လံာ်စီၤဧ့စြၤ 8:21 - Sgaw Karen Common Bible

²¹ ဖဲအၤဟဝၤထံကျိအကပၤန့ၣ်, ယဟ့ၣ်လီၤယကလုၢ်လၢပဝဲ ခဲလၢာ်ပကဒုၣ်တၢ်အီၣ်တၢ်အီဒီးဆီၣ်လီၤပသးလၢပကစၢ်ယွၤအမဲာ် ညါ, ဒီးဃ့အီၤလၢကဆှၢပှၤလၢပတၢ်လဲၤအပူၤဒီးကဒီဒၣ်အိၣ်ပှိၤပှၤ ဒီးပဖိတဖၣ်ဒီးကယဲၢ်တၢ်လၢအအိၣ်ဒီးပှၤတဖၣ်န့ၣ်လီၤ.

လံာ်စီၤဧ့စြၤ 8:21 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 20:3

စီၤယဟိၡၤဖးပျံၤတၢ်ဖုးတၢ်ဒီးဘါထုကဖၣ်တၢ်ဆူယွၤအအိၣ်လၢ တၢ်နဲၣ်ကျဲအဂီၢ်န့ၣ်လီၤ. အန့ၣ်ဝံၤဒီး, အဝဲဟ့ၣ်လီၤအကလုၢ်လၢတၢ်ဒုၣ်တၢ်အီၣ်တမံၤကဘၣ်တၢ် မၤအီၤလၢထံကီၢ်ဒီဘ့ၣ်အပူၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:4

ပှၤဂီၢ်မုၢ်လၢကယဲၢ်ကီၢ်ယူဒၤအဝ့ၢ်တဖၣ်ဟဲချ့ချ့ဆူဝ့ၢ်ယရူၤ ၡလ့ၣ်လၢကဃ့ယွၤအတၢ်နဲၣ်ကျဲအဂီၢ်,

လံာ်စီၤဧ့စြၤ 8:15

ယကိးဖှိၣ်ပှၤဒီတဖုညါဖဲထံကျိယွၤလီၤဆူဝ့ၢ်အၤဟဝၤအကပၤ ဒီးပသူၣ်ဒဲဖဲန့ၣ်သၢသီလီၤ. ယထံၣ်န့ၢ်လၢပှၤလုၢ်တၢ်အခိၣ်တဖၣ်အိၣ်ဝဲလၢပှၤတဖုန့ၣ်အကျါ, ဘၣ်ဆၣ်ပှၤလ့ၤဝံဖိတအိၣ်နီတဂၤဘၣ်.

လံာ်စီၤဧ့စြၤ 8:31

ဒီးလၢလါအခီၣ်ထံးတလါထီၣ်တဆံခံသီတသီန့ၣ်ပဟးထီၣ်လၢထံ ကျိၤအၤဟဝၤဒီးပလဲၤဆူဝ့ၢ်ယရူၤရှလ့ၣ်န့ၣ်လီၤ. ပကစၢ်ယွၤအိၣ်ဒီးပှၤဒီးဒီဒၣ်အိၣ်ပှိၤပှၤလၢဒုၣ်ဒါအတၢ်ဟဲ ထီၣ်ဒုးပှၤဒီးခိးခူသူၣ်ဒုးပှၤလၢပတၢ်လဲၤအပူၤန့ၣ်လီၤ.

လံာ်စီၤနဃ့မယၤ 9:1

လၢလါတလါဃီအံၤထီၣ်ခံဆံလွံၢ်သီတသီန့ၣ်ကီၢ်အံၣ်စရ့လး အပှၤဂီၢ်မုၢ်အိၣ်ဖှိၣ်ရိဖှိၣ်ဒီးဒုၣ်တၢ်အီၣ်ဒ်သိးကပာ်ဖျါ အတၢ်သူၣ်အုးသးအုးလၢအတၢ်ဒဲးဘးတဖၣ်အဃိန့ၣ်လီၤ.

စံးထီၣ်ပတြၢၤ 137:1

ပဆ့ၣ်နီၤလၢဘၤဘူၤလိၣ်အထံကျိတဖၣ်အနံၤ, ဒီးတုၤပသ့ၣ်နီၣ်ထီၣ်က့ၤစံယိၣ်ဒီး, ပမဲာ်ထံလီၤဝဲန့ၣ်လီၤ.

