လံာ်စီၤဧ့စြၤ 8:18 - Sgaw Karen Common Bible

¹⁸ လၢကစၢ်ယွၤအဘျုးအဖှိၣ်အဃိ, အဝဲသ့ၣ်ဆှၢလီၤန့ၢ်ပှၤစီၤၡ့ၤ ရ့ဘယၤ, ပှၤတဂၤလၢအအိၣ်ဒီးတၢ်သ့တၢ်ဘၣ်, ပှၤလ့ၤဝံဖိတဂၤလၢစီၤမၤဃလံအဒူၣ်ထၢ, ဒီးအဖိခွါဒီးအဒီပုၢ်ဝဲၢ်ခွါတဆံဃိးဂၤဟဲဃုာ်ဒီးအီၤန့ၣ်လီၤ.

လံာ်စီၤဧ့စြၤ 8:18 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 6:1

စီၤလ့ၤဝံအိၣ်ဒီးအဖိခွါသၢဂၤလၢအမ့ၢ်, စီၤက့ရၡိၣ်, စီၤကဃးဒီးစီၤမရၤရံၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:19

ဒီးစီၤမရၤရံၤမ့ၢ်စီၤမၤဃလံဒီးစီၤမူၡံၤအပၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:4

စီၤအလၤဧစၢ်အစၢၤအသွဲၣ်တဖၣ်လၢစိၤတစိၤဘၣ်တစိၤန့ၣ်မ့ၢ်ဝဲ စီၤဖံၤနဃၣ်, စီၤအဘံၤၡူ,

လံာ်ကွဲးနီၣ်တၢ်ခံဘ့ၣ်တဘ့ၣ် 30:22

စီၤဃံးစကံယၤစံးထီၣ်ပတြၢၤပှၤလ့ၤဝံဖိတဖၣ်လၢအဝဲသ့ၣ် အတၢ်သ့တၢ်ဘၣ်လၢကဆှၢတၢ်ဘူၣ်ထီၣ်ဘါထီၣ်ယွၤအဃိ န့ၣ်လီၤ.

လံာ်စီၤဧ့စြၤ 7:28

လၢကစၢ်ယွၤအဘျုးအဖှိၣ်အဃိ, ယဘၣ်တၢ်ကွၢ်မဲာ်တ့ၢ်လံ ယၤလၢစီၤပၤဖးဒိၣ်, လၢအပှၤကူၣ်လိာ်တၢ်တဖၣ်, ဒီးကယဲၢ်ပဒိၣ်ပပှၢ်အိၣ်စိအိၣ်ကမီၤတဖၣ်လံ. ယွၤ, ယကစၢ်ယွၤဟ့ၣ်တ့ၢ်လံယၤတၢ်သူၣ်ဒူသးဒူဒီးယသ့ သဆၣ်ထီၣ်ပှၤခိၣ်ပှၤနၢ်အါဂၤအသးလၢအံၣ်စရ့လးအဒူၣ်အထၢတဖၣ် အပူၤ, ဒ်သိးကဟဲက့ၤဃုာ်ဒီးယၤန့ၣ်လီၤ.”

လံာ်စီၤဧ့စြၤ 7:6

စီၤဧ့စြၤမ့ၢ်ပှၤကူၣ်သ့ကူၣ်ဘၣ်တဂၤလၢအအိၣ်ဒီးတၢ်သ့ၣ်ညါနၢ် ပၢၢ်ဂ့ၤဂ့ၤကလဲာ်ဖဲအဘၣ်ထွဲဒီးပှၤယူဒၤဖိအတၢ်သိၣ်တၢ်သီ လၢယွၤ, အံၣ်စရ့လးအကစၢ်ယွၤဟ့ၣ်တ့ၢ်စီၤမိၤၡ့န့ၣ်လီၤ. မ့ၢ်လၢစီၤဧ့စြၤဒိးန့ၢ်ကစၢ်, အဝဲအကစၢ်ယွၤအတၢ်ဆိၣ်ဂ့ၤအဃိ, စီၤပၤဖးဒိၣ်ဟ့ၣ်အီၤတၢ်လၢအဃ့ဝဲတမံၤလၢ်လၢ်န့ၣ်လီၤ. လၢစီၤအၢ်တၤၡါၡတၤပၢတၢ်နွံနံၣ်တနံၣ်န့ၣ်စီၤဧ့စြၤဟးထီၣ် လၢကီၢ်ဘၤဘူၤလိၣ်ဒ်သိးကလဲၤဆူဝ့ၢ်ယရူၤၡလ့ၣ်ဃုာ်ဒီးပှၤအံၣ် စရ့လးဖိတဖုလၢအအိၣ်ဝဲဒီးပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, တၢ်လုၢ်ဟံၣ်အပှၤသးဝံၣ်တၢ်ဖိတဖၣ်, တၢ်လုၢ်ဟံၣ်အပှၤပၢၤတၢ်တဖၣ် ဒီးပှၤမၤတၢ်လၢတၢ်လုၢ်ဟံၣ်အပူၤတဖၣ်န့ၣ်လီၤ.

