လံာ်စီၤဧ့စြၤ 9:10 - Sgaw Karen Common Bible

¹⁰ မ့မ့ၢ်ခဲအံၤအိကစၢ်ယွၤဧၢ, တၢ်ခဲလၢာ်လၢအမၤတ့ၢ်အသးဝံၤ အလီၢ်ခံန့ၣ်ပစံးတၢ်မနုၤကသ့ဒံးလဲၣ်. ပတစူၢ်ကဒီးတၢ်မၤလိာ်တဖၣ်,

လံာ်စီၤဧ့စြၤ 9:10 Iomraidhean Croise

လံာ်တၢ်ကဲထီၣ်အခီၣ်ထံး 44:16

စီၤယူဒၤစံးဆၢဝဲ, “ကစၢ်ဧၢ, ပစံးဘၣ်နၤမနုၤကသ့လဲၣ်. ပဂ့ၢ်လိာ်နၤကသ့ဒ်လဲၣ်. ပကတိၤပူၤဖျဲးပသးကသ့ဒ်လဲၣ်. ကစၢ်ယွၤမၤဖျါထီၣ်ပတၢ်ဒဲးဘးတဖၣ်လံ. ဒီးခဲကနံၣ်အံၤပဝဲခဲလၢာ်ပမ့ၢ်နကုၢ်နပှၤတဖၣ်ဒီးတမ့ၢ်ဘၣ်ထဲ ပှၤတဂၤဧိၤလၢလီခီဘၣ်တၢ်ထံၣ်န့ၢ်လၢအအိၣ်န့ၣ်ဘၣ်.”

လံာ်စီၤဧ့စြၤ 9:11

လၢနဟ့ၣ်တ့ၢ်ပှၤခီဖျိနခ့နပှၤဝံတဖၣ်န့ၣ်ဘၣ်. အဝဲသ့ၣ်တဲဘၣ်ပှၤလၢကီၢ်လၢပကလဲၤမၤန့ၢ်အီၤန့ၣ်မ့ၢ်ကီၢ်လၢ တကဆှီဘၣ်မ့ၢ်လၢပှၤဂီၢ်မုၢ်လၢအအိၣ်ဆိးလၢအပူၤတဖၣ်, မၤပှဲၤအီၤဒီးတၢ်ဖံးတၢ်မၤလၢအလီၤသးဘၣ်အၢဒီးတၢ်ဘၣ်အၢဘၣ် သီတဖၣ်ဒီတကီၢ်ညါအဃိန့ၣ်လီၤ.

လံာ်စီၤဧ့စြၤ 9:9

ပမ့ၢ်တ့ၢ်ကုၢ်တဖၣ်, ဘၣ်ဆၣ်နတပာ်ထီဃာ်ပှၤလၢကုၢ်အလီၢ်န့ၣ်ဘၣ်. နမၢကီၢ်ပၤရၣ်အစီၤပၤဖးဒိၣ်တဖၣ်ကွၢ်မဲာ်ပှၤဒီးပျဲပှၤလၢ ပကအိၣ်ဆိးဘၣ်ဒံးဒီးသူၣ်ထီၣ်ဘှီထီၣ်က့ၤနတၢ်လုၢ်ဟံၣ်လၢအအိၣ် လၢတၢ်ဟးဂီၤအပူၤဒီးထံၣ်န့ၢ်တၢ်ပူၤဖျဲးဖဲအံၤလၢကီၢ်ယူ ဒၤဒီးဝ့ၢ်ယရူၤၡလ့ၣ်အပူၤန့ၣ်လီၤ.

လံာ်စီၤနဃ့မယၤ 9:30

လၢတၢ်သူၣ်စူၤသးစူၤအပူၤနဟ့ၣ်ပလီၢ်အဝဲသ့ၣ် တနံၣ်ဝံၤတနံၣ်န့ၣ်လီၤ. နထိၣ်ဂဲၤထီၣ်နဝံတဖၣ်အသးလၢကစံးကတိၤတၢ်, ဘၣ်ဆၣ်နပှၤဂီၢ်မုၢ်တဖၣ်အနၢ်တအၢဝဲဒၣ်န့ၣ်လီၤ. လၢတၢ်န့ၣ်အဃိနပျဲအဝဲသ့ၣ်ဘၣ်တၢ်မၤနၢၤကွံာ်အီၤလၢပှၤကလုာ် အဂၤတဖၣ်န့ၣ်လီၤ.

လံာ်စီၤနဃ့မယၤ 9:34

ပမိၢ်ပၢ်ဖံဖုလၢပျၢၤတဖၣ်, ပစီၤပၤတဖၣ်, ပခိၣ်ပနၢ်တဖၣ်, ပပှၤလုၢ်တၢ်အခိၣ်တဖၣ် တတိၢ်န့ၢ်ဖံးဃာ်ဘၣ်နတၢ်သိၣ်တၢ်သီ လၢပှၤယူဒၤဖိအဂီၢ်ဘၣ်. အဝဲသ့ၣ်တဒိကနၣ်နတၢ်မၤလိာ်ဒီးနတၢ်ဟ့ၣ်ပလီၢ်သ့ၣ်တဖၣ်န့ၣ်ဘၣ်.

စံးထီၣ်ပတြၢၤ 106:6

ပမၤလံတၢ်ဒဲးဘးဒ်ပပၢ်တဖၣ် မၤတ့ၢ်ဝဲအသိး ပမၤကမၣ်တ့ၢ်တၢ်ဒီး အိၣ်မူအၢအၢသီသီန့ၣ်လီၤ.

လံာ်သးသယုၢ်တၢ် 3:22

ယွၤအတၢ်အဲၣ်ဒီးအတၢ်သးကညီၤလၢအတလီၤ တူၢ်လီၤကာ်ဘၣ်န့ၣ်အကတၢၢ်တအိၣ်ဘၣ်,

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

လံာ်စီၤယိၤၡူ 7:8

ကစၢ်ဧၢ, အခဲအံၤမ့ၢ်လၢအံၣ်စရ့လးဂုၤက့ၤဆူအလီၢ်ခံလၢအဒူၣ် အဒါအမဲာ်ညါလံအဃိဒီး, ယစံးမနုၤကသ့လဲၣ်.