ကလၤတံ 1:16 - Sgaw Karen Common Bible

¹⁶ လၢအကလီၣ်ဖျါထီၣ်အဖိခွါလၢယၤ, ဒ်သိးယကစံၣ်တဲၤတဲလီၤ တၢ်သးခုကစီၣ်ဘၣ်ဃးဒီးအီၤဆူပှၤကလုာ်ဂၤတဖၣ်န့ၣ်, ယတဃ့ပှၤကညီအတၢ်ဟ့ၣ်ကူၣ်ဟ့ၣ်ဖးနီတဂၤဘၣ်.

ကလၤတံ 1:16 Iomraidhean Croise

လံာ်မးသဲ 16:17

ယ့ၣ်ၡူးစံးဆၢအီၤ, “စီၤယိၤနါအဖိခွါစီၤၡံမိၣ်ဧၢ, နဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, တၢ်သ့ၣ်ညါအံၤတဟဲလၢပှၤကညီအအိၣ်ဘၣ်. မ့မ့ၢ်, ဘၣ်တၢ်လီၣ်ဖျါထီၣ်န့ၢ်နၤလၢယပၢ်လၢအအိၣ်လၢမူခိၣ်န့ၣ်လီၤ.

လံာ်မးသဲ 26:41

ဆိးသီဒီးဃ့ဘါထုကဖၣ်ယွၤ, ဒ်သိးသုသုတလီၤဃံၤလၢတၢ်လ့ပစီအဃိတဂ့ၤန့ၣ်တက့ၢ်. သးအဂံၢ်အဘါမ့ၢ်ဆူၣ်သနာ်က့, နီၢ်ခိအဂံၢ်အဘါစၢ်ဝဲလီၤ.”

မၤတၢ် 22:21

ကစၢ်စံးဘၣ်ယၤ, ‘လဲၤတက့ၢ်. အဂ့ၢ်ဒ်အံၤ, ယကဆှၢလီၤနၤဆူတၢ်လီၢ်အယံၤဆူပှၤကလုာ်ဂၤတဖၣ် အအိၣ်န့ၣ်လီၤ.’ ”

မၤတၢ် 5:42

ဒီးကိးနံၤဒဲးလၢတၢ်လုၢ်ဟံၣ်ပူၤဒီးလၢဟံၣ်တဖၣ်အပူၤစ့ၢ်ကီးန့ၣ်, အဝဲသ့ၣ်သိၣ်လီၤသီလီၤဒီးစံၣ်တဲၤတဲလီၤဝဲလၢယ့ၣ်ၡူးမ့ၢ်ခရံာ်, ဒီးတဆိတ့ၢ်ဝဲနီတစုဘၣ်န့ၣ်လီၤ.

မၤတၢ် 9:15

ကစၢ်စံးဘၣ်အီၤ, “လဲၤဘၣ်တက့ၢ်. အဂ့ၢ်ဒ်အံၤယဃုထၢတ့ၢ်အီၤလၢယကမၢလီၤအီၤလၢအကစံး ဘၣ်တဲဘၣ်ပှၤကလုာ်ဂၤတဖၣ်ဒီးစီၤပၤတဖၣ်, ဒီးပှၤအံၣ်စရ့လးဖိတဖၣ်လၢယဂ့ၢ်အဂီၢ်လီၤ.

မၤတၢ် 9:20

အဝဲဒၣ်လဲၤဝဲတဘျီဃီဆူဘူၣ်ဘျီၣ်လၢအမ့ၢ်တၢ်ဘါလီၢ် တဖၣ်, ဒီးစံၣ်တဲၤတဲလီၤဝဲလၢယ့ၣ်ၡူးမ့ၢ်ကစၢ်ယွၤအဖိခွါန့ၣ် လီၤ.

