လံာ်စီၤဧ့စြၤ 8:17 - Sgaw Karen Common Bible

¹⁷ ယမၢလီၤအဝဲသ့ၣ်လဲၤဆူပှၤလၢအအိၣ်ဆိးဖဲကၤစဖၤယၤတဖၣ်အ ခိၣ်, စီၤဧံးဒိၤအအိၣ်, လၢကလဲၤဃ့အီၤဒီးပှၤမၤသဃဲၤတၢ်ဒီးအီၤ လၢတၢ်လုၢ်ဟံၣ်တဖၣ်ဒ်သိးကဆှၢန့ၢ်ပှၤ, ပှၤလၢကမၤကစၢ်ယွၤအတၢ်မၤလၢတၢ်လုၢ်ဟံၣ်အပူၤန့ၣ်လီၤ.

လံာ်စီၤဧ့စြၤ 8:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:19

စီၤပၤသံကွၢ်အီၤ, “မ့ၢ်စီၤယိၤအာ်မၢနမၤတၢ်အံၤန့ၣ်ဧါ.” ပိာ်မုၣ်န့ၣ်စံးဆၢအီၤ, “နဲဒၣ်, တၢ်ဒိၣ်ကစၢ်စီၤပၤဧၢ, ယဆိၣ်တၢ်လၢတၢ်စီဆှံခဲလၢာ်အပူၤလၢ, ကျဲတအိၣ်ဘၣ်နီတဘိလၢ ယကပဒ့ၣ်ဟးဆှဲးစံးဆၢနတၢ်သံကွၢ်ဘၣ်န့ၣ်လီၤ. သပှၢ်ကတၢၢ်နသုးခိၣ်စီၤယိၤအာ်, မ့ၢ်ပှၤလၢအတဲဘၣ်ယၤလၢယကဘၣ်မၤ တၢ်မနုၤဒီးယကဘၣ်စံးတၢ်မနုၤလဲၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:3

အန့ၣ်ဝံၤဒီး, လဲၤဆူစီၤပၤအအိၣ်ဒီးစံးဘၣ်အီၤ, တၢ်လၢယမၤလိာ်နၤလၢနကဘၣ်တဲအီၤန့ၣ်တက့ၢ်.” အန့ၣ်ဝံၤဒီး, စီၤယိၤအာ်တဲဘၣ်အီၤတၢ်လၢအဝဲကစံးတဲဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:2

ပှၤအဆိကတၢၢ်တဖုလၢအဟဲက့ၤကဒါက့ၤဆူအဝဲသ့ၣ်အတၢ်စုလီၢ်ခီၣ် ခိၣ်အိၣ်အဝ့ၢ်တဖၣ်အကျါန့ၣ်အိၣ်ဃုာ်ဒီးပှၤအံၣ်စရ့လးဖိပတီၢ်မုၢ်တဖၣ်, ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်ဒီးတၢ်လုၢ်ဟံၣ်အပှၤမၤတၢ်ဖိသ့ၣ်တဖၣ်န့ၣ်လီၤ.

လံာ်စီၤဧ့စြၤ 2:43

တၢ်လုၢ်ဟံၣ်အပှၤမၤတၢ်ဖိအဒူၣ်ဖိထၢဖိလၢအဟဲက့ၤကဒါက့ၤလၢ တၢ်စိာ်မၢကဲကုၢ်တဖၣ်,

လံာ်စီၤဧ့စြၤ 2:58

တၢ်လုၢ်ဟံၣ်အပှၤမၤတၢ်ဖိတဖၣ်အစၢၤအသွဲၣ်ဒီးစီၤၡလိၤမိၤအခ့ အပှၤတဖၣ်အစၢၤအသွဲၣ်လၢအဟဲက့ၤကဒါက့ၤလၢတၢ်စိာ်မၢကဲကုၢ်ခဲ လၢာ်မ့ၢ်ဝဲသၢကယၤခွံဆံခံ ဂၤလီၤ.

လံာ်စီၤဧ့စြၤ 8:16

ယကိးန့ၢ်ပှၤခိၣ်ပှၤနၢ်ခွံဂၤလၢအမ့ၢ်ဝဲ, စီၤအလၤဧစၢ်, စီၤအရံၤအ့လး, စီၤၡမါယၤ, စီၤအ့လနၤသၣ်, စီၤယၤရံာ်, စီၤအ့လနၤသၣ်, စီၤနၤသၣ်, စီၤစကၤရယၤ, ဒီးစီၤမၡူလၣ်, ဒီးသရၣ်သိၣ်လိတၢ်ခံဂၤလၢအမ့ၢ်ဝဲစီၤယိၤရံာ်ဒီးစီၤအ့ လနၤသၣ်န့ၣ်လီၤ.

