ကလၤတံ 1:10 - Sgaw Karen Common Bible

¹⁰ တၢ်အဝဲအံၤ, မ့ၢ်အသီၣ်မၤအသးဒ်သိးယဂုာ်ကျဲးစၢးမၤန့ၢ် ပှၤကညီအတၢ်ဘၣ်သူၣ်ဘၣ်သးဧါ. တမ့ၢ်လ့ၤတက့ၤဘၣ်. တၢ်လၢယအဲၣ်ဒိးန့ၣ်, မ့ၢ်ကစၢ်ယွၤအတၢ်ဘၣ်သူၣ်ဘၣ်သး န့ၣ်လီၤ. မ့ၢ်ယဂုာ်ကျဲးစၢးဒိးန့ၢ်ပှၤကညီအတၢ်ဘၣ်သူၣ်ဘၣ် သးယၤဧါ. ယမ့ၢ်မၤဒံးဒၣ်ဒ်န့ၣ်ဒီး, ယတမ့ၢ်ခရံာ်အခ့အပှၤ တဂၤဘၣ်.

ကလၤတံ 1:10 Iomraidhean Croise

လံာ်မးသဲ 22:16

တၢ်န့ၣ်ဝံၤအလီၢ်ခံ, အဝဲသ့ၣ်ဆှၢလီၤအပျဲၢ်အဘီၣ်တနီၤ, ဃုာ်ဒီးပှၤအိၣ်လၢဟ့ၤရိာ်အကရၢပူၤတနီၤ, ဆူယ့ၣ်ၡူးအအိၣ်လီၤ. အဝဲသ့ၣ်စံးဘၣ်အီၤ, “သရၣ်ဧၢ, ပသ့ၣ်ညါလၢနမ့ၢ်ပှၤလၢအတဲတၢ်တီတီတဂၤဒီးသိၣ် လီၤသီလီၤတၢ်မ့ၢ်တၢ်တီဘၣ်ဃးကစၢ်ယွၤအတၢ်ဘၣ်အသး လၢပှၤကညီအဂီၢ်, ဒီးနတပျံၤဒီးကွၢ်မဲာ်ပှၤနီတဂၤဘၣ်. အဂ့ၢ်ဒ်အံၤ ပှၤကညီအလီၢ်အလၤန့ၣ်, နတပာ်ဒိၣ်လီၤဆီအီၤဘၣ်.

လံာ်မးသဲ 28:14

ဒီးပဒိၣ်ဖးဒိၣ်မ့ၢ်နၢ်ဟူဘၣ်တၢ်ဂ့ၢ်အံၤဒီး, ပကတဲနၢ်ပၢၢ်အီၤလၢသုတၢ်ကမၣ်တအိၣ်ဘၣ်လီၤ. ဒီးသုကိၢ်တၢ်အလီၢ်တအိၣ်နီတမံၤလၢၤဘၣ်.”

လံာ်မးသဲ 6:24

ပှၤမၤတၢ်အခ့အပှၤအတၢ်မၤလၢကစၢ်ခံဂၤအဂီၢ်တသ့နီတဂၤဘၣ်. ကအဲၣ်ဝဲတဂၤဒီးကသးဟ့ဝဲတဂၤလီၤ. ကတီဝဲဒီးကစၢ်တဂၤဒီးကကွၢ်တလီၤဝဲအတဂၤန့ၣ်လီၤ. သုမၤကစၢ်ယွၤအတၢ်မၤဒီးကျိၣ်စ့အတၢ်မၤခံမံၤလၢာ်တသ့ဘၣ်.

မၤတၢ် 12:20

စီၤဟ့ၤရိာ်အသးထီၣ်ဘၣ်ပှၤထါယၢၣ်ဖိဒီးပှၤစံဒိၣ်ဖိတဖၣ်အဒိၣ် အအါလီၤ. လၢတၢ်န့ၣ်အဃိအဝဲသ့ၣ်လဲၤတပူၤဃီဒ်သိးအကထံၣ်လိာ်အသး ဒီးစီၤဟ့ၤရိာ်အဂီၢ်လီၤ. အဆိကတၢၢ်အဝဲသ့ၣ်ထုးန့ၢ်စီၤဘျၤစတူးအသးဆူအအိၣ်လၢ အကမၤစၢၤအီၤအဂီၢ်, အဂ့ၢ်မ့ၢ်လၢအဝဲမ့ၢ်ပှၤကွၢ်ထွဲစီၤပၤအနူၢ်အစီၤ အဃိလီၤ. အန့ၣ်ဝံၤအလီၢ်ခံအဝဲသ့ၣ်လဲၤဆူစီၤပၤဟ့ၤရိာ်အအိၣ်ဒီး ဃ့တၢ်ဃူတၢ်ဖိးလၢအီၤ, အဂ့ၢ်မ့ၢ်လၢအဝဲသ့ၣ်အထံအကီၢ်ဒိးန့ၢ်ဘၣ်အတၢ်အီၣ်တၢ်အီလၢ စီၤပၤအထံအကီၢ်အအိၣ်အဃိန့ၣ်လီၤ.

