လံာ်စီၤဧ့စြၤ 7:28 - Sgaw Karen Common Bible

²⁸ လၢကစၢ်ယွၤအဘျုးအဖှိၣ်အဃိ, ယဘၣ်တၢ်ကွၢ်မဲာ်တ့ၢ်လံ ယၤလၢစီၤပၤဖးဒိၣ်, လၢအပှၤကူၣ်လိာ်တၢ်တဖၣ်, ဒီးကယဲၢ်ပဒိၣ်ပပှၢ်အိၣ်စိအိၣ်ကမီၤတဖၣ်လံ. ယွၤ, ယကစၢ်ယွၤဟ့ၣ်တ့ၢ်လံယၤတၢ်သူၣ်ဒူသးဒူဒီးယသ့ သဆၣ်ထီၣ်ပှၤခိၣ်ပှၤနၢ်အါဂၤအသးလၢအံၣ်စရ့လးအဒူၣ်အထၢတဖၣ် အပူၤ, ဒ်သိးကဟဲက့ၤဃုာ်ဒီးယၤန့ၣ်လီၤ.”

လံာ်စီၤဧ့စြၤ 7:28 Iomraidhean Croise

လံာ်တၢ်ကဲထီၣ်အခီၣ်ထံး 32:28

ဒီးပှၤတဂၤန့ၣ်စံးဘၣ်အီၤ, “နမံၤတမ့ၢ်လၢၤဘၣ်စီၤယၤကိာ် ဘၣ်. နဂဲၤပျုၢ်ပြၢလိာ်တ့ၢ်နသးဒီးကစၢ်ယွၤဒီးပှၤကညီ, ဒီးနမၤနၢၤလံတၢ်လံ. အဃိဒီးနမံၤကမ့ၢ်စီၤအံၣ်စရ့လးလီၤ.”

လံာ်တၢ်ကဲထီၣ်အခီၣ်ထံး 43:14

မ်သ့တၢ်လၢာ်ကစၢ်ယွၤထိးဘၣ်ပှၤတဂၤန့ၣ်အသးဒ်သိးကသးကညီၤသု တုၤလၢကဟ့ၣ်ကဒါက့ၤစီၤဘံၣ်ယၤမံၣ်ဒီးသုဒီပုၢ်ဝဲၢ်ခွါအဂၤ တဂၤဆူသုအိၣ်န့ၣ်တက့ၢ်. မ့မ့ၢ်လၢယဂီၢ်တခီယမ့ၢ်ဘၣ်ခီၣ်ဆူကွံာ်ယဖိတဖၣ်ဒီးယကဘၣ်ခီၣ် ဆူကွံာ်လီၤ.”

လံာ်စီၤဧ့စြၤ 5:5

ဘၣ်ဆၣ်, ကစၢ်ယွၤကွၢ်လီၤပှၤယူဒၤဖိအခိၣ်အနၢ်တဖၣ်, ဒီးကီၢ်ပၤရၣ်အပဒိၣ်ပပှၢ်တဖၣ်, ပာ်လီၤအသးလၢတချုးဒံးလၢအဝဲ သ့ၣ်ကွဲးလံာ်ပရၢဆူစီၤပၤဖးဒိၣ်ဒၤရယါဝ့ၢ်အအိၣ်ဒီးမၤန့ၢ် တၢ်စံးဆၢတမံၤသ့ဒံးဘၣ်န့ၣ်, တစံၣ်ညီၣ်ဒံးတၢ်နီတမံၤဘၣ်န့ၣ်လီၤ.

လံာ်စီၤဧ့စြၤ 7:14

ယၤ, ဃုာ်ဒီးယပှၤကူၣ်လိာ်တၢ်နွံဂၤ, ဆှၢလီၤနၤလၢနကလဲၤဃု ထံၣ်သ့ၣ်ညါတၢ်မၤအသးအဂ့ၢ်အခၢးလၢဝ့ၢ်ယရူၤၡလ့ၣ်ဒီးကီၢ်ယူ ဒၤအပူၤဒ်သိးတၢ်ကထံၣ်ဘၣ်လၢနကစၢ်ယွၤအတၢ်သိၣ်တၢ်သီလၢပှၤယူ ဒၤဖိအဂီၢ်လၢအဘၣ်တၢ်ဟ့ၣ်လီၤအးလီၤတ့ၢ်နၤန့ၣ်, ဘၣ်တၢ်စူၢ်အီၤဂ့ၤဂ့ၤထဲလဲၣ်န့ၣ်လီၤ.

