လံာ်စီၤဧ့စြၤ 8:16 - Sgaw Karen Common Bible

¹⁶ ယကိးန့ၢ်ပှၤခိၣ်ပှၤနၢ်ခွံဂၤလၢအမ့ၢ်ဝဲ, စီၤအလၤဧစၢ်, စီၤအရံၤအ့လး, စီၤၡမါယၤ, စီၤအ့လနၤသၣ်, စီၤယၤရံာ်, စီၤအ့လနၤသၣ်, စီၤနၤသၣ်, စီၤစကၤရယၤ, ဒီးစီၤမၡူလၣ်, ဒီးသရၣ်သိၣ်လိတၢ်ခံဂၤလၢအမ့ၢ်ဝဲစီၤယိၤရံာ်ဒီးစီၤအ့ လနၤသၣ်န့ၣ်လီၤ.

လံာ်စီၤဧ့စြၤ 8:16 Iomraidhean Croise

လံာ်စီၤပၤအခီၣ်ထံးတဘ့ၣ် 3:11

ဒီးလၢတၢ်န့ၣ်အဃိယွၤစံးဘၣ်အီၤ, “လၢနကဃ့နကစၢ်ဒၣ်နဲအတၢ် အိၣ်ကၢအိၣ်ခိးအဂီၢ်မ့ၢ်ဂ့ၤ, တၢ်ထူးတၢ်တီၤမ့ၢ်ဂ့ၤ, နဒုၣ်နဒါတဖၣ်အတၢ်သံမ့ၢ်ဂ့ၤအလီၢ်န့ၣ်, မ့ၢ်လၢနဃ့တ့ၢ်တၢ်ကူၣ်သ့ဒ်သိးနကပၢတၢ်လၢတၢ်စံၣ်ညီၣ်တီအပူၤ အဃိ,

လံာ်ကွဲးနီၣ်တၢ်အခီၣ်ထံးတဘ့ၣ် 12:32

လၢပှၤယံးစၣ်ကၢ်ဖိအဒူၣ်ပူၤန့ၣ်, ပှၤအခိၣ်အနၢ်ခံကယၤဂၤ, ဃုာ်ဒီးပှၤတဖၣ်လၢအအိၣ်လၢအဝဲသ့ၣ်အတၢ်ပၢအဖီလာ်န့ၣ်လီၤ. (ပှၤခိၣ်ပှၤနၢ်တဖၣ်အံၤသ့ၣ်ညါတ့ၢ်တၢ်လၢပှၤအံၣ်စရ့လးဖိ ကြၢးမၤဝဲဒီးတၢ်ဆၢကတီၢ်အဂ့ၤကတၢၢ်လၢကဘၣ်မၤဝဲ န့ၣ်လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 26:14

စီၤၡ့ၤလ့မယၤဖီၣ်တၢ်ဖးလီၤလၢမုၢ်ထီၣ်တြဲၤအဂီၢ်ဒီးအဝဲ အဖိခွါစီၤစကၤရယၤ, ပှၤတဂၤလၢထီဘိဟ့ၣ်တၢ်ဟ့ၣ်ကူၣ်ဟ့ၣ်ဖး လၢအဂ့ၤ, ဖီၣ်တၢ်ဖးလီၤလၢကလံၤစိးတြဲၤတခီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:12

စံးထီၣ်ပတြၢၤယွၤ, အံၣ်စရ့လးအကစၢ်ယွၤ, ကစၢ်လၢအတ့လီၤမူခိၣ်ဒီးဟီၣ်ခိၣ်တဂၤန့ၣ်တက့ၢ်. အဝဲဟ့ၣ်လီၤတ့ၢ်လံစီၤပၤစီၤဒၤဝံးလၢဖိခွါလၢအကူၣ်တၢ်သ့ တဂၤလၢအပှဲၤဒီးတၢ်သ့ၣ်ညါဒီးတၢ်သ့တၢ်ဘၣ်, လၢခဲကနံၣ်အံၤကူၣ်ကျဲၤဝဲလၢကသူၣ်ထီၣ်တၢ်လုၢ်ဟံၣ်တဖျၢၣ်လၢ ယွၤအဂီၢ်, ဒီးနီတဖျၢၣ်လၢအနီၢ်ကစၢ်ဒၣ်ဝဲအဂီၢ်န့ၣ်လီၤ.

