လံာ်စီၤဧ့စြၤ 7:5 - Sgaw Karen Common Bible

⁵ စီၤအဘံၤၡူအဖိခွါ, စီၤဖံၤနဃၣ်အဖိခွါ, စီၤအလၤဧစၢ်အဖိခွါ, စီၤအၤဟရိၣ်အဖိခွါန့ၣ်လီၤ.

လံာ်စီၤဧ့စြၤ 7:5 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 6:4

စီၤအလၤဧစၢ်အစၢၤအသွဲၣ်တဖၣ်လၢစိၤတစိၤဘၣ်တစိၤန့ၣ်မ့ၢ်ဝဲ စီၤဖံၤနဃၣ်, စီၤအဘံၤၡူ,

လံာ်ကွဲးနီၣ်တၢ်ခံဘ့ၣ်တဘ့ၣ် 19:11

ပှၤလုၢ်တၢ်အခိၣ်အဒိၣ်ကတၢၢ်စီၤအမၤရယၤကအိၣ်ဒီးတၢ်စိ တၢ်ကမီၤလၢခံကတၢၢ်တပတီၢ်လၢကယဲၢ်တၢ်ဘူၣ်တၢ်ဘါအကွီၢ်တဖၣ်အ ဂီၢ်, ဒီးကီၢ်ယူဒၤအပဒိၣ်ဖးဒိၣ်အဒိၣ်ကတၢၢ်စီၤယံးၡမၤဧ့လးအဖိ ခွါစီၤစဘၤဒယၤကအိၣ်ဒီးတၢ်စိတၢ်ကမီၤလၢခံကတၢၢ်တပတီၢ်လၢ ကယဲၢ်ထံဖိကီၢ်ဖိအကွီၢ်တဖၣ်အဂီၢ်န့ၣ်လီၤ. ပှၤလ့ၤဝံဖိတဖၣ်အိၣ်မူအိၣ်ဒါလၢတၢ်ကွၢ်ထွဲကွီၢ်ဘျီၣ်အတၢ် စံၣ်ညီၣ်တဖၣ်မ့ၢ်အဘၣ်တၢ်မၤထွဲအီၤဧါ, တဘၣ်တၢ်မၤထွဲအီၤဘၣ်လဲၣ်အဂ့ၢ်န့ၣ်လီၤ. အိၣ်ဒီးတၢ်သူၣ်ဒူသးဒူဒီးစိာ်ထီၣ်မၤထွဲတၢ်သိၣ်လိနဲၣ်ယုၤ တဖၣ်အံၤအခံ, ဒီးမ်ယွၤအိၣ်လၢတၢ်အဘၣ်တကပၤန့ၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 26:20

စီၤဧစၤရယၤဒီးပှၤလုၢ်တၢ်အခိၣ်အဂၤတဖၣ်ကွၢ်စူၢ်စီၤပၤအခိၣ် တိသၣ်လၢတၢ်ပျံၤတၢ်ဖုးအပူၤဝံၤဒီးမၢဆူၣ်အီၤလၢအကဟးထီၣ် ကွံာ်လၢယွၤအတၢ်လုၢ်ဟံၣ်အပူၤန့ၣ်လီၤ. အဝဲမၤချ့ချ့လၢအကဟးထီၣ်ဝဲမ့ၢ်လၢယွၤစံၣ်ညီၣ်လံအီၤအဃိ န့ၣ်လီၤ.

