်ညါပှၤလၢအကိးန့ၢ်ပှၤ, ဒ်သိးကဒိးန့ၢ်ဃုာ်အလၤကပီၤဒီးအတၢ်ဂ့ၤတၢ်ဝါတဂၤ န့ၣ်လီၤ.

လံာ်လီၣ်ဖျါ 22:21

မ်ကစၢ်ယ့ၣ်ၡူးအဘျုးအဖှိၣ်အိၣ်ဒီးကစၢ်ယွၤအပှၤဂီၢ် မုၢ်ကိးဂၤဒဲးတက့ၢ်.