ရိမ့ၤ 1:5

ခီဖျိအီၤန့ၣ်, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်ဒီးတၢ် ခွဲးတၢ်ယာ်လၢယကကဲထီၣ်ဘၣ်တၢ်မၢဖိတဂၤလၢခရံာ် အဂီၢ်, ဒ်သိးယကဆှၢက့ၤပှၤကလုာ်တဖၣ်ခဲလၢာ်ဆူ တၢ်စူၢ်က့ၤနာ်က့ၤအီၤအဂီၢ်န့ၣ်လီၤ.

ရိမ့ၤ 11:13

အခဲအံၤယကတိၤတၢ်ဒီးသုဝဲလၢ အမ့ၢ်ပှၤကလုာ်ဂၤတဖၣ်န့ၣ် လီၤ. ဒ်ယမ့ၢ်ဒံးပှၤတၢ်မၢဖိလၢပှၤကလုာ်ဂၤတဖၣ်အဂီၢ်အသိး, ယပာ်ကဖၢလၢယသးလၢယတၢ်မၤအပူၤလီၤ.

1 ကရံၣ်သူး 15:50

တၢ်လၢယအဲၣ်ဒိးစံးယဲန့ၣ်ယဒီပုၢ်ဝဲၢ်သ့ၣ်ဧၢ, တၢ်လၢအဘၣ်တၢ်တ့အီၤလၢတၢ်ညၣ်ဒီးတၢ်သွံၣ်တၢ်ထံန့ၣ်, ဒိးန့ၢ်ဃုာ်ယွၤအဘီအမုၢ်တသ့ဘၣ်. ဒီးတၢ်လၢအသံသ့န့ၣ်, န့ၢ်ဘၣ်တၢ်သံတသ့န့ၣ် တသ့ဘၣ်.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

၂ ကရံၣ်သူး 5:16

လၢတၢ်န့ၣ်အဃိ, ပတစံၣ်ညီၣ်လၢၤပှၤတဂၤဂၤလၢပှၤဟီၣ်ခိၣ်ဖိ အနီၣ်ထိၣ်ဘၣ်. တဘျီန့ၣ်ပမ့ၢ်စံၣ်ညီၣ်တ့ၢ်လံခရံာ်လၢပှၤဟီၣ်ခိၣ်ဖိ အနီၣ်ထိၣ်သနာ်က့, ပတမၤလၢၤပဝဲဒ်န့ၣ်ဘၣ်.

ကလၤတံ 2:1

ဖဲတဆံလွံၢ်နံၣ်လဲၤပူၤကွံာ်န့ၣ်, ယက့ၤကဒါက့ၤဆူဝ့ၢ်ယရူၤၡလ့ၣ်ဃုာ်ဒီးစီၤဘၢ်နါဘၤ, ဒီးယက့ၤကိးဃုာ်စီၤတံတူးလီၤ.

အ့းဖ့းစူး 3:1

လၢတၢ်ဂ့ၢ်အံၤအဃိ, ယၤစီၤပီလူး, ပှၤဃိာ်ဖိတဂၤလၢယ့ၣ်ၡူးခရံာ်အဃိဒီးလၢသုဝဲပှၤကလုာ် အဂၤတဖၣ်အဂီၢ်အံၤ, ယဃ့ဘါထုကဖၣ်ယွၤကစၢ်လၢသုဂီၢ်လီၤ.

အ့းဖ့းစူး 6:12

အဂ့ၢ်ဒ်အံၤ, ပတဒုးလိာ်ပသးဒီးပှၤကညီဘၣ်. မ့မ့ၢ်ပဒုးလိာ်ပသးဒီးသးအၢလၢအအိၣ်ဒီးအစိအကမီၤ လၢမူခိၣ်, ပှၤပၢထံပၢကီၢ်တဖၣ်, ပဒိၣ်ပပှၢ်တဖၣ်ဒီးဟီၣ်ခိၣ်အစိကမီၤလၢအဒုးအိၣ်ထီၣ်တၢ်ခံးတၢ် နၤတစိၤအံၤတဖၣ်န့ၣ်လီၤ.