စံးထီၣ်ပတြၢၤ 5:8

ယွၤဧၢ, ဆှၢယၤလၢနကျဲမ့ၢ်ကျဲတီအပူၤ မ့ၢ်လၢယအိၣ်ဒီးယဒုၣ်ယဒါအါမးအဃိန့ၣ်တက့ၢ်. မၤလိၤမၤပျီနကျဲလၢယမဲာ်ညါတက့ၢ်.

စံးထီၣ်ပတြၢၤ 5:9

အဂ့ၢ်ဒ်အံၤ, တၢ်ကတိၤအမ့ၢ်အတီ တအိၣ်ဘၣ်လၢအထးခိၣ်နီတထံၣ်ဘၣ်. လၢအသးကံၢ်ပူၤန့ၣ်အိၣ်ထဲ တၢ်သးအိၣ်မၤဟးဂီၤတၢ်န့ၣ်လီၤ. အကိာ်ပူၤန့ၣ်လီၤဂာ်ဒီးတၢ်သွၣ်ခိၣ်အပူၤ အိၣ်အိးထီၣ်အသး, အပျ့ၤတဖၣ်ပှဲၤဒီးတၢ်ကတိၤအူသဖှိထီၣ်တၢ်လၢ ကလီန့ၢ်ပှၤအဂီၢ်လီၤ.

စံးထီၣ်ပတြၢၤ 8:2

ဖိသၣ်တဖၣ်ဒီးဖိသၣ်အီနုၢ်ထံတဖၣ်အထးခိၣ်လီၤ. နပူၤဖျဲးလၢနဒုၣ်နဒါခဲလၢာ် ဒီးတၢ်အၢတဘၣ်ဘၣ်နၤလၢၤဘၣ်. နဆိကတီၢ်ကွံာ်ပှၤတဂၤလၢ်လၢ်လၢ အထီဒါနၤန့ၣ်လီၤ.

တၢ်ကတိၤဒိ. 3:6

သ့ၣ်ညါအၢၣ်လီၤယွၤလၢနကျဲခဲလၢာ်အပူၤတက့ၢ်. ဒီးအဝဲဒၣ်ကဒုးနဲၣ်နၤကျဲအဘၣ်လီၤ.

လံာ်ယၡါယၤ 30:21

သုမ့ၢ်ဟးဖျိးကွံာ်လၢကျဲဒီးဟးဆူစုထွဲမ့ၢ်ဂ့ၤ, ဆူစုစ့ၣ်မ့ၢ်ဂ့ၤ ဘၣ်ဆၣ်ဒီး, သုကနၢ်ဟူဘၣ်အကလုၢ်လၢသုလီၢ်ခံလၢအစံးဝဲ, “ကျဲအိၣ်ဖဲအံၤလီၤ. ပိာ်ထွဲအီၤတက့ၢ်,” န့ၣ်လီၤ.

လံာ်ယၡါယၤ 35:8

ကျဲမုၢ်ဖးဒိၣ်တဘိလၢအဘၣ်တၢ်ကိးအီၤလၢ, “တၢ်စီဆှံအကျဲ” ကအိၣ်ထီၣ်ဝဲလီၤ. ပှၤတၢ်ဒဲးဘးဖိတလဲၤတၢ်လၢကျဲအဝဲန့ၣ်နီတဂၤနီတစုဘၣ်. ပှၤဟးဂီၤဖိတဖၣ်လၢအကဆှၢကမၣ်ဘၣ်ပှၤတဖၣ်လၢအပိာ်ကျဲ အဝဲန့ၣ်တအိၣ်နီတဂၤဘၣ်.

လံာ်ယၡါယၤ 42:16

ယကဆှၢယပှၤမဲာ်ဘျီၣ်တဖၣ် လၢကျဲတဖၣ်လၢအဝဲသ့ၣ်တလဲၤဘၣ်ဝဲ နီတဘျီန့ၣ်လီၤ. ယကဒုးကဲထီၣ်က့ၤအဝဲသ့ၣ်အတၢ်ခံးဆူတၢ်ကပီၤဒီးမၤပၢၤထံ ကီၢ်လၢအကနၢၣ်ခိၣ်ချၢန့ၣ်, လၢအဝဲသ့ၣ်အမဲာ်ညါလီၤ. တၢ်တဖၣ်အံၤမ့ၢ်ယတၢ်အၢၣ်လီၤအီလီၤ ဒီးယကဟံးဃာ်အီၤသပှၢ်ကတၢၢ်လီၤ.