လံာ်တၢ်ဟးထီၣ်ကွံာ် 4:15

ဒီးနဘၣ်ကတိၤတၢ်ဒီးအီၤ, တဲဘၣ်အီၤတၢ်လၢကဘၣ်စံးကတိၤဝဲန့ၣ် လီၤ. ဒီးယကမၤစၢၤသုဝဲခံဂၤလၢာ်လၢသု ကဘၣ်ကတိၤတၢ်ဒ်လဲၣ်ဒီးသိၣ်လိသုလၢသုကဘၣ်မၤတၢ်မနုၤလဲၣ်န့ၣ်လီၤ.

လံာ်ယံးရမံယၤ 1:9

အန့ၣ်ဝံၤဒီး, ယွၤယူာ်ထီၣ်အစု, ထိးဘၣ်ယနိးဖံးဒီးစံးဘၣ်ယၤ, “ဒိကနၣ်တက့ၢ်. ယဟ့ၣ်လံနၤတၢ်ကတိၤတဖၣ် လၢနကဘၣ်ကတိၤအီၤလီၤ.

လံာ်ယံးရမံယၤ 15:19

တၢ်ဂ့ၢ်အံၤယွၤစံးဆၢက့ၤဝဲဒ်အံၤ, “နမ့ၢ်ဟဲက့ၤကဒါက့ၤဒီး, ယကဟံးန့ၢ်က့ၤနၤ, ဒီးနကကဲထီၣ်က့ၤကဒီးယခ့ယပှၤန့ၣ်လီၤ. လၢနကကတိၤတၢ်နါစိၤနါပြာ်တၢ်အလီၢ် နမ့ၢ်တဲဖျါတၢ်ကစီၣ်လၢအလုၢ်အပှ့ၤအိၣ်ဒီး, နကမ့ၢ်က့ၤကဒီးယဝံန့ၣ်လီၤ. ပှၤဂီၢ်မုၢ်ကဟဲက့ၤကဒါက့ၤဆူနအိၣ်ဒီးတလိၣ် နလဲၤဆူအဝဲသ့ၣ်အအိၣ်န့ၣ်ဘၣ်.

လံာ်တၢ်ဂံၢ် 18:6

ယမ့ၢ်ပှၤတဂၤလၢအဃုထၢတ့ၢ်နဘူးနတံၢ်ပှၤလ့ၤဝံဖိတဖၣ်လၢပှၤ အံၣ်စရ့လးဖိတဖၣ်အကျါဒ်တၢ်ဟ့ၣ်တမံၤဆူနအိၣ်လီၤ. အဝဲသ့ၣ်ဘၣ်တၢ်ပာ်စီဆှံထီၣ်အီၤဆူယအိၣ်, ဒ်သိးအဝဲသ့ၣ်မၤအမူအဒါတဖၣ်လၢဒဲစီဆှံအပူၤကသ့ဝဲဒၣ်န့ၣ် လီၤ.

လံာ်သိၣ်လီၤသီလီၤတၢ် 18:18

ယကဆှၢလီၤန့ၢ်အဝဲသ့ၣ်လၢဝံဒ်သိးနၤတဂၤလၢအဝဲသ့ၣ်အပှၤဂီၢ် မုၢ်ဒၣ်ဝဲအကျါလီၤ. ယကတဲဘၣ်ဝံန့ၣ်တၢ်လၢကဘၣ်စံးဝဲ, ဒီးအဝဲကတဲဘၣ်ပှၤဂီၢ်မုၢ်တၢ်ခဲလၢာ်လၢယမၤလိာ်အီၤန့ၣ်လီၤ.

တံတူး 1:5

ယပာ်လီၤတဲာ်နၤဖဲကီးကြ့တ့ၤဒ်သိးနကသုးကျဲၤမၤဝံၤမၤဘၣ် က့ၤတၢ်လၢအလိၣ်ဒံးတဖၣ်, ဒီးဃုထၢထီၣ်တၢ်အိၣ်ဖှိၣ်သးပှၢ်တဖၣ်လၢဝ့ၢ်ကိးဖျၢၣ်ဒဲး အပူၤလီၤ. သ့ၣ်နီၣ်ထီၣ်တၢ်လၢယမၤလိာ်နၤတဖၣ်န့ၣ်တက့ၢ်.