မၤတၢ် 5:29

စီၤပ့းတရူးဒီးပှၤတၢ်မၢဖိအဂၤတဖၣ်စံးဆၢဝဲ, “ပဘၣ်စူၢ်ကစၢ်ယွၤအါန့ၢ်ပစူၢ်ပှၤကညီတက့ၢ်လီၤ.

ရိမ့ၤ 1:1

လၢစီၤပီလူး, ယ့ၣ်ၡူးခရံာ်အခ့အပှၤဒီးတၢ်မၢဖိတဂၤ လၢအဘၣ်တၢ်ဃုထၢဒီးကိးထီၣ်အီၤလၢကစၢ်ယွၤဒ်သိး ကစံၣ်တဲၤတဲလီၤတၢ်သးခုကစီၣ်အဂီၢ်အအိၣ်န့ၣ်လီၤ.

ရိမ့ၤ 2:29

မ့မ့ၢ်, ပှၤယူဒၤဖိနီၢ်နီၢ်မ့ၢ်ပှၤတဂၤလၢအမ့ၢ်ပှၤယူဒၤဖိလၢသူၣ်ကံၢ်သးလဲ, အခီပညီ, မ့ၢ်ပှၤတဂၤလၢအဒိးတၢ်ကူးတရံးအီၤလၢသူၣ်လၢသးဒီးအအံၤ မ့ၢ်ကစၢ်ယွၤအသးစီဆှံအတၢ်မၤဒီး, တမ့ၢ်ဘၣ်တၢ်သိၣ်တၢ်သီလၢအဘၣ်တၢ်ကွဲးအီၤအတၢ်မၤန့ၣ်ဘၣ်. ပှၤဒ်သိးအံၤတဂၤဒိးန့ၢ်ဘၣ်တၢ်စံးထီၣ်ပတြၢၤအီၤလၢကစၢ်ယွၤ ဒီးတမ့ၢ်လၢပှၤကညီန့ၣ်ဘၣ်.

ရိမ့ၤ 2:8

ပှၤအဂၤတနီၤမ့ၢ်ပှၤလၢအအဲၣ်လီၤအသးဒီးတတူၢ်လိာ် တၢ်လၢအဘၣ်မ့ၢ်ဒ်သိးအကလူၤပိာ်ထွဲတၢ်လၢအကမၣ် န့ၣ်လီၤ. ယွၤကလူလီၤအတၢ်သးဒိၣ်ဒီးအတၢ်သးကဲၤထီၣ်လၢ အဝဲသ့ၣ်အလိၤန့ၣ်လီၤ.

1 ကရံၣ်သူး 10:33

မ့မ့ၢ်, မၤဒၣ်သုဝဲဒ်ယမၤအသိးတက့ၢ်. လၢတၢ်ဖံးတၢ်မၤတမံၤလၢ်လၢ်လၢယမၤအီၤအပူၤန့ၣ်, ယဂုာ်ကျဲးစၢးမၤဘၣ်ပှၤကိးဂၤဒဲးအသးဒီးယတဃုဒၣ်ယဘျုးဒၣ် ယဲဘၣ်. မ့မ့ၢ်လၢပှၤခဲလၢာ်အဘျုးအဂီၢ်ဒ်သိးအဝဲသ့ၣ်ကတုၤ လၢတၢ်အုၣ်က့ၤခီၣ်က့ၤအဂီၢ်န့ၣ်လီၤ.

၂ ကရံၣ်သူး 12:19

ဘၣ်တဘၣ်သုဆိကမိၣ်သုဝဲလၢဒီဆၢဒီကတီၢ်ညါန့ၣ်, ပဂုာ်ကျဲးစၢးကတိၤဒီဒၣ်လီၤက့ၤပသးလၢသုမဲာ်ညါလီၤ. တမ့ၢ်ဘၣ်. ပစံးကတိၤတၢ်ဒ်ခရံာ်အဲၣ်ဒိးပကတိၤပဝဲအသိး, လၢကစၢ်ယွၤ အမဲာ်ညါ, ဒီးတၢ်တမံၤလၢ်လၢ်လၢပမၤအီၤန့ၣ်, တံၤသကိးသးဘိသ့ၣ်ဧၢ, မ့ၢ်ဒ်သိးအကမၤစၢၤသုလီၤ.

အ့းဖ့းစူး 6:6

တမ့ၢ်ဘၣ်ဒ်ပှၤလၢအမၤတၢ်လၢပှၤကညီကထံၣ်, ဒီးဘၣ်သူၣ်ဘၣ်သးအီၤအဂီၢ်အသိးန့ၣ်ဘၣ်. မ့မ့ၢ်လၢသုသးဒီဖျၢၣ်ညါန့ၣ်မၤတၢ်ဘၣ်ကစၢ်ယွၤအသးဒ်ခရံာ် အကုၢ်တဖၣ်အသိးန့ၣ်တက့ၢ်.