လံာ်စီၤဧ့စြၤ 10:21

လၢစီၤဃၤရံၣ်အဒူၣ်ထၢပူၤန့ၣ်, စီၤမၤစ့ယၤ, စီၤအ့ၤလံယၤ, စီၤၡမါယၤ, စီၤယဃံအ့လးဒီးစီၤဧူးစံယါ,

လံာ်စီၤဧ့စြၤ 8:13

စီၤအလံၤဖ့လံး, စီၤယယ့ၤအ့လးဒီးစီၤၡမါယၤလၢစီၤအဒိၤနံကၣ် အဒူၣ်ထၢ, ဃုာ်ဒီးပှၤပိာ်ခွါဃုဆံဂၤ (အဝဲသ့ၣ်ဟဲက့ၤကဒါက့ၤလၢခံ)

လံာ်စီၤဧ့စြၤ 8:15

ယကိးဖှိၣ်ပှၤဒီတဖုညါဖဲထံကျိယွၤလီၤဆူဝ့ၢ်အၤဟဝၤအကပၤ ဒီးပသူၣ်ဒဲဖဲန့ၣ်သၢသီလီၤ. ယထံၣ်န့ၢ်လၢပှၤလုၢ်တၢ်အခိၣ်တဖၣ်အိၣ်ဝဲလၢပှၤတဖုန့ၣ်အကျါ, ဘၣ်ဆၣ်ပှၤလ့ၤဝံဖိတအိၣ်နီတဂၤဘၣ်.

လံာ်စီၤဧ့စြၤ 8:17

ယမၢလီၤအဝဲသ့ၣ်လဲၤဆူပှၤလၢအအိၣ်ဆိးဖဲကၤစဖၤယၤတဖၣ်အ ခိၣ်, စီၤဧံးဒိၤအအိၣ်, လၢကလဲၤဃ့အီၤဒီးပှၤမၤသဃဲၤတၢ်ဒီးအီၤ လၢတၢ်လုၢ်ဟံၣ်တဖၣ်ဒ်သိးကဆှၢန့ၢ်ပှၤ, ပှၤလၢကမၤကစၢ်ယွၤအတၢ်မၤလၢတၢ်လုၢ်ဟံၣ်အပူၤန့ၣ်လီၤ.

လံာ်စီၤဧ့စြၤ 8:18

လၢကစၢ်ယွၤအဘျုးအဖှိၣ်အဃိ, အဝဲသ့ၣ်ဆှၢလီၤန့ၢ်ပှၤစီၤၡ့ၤ ရ့ဘယၤ, ပှၤတဂၤလၢအအိၣ်ဒီးတၢ်သ့တၢ်ဘၣ်, ပှၤလ့ၤဝံဖိတဂၤလၢစီၤမၤဃလံအဒူၣ်ထၢ, ဒီးအဖိခွါဒီးအဒီပုၢ်ဝဲၢ်ခွါတဆံဃိးဂၤဟဲဃုာ်ဒီးအီၤန့ၣ်လီၤ.

တၢ်ကတိၤဒိ. 2:6

ယွၤမ့ၢ်ဝဲပှၤလၢအဟ့ၣ်တၢ်ကူၣ်သ့, ဒီးတၢ်သ့ၣ်ညါဒီး တၢ်သူၣ်ဆးသးဆးဟဲလၢအအိၣ်လီၤ.

တၢ်ကတိၤဒိ. 20:5

ပှၤတဂၤအတၢ်ဆိကမိၣ်တဖၣ်လီၤဂာ်ဒ်ထံလၢထံပူၤယိာ်တပူၤအသိး လီၤ. ဘၣ်ဆၣ်ပှၤတဂၤလၢအအိၣ်ဒီးတၢ်ထံၣ်လၢသးန့ၣ်, ထုးထီၣ်အီၤသ့ဝဲလီၤ.

တၢ်ကတိၤဒိ. 28:2

တုၤထံကီၢ်တကီၢ်အိၣ်ဒီးတၢ်ပူထီၣ်လီထီၣ်န့ၣ်, ပှၤပၢတၢ်ကအိၣ်တဖုဝံၤတဖုလီၤ. မ့မ့ၢ်, ဖဲအအိၣ်ဒီးခိၣ်နၢ် တဖၣ်လၢအသးဆးဒီးကူၣ်သ့ကူၣ်ဘၣ်န့ၣ်, ထံကီၢ်ဝဲအံၤအဂံၢ်အဘါကဆူၣ်ဒီးကအိၣ်ဂၢၢ်ကျၢၤဝဲလီၤ.

လံာ်ဒၤနံးယ့လး 2:21

အဝဲပၢတၢ်ဆၢကတီၢ်ဒီးန့ဆၢၣ်အကတီၢ်တဖၣ်, သုးကွံာ်ဝဲဒီးပာ်ထီၣ်စီၤပၤတဖၣ်, ဟ့ၣ်လီၤဝဲတၢ်ကူၣ်သ့လၢပှၤကူၣ်တၢ်သ့ဒီးတၢ်သ့ၣ်ညါ လၢပှၤနၢ်ပၢၢ်တၢ်တဖၣ်န့ၣ်လီၤ.

၂ တံၤမသ့း 2:7

ဆိကမိၣ်ထံတၢ်လၢယစံးကတိၤတဖၣ်န့ၣ်တက့ၢ်. အဂ့ၢ်ဒ်လဲၣ်န့ၣ်, ကစၢ်ကဒုးနၢ်ပၢၢ်နၤတၢ်ခဲလၢာ်န့ၣ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.