လံာ်စီၤဧ့စြၤ 8:22 - Sgaw Karen Common Bible

²² မ့ၢ်လၢယတဲဘၣ်တ့ၢ်စီၤပၤဖးဒိၣ်လၢပကစၢ်ယွၤဆိၣ်ဂ့ၤပှၤတဂၤ လၢ်လၢ်လၢအသန့ၤအသးလၢအီၤ, မ့မ့ၢ်အဝဲကသးဒိၣ်ထီၣ်ဒီးစံၣ်ညီၣ်ပှၤတဂၤလၢ်လၢ်လၢအတကနၣ်ဃုာ် အီၤအဃိ, မ့ၢ်တၢ်မဲာ်ဆှးလၢယဂီၢ်ဒ်သိးယကဃ့အီၤပှၤဒိးကသ့ၣ်သုးမုၢ် တဖုလၢကဒီဒၣ်ပှၤလၢပဒုၣ်ပဒါအကလုာ်ကလုာ်ဖဲပလဲၤတၢ်အခါန့ၣ်လီၤ.

လံာ်စီၤဧ့စြၤ 8:22 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:2

ဒီးအဝဲဟးထီၣ်ဒ်သိးကလဲၤထံၣ်စီၤပၤအၤစါအဂီၢ်န့ၣ်လီၤ. ဒီးအဝဲကိးထီၣ်ဝဲ, “စီၤပၤအၤစါဒီးကယဲၢ်ပှၤဂီၢ်မုၢ်လၢ ယူဒၤဒီးဘံၣ်ယၤမံၣ်သ့ၣ်ဧၢ, ဒိကနၣ်ယၤတက့ၢ်. တုၤသုအိၣ်ဒီးယွၤန့ၣ်, ယွၤအိၣ်ဒီးသုန့ၣ်လီၤ. သုမ့ၢ်ဃုထံၣ်န့ၢ်အီၤဒီးအဝဲကပျဲသုထံၣ်န့ၢ်အီၤ, မ့မ့ၢ်, သုမ့ၢ်ဃၣ်ကွံာ်သုသးဒီးအဝဲကပာ်လီၤတဲာ်ကွံာ်သုန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:9

ယွၤကွၢ်ထံကွၢ်ဆးတၢ်လၢဟီၣ်ခိၣ်ဒီဘ့ၣ်ညါအဖီခိၣ်, ဒ်သိးအကဟ့ၣ်ဂံၢ်ဟ့ၣ်ဘါပှၤတဖၣ်လၢအအိၣ်ဒီးတၢ်သးတီဒီးအီၤ န့ၣ်လီၤ. နမၤတ့ၢ်လံတၢ်ဒ်ပှၤအမၢးတဂၤဒီးစးထီၣ်ခဲအံၤန့ၣ်နကဘၣ်ဒုး တၢ်ယၤတၢ်ထီဘိန့ၣ်လီၤ.”

လံာ်စီၤဧ့စြၤ 7:28

လၢကစၢ်ယွၤအဘျုးအဖှိၣ်အဃိ, ယဘၣ်တၢ်ကွၢ်မဲာ်တ့ၢ်လံ ယၤလၢစီၤပၤဖးဒိၣ်, လၢအပှၤကူၣ်လိာ်တၢ်တဖၣ်, ဒီးကယဲၢ်ပဒိၣ်ပပှၢ်အိၣ်စိအိၣ်ကမီၤတဖၣ်လံ. ယွၤ, ယကစၢ်ယွၤဟ့ၣ်တ့ၢ်လံယၤတၢ်သူၣ်ဒူသးဒူဒီးယသ့ သဆၣ်ထီၣ်ပှၤခိၣ်ပှၤနၢ်အါဂၤအသးလၢအံၣ်စရ့လးအဒူၣ်အထၢတဖၣ် အပူၤ, ဒ်သိးကဟဲက့ၤဃုာ်ဒီးယၤန့ၣ်လီၤ.”