လံာ်စီၤဧ့စြၤ 8:16

ယကိးန့ၢ်ပှၤခိၣ်ပှၤနၢ်ခွံဂၤလၢအမ့ၢ်ဝဲ, စီၤအလၤဧစၢ်, စီၤအရံၤအ့လး, စီၤၡမါယၤ, စီၤအ့လနၤသၣ်, စီၤယၤရံာ်, စီၤအ့လနၤသၣ်, စီၤနၤသၣ်, စီၤစကၤရယၤ, ဒီးစီၤမၡူလၣ်, ဒီးသရၣ်သိၣ်လိတၢ်ခံဂၤလၢအမ့ၢ်ဝဲစီၤယိၤရံာ်ဒီးစီၤအ့ လနၤသၣ်န့ၣ်လီၤ.

လံာ်စီၤဧ့စြၤ 8:19

အဝဲသ့ၣ်ဆှၢလီၤစ့ၢ်ကီးစီၤဃၡၤဘယၤဒီးစီၤယၡၤယါလၢစီၤ မရၤရံၤအဒူၣ်ထၢဃုာ်ဒီးအဝဲသ့ၣ်အဘူးအတံၢ်တဖၣ်အဂၤခံဆံန့ၣ် လီၤ.

လံာ်စီၤဧ့စြၤ 8:22

မ့ၢ်လၢယတဲဘၣ်တ့ၢ်စီၤပၤဖးဒိၣ်လၢပကစၢ်ယွၤဆိၣ်ဂ့ၤပှၤတဂၤ လၢ်လၢ်လၢအသန့ၤအသးလၢအီၤ, မ့မ့ၢ်အဝဲကသးဒိၣ်ထီၣ်ဒီးစံၣ်ညီၣ်ပှၤတဂၤလၢ်လၢ်လၢအတကနၣ်ဃုာ် အီၤအဃိ, မ့ၢ်တၢ်မဲာ်ဆှးလၢယဂီၢ်ဒ်သိးယကဃ့အီၤပှၤဒိးကသ့ၣ်သုးမုၢ် တဖုလၢကဒီဒၣ်ပှၤလၢပဒုၣ်ပဒါအကလုာ်ကလုာ်ဖဲပလဲၤတၢ်အခါန့ၣ်လီၤ.

လံာ်စီၤဧ့စြၤ 8:24

လၢပှၤလုၢ်တၢ်အဒိၣ်လၢအတီခိၣ်ရိၣ်မဲတဖၣ်အကျါန့ၣ်, ယဃုထၢစီၤၡ့ၤရ့ဘယၤ, စီၤဃၡၤဘယၤဒီးပှၤအဂၤတဆံန့ၣ်လီၤ.

လံာ်စီၤနဃ့မယၤ 10:12

စီၤစးကူၢ်, စီၤၡ့ရ့ဘယၤ, စီၤၡဘၤန့ယၤ, စီၤဟိၤဒံယၤ, စီၤဘၤနံ, စီၤဘနံနူၤန့ၣ်လီၤ.

လံာ်စီၤနဃ့မယၤ 12:24

လၢစီၤဃၡၤဘယၤ, စီၤၡ့ရ့ဘယၤ, စီၤယ့ၤၡူ, စီၤဘံနူၤ, ဒီးစီၤကးမံၤအ့လးအတၢ်နဲၣ်ကျဲအပူၤန့ၣ်ပှၤလ့ၤဝံ ဖိတဖၣ်ဘၣ်တၢ်နီၤလီၤအီၤလၢအကရူၢ်တဖၣ်န့ၣ်လီၤ. ဒ်အလီၤပလိာ်ဝဲဒီးယွၤအပှၤကညီစီၤပၤဒၤဝံးအတၢ်သိၣ်လိနဲၣ် ယုၤတဖၣ်အသိး, တဘျီန့ၣ်ပှၤအိၣ်ဝဲခံဖုလၢကသးဝံၣ်ခီဆၢတၢ်စံးထီၣ်ပတြၢၤ ကစၢ်ယွၤဒီးတၢ်ဟ့ၣ်အီၤတၢ်စံးဘျုးအဂီၢ်န့ၣ်လီၤ.

လံာ်စီၤနဃ့မယၤ 2:8

ဒီးယဃ့စ့ၢ်ကီးစီၤပၤလၢကကွဲးန့ၢ်ယၤလံာ်ပရၢတဘ့ၣ်ဆူပှၤ ပၢၤစီၤပၤအသ့ၣ်ပှၢ်စီၤအၤစာ်အအိၣ်ဒီးမၢအီၤလၢအကဟ့ၣ်ယၤသ့ၣ် လၢယွၤအတၢ်လုၢ်ဟံၣ်အဃၢၤတိာ်လၢအဒီသဒၢအီၤအကျဲစၢၤတဖၣ်အထူၣ် အဂီၢ်, ဒီးလၢဝ့ၢ်အခိၣ်ဒူအဂီၢ်ဒီးလၢဟံၣ်လၢယကအိၣ်အဂီၢ်န့ၣ်လီၤ. ဒီးစီၤပၤဟ့ၣ်ယၤကယဲၢ်တၢ်လၢယဃ့ယဲခဲလၢာ်မ့ၢ်လၢကစၢ်ယွၤ အိၣ်ဒီးယၤအဃိန့ၣ်လီၤ.

