ကလၤတံ 1:24 - Sgaw Karen Common Bible

²⁴ မၤသးဒ်န့ၣ်ဒီး, အဝဲသ့ၣ်စံးထီၣ်ပတြၢၤယွၤလၢယဃိန့ၣ်လီၤ.

ကလၤတံ 1:24 Iomraidhean Croise

လံာ်တၢ်ဂံၢ် 23:23

တၢ်မၤကဒါမဲာ်အတၢ်သမူပယၢ်, ဒီးတၢ်ဝံတၢ်နါအတၢ်ဟိၣ်တၢ်ယိတအိၣ်ဘၣ်နီတမံၤလၢတၢ်သူအီၤ ထီဒါကီၢ်အံၣ်စရ့လးအပှၤကလုာ်ကသ့ဝဲန့ၣ်ဘၣ်. ခဲအံၤ, ပှၤဂီၢ်မုၢ်ကစံးကတိၤတၢ်လၢကီၢ်အံၣ်စရ့လးအဂ့ၢ်ဒီး စံး, ‘ကွၢ်တၢ်လၢကစၢ်ယွၤမၤတ့ၢ်ဝဲတက့ၢ်.’

လံာ်မၢ်ကူး 2:12

ဖဲပှၤကိးဂၤဒဲးကွၢ်အီၤအခါ, ပှၤတဂၤန့ၣ်ဂဲၤဆၢထၢၣ်ဟံးထီၣ်အလီၢ်မံဒါ ဒီးဟးထီၣ်ကွံာ်ဝဲလီၤ. ပှၤသ့ၣ်တဖၣ်လၢအထံၣ်တၢ်မၤအသးအဝဲအံၤကိးဂၤဒဲးန့ၣ်, ကမၢကမၣ်ဝဲဒိၣ်မးဒီးစံးထီၣ်ပတြၢၤကစၢ်ယွၤဒီးစံးဝဲ, “တၢ်မၤအသးဒ်သိးအံၤပတထံၣ်ဘၣ်ဒံးနီတစုနီတခီၣ်ဘၣ်.”

လံာ်လူၤကၣ် 15:10

ဒ်န့ၣ်အသိးယစံးဘၣ်တဲဘၣ်သု, ကစၢ်ယွၤအကလူးတဖၣ်သူၣ်ခု သးခုလၢပှၤတၢ်ဒဲးဘးဖိတဂၤလၢအပီၢ်ယၢ်လီၤက့ၤအသး အဃိန့ၣ်လီၤ.”

လံာ်လူၤကၣ် 15:32

ဘၣ်ဆၣ်, ပဂ့ၤအိၣ်ဒီးတၢ်အီၣ်တၢ်အီအမူးဒီးသူၣ်ခုသးခုလီၤ. အဂ့ၢ်ဒ်အံၤ, နပုၢ်သံတ့ၢ်ဝဲ, မ့မ့ၢ်ခဲကနံၣ်အံၤအဝဲဒၣ်မူဝဲလီၤ. အဝဲဒၣ်လီၤမၢ်တ့ၢ်, ဘၣ်ဆၣ်ဒီးခဲကနံၣ်အံၤဘၣ်တၢ်ထံၣ်န့ၢ်က့ၤလံအီၤလံ.’ ”

လံာ်လူၤကၣ် 2:14

“တၢ်လၤကပီၤမ်အဘၣ်ကစၢ်ယွၤလၢ တၢ်လီၢ်အထီကတၢၢ်, လၢမူခိၣ်န့ၣ်တက့ၢ်. ဒီးမ်တၢ်ဃူတၢ်ဖိးအိၣ်ထီၣ်လၢဟီၣ်ခိၣ်ချၢ လၢပှၤလၢအဝဲဒၣ်ဘၣ်အသးတဖၣ် အသိးအကျါတက့ၢ်.”