လံာ်စီၤဧ့စြၤ 7:6

စီၤဧ့စြၤမ့ၢ်ပှၤကူၣ်သ့ကူၣ်ဘၣ်တဂၤလၢအအိၣ်ဒီးတၢ်သ့ၣ်ညါနၢ် ပၢၢ်ဂ့ၤဂ့ၤကလဲာ်ဖဲအဘၣ်ထွဲဒီးပှၤယူဒၤဖိအတၢ်သိၣ်တၢ်သီ လၢယွၤ, အံၣ်စရ့လးအကစၢ်ယွၤဟ့ၣ်တ့ၢ်စီၤမိၤၡ့န့ၣ်လီၤ. မ့ၢ်လၢစီၤဧ့စြၤဒိးန့ၢ်ကစၢ်, အဝဲအကစၢ်ယွၤအတၢ်ဆိၣ်ဂ့ၤအဃိ, စီၤပၤဖးဒိၣ်ဟ့ၣ်အီၤတၢ်လၢအဃ့ဝဲတမံၤလၢ်လၢ်န့ၣ်လီၤ. လၢစီၤအၢ်တၤၡါၡတၤပၢတၢ်နွံနံၣ်တနံၣ်န့ၣ်စီၤဧ့စြၤဟးထီၣ် လၢကီၢ်ဘၤဘူၤလိၣ်ဒ်သိးကလဲၤဆူဝ့ၢ်ယရူၤၡလ့ၣ်ဃုာ်ဒီးပှၤအံၣ် စရ့လးဖိတဖုလၢအအိၣ်ဝဲဒီးပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, တၢ်လုၢ်ဟံၣ်အပှၤသးဝံၣ်တၢ်ဖိတဖၣ်, တၢ်လုၢ်ဟံၣ်အပှၤပၢၤတၢ်တဖၣ် ဒီးပှၤမၤတၢ်လၢတၢ်လုၢ်ဟံၣ်အပူၤတဖၣ်န့ၣ်လီၤ.

လံာ်စီၤဧ့စြၤ 8:31

ဒီးလၢလါအခီၣ်ထံးတလါထီၣ်တဆံခံသီတသီန့ၣ်ပဟးထီၣ်လၢထံ ကျိၤအၤဟဝၤဒီးပလဲၤဆူဝ့ၢ်ယရူၤရှလ့ၣ်န့ၣ်လီၤ. ပကစၢ်ယွၤအိၣ်ဒီးပှၤဒီးဒီဒၣ်အိၣ်ပှိၤပှၤလၢဒုၣ်ဒါအတၢ်ဟဲ ထီၣ်ဒုးပှၤဒီးခိးခူသူၣ်ဒုးပှၤလၢပတၢ်လဲၤအပူၤန့ၣ်လီၤ.

လံာ်စီၤနဃ့မယၤ 2:9

ဒီးစီၤပၤဖးဒိၣ်ဆှၢလီၤပှၤသုးဖိအခိၣ်တနီၤဒီးပှၤကသ့ၣ် သုးဖိတနီၤဃုာ်ဒီးယၤဒီးယလဲၤဆူဖရၤသးအမုၢ်နုာ်န့ၣ်လီၤ. ဒီးယဟ့ၣ်လီၤစီၤပၤအလံာ်တဖၣ်ဆူပဒိၣ်တဖၣ်အအိၣ်လီၤ.

စံးထီၣ်ပတြၢၤ 20:8

ပှၤဒ်အံၤတဖၣ်အခီၣ်ကဘၣ်တိၢ်ဒီးကလီၤဃံၤဝဲ ဘၣ်ဆၣ်ပကဂဲၤထၢၣ်ဒီးဆၢထၢၣ်ဂၢၢ်ကျၢၤန့ၣ်လီၤ.

စံးထီၣ်ပတြၢၤ 34:22

ယွၤပှ့ၤက့ၤအခ့အပှၤတဖၣ်အသးသမူလီၤ. ဒီးပှၤလၢအသန့ၤအသးလၢအီၤန့ၣ်, တဘၣ်ဘၣ်တၢ်စံၣ်ညီၣ်နီတဂၤဘၣ်.

စံးထီၣ်ပတြၢၤ 90:11

မ့ၢ်မတၤဆိကမိၣ်ထီၣ်နတၢ်သးထီၣ်အစိအကမီၤ ဒီးသ့ၣ်ညါတၢ်ပျံၤလၢနတၢ်သးကဲၤထီၣ် ဟဲစိာ်ဝဲသ့န့ၣ်တဂၤလဲၣ်.

လံာ်သးသယုၢ်တၢ် 3:25

ယွၤန့ၣ်ဂ့ၤဝဲလၢကယဲၢ်ပှၤလၢအအိၣ်ခိးအီၤဒီးပှၤလၢအသးဃု အီၤတဖၣ်အဂီၢ်လီၤ.