ဖံလံးပံၤ 1:1

လၢ, စီၤပီလူးဒီးစီၤတံၤမသ့း, ယ့ၣ်ၡူးခရံာ်အခ့အပှၤတဖၣ် ဆူ, ကစၢ်ယွၤအပှၤဂီၢ်မုၢ် ဖဲဝ့ၢ်ဖံလံးပံၤခဲလၢာ်လၢအမ့ၢ် တၢ်တမံၤဃီဒီးယ့ၣ်ၡူးခရံာ်, ဃုာ်ဒီးတၢ်အိၣ်ဖှိၣ်အခိၣ်အနၢ်ဒီး ပှၤလၢအမၤစၢၤတၢ်တဖၣ်အအိၣ်,

ကလီးစဲ 3:22

ကုၢ်သ့ၣ်ဧၢ, စူၢ်သုကစၢ်တဖၣ်လၢတၢ်ခဲလၢာ်အပူၤ, တမ့ၢ်ဘၣ်ထဲလၢအဝဲသ့ၣ်အမဲာ်ညါလၢအကထံၣ်ဝဲဒီးဘၣ် သူၣ်ဘၣ်သးဝဲအဂီၢ်န့ၣ်ဧိၤဘၣ်. မ့မ့ၢ်မၤသုဝဲလၢတၢ်သူၣ်တီသးရၤဒီးတၢ်ယူးယီၣ်ကစၢ် အပူၤတက့ၢ်.

၁ သ့းစၤလနံ 2:4

မ့မ့ၢ်ထီဘိန့ၣ်ပစံးကတိၤတၢ်လၢကစၢ်ယွၤသးအိၣ်လၢ ပကကတိၤန့ၣ်လီၤ. အဂ့ၢ်ဒ်အံၤ, အဝဲဒၣ်ပာ်ပှၤဒ်ပှၤလၢအကြၢးဝဲဘၣ်ဝဲလၢတၢ်ကဟ့ၣ်လီၤတၢ်သး ခုကစီၣ်ဆူအစုပူၤလီၤ. ပတဂုာ်ကျဲးစၢးမၤတၢ်ဘၣ်ပှၤကညီအသး ဘၣ်. မ့မ့ၢ်ပဂုာ်ကျဲးစၢးမၤကစၢ်ယွၤလၢအထံၣ်နုာ်တၢ်လၢပသူၣ်ကံၢ် သးလဲပူၤတဂၤအတၢ်ဘၣ်အသးလီၤ.

ယၤကိာ် 4:4

ပှၤလၢအသးတတီဒီးကစၢ်ယွၤသ့ၣ်ဧၢ, မ့ၢ်သုတသ့ၣ်ညါဘၣ်လၢတၢ်ကဲဟီၣ်ခိၣ်အတံၤသကိး န့ၣ်အခီပညီမ့ၢ်တၢ်ကဲကစၢ်ယွၤအဒုၣ်အဒါန့ၣ်ဘၣ်ဧါ. ပှၤတဂၤဂ့ၤတဂၤဂ့ၤလၢသးအိၣ်ကဲဟီၣ်ခိၣ်အတံၤ သကိးန့ၣ်, ဒုးကဲထီၣ်အသးလၢကစၢ်ယွၤအဒုၣ်အဒါ တဖၣ်န့ၣ်လီၤ.

၁ ယိၤဟၣ် 3:9

မတၤတဂၤဂ့ၤတဂၤဂ့ၤလၢအမ့ၢ်ကစၢ်ယွၤအဖိန့ၣ်, တမၤလၢၤ တၢ်ဒဲးဘးဘၣ်. မ့ၢ်လၢကစၢ်ယွၤအန့ဆၢၣ်အိၣ်လၢအပူၤ အဃိလီၤ. ဒီးမ့ၢ်လၢကစၢ်ယွၤမ့ၢ်အဝဲဒၣ်အပၢ်အဃိ, အဝဲဒၣ်မၤတၢ်ဒဲးဘးတသ့လၢၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 21:7

(စီၤစီလူးအပှၤကွၢ်ဂီၤဖံးတဖၣ်အခိၣ်စီၤဒိအ့းလၢအမ့ၢ်ပှၤကီၢ်အဒိၣ်ဖိ, လဲၤတုၤဖဲန့ၣ်သတူၢ်ကလာ်လၢအနံၤဝဲန့ၣ်လီၤ. အဂ့ၢ်ဒ်အံၤ, အဝဲကဘၣ်မၤပှဲၤတၢ်ဘူၣ်တၢ်ဘါအမူအဒါအိၣ်ဝဲတမံၤလီၤ.)