လံာ်ယၡါယၤ 49:10

အဝဲသ့ၣ်တသၣ်ဝံၤမ့ၢ်ဂ့ၤ, တသးသူထံမ့ၢ်ဂ့ၤနီတစုလၢၤဘၣ်. မုၢ်ဒီးမဲးမုၢ်ခိၣ်အတၢ်ကိၢ်တမၤဘၣ်ဒိဘၣ်ထံး အဝဲသ့ၣ်ဘၣ်. အဂ့ၢ်ဒ်အံၤ, အဝဲသ့ၣ်ကဘၣ်တၢ်ဆှၢအီၤလၢပှၤတဂၤလၢအအဲၣ်အဝဲသ့ၣ် န့ၣ်လီၤ. အဝဲဒၣ်ကဆှၢအဝဲသ့ၣ်ဆူထံမူထီၣ်ပၢၢ်တဖၣ်န့ၣ်လီၤ.

လံာ်ယၡါယၤ 58:3

ပှၤဂီၢ်မုၢ်သံကွၢ်တၢ်, “ယွၤမ့ၢ်တထံၣ်သ့ၣ်ညါနီတစုဘၣ်ဒီး, ဘၣ်မနုၤအဃိပဘၣ်ဒုၣ်တၢ်အီၣ်န့ၣ်လဲၣ်. အဝဲမ့ၢ်တကနၣ်ဃုာ်နီ တစဲးဘၣ်ဒီး, ဘၣ်မနုၤအဃိပတဘၣ်အီၣ်တၢ်အီတၢ်န့ၣ်လဲၣ်.” ယွၤစံးဘၣ်အဝဲသ့ၣ်, “နီၢ်နီၢ်တခီ, တကတီၢ်ဃီဖဲသုဒုၣ်တၢ်အီၣ်တၢ်အီန့ၣ်, သုလူၤမၤထွဲသုတၢ်သး စဲဒၣ်ဝဲတဖၣ်ဒီးမၤအၢမၤနးသုပှၤမၤတၢ်ဖိတဖၣ်လီၤ.

လံာ်ယၡါယၤ 58:5

ဖဲသုဒုၣ်တၢ်အီၣ်တၢ်အီန့ၣ်, သုပာ်ဖျါသုသးလၢသုတူၢ်ဘၣ် တၢ်လီၤ. သုဆုးဖုၣ်လီၤသုခိၣ်တဖၣ်ဒ်နီၣ်အလၣ်တဘ့ၣ်အသိး, ဒီးသုဒါလီၤထၢၣ်တၢ်ကံးယာ်ဒီးဖှံလီၤဖၣ်ကမူၣ်ဖၣ်ဆါဒ်သိး သုကမံလီၤလၢအဖီခိၣ်အဂီၢ်လီၤ. တၢ်န့ၣ်မ့ၢ်တၢ်လၢသုကိးအီၤ လၢအမ့ၢ်တၢ်ဒုၣ်တၢ်အီၣ်တၢ်အီန့ၣ်ဧါ. မ့ၢ်သုဆိကမိၣ်လၢ ယကမုာ်သူၣ်မုာ်သးလၢတၢ်ဒ်န့ၣ်ဧါ.

လံာ်ယံးရမံယၤ 10:23

ယွၤဧၢ, ယသ့ၣ်ညါလၢပှၤကညီတပၢဘၣ်အနီၢ်ကစၢ်ဒၣ်ဝဲ အတၢ်အိၣ်မူအကျဲနီတဂၤဘၣ်. ပှၤတပၢၤဃာ်ဘၣ်အနီၢ်ကစၢ်ဒၣ်ဝဲအသးသမူ နီတဂၤဘၣ်.

လံာ်ယံးရမံယၤ 42:3

ထုကဖၣ်လၢယွၤ, ပကစၢ်ယွၤကဒုးနဲၣ်ပှၤကျဲလၢပဂ့ၤပိာ်အီၤ, ဒီးတၢ်လၢပကြၢးမၤအီၤန့ၣ်ကက့ၢ်.”