လံာ်စီၤဧ့စြၤ 7:6

စီၤဧ့စြၤမ့ၢ်ပှၤကူၣ်သ့ကူၣ်ဘၣ်တဂၤလၢအအိၣ်ဒီးတၢ်သ့ၣ်ညါနၢ် ပၢၢ်ဂ့ၤဂ့ၤကလဲာ်ဖဲအဘၣ်ထွဲဒီးပှၤယူဒၤဖိအတၢ်သိၣ်တၢ်သီ လၢယွၤ, အံၣ်စရ့လးအကစၢ်ယွၤဟ့ၣ်တ့ၢ်စီၤမိၤၡ့န့ၣ်လီၤ. မ့ၢ်လၢစီၤဧ့စြၤဒိးန့ၢ်ကစၢ်, အဝဲအကစၢ်ယွၤအတၢ်ဆိၣ်ဂ့ၤအဃိ, စီၤပၤဖးဒိၣ်ဟ့ၣ်အီၤတၢ်လၢအဃ့ဝဲတမံၤလၢ်လၢ်န့ၣ်လီၤ. လၢစီၤအၢ်တၤၡါၡတၤပၢတၢ်နွံနံၣ်တနံၣ်န့ၣ်စီၤဧ့စြၤဟးထီၣ် လၢကီၢ်ဘၤဘူၤလိၣ်ဒ်သိးကလဲၤဆူဝ့ၢ်ယရူၤၡလ့ၣ်ဃုာ်ဒီးပှၤအံၣ် စရ့လးဖိတဖုလၢအအိၣ်ဝဲဒီးပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, တၢ်လုၢ်ဟံၣ်အပှၤသးဝံၣ်တၢ်ဖိတဖၣ်, တၢ်လုၢ်ဟံၣ်အပှၤပၢၤတၢ်တဖၣ် ဒီးပှၤမၤတၢ်လၢတၢ်လုၢ်ဟံၣ်အပူၤတဖၣ်န့ၣ်လီၤ.

လံာ်စီၤဧ့စြၤ 8:1

အအံၤမ့ၢ်တၢ်ကွဲးနီၣ်ဘၣ်ထွဲဒီးပှၤခိၣ်ပှၤနၢ်တဖၣ်လၢဒူၣ်ထၢ တဖၣ်အပူၤ, ပှၤအိၣ်လၢကီၢ်ဘၤဘူၤလိၣ်အတၢ်မၢကဲကုၢ်အပူၤဒီးပှၤ တဖၣ်လၢအဟဲက့ၤကဒါက့ၤဃုာ်ဒီးစီၤဧ့စြၤဆူဝ့ၢ်ယရူၤၡလ့ၣ်ဖဲစီၤ အၢ်တၤၡါၡတၤမ့ၢ်စီၤပၤဖးဒိၣ်အခါန့ၣ်လီၤ.

လံာ်စီၤဧ့စြၤ 8:15

ယကိးဖှိၣ်ပှၤဒီတဖုညါဖဲထံကျိယွၤလီၤဆူဝ့ၢ်အၤဟဝၤအကပၤ ဒီးပသူၣ်ဒဲဖဲန့ၣ်သၢသီလီၤ. ယထံၣ်န့ၢ်လၢပှၤလုၢ်တၢ်အခိၣ်တဖၣ်အိၣ်ဝဲလၢပှၤတဖုန့ၣ်အကျါ, ဘၣ်ဆၣ်ပှၤလ့ၤဝံဖိတအိၣ်နီတဂၤဘၣ်.