လံာ်စီၤဧ့စြၤ 7:4

စီၤစရၤဃယၤအဖိခွါ, စီၤဧူးစံအဖိခွါ, စီၤဘူးကံၤအဖိခွါ,

လံာ်စီၤဧ့စြၤ 7:6

စီၤဧ့စြၤမ့ၢ်ပှၤကူၣ်သ့ကူၣ်ဘၣ်တဂၤလၢအအိၣ်ဒီးတၢ်သ့ၣ်ညါနၢ် ပၢၢ်ဂ့ၤဂ့ၤကလဲာ်ဖဲအဘၣ်ထွဲဒီးပှၤယူဒၤဖိအတၢ်သိၣ်တၢ်သီ လၢယွၤ, အံၣ်စရ့လးအကစၢ်ယွၤဟ့ၣ်တ့ၢ်စီၤမိၤၡ့န့ၣ်လီၤ. မ့ၢ်လၢစီၤဧ့စြၤဒိးန့ၢ်ကစၢ်, အဝဲအကစၢ်ယွၤအတၢ်ဆိၣ်ဂ့ၤအဃိ, စီၤပၤဖးဒိၣ်ဟ့ၣ်အီၤတၢ်လၢအဃ့ဝဲတမံၤလၢ်လၢ်န့ၣ်လီၤ. လၢစီၤအၢ်တၤၡါၡတၤပၢတၢ်နွံနံၣ်တနံၣ်န့ၣ်စီၤဧ့စြၤဟးထီၣ် လၢကီၢ်ဘၤဘူၤလိၣ်ဒ်သိးကလဲၤဆူဝ့ၢ်ယရူၤၡလ့ၣ်ဃုာ်ဒီးပှၤအံၣ် စရ့လးဖိတဖုလၢအအိၣ်ဝဲဒီးပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, တၢ်လုၢ်ဟံၣ်အပှၤသးဝံၣ်တၢ်ဖိတဖၣ်, တၢ်လုၢ်ဟံၣ်အပှၤပၢၤတၢ်တဖၣ် ဒီးပှၤမၤတၢ်လၢတၢ်လုၢ်ဟံၣ်အပူၤတဖၣ်န့ၣ်လီၤ.

လံာ်တၢ်ဟးထီၣ်ကွံာ် 6:25

ဒီးစီၤအၤဟရိၣ်အဖိခွါစီၤအလၤဧစၢ်န့ၣ်, ဟံးန့ၢ်အမါလၢစီၤပူတံၤ အ့လးအဖိမုၣ်တဖၣ်အကျါတဂၤဒီးအဝဲဒၣ်ဆံးစၢ်န့ၢ်အီၤ လၢစီၤဖံနဃၣ်လီၤ. အဝဲသ့ၣ်န့ၣ်မ့ၢ်လ့ၤဝံအဒူၣ်အခိၣ်အနၢ်တဖၣ် ဒီးအစၢၤအသွဲၣ်တဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:12

ဒီးစီၤမိၤၡ့စံးဘၣ်စီၤအၤဟရိၣ်ဒီးအဖိခွါအိၣ်လီၤတဲာ်ခံဂၤလၢ အမ့ၢ်စီၤအလၤဧစၢ်ဒီးစီၤအံသမၢ်, “ဟံးန့ၢ်တၢ်လုၢ်ဘုဧိၤဟုဧိၤလၢအအိၣ်လီၤတဲာ်လၢတၢ်လုၢ်မၤ ဘူၣ်တၢ်အီၣ်ဆူယွၤအအိၣ်ဒီးမၤကိၣ်လၢကိၣ်မံၣ်တအိၣ်ဘၣ်. ဒီးအီၣ်အီဖဲတၢ်လုၢ်လီၢ်အကပၤန့ၣ်တက့ၢ်. မ့ၢ်လၢတၢ်လုၢ်အံၤစီဆှံဝဲဒိၣ်မးအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:16

တုၤစီၤမိၤၡ့သံကွၢ်တၢ်ဘၣ်ဃးမဲာ်တဲးလဲးတဒုလၢ တၢ်လုၢ်တၢ်ပျၢ်တၢ်ဒဲးဘးအဂီၢ်အဂ့ၢ်ဒီးသ့ၣ်ညါဝဲလၢအဘၣ်တၢ် ဆိၣ်ကဲၤထီၣ်ကွံာ်လံအီၤန့ၣ်, အသးထီၣ်ဘၣ်စီၤအလၤဧစၢ်ဒီးစီၤအံသမၢ်လီၤ. ဒီးစီၤမိၤၡ့သံကွၢ်ဝဲ,