လံာ်ဒၤနံးယ့လး 9:3

ဒီးယဘါထုကဖၣ်တၢ်လၢသူၣ်လၢသးသပှၢ်ပှၢ်ဆူယွၤ, ကစၢ်ယွၤအအိၣ်ဒီးဒုၣ်တၢ်အီၣ်တၢ်အီ, ကူထီၣ်သိးထီၣ်ဆ့ဆးအသးလၢတၢ် ကံးယာ်ဒီးဆ့ၣ်နီၤလၢဖၣ်ဆါကျါဒီးဃ့ကညးအီၤလီၤ.

လံာ်ယိၤအ့လး 1:14

ဘိးဘၣ်သ့ၣ်ညါလၢတၢ်ဒုၣ်တၢ်အီၣ်တၢ်အီအဂီၢ်, ကိးတၢ်အိၣ်ဖှိၣ်ရိဖှိၣ်, ကိးဖှိၣ်ပှၤခိၣ်ပှၤနၢ်တဖၣ် ဒီးယူဒၤအပှၤဂီၢ်မုၢ်ခဲလၢာ် ဆူယွၤအတၢ်လုၢ်ဟံၣ်အပူၤဒီးကိးထီၣ်ဆူ ယွၤအအိၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 16:29

တၢ်သိၣ်တၢ်ဘျၢလၢလာ်တဖၣ်အံၤန့ၣ်ကဘၣ်တၢ်ဒိကနၣ်မၤထွဲအီၤ အစိၤစိၤအဃၣ်ဃၣ်န့ၣ်လီၤ. လၢနွံလါတလါထီၣ်အသီ တဆံအနံၤန့ၣ်ပှၤအံၣ်စရ့လးဖိဒီးပှၤတခီဘီမုၢ် ဖိလၢအအိၣ်ဝဲဆိးဝဲလၢပှၤအံၣ်စရ့လးဖိအကျါခဲလၢာ်ကဘၣ်ဒုၣ်တၢ်အီၣ်ဒီး တဘၣ်ဖံးတၢ်မၤတၢ်နီတမံၤဘၣ်.

လံာ်တၢ်ဘူၣ်ထီၣ်ဘါထီၣ် 16:31

ဒီးမုၢ်နံၤအဝဲန့ၣ်န့ၣ်ကဘၣ်မ့ၢ်မုၢ်နံၤစီဆှံလၢအဝဲသ့ၣ်ကဘၣ်ဒုၣ်တၢ်အီၣ်တၢ်အီ, ဒီးတဘၣ်ဖံးတၢ်မၤတၢ်နီတမံၤဘၣ်န့ၣ်လီၤ. ဒီးတၢ်သိၣ်တၢ်ဘျၢတဖၣ်အံၤကဘၣ်တၢ်ဒိကနၣ်မၤထွဲအီၤအစိၤစိၤအဃၣ်ဃၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:29

ကယဲၢ်ပှၤတဂၤလၢ်လၢ်လၢအအီၣ်တၢ်တမံၤလၢ်လၢ်လၢမုၢ်နံၤအဝဲန့ၣ် န့ၣ်, ကဘၣ်တၢ်ပာ်အီၤဒ်အတမ့ၢ်လၢၤဘၣ်ပှၤတဂၤလၢကစၢ်ယွၤအပှၤဂီၢ်မုၢ် အကျါလၢၤဘၣ်န့ၣ်လီၤ.

လံာ်ယိၤနါ 3:5

ဒီးပှၤနံၤနဝ့ဖိတဖၣ်နာ်ကစၢ်ယွၤအတၢ်ကစီၣ်လီၤ. လၢတၢ်န့ၣ်အဃိ, အဝဲသ့ၣ်ဘိးဘၣ်သ့ၣ်ညါတၢ်ဒုၣ်တၢ်အီၣ်, ဒီးပှၤခဲလၢာ်, ပှၤအဒိၣ်တုၤလၢပှၤအဆံးသိးထီၣ်ဆ့ကၤထၢၣ်သွ့ဒ်သိးကပာ်ဖျါ ထီၣ်ဝဲလၢအဝဲသ့ၣ်ပီၢ်ယၢ်လီၤက့ၤလံအသးန့ၣ်လီၤ.