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

1 ကရံၣ်သူး 9:15

ဘၣ်ဆၣ်ဒီးယတသူတ့ၢ်ယဲတၢ်အခွဲးအယာ်တဖၣ်အံၤနီတခါ ဒံးဘၣ်. ဒီးယတကွဲးစ့ၢ်ကီးတၢ်ခဲအံၤဒ်သိး ယကဟံးန့ၢ်တၢ်အခွဲးအယာ်တဖၣ်အံၤလၢယနီၢ်ကစၢ်ဒၣ်ယဲ အဂီၢ်ဘၣ်. ယမ့ၢ်ဘၣ်သံ, ယကသံဒါခီလီၤ. မတၤတဂၤမးတဘၣ်လဲလိာ်ကွံာ်ယတၢ်ကတိၤပာ်ကဖၢလၢသး လၢအကြၢးအဘၣ်တမံၤန့ၣ်ဆူတၢ်ကတိၤအကလီကလီတဖၣ် ဘၣ်.

၂ ကရံၣ်သူး 7:14

ယကတိၤပာ်ကဖၢလၢစဲဃဲၤယသးလၢသုဂ့ၢ်လၢအဝဲဒၣ် အမဲာ်ညါ, ဒီးသုတမၤဟးဂီၤတ့ၢ်ယသးဘၣ်. ထီဘိန့ၣ်ပစံးဘၣ်တဲဘၣ်သုလၢတၢ်မ့ၢ်တၢ်တီဒီးလၢကျဲ တဘိဃီန့ၣ်, ပတၢ်ကတိၤပာ်ကဖၢလၢပသးလၢစီၤတံတူး အမဲာ်ညါအံၤမ့ၢ်ဝဲတီဝဲလံ.

ဧ့ၤဘြံၤ 10:38

ဘၣ်ဆၣ်ဒီးယပှၤဂီၢ်မုၢ်အတီအလိၤန့ၣ် ကမူဝဲလၢတၢ်နာ်လီၤ. ဘၣ်ဆၣ်အဝဲသ့ၣ်အကျါတဂၤမ့ၢ်ဂုၤက့ၤဆူအလီၢ်ခံဒီး ယတဘၣ်သူၣ်ဘၣ်သးလၢၤအီၤဘၣ်.

လံာ်စီၤယိၤၡူ 22:16

ဒီးကတိၤတၢ်လၢယွၤအပှၤဂီၢ်မုၢ်ခဲလၢာ်အခၢၣ်စးဒီးစံးဝဲဒၣ်, “ဘၣ်မနုၤအဃိသုမၤတၢ်အၢတမံၤအံၤထီဒါအံၣ်စရ့လး အကစၢ်ယွၤန့ၣ်လဲၣ်. သုပူထီၣ်ယွၤခီဖျိသုဘှီထီၣ်တၢ်လုၢ်လီၢ်အံၤလၢ သုဂီၢ်ဒၣ်ဝဲန့ၣ်လီၤ. သုတပိာ်လၢၤအခံဘၣ်န့ၣ်လီၤ.

လံာ်စီၤယိၤၡူ 23:16

သုမ့ၢ်လုၣ်သ့ၣ်ခါပတာ်ယွၤသုကစၢ်ယွၤအတၢ် အၢၣ်လီၤအီလီၤလၢအမၤလိာ်တ့ၢ်သုဒီးလဲၤ ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်န့ၣ်, လၢအတၢ်သးဒိၣ်အပူၤကစံၣ်ညီၣ်သု, ဒီးတယံာ်ဘၣ်ဒီးလၢကီၢ်အဂ့ၤလၢအဟ့ၣ်လီၤ တ့ၢ်သုတဘ့ၣ်အံၤအပူၤန့ၣ်, သုကဟးဂီၤကွံာ်ကိးဂၤန့ၣ်လီၤ.

၁ ပ့းတရူး 3:12

အဂ့ၢ်ဒ်လဲၣ်န့ၣ်, ကစၢ်အံးက့ၤကွၢ်က့ၤပှၤအတီအလိၤ ဒီးဒိကနၣ်အဝဲသ့ၣ်အတၢ်ထုကဖၣ်တဖၣ်လီၤ. မ့မ့ၢ်ပှၤလၢအမၤတၢ်အၢတၢ်သီတဖၣ်န့ၣ်, အဝဲထီဒါအီၤလီၤ” (စံး ၃၄:၁၂-၁၆).