လံာ်တၢ်ဘူၣ်ထီၣ်ဘါထီၣ် 10:6

အန့ၣ်ဝံၤဒီး, စီၤမိၤၡ့စံးဘၣ်စီၤအၤဟရိၣ်ဒီးအဖိခွါစီၤအလၤဧစၢ်, ဒီးစီၤအံသမၢ်, “ပာ်သုခိၣ်သူတဖုတရုဒီးဖှီသုဆ့တဖၣ်ဒ်သိးသုကပာ်ဖျါ သုတၢ်သးအုးန့ၣ်တဂ့ၤ. သုမ့ၢ်မၤဒ်န့ၣ်ဒီးသုကသံလီၤ. ဒီးယွၤကသးထီၣ်ဘၣ်ပှၤဂီၢ်မုၢ်ခဲလၢာ်လီၤ. မ့မ့ၢ်ပှၤအံၣ်စရ့လးဖိခဲလၢာ်ဟီၣ်ယၢၤဝဲသ့လၢတၢ်သံအံၤမၤအသးခီဖျိမ့ၣ်အူဟဲလၢယွၤအအိၣ် အဃိန့ၣ်လီၤ.

လံာ်တၢ်ဂံၢ် 27:2

အဝဲသ့ၣ်လဲၤဒီးဆၢထၢၣ်ဝဲလၢစီၤမိၤၡ့ဒီးပှၤလုၢ်တၢ်အခိၣ် စီၤအလၤဧစၢ်, ပှၤခိၣ်ပှၤနၢ်တဖၣ်, ဒီးကမျၢၢ်ဒီကရူၢ် အမဲာ်ညါဖဲယွၤအိၣ်ဝဲဆိးဝဲအဒဲစီဆှံအကျဲစၢၤန့ၣ်ဒီးစံးဝဲ,

လံာ်တၢ်ဂံၢ် 3:32

ပှၤလ့ၤဝံဖိတဖၣ်အခိၣ်မ့ၢ်ဝဲပှၤလုၢ်တၢ်အခိၣ်စီၤအၤဟရိၣ်အဖိ ခွါစီၤအလၤဧစၢ်န့ၣ်လီၤ. အဝဲမ့ၢ်ပှၤအခိၣ်လၢပှၤတဖၣ်လၢအမၤအမူအဒါလၢတၢ်အလီၢ်စီဆှံ အပူၤအဂီၢ်န့ၣ်လီၤ.

လံာ်တၢ်ဂံၢ် 31:31

စီၤမိၤၡ့ဒီးစီၤအလၤဧစၢ်မၤဝဲဒ်တၢ်လၢယွၤမၤလိာ်ဝဲတဖၣ်အသိး န့ၣ်လီၤ.

လံာ်တၢ်ဂံၢ် 31:54

မၤသးဒ်န့ၣ်ဒီး, စီၤမိၤၡ့ဒီးစီၤအလၤဧစၢ်လဲၤစိာ်ထူတဖၣ်န့ၣ် ဆူဒဲစီဆှံဒ်သိးယွၤကဒီဒၣ်အိၣ်ပှိၤကီၢ်အံၣ်စရ့လးအပှၤဂီၢ်မုၢ်အဂီၢ်န့ၣ်လီၤ.

လံာ်တၢ်ဂံၢ် 31:6

စီၤမိၤၡ့ဆှၢလီၤအဝဲသ့ၣ်ဆူတၢ်ဒုးတၢ်ယၤအပူၤလၢပှၤလုၢ်တၢ် အခိၣ်စီၤအလၤဧစၢ်အဖိခွါစီၤဖံၤနဃၣ်အတၢ်ပၢတၢ်ဆှၢအဖီလာ်, ပှၤတဂၤလၢအကွၢ်ထွဲတၢ်စီဆှံအပီးအလီတဖၣ်ဒီးကွဲၤတဖၣ်လၢ ကဟ့ၣ်ထီၣ်တၢ်ပနီၣ်တဖၣ်အဂီၢ်န့ၣ်လီၤ.

ဧ့ၤဘြံၤ 5:4

တၢ်လၤကပီၤဘၣ်ဃးဒီးတၢ်ကဲထီၣ်ပှၤလုၢ်တၢ်အခိၣ်အဒိၣ် ကတၢၢ်အံၤပှၤလၢအဃုထၢန့ၢ်အီၤလၢအဂီၢ်ဒၣ်ဝဲတအိၣ်နီ တဂၤဘၣ်. မ့ၢ်ဒၣ်တၢ်လၢအဟဲခီဖျိကစၢ်ယွၤအတၢ်ကိးဒ် တၢ်ကိးန့ၢ်စီၤအၤဟရိၣ်အသိးန့ၣ်လီၤ.

