လံာ်စီၤဧ့စြၤ 9:12 - Sgaw Karen Common Bible

¹² အဝဲသ့ၣ်တဲဘၣ်ပှၤလၢပမ့ၢ်အဲၣ်ဒိးအိၣ်မုာ်ဆိးပၢၤလၢကီၢ်အံၤ အပူၤဒီးဟ့ၣ်န့ၢ်သါပစၢၤပသွဲၣ်တဖၣ်လီၤစိၤလီၤထီဒီး, ပတဘၣ်ဆီဟံၣ်ဆီဃီဒီးပှၤဂီၢ်မုၢ်တဖၣ်န့ၣ်နီတစုဒီးမၤစၢၤ အဝဲသ့ၣ်လၢကဘီၣ်ထီၣ်ညီထီၣ်မ့ၢ်ဂ့ၤ, အိၣ်ဒီးတၢ်မၤနၢၤမ့ၢ်ဂ့ၤနီတစုဘၣ်.

လံာ်စီၤဧ့စြၤ 9:12 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:8

လၢတၢ်န့ၣ်အဃိ, ယပှၤဂီၢ်မုၢ်သ့ၣ်ဧၢ, လၢပကစၢ်ယွၤဒီးကယဲၢ်အံၣ် စရ့လး, ယွၤအပှၤဂီၢ်မုၢ်, အတၢ်ပာ်ဖှိၣ်သးအံၤအမဲာ်ညါ, ယသိၣ်လီၤမၤလိာ်သုလၢသုကစူၢ်ကယဲၢ်တၢ်လၢယွၤပကစၢ်ယွၤမၤလိာ် တ့ၢ်ပှၤလီၤတံၢ်လီၤဆဲး, ဒ်သိးသုကအိၣ်ဆိးထွဲဘၣ်လၢကီၢ်အဂ့ၤအံၤအပူၤ, ဒီးဒ်သိးသုကဟ့ၣ်န့ၢ်သါဘၣ်ဒံးဆူပှၤစိၤလၢခံတဖၣ်လီၤစိၤ လီၤထီအဂီၢ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 19:2

ဝံတဂၤလၢအမ့ၢ်စီၤဃနၤနံအဖိခွါစီၤယ့ၤဟူ, လဲၤထီၣ်သဂၢၢ်စီၤပၤဒီးစံးဘၣ်အီၤ, “မ့ၢ်နဆိကမိၣ်လၢတၢ်မၤ စၢၤပှၤအၢပှၤသီဒီးတၢ်အိၣ်လၢပှၤသးဟ့ယွၤအအိၣ်တကပၤန့ၣ်, မ့ၢ်တၢ်အဘၣ်န့ၣ်ဧါ. တၢ်လၢနမၤတ့ၢ်န့ၣ်, ဟဲစိာ်ယွၤအတၢ်သးထီၣ်လၢနလိၤန့ၣ်လီၤ.

လံာ်စီၤဧ့စြၤ 9:2

ပှၤယူဒၤဖိပိာ်ခွါတဖၣ်ဆီဟံၣ်ဆီဃီဒီးပှၤတခီဘီမုၢ်ဖိ ပိာ်မုၣ်တဖၣ်, ဒီးလၢတၢ်န့ၣ်အဃိကစၢ်ယွၤအပှၤဂီၢ်မုၢ်လၢ အစီဆှံတဖၣ်အံၤဘၣ်တၢ်မၤသံၣ်သူမီၣ်ကျၣ်အီၤန့ၣ်လီၤ. ပှၤခိၣ်ပှၤနၢ်တဖၣ်ဒီးပဒိၣ်ပပှၢ်တဖၣ်န့ၣ်မ့ၢ်ပှၤမၤကမၣ်တၢ်အဒိၣ် ကတၢၢ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 23:32

မၤတၢ်အၢၣ်လီၤအီလီၤဃုာ်ဒီးအဝဲသ့ၣ်မ့ၢ်ဂ့ၤအကစၢ်တဖၣ်မ့ၢ် ဂ့ၤနီတမံၤတဂ့ၤ.

တၢ်ကတိၤဒိ. 13:22

ပှၤအဂ့ၤတဂၤကအိၣ်ဒီးတၢ်ထူးတၢ်တီၤလၢကပာ်လီၤတဲာ်တ့ၢ်ဝဲလၢ အလံၤတဖၣ်အဂီၢ်လီၤ. မ့မ့ၢ်ပှၤတၢ်ဒဲးဘးဖိတဖၣ်အတၢ်ထူးတၢ်တီၤန့ၣ်ကလဲၤဆူပှၤတီ ပှၤလိၤတဖၣ်အအိၣ်လီၤ.

တၢ်ကတိၤဒိ. 20:7

ဖိတဖၣ်လၢအအိၣ်ဒီးအပၢ်တဂၤလၢအတီအလိၤဒီးမၤတၢ်အဘၣ်န့ၣ်, ဘၣ်ဆိၣ်ဂ့ၤဝဲလီၤ.

လံာ်ယၡါယၤ 1:19

ထဲသုမ့ၢ်ဒိကနၣ်ယၤန့ၣ်ဒီး, သုကအီၣ်တၢ်အဂ့ၤတဖၣ်လၢ ထံကီၢ်ဟ့ၣ်ထီၣ်ဝဲန့ၣ်လီၤ.

လံာ်သိၣ်လီၤသီလီၤတၢ် 23:6

ဖဲတၢ်ဆၢကတီၢ်လၢသုမ့ၢ်ဒံးဒၣ်ပှၤတကလုာ်န့ၣ်, မၤတၢ်နီတမံၤလၢသုကမၤစၢၤပှၤကလုာ်တဖၣ်အံၤမ့ၢ်ဂ့ၤမၤဘီၣ်ထီၣ်ညီထီၣ်အဝဲသ့ၣ်မ့ၢ်ဂ့ၤ, န့ၣ်တဂ့ၤ.

လံာ်သိၣ်လီၤသီလီၤတၢ် 23:7

သးဘၣ်အၢပှၤအဒိၣ်တဖၣ်တဂ့ၤ. အဝဲသ့ၣ်မ့ၢ်သုဘူးသုတံၢ်တဖၣ် န့ၣ်လီၤ. ဒီးသးဘၣ်အၢပှၤအဲၤကူပတူးဖိတဖၣ်န့ၣ်တဂ့ၤ, တဘျီန့ၣ်သုအိၣ်ဆိးတ့ၢ်လၢအဝဲသ့ၣ်အကီၢ်ပူၤန့ၣ်လီၤ.

လံာ်သိၣ်လီၤသီလီၤတၢ် 7:3

ဒိးတ့ဒိးဖျီသုးသးဒီးအဝဲသ့ၣ်နီတဂၤတဂ့ၤ. ဒီးပျဲသုဖိတဖၣ်ဒိးတ့ဒိးဖျီအသးဒီးအဝဲသ့ၣ်နီတဂၤတဂ့ၤ.