လံာ်စီၤနဃ့မယၤ 8:7

အန့ၣ်ဝံၤဒီးအဝဲသ့ၣ်ဆၢထၢၣ်လၢအလီၢ်တဖၣ်, ဒီးပှၤလ့ၤဝံဖိ လၢလာ်တဖၣ်အံၤတဲနၢ်ပၢၢ်အဝဲသ့ၣ်လၢယူဒၤအတၢ်သိၣ်တၢ်သီန့ၣ် လီၤ. စီၤယ့ၤၡူ, စီၤဘၤနံ, စီၤၡ့ရ့ဘယၤ, စီၤယၤမံၣ်, စီၤဧးကူာ်, စီၤၡံၤဘသဲၤ, စီၤဟိၤဒံယၤ, စီၤမၤစ့ယၤ, စီၤက့လံတၤ, စီၤဧစၤရယၤ, စီၤယိစဘး, စီၤဃၤနၣ်, စီၤပလါယၤသ့ၣ်တဖၣ်န့ၣ်လီၤ.

တၢ်ကတိၤဒိ. 24:3

ဟံၣ်တဖၣ်ဘၣ်တၢ်သူၣ်ထီၣ်အီၤလၢတၢ်အခီၣ်ထံးလၢအမ့ၢ်ဝဲ တၢ်ကူၣ်သ့ဒီးတၢ်သ့ၣ်ညါနၢ်ပၢၢ်အဖီခိၣ်န့ၣ်လီၤ.

တၢ်ကတိၤဒိ. 3:6

သ့ၣ်ညါအၢၣ်လီၤယွၤလၢနကျဲခဲလၢာ်အပူၤတက့ၢ်. ဒီးအဝဲဒၣ်ကဒုးနဲၣ်နၤကျဲအဘၣ်လီၤ.

လံာ်ယံးရမံယၤ 3:15

ယကဟ့ၣ်လီၤသုလၢပှၤပၢတၢ်တဖၣ်လၢအစူၢ်ယၤ, ဒီးအဝဲသ့ၣ်ကပၢသုလၢတၢ်ကူၣ်သ့ဒီးတၢ် သ့ၣ်ညါနၢ်ပၢၢ်အပူၤန့ၣ်လီၤ.

လံာ်ဒၤနံးယ့လး 1:20

ဒီးကယဲၢ်တၢ်ဂ့ၢ်တမံၤလၢ်လၢ်ဘၣ်ဃးတၢ်ကူၣ်သ့ဒီးတၢ်သ့ၣ် ညါနၢ်ပၢၢ်လၢစီၤပၤသံကွၢ်အီၤန့ၣ်ထံၣ်ဘၣ်ဝဲလၢပှၤလွံၢ်ဂၤအံၤ နၢ်ပၢၢ်ဝဲဂ့ၤန့ၢ်ဒံးပှၤဖးတၢ်ဟဲဝံဟဲစိာ်ဒီးပှၤသ့တၢ်အူတၢ် သမူတဂၤလၢ်လၢ်လၢအထံအကီၢ်ဒီဘ့ၣ်ညါအပူၤန့ၣ်, အစးတဆံဒၣ်လဲာ်လီၤ.

လံာ်တၢ်ဂံၢ် 3:20

စီၤမရၤရံၤအဖိခွါအိၣ်ခံဂၤလၢအမ့ၢ်, စီၤမးဃလံၤဒီးစီၤ မူၡံၤန့ၣ်လီၤ. အဝဲသ့ၣ်မ့ၢ်ဒူၣ်ထၢတဖၣ်အပၢ်ဖးဒိၣ်လၢပျၢၤ တဖၣ်လၢပှၤဟဲလီၤစၢၤလီၤသွဲၣ်လၢအီၤတဖၣ်ဟံးန့ၢ်အဝဲသ့ၣ် အမံၤန့ၣ်လီၤ.

1 ကရံၣ်သူး 14:20

ယဒီပုၢ်ဝဲၢ်သ့ၣ်ဧၢ, တဘၣ်လီၤဂာ်ဒီးဖိသၣ်တဖၣ်လၢသုတၢ်ဆိကမိၣ်ဆိကမး အပူၤတဂ့ၤ, ဖဲလၢအဘၣ်ဃးဒီးတၢ်အၢတၢ်သီန့ၣ်လီၤဂာ်ဒီးဖိဒံဖိသၣ်, မ့မ့ၢ်လၢသုတၢ်ဆိကမိၣ်ဆိကမးအပူၤန့ၣ်ကဲပှၤဒိၣ်တုာ်ခိၣ်ပှဲၤ တဖၣ်တက့ၢ်.