လံာ်စီၤယိၤၡူ 14:1

အအံၤမ့ၢ်တၢ်ဂ့ၢ်ဘၣ်ထွဲဒီးတၢ်နီၤဖးလီၤကီၢ်ကနၤဧၣ်လၢထံ ကျိယၢ်ဒ့ၣ်အမုၢ်နုာ်လၢပှၤအံၣ်စရ့လးဖိတဖၣ်အကျါဒ်လဲၣ်န့ၣ် လီၤ. ပှၤလုၢ်တၢ်အခိၣ်စီၤအလၤဧစၢ်, စီၤနိၣ်အဖိခွါစီၤယိၤၡူ, ဒီးအံၣ်စရ့လးအဒူၣ်တဖၣ်အဒူၣ်ဖိထၢဖိအခိၣ်အနၢ်တဖၣ်နီၤလီၤ ကီၢ်အံၤလၢအဝဲသ့ၣ်အကျါန့ၣ်လီၤ.

လံာ်စီၤယိၤၡူ 22:13

အန့ၣ်ဒီး, ပှၤအံၣ်စရ့လးဖိတဖၣ်မၢလီၤပှၤလုၢ်တၢ်အခိၣ် စီၤအလၤဧစၢ်အဖိခွါစီၤဖံၤနဃၣ်ဆူပှၤရူၤဘ့ၣ်ဖိ, ပှၤကးဖိ, ဒီးပှၤမုၢ်ထီၣ်မနၤၡ့ၤဖိအဒူၣ်တဖၣ်အအိၣ်လၢကီၢ်ကံးလဧးန့ၣ်လီၤ.

လံာ်စီၤယိၤၡူ 22:31

ပှၤလုၢ်တၢ်အခိၣ်စီၤအလၤဧစၢ်အဖိခွါစီၤဖံၤနဃၣ်စံးဘၣ်အဝဲသ့ၣ်, “အခဲအံၤပသ့ၣ်ညါလၢယွၤအိၣ်ဒီးပှၤလီၤ. တမ့ၢ်သုပူထီၣ်တၢ်ထီဒါအီၤန့ၣ်ဘၣ်. လၢတၢ်န့ၣ်အဃိသုအုၣ်က့ၤခီၣ်က့ၤတ့ၢ် ပှၤအံၣ်စရ့လးဖိတဖၣ်လၢယွၤအတၢ်စံၣ်ညီၣ်န့ၣ်လီၤ.

လံာ်စီၤယိၤၡူ 24:33

စီၤအၤဟရိၣ်အဖိခွါစီၤအလၤဧစၢ်သံဝဲဒီးဘၣ်တၢ်ခူၣ်လီၤအီၤဖဲ ဝ့ၢ်ကံဘဧၤလၢအအိၣ်လၢအ့ဖရဲၣ်အကစၢၢ်အလိၤလၢအဘၣ် တၢ်ဟ့ၣ်လီၤတ့ၢ်ဝဲလၢအဖိခွါစီၤဖံၤနဃၣ်အအိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 20:28

ပှၤဂီၢ်မုၢ်သံကွၢ်ယွၤ, “ဂ့ၤပလဲၤထီၣ်ဒုးကဒီးပဒီပုၢ်ဝဲၢ် ပှၤဘံၣ်ယၤမံၣ်ဖိတဖၣ်ဧါ. မ့တမ့ၢ်ပကဘၣ်ဆိကတီၢ်လဲၣ်.” ဒီးယွၤစံးဆၢဝဲဒၣ်, “ဒုးတက့ၢ်. ခဲမုၢ်ဆ့ၣ်တနံၤန့ၣ်ယကဟ့ၣ်သုလၢတၢ်မၤနၢၤလၢအဝဲသ့ၣ် အဖီခိၣ်လီၤ.