လံာ်သိၣ်လီၤသီလီၤတၢ် 33:9

အဝဲသ့ၣ်ဒုးနဲၣ်အတၢ်သးတီဒိၣ်ထီၣ်ဒီးနၤဒိၣ်န့ၢ်ဒံးအတၢ်သးတီဒီးအမိၢ်အပၢ်တဖၣ်, အဒီပုၢ်ဝဲၢ်ခွါတဖၣ်ဒီးအဖိတဖၣ်မ့ၢ်ဂ့ၤန့ၣ်လီၤ. အဝဲသ့ၣ်စူၢ်တ့ၢ်နတၢ်မၤလိာ်တဖၣ်, ဒီးအိၣ်ဒီးတၢ်သူၣ်တီသးရၤဒီးနတၢ်အၢၣ်လီၤအီလီၤန့ၣ်လီၤ.

၁ သ့းစၤလနံ 2:16

အဝဲသ့ၣ်ဂုာ်ကျဲးစၢးတြီဒၣ်လဲာ်ပှၤဒ်သိးတၢ်ကစီၣ်လၢ အကဟဲစိာ်န့ၢ်တၢ်အုၣ်က့ၤခီၣ်က့ၤန့ၣ်, ပသုတစံၣ်တဲၤတဲလီၤန့ၢ်ပှၤကလုာ်ဂၤတဖၣ်တဂ့ၤန့ၣ်လီၤ. အဝဲအံၤမ့ၢ်တၢ်လၢအမၤလၢထီၣ်ပှဲၤထီၣ်တၢ်ဒဲးဘးခဲ လၢာ်လၢအဝဲသ့ၣ်မၤတ့ၢ်ဝဲထီဘိန့ၣ်လီၤ. ဒီးခဲကနံၣ်အံၤကစၢ်ယွၤအတၢ်သးထီၣ်တုၤအိၣ်အဝဲသ့ၣ် လံန့ၣ်လီၤ.

၁ တံၤမသ့း 2:7

ဒီးလၢတၢ်အံၤအဂီၢ်, ယဘၣ်တၢ်မၢလီၤယၤဒ်တၢ်မၢဖိတဂၤ အသိး, ဒီးသရၣ်လၢအကသိၣ်လိပှၤကလုာ်ဂၤတဖၣ်ဒီးဒ်သိး ယကတဲဖျါထီၣ်တၢ်စူၢ်တၢ်နာ်ဒီးတၢ်မ့ၢ်တၢ်တီအကစီၣ် အဂီၢ်န့ၣ်လီၤ. ယတကတိၤတၢ်ကဘျံးကဘျၣ်ဘၣ်. ယကတိၤတၢ်မ့ၢ်တၢ်တီလီၤ.

၂ တံၤမသ့း 1:11

ကစၢ်ယွၤဃုထၢထီၣ်တ့ၢ်လံယၤဒ်ပှၤတၢ်မၢဖိဒီးသရၣ်သိၣ် လိတၢ်လၢယကစံၣ်တဲၤတဲလီၤတၢ်သးခုကစီၣ်အဂီၢ်,

ဧ့ၤဘြံၤ 2:14

ဒ်အကိးဝဲအသိး, ဖိတဖၣ်အံၤမ့ၢ်ပှၤဘၣ်ဃးဒီးနီၢ်ခိနီၢ်ခီလၢဖံး လၢညၣ်သတးဒီးယ့ၣ်ၡူးအနီၢ်ကစၢ်ဒၣ်ဝဲဟံးန့ၢ်ပှၤဟီၣ်ခိၣ်ဖိ အက့ၢ်အဂီၤအန့ဆၢၣ်လီၤ. မၤဝဲဒ်အံၤမ့ၢ်ဒ်သိးဒီးခီဖျိအတၢ် သံန့ၣ်, ကမၤဟးဂီၤကွံာ်ပှၤလၢအအိၣ်ဒီးတၢ်စိတၢ်ကမီၤလၢ တၢ်သံအဖီခိၣ်တဂၤဒ်ပစံးတၢ်အသိးမုၣ်ကီၤလံၢ်,