လံာ်စီၤဧ့စြၤ 8:23 - Sgaw Karen Common Bible

²³ လၢတၢ်န့ၣ်အဃိပဒုၣ်တ့ၢ်တၢ်အီၣ်တၢ်အီဒီးပဘါထုကဖၣ်တ့ၢ်လၢ ကစၢ်ယွၤကအိၣ်ပှိၤမၤစၢၤပှၤဒီး, အဝဲဒၣ်စံးဆၢတ့ၢ်ပတၢ်ထုကဖၣ် တဖၣ်န့ၣ်လီၤ.

လံာ်စီၤဧ့စြၤ 8:23 Iomraidhean Croise

လံာ်တၢ်ကဲထီၣ်အခီၣ်ထံး 25:21

ဒီးမ့ၢ်လၢနီၢ်ရံးဘကၤအဖိတအိၣ်ဘၣ်အဃိစီၤအံၤစဲးဘါထုကဖၣ် လၢအဂီၢ်န့ၣ်လီၤ. ဒီးယွၤစံးဆၢအတၢ်ထုကဖၣ်ဒီးနီၢ်ရံးဘကၤဒၢထီၣ်ဝဲဒၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 13:4

ဒီးစီၤယဟိအါဃးဘါထုကဖၣ်တၢ်ဆူယွၤအအိၣ်, ဒီးယွၤထံၣ်ဘၣ်ဝဲကီၢ်စူၤရံအစီၤပၤမၤအၢမၤနးပှၤအံၣ်စရ့ လးဖိနးထဲလဲၣ်ထဲလဲၣ်အဃိ, စံးဆၢဝဲအတၢ်ထုကဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:20

အဝဲသ့ၣ်အိၣ်ဒီးတၢ်နာ်လၢကစၢ်ယွၤအပူၤ, ဘါထုကဖၣ်ဆူအအိၣ်လၢတၢ်မၤစၢၤအဂီၢ်ဒီးကစၢ်ယွၤစံးဆၢအဝဲ သ့ၣ်အတၢ်ထုကဖၣ်တဖၣ်ဒီးယွၤဟ့ၣ်အီၤတၢ်မၤနၢၤလၢပှၤဟၤကၢ်ဖိ ဒီးအသိၣ်အမှံၤတဖၣ်အဖီခိၣ်န့ၣ်လီၤ.

လံာ်စီၤဧ့စြၤ 8:31

ဒီးလၢလါအခီၣ်ထံးတလါထီၣ်တဆံခံသီတသီန့ၣ်ပဟးထီၣ်လၢထံ ကျိၤအၤဟဝၤဒီးပလဲၤဆူဝ့ၢ်ယရူၤရှလ့ၣ်န့ၣ်လီၤ. ပကစၢ်ယွၤအိၣ်ဒီးပှၤဒီးဒီဒၣ်အိၣ်ပှိၤပှၤလၢဒုၣ်ဒါအတၢ်ဟဲ ထီၣ်ဒုးပှၤဒီးခိးခူသူၣ်ဒုးပှၤလၢပတၢ်လဲၤအပူၤန့ၣ်လီၤ.

လံာ်စီၤနဃ့မယၤ 9:1

လၢလါတလါဃီအံၤထီၣ်ခံဆံလွံၢ်သီတသီန့ၣ်ကီၢ်အံၣ်စရ့လး အပှၤဂီၢ်မုၢ်အိၣ်ဖှိၣ်ရိဖှိၣ်ဒီးဒုၣ်တၢ်အီၣ်ဒ်သိးကပာ်ဖျါ အတၢ်သူၣ်အုးသးအုးလၢအတၢ်ဒဲးဘးတဖၣ်အဃိန့ၣ်လီၤ.

တၢ်ကတိၤဒိ. 3:5

သန့ၤနသးလၢယွၤလၢနသးဒီဖျၢၣ်ညါတက့ၢ်. ဒီးသုတသန့ၤနသးလၢတၢ်လၢနဆိကမိၣ်နသ့ၣ်ညါန့ၣ်တဂ့ၤ.

လံာ်ယၡါယၤ 19:22

ယွၤကစံၣ်ညီၣ်ပှၤအဲၤကူပတူးဖိတဖၣ်, ဝံၤဒီးကမၤဘျါက့ၤ အီၤလီၤ. အဝဲသ့ၣ်ကဃၣ်ဃီၤအသးဆူအအိၣ်, ဒီးအဝဲကဒိ ကနၣ်အတၢ်ထုကဖၣ်ဒီးမၤဘျါက့ၤအဝဲသ့ၣ်န့ၣ်လီၤ.

လံာ်ယံးရမံယၤ 33:3

ကိးထီၣ်ယၤတက့ၢ် “ဒီးယကစံးဆၢနၤလီၤ. ယကဒုးနဲၣ်နၤလၢ တၢ်အဒိၣ်အထီဒီး တၢ်လီၤ လးတဖၣ်လၢ နတသ့ၣ်ညါ လၢအဂ့ၢ်နီတမံၤ ဘၣ်န့ၣ်လီၤ.

လံာ်ဒၤနံးယ့လး 9:3

ဒီးယဘါထုကဖၣ်တၢ်လၢသူၣ်လၢသးသပှၢ်ပှၢ်ဆူယွၤ, ကစၢ်ယွၤအအိၣ်ဒီးဒုၣ်တၢ်အီၣ်တၢ်အီ, ကူထီၣ်သိးထီၣ်ဆ့ဆးအသးလၢတၢ် ကံးယာ်ဒီးဆ့ၣ်နီၤလၢဖၣ်ဆါကျါဒီးဃ့ကညးအီၤလီၤ.

လံာ်လူၤကၣ် 2:37

ဒီးခဲကနံၣ်အံၤအဝဲဒၣ်အသးအိၣ်ဝဲဃိးဆံလွံၢ်နံၣ်လီၤ. အဝဲတဟးဖးဒီးတၢ်လုၢ်ဟံၣ်နီတစုဘၣ်. အဝဲဘူၣ်ယွၤဘါယွၤ, အိၣ်ဒီးတၢ်ဒုၣ်တၢ်အီၣ်တၢ်အီဒီးတၢ်ဃ့ဘါထုကဖၣ်တၢ်လၢ မုၢ်ဆါဆဲးလၢမုၢ်နၤလီၤ.

မၤတၢ် 10:30

ဒီးစီၤကန့လံးစံးဝဲ, “ဖဲအပူၤကွံာ်သၢသီ, ကဘၣ်ဖဲဆၢကတီၢ်တကတီၢ်ဃီအံၤန့ၣ်, ယအိၣ်ဒီးဟါခီလီၤသၢနၣ်ရံၣ်အတၢ်ထုကဖၣ်လၢဟံၣ်ပူၤလီၤ. သတူၢ်ကလာ်, ပှၤကညီတဂၤအိၣ်ဆၢထၢၣ်လၢယမဲာ်ညါ, ကူသိးဒီးတၢ်ကူတၢ်သိးကတြ့ၣ်ကတြိၣ်,

လံာ်သိၣ်လီၤသီလီၤတၢ် 4:29

ဖဲန့ၣ်သုကဃုယွၤ, သုကစၢ်ယွၤ, ဒီးသုမ့ၢ်ဃုအီၤလၢသုသးဒီဖျၢၣ်န့ၣ်သုကထံၣ်န့ၢ်အီၤလီၤ.