လံာ်လူၤကၣ် 7:16

ပှၤကိးဂၤဒဲးပှဲၤဒီးတၢ်ပျံၤတၢ်ဖုး, ဒီးစံးထီၣ်တြၢၤကစၢ်ယွၤဒီးစံးဝဲ, “ဝံဖးဒိၣ်တဂၤဟဲအိၣ်ဖျါထီၣ်လၢပသိးပကျါလံ. ဒီး, ကစၢ်ယွၤဟဲဝဲဒ်သိးအကအုၣ်က့ၤခီၣ်က့ၤအပှၤဂီၢ်မုၢ်လံ.”

မၤတၢ် 11:18

ဖဲအဝဲသ့ၣ်နၢ်ဟူဘၣ်တၢ်ဂ့ၢ်တမံၤအံၤန့ၣ်, အဝဲသ့ၣ်ဆိကတီၢ်ကွံာ်အတၢ်ကတိၤပာ်တၢ်ကမၣ်, ဒီးစံးထီၣ်ပတြၢၤယွၤဒီးစံးဝဲ, “မ့မ့ၢ်ဒ်န့ၣ်ဒီးကစၢ်ယွၤဟ့ၣ်စ့ၢ်ကီးလံပှၤကလုာ်ဂၤတဖၣ် တၢ်အခွဲးအယာ်လၢအကပီၢ်ယၢ်ဒီးဃၣ်လိၤက့ၤအသးဒီးကမူဝဲအဂီၢ် န့ၣ်လီၤ.”

၂ ကရံၣ်သူး 9:13

ဒီးလၢတၢ်အုၣ်အသးလၢသုတၢ်မၤတမံၤအံၤဟ့ၣ်ထီၣ်ဝဲအဃိ, ပှၤအါဒံအါဂၤကဟ့ၣ်တၢ်လၤကပီၤဆူကစၢ်ယွၤလၢသုတၢ်သး တီဒီးခရံာ်အတၢ်သးခုကစီၣ်လၢသုအၢၣ်လီၤပာ်ဖျါသုဝဲဖျါဖျါ အဃိဒီးလၢသုတၢ်နီၤဟ့ၣ်တၢ်ဆူအဝဲသ့ၣ်ဒီးဆူပှၤကိးဂၤဒဲး အအိၣ်အပူၤန့ၣ်, သုဟ့ၣ်တၢ်အါအါဂီၢ်ဂီၢ်လၢတၢ်သးအိၣ် အဃိန့ၣ်လီၤ.

၂ သ့းစၤလနံ 1:10

တၢ်သ့ၣ်တဖၣ်အံၤခဲလၢာ်ကမၤအသးဖဲနံၤအဝဲန့ၣ် ဖဲအဝဲဒၣ်ဟဲဝဲဒ်သိးအကဒိးန့ၢ်တၢ်လၤကပီၤလၢအပှၤ ဂီၢ်မုၢ်ခဲလၢာ်အအိၣ်, ဒီးတၢ်မၤလၤမၤကပီၤလၢပှၤလၢအစူၢ်က့ၤနာ်က့ၤအီၤခဲလၢာ် အအိၣ်န့ၣ်လီၤ. သုဝဲသ့ၣ်စ့ၢ်ကီးသုကအိၣ်လၢအဝဲသ့ၣ်အသိး အကျါအဂ့ၢ်မ့ၢ်လၢသုနာ်တၢ်ကစီၣ်လၢပစံးဘၣ်တဲဘၣ်သု အဃိန့ၣ်လီၤ.

၂ သ့းစၤလနံ 1:12

လၢကျဲဒ်အံၤအပူၤန့ၣ် ပကစၢ်ယ့ၣ်ၡူးအမံၤကဒိးန့ၢ်တၢ်လၤ ကပီၤလၢသုအိၣ်ဒီးသုကဒိးန့ၢ်တၢ်လၤကပီၤလၢအဝဲဒၣ် အအိၣ်, ခီဖျိပကစၢ်ယွၤဒီးကစၢ်ယ့ၣ်ၡူးခရံာ်အဘျုးအဖှိၣ်န့ၣ်လီၤ.