လံာ်ယိၤနါ 3:7

အဝဲဆှၢလီၤတၢ်ဘိးဘၣ်သ့ၣ်ညါဆူဝ့ၢ်နံၤနဝ့ဒီဝ့ၢ်အပူၤ, “အအံၤမ့ၢ်စီၤပၤဒီးအပဒိၣ်တဖၣ်စံၣ်ညီၣ်ခါလီၤအကလုၢ်န့ၣ် လီၤ. အဃိ ပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ, ဂီၤဘုၣ်ဂီၤဖံးမ့ၢ်ဂ့ၤ, သိဒီးမဲာ်တဲးလဲးမ့ၢ်ဂ့ၤ, မ်အသုတအီၣ်ကွၢ်တၢ်နီတမံၤတဂ့ၤ. မ်အသုတအီၣ်အဆၣ်ဒီးအသုတအီထံတဂ့ၤ.

လံာ်တၢ်ဂံၢ် 14:3

ဘၣ်မနုၤလၢယွၤဆှၢပှၤဆူကီၢ်အဝဲန့ၣ်အပူၤလဲၣ်. ပကဘၣ်တၢ်မၤသံပှၤလၢတၢ်ဒုးတၢ်ယၤအပူၤ, ဒီးပမါတဖၣ်ဒီးပဖိတဖၣ်ကဘၣ်တၢ်ဖီၣ်န့ၢ်အီၤလီၤ. တဂ့ၤဒိၣ်လၢပက့ၤကဒါက့ၤဆူကီၢ်အဲၤကူပတူးဘၣ်ဧါ.”

လံာ်တၢ်ဂံၢ် 14:31

သုစံးလၢသုဖိတဖၣ်ကဘၣ်တၢ်ဖီၣ်န့ၢ်အီၤလီၤ. ဘၣ်ဆၣ်ဒီးယကလဲၤကိးအီၤဆူကီၢ်လၢသုဂ့ၢ်လိာ်ကွံာ်အီၤန့ၣ် အပူၤဒီးတၢ်န့ၣ်ကမ့ၢ်အဝဲသ့ၣ်အဟံၣ်အဃီန့ၣ်လီၤ.

မၤတၢ် 2:39

ကစၢ်ယွၤအတၢ်အၢၣ်လီၤအီလီၤအံၤမ့ၢ်ဝဲလၢသုဂီၢ်ဒီးလၢ သုဖိသုလံၤအဂီၢ်, ဒီးကယဲၢ်ပှၤအိၣ်လၢထံယံၤကီၢ်ယံၤတဖၣ်ခဲလၢာ် အဂီၢ်, ပှၤခဲလၢာ်လၢပကစၢ်ယွၤကိးန့ၢ်ဆူအအိၣ်န့ၣ်လီၤ.”

လံာ်ပှၤစံၣ်ညီၣ်ကွီၢ် 20:26

တုၤနုၤတစု, ပှၤအံၣ်စရ့လးဖိခဲလၢာ်လဲၤထီၣ်ဆူဘ့ၤသ့လးဒီး ဟီၣ်ဝဲယၢၤဝဲလီၤ. အဝဲသ့ၣ်ဆ့ၣ်နီၤဖဲန့ၣ်လၢယွၤအမဲာ်ညါဒီးတၢ်အီၣ်တုၤမုၢ်ဟါလီၤတစုန့ၣ်လီၤ. အဝဲသ့ၣ်ဒုၣ်တၢ်အီၣ်ဒီးလုၢ်တၢ်လုၢ်မၤဃူမၤဖိး ဒီးတၢ်လုၢ်မ့ၣ်အူလၢကစၢ်ယွၤအမဲာ်ညါလီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:6

လၢတၢ်န့ၣ်အဃိအဝဲသ့ၣ်ပာ်ဖှိၣ်ထီၣ်အသးဖဲဝ့ၢ်မံးစပၤလီၤ. အဝဲသ့ၣ်ဒၢၣ်န့ၢ်ထံတနီၤဒီးလူလီၤအီၤဒ်တၢ်လုၢ်မၤဘူၣ်တမံၤ ဆူယွၤအအိၣ်ဒီးဒုၣ်တၢ်အီၣ်သ့တနံၤကျၢၤလီၤ. အဝဲသ့ၣ်စံး, “ပမၤတ့ၢ်တၢ်ဒဲးဘးထီဒါယွၤလီၤ.” (ဝ့ၢ်မံးစပၤန့ၣ်မ့ၢ်တၢ်လီၢ်လၢစီၤၡမူၤအ့လးမၤလိၤမၤဘၣ် တၢ်ဂ့ၢ်လိာ်ဘှီလိာ်တဖၣ်လၢပှၤအံၣ်စရ့လးဖိတဖၣ်အဘၢၣ်စၢၤန့ၣ်လီၤ.)