လံာ်စီၤဧ့စြၤ 8:28 - Sgaw Karen Common Bible

²⁸ ယစံးဘၣ်အဝဲသ့ၣ်, “သုစီဆှံလၢယွၤ, သုမိၢ်ပၢ်ဖံဖုလၢ ပျၢၤအကစၢ်ယွၤအဂီၢ်, ဒီးဒ်န့ၣ်အသိးသုတၢ်သးအိၣ်အတၢ်မၤဘူၣ်တဖၣ်လၢအမ့ၢ်ကယဲၢ်စ့ ဒီးထူအဃၢၤအဃိၢ်လၢတၢ်ဟဲစိာ်ဆူအအိၣ်တဖၣ်စ့ၢ်ကီးန့ၣ်လီၤ.

လံာ်စီၤဧ့စြၤ 8:28 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:28

ဒီးဘၣ်တၢ်ဟ့ၣ်မူဟ့ၣ်ဒါအီၤ, မူဒါဒ်လၢလာ်တဖၣ်အံၤ, လၢကမၤစၢၤပှၤလုၢ်တၢ်အခိၣ်တဖၣ်လၢအဟဲလီၤစၢၤလီၤသွဲၣ်လၢစီၤ အၤဟရိၣ်လၢတၢ်ဘူၣ်ထီၣ်ဘါထီၣ်လၢယွၤအတၢ်လုၢ်ဟံၣ်အပူၤအဂီၢ်, လၢကကွၢ်ထွဲအဂၢၤတဖၣ်ဒီးအဒၢးသ့ၣ်တဖၣ်, ဒီးကပၢၤဃာ်ကယဲၢ်တၢ်တမံၤလၢ်လၢ်လၢအစီဆှံန့ၣ်ဒ်သိးသု တဘၣ်တၢ်မၤတကဆှီအီၤတဂ့ၤ,

လံာ်ကွဲးနီၣ်တၢ်အခီၣ်ထံးတဘ့ၣ် 26:20

အဝဲသ့ၣ်အပှၤလ့ၤဝံဖိကဒဲကဒဲအဂၤတဖၣ်ဘၣ်ကဲခိၣ်ကဲနၢ်လၢတၢ် လုၢ်ဟံၣ်အစ့ပာ်ဖှိၣ်အလီၢ်အဂီၢ်ဒီးလၢတၢ်ပာ်ဖှိၣ်အဒၢးတဖၣ်ဖဲ တၢ်ဟ့ၣ်တဖၣ်လၢဘၣ်တၢ်ပာ်စီဆှံတ့ၢ်အီၤလၢကစၢ်ယွၤအဂီၢ် အိၣ်ဝဲအလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:14

ဖဲတၢ်ဘှီဂ့ၤက့ၤတဖၣ်ဝံၤဝဲန့ၣ်, ထူစ့လၢအအိၣ်တ့ၢ်တဖၣ်ဘၣ် တၢ်ဟ့ၣ်က့ၤအီၤဆူစီၤပၤဒီးစီၤယဟိယဒါဒီးအဝဲသ့ၣ်ကသူဝဲ လၢကမၤက့ၤလီခီတဖၣ်ဒီးတၢ်အဃၢၤအဃိၢ်အဂၤတဖၣ်လၢယွၤ အတၢ်လုၢ်ဟံၣ်အဂီၢ်န့ၣ်လီၤ. ဖဲစီၤယဟိယဒါအိၣ်မူဒံးဝဲအမုၢ်နံၤတဖၣ်န့ၣ်, တၢ်လုၢ်တၢ်ပာ်တဖၣ်ဘၣ်တၢ်လုၢ်ထီၣ်အီၤဒ်တၢ်အလုၢ်အလၢ်အိၣ်ဝဲအသိး ဘၣ်ဆၢဘၣ်ကတီၢ်န့ၣ်လီၤ.

လံာ်စီၤဧ့စြၤ 8:27

သလၢထူအဖျၢၣ်ခံဆံလီၤတယၢၢ်ဒၤရံးတကထိ, သလၢတိၢ်ဘီအစီဂ့ၤ ခံဖျၢၣ်လၢအလုၢ်အပှ့ၤအိၣ်ဒ်သိးထူန့ၣ်လီၤ.

လံာ်တၢ်ဟးထီၣ်ကွံာ် 35:29

ကယဲၢ်ကီၢ်အံၣ်စရ့လးအပှၤဂီၢ်မုၢ်လၢအသးအိၣ်ဟဲစိာ်တၢ်လုၢ်မၤ ဘူၣ်ဆူယွၤအအိၣ်လၢတၢ်ဖံးတၢ်မၤအဂီၢ်ဒ်ယွၤမၤလိာ်စီၤမိၤၡ့ လၢကမၤဝဲန့ၣ်, ဟဲစိာ်ဝဲကိးဂၤဒဲးလီၤ.

လံာ်ယၡါယၤ 52:11

ဟးထီၣ်ကွံာ်သပှၢ်ကတၢၢ်လၢကီၢ်ဘၤဘူၤလိၣ်, သုဝဲလၢအဝံစိာ်တၢ်လုၢ်ဟံၣ်အပီးအလီသ့ၣ်ဧၢ, တၢ်လၢတၢ်တြီအီၤတဖၣ်န့ၣ်ထိးအီၤနီတမံၤတဂ့ၤ. ပာ်စီပာ်ဆှံသုသးဒီးဟးထီၣ်တက့ၢ်.

လံာ်သိၣ်လီၤသီလီၤတၢ် 33:8

ဘၣ်ဃးဒီးလ့ၤဝံအဒူၣ်အဂ့ၢ်န့ၣ်, အဝဲစံးဝဲ, “နဲဒၣ်, ယွၤဧၢ, လီၣ်ဖျါထီၣ်နတၢ်ဘၣ်နသးလၢအူရံၣ်ဒီးတူမံၣ်, ခီဖျိပှၤလ့ၤဝံဖိတဖၣ်လၢအမ့ၢ်နခ့နပှၤတဖၣ်လၢအသူၣ်တီသးရၤ န့ၣ်တက့ၢ်. နဒုးလီၤဘၣ်အဝဲသ့ၣ်လၢတၢ်မၤကွၢ်အပူၤဖဲမးစၤ ဒီးအုၣ်တ့ၢ်နသးလၢအဝဲသ့ၣ်အဂီၢ်ဒ်ပှၤတဖၣ်အသိးဖဲထံမရံၤဘါ န့ၣ်လီၤ.