လံာ်စီၤဧ့စြၤ 8:25 - Sgaw Karen Common Bible

²⁵ အန့ၣ်ဝံၤဒီးယစီၤထီၣ်ဒီးဟ့ၣ်လီၤပှၤလုၢ်တၢ်အခိၣ်တဖၣ်လၢစ့, ထူဒီးတၢ်အဃၢၤအဃိၢ်တဖၣ်လၢစီၤပၤဖးဒိၣ်, အဝဲအပှၤဟ့ၣ်ကူၣ်ဟ့ၣ်ဖးတၢ်တဖၣ်ဒီးပဒိၣ်ပပှၢ်တဖၣ်, ဒီးအံၣ်စရ့လးအပှၤဂီၢ်မုၢ်ဟ့ၣ်တ့ၢ်ဝဲဒ်သိးတၢ်ကသူအီၤလၢတၢ် လုၢ်ဟံၣ်အပူၤအဂီၢ်န့ၣ်လီၤ.

လံာ်စီၤဧ့စြၤ 8:25 Iomraidhean Croise

လံာ်စီၤဧ့စြၤ 1:8

အဝဲဟ့ၣ်က့ၤတၢ်သ့ၣ်တဖၣ်အံၤဆူစီၤပၤအပှၤပၢၤတၢ်လုၢ်ဒိၣ်ပှ့ၤဒိၣ် အခိၣ်စီၤမံးသြၤဒး, လၢအဂံၢ်ဒီးကွဲးနီၣ်တၢ်ဖိတၢ်လံၤအနီၣ်ဂံၢ်ဒီးကၢပှ့ၤကၢ ကလံၤလၢကီၢ်ယူဒၤအပဒိၣ်ဖးဒိၣ်စီၤၡ့ၡဘးစၢ်အဂီၢ်ဒ်လာ်အံၤလီၤ.

လံာ်စီၤဧ့စြၤ 2:69

အဝဲသ့ၣ်ဟ့ၣ်တၢ်ဒ်အဟ့ၣ်ဝဲန့ၢ်အသိးလၢတၢ်မၤအံၤအဂီၢ်, တုၤတၢ်ပာ်ဖှိၣ်ခဲလၢာ်အိၣ်ဝဲ, ပှၤပၤရၣ်ဖိအထူကဘျၣ်ဃုကလး တကထိဘ့ၣ်, စ့အတၢ်ဃီၣ်ယဲၢ်ကထိမၤနၤဒီးပှၤလုၢ်တၢ်အခိၣ်အဆ့ကၤဒိၣ်အဘ့ၣ် တကယၤန့ၣ်လီၤ.

လံာ်စီၤဧ့စြၤ 8:33

ဒီးလၢလွံၢ်သီတသီန့ၣ်ပလဲၤဆူတၢ်လုၢ်ဟံၣ်, စီၤန့ၢ်စ့, ထူဒီးတၢ်အဃၢၤအဃိၢ်တဖၣ်ဒီးဟ့ၣ်လီၤဆူစီၤဧူၤ ရံယၤအဖိခွါပှၤလုၢ်တၢ်အခိၣ်စီၤမရ့မိးအစုပူၤန့ၣ်လီၤ. ဒီးပှၤလၢအအိၣ်ဒီးအီၤတဖၣ်န့ၣ်မ့ၢ်ဝဲစီၤဖံၤနဃၣ်အဖိခွါ စီၤအလၤဧစၢ်ဒီးပှၤလ့ၤဝံဖိခံဂၤလၢအမ့ၢ်စီၤယ့ၤၡူအဖိ ခွါစီၤယိၤစဘးဒီးစီၤဘံနူၤအဖိခွါစီၤနိဒယၤသ့ၣ်တဖၣ် န့ၣ်လီၤ.

ဖံလံးပံၤ 4:8

တၢ်ကတိၤလၢခံကတၢၢ်န့ၣ်, ယဒီပုၢ်ဒီဝဲၢ်သ့ၣ်ဧၢ, မၤပှဲၤသုတၢ်ဆိကမိၣ်ဒီးတၢ်သ့ၣ်တဖၣ်လၢအဂ့ၤ, ဒီးကြၢးဒီးတၢ်စံးထီၣ်ပတြၢၤ, ဒ်ပစံးတၢ်အသိး, တၢ်လၢ အမ့ၢ်အတီ, တၢ်လၢအအိၣ်ဒီးအလၤအကပီၤ, တၢ်လၢအဘၣ်, တၢ်လၢအစီဆှံ, တၢ်လၢအလီၤအဲၣ်လီၤကွံ, တၢ်ဟူထီၣ်သါလီၤလၢအဂ့ၤတဖၣ်န့ၣ်တက့ၢ်.