လံာ်စီၤဧ့စြၤ 8:18

လၢကစၢ်ယွၤအဘျုးအဖှိၣ်အဃိ, အဝဲသ့ၣ်ဆှၢလီၤန့ၢ်ပှၤစီၤၡ့ၤ ရ့ဘယၤ, ပှၤတဂၤလၢအအိၣ်ဒီးတၢ်သ့တၢ်ဘၣ်, ပှၤလ့ၤဝံဖိတဂၤလၢစီၤမၤဃလံအဒူၣ်ထၢ, ဒီးအဖိခွါဒီးအဒီပုၢ်ဝဲၢ်ခွါတဆံဃိးဂၤဟဲဃုာ်ဒီးအီၤန့ၣ်လီၤ.

လံာ်စီၤဧ့စြၤ 9:9

ပမ့ၢ်တ့ၢ်ကုၢ်တဖၣ်, ဘၣ်ဆၣ်နတပာ်ထီဃာ်ပှၤလၢကုၢ်အလီၢ်န့ၣ်ဘၣ်. နမၢကီၢ်ပၤရၣ်အစီၤပၤဖးဒိၣ်တဖၣ်ကွၢ်မဲာ်ပှၤဒီးပျဲပှၤလၢ ပကအိၣ်ဆိးဘၣ်ဒံးဒီးသူၣ်ထီၣ်ဘှီထီၣ်က့ၤနတၢ်လုၢ်ဟံၣ်လၢအအိၣ် လၢတၢ်ဟးဂီၤအပူၤဒီးထံၣ်န့ၢ်တၢ်ပူၤဖျဲးဖဲအံၤလၢကီၢ်ယူ ဒၤဒီးဝ့ၢ်ယရူၤၡလ့ၣ်အပူၤန့ၣ်လီၤ.

လံာ်စီၤနဃ့မယၤ 1:11

ဒီးခဲကနံၣ်အံၤဒိကနၣ်လၢ်ယတၢ်ထုကဖၣ်ဒီးကယဲၢ်နခ့နပှၤခဲလၢာ် လၢအသးအိၣ်ပာ်ထီၣ်ထီနၤအတၢ်ထုကဖၣ်န့ၣ်တက့ၢ်. တနံၤအံၤဟ့ၣ်လၢ်ယၤတၢ်မၤနၢၤဒီးမၢစီၤပၤသးကညီၤယၤတက့ၢ်. ဒီးလၢမုၢ်နံၤတဖၣ်အံၤန့ၣ်ယမ့ၢ်ပှၤစိာ်စီၤပၤဖးဒိၣ်အလီခီအီတၢ်န့ၣ်လီၤ.

လံာ်စီၤနဃ့မယၤ 2:8

ဒီးယဃ့စ့ၢ်ကီးစီၤပၤလၢကကွဲးန့ၢ်ယၤလံာ်ပရၢတဘ့ၣ်ဆူပှၤ ပၢၤစီၤပၤအသ့ၣ်ပှၢ်စီၤအၤစာ်အအိၣ်ဒီးမၢအီၤလၢအကဟ့ၣ်ယၤသ့ၣ် လၢယွၤအတၢ်လုၢ်ဟံၣ်အဃၢၤတိာ်လၢအဒီသဒၢအီၤအကျဲစၢၤတဖၣ်အထူၣ် အဂီၢ်, ဒီးလၢဝ့ၢ်အခိၣ်ဒူအဂီၢ်ဒီးလၢဟံၣ်လၢယကအိၣ်အဂီၢ်န့ၣ်လီၤ. ဒီးစီၤပၤဟ့ၣ်ယၤကယဲၢ်တၢ်လၢယဃ့ယဲခဲလၢာ်မ့ၢ်လၢကစၢ်ယွၤ အိၣ်ဒီးယၤအဃိန့ၣ်လီၤ.

စံးထီၣ်ပတြၢၤ 109:12

မ်ပှၤသုတသးကညီၤအီၤမ့ၢ်ဂ့ၤ, ကဟုကယာ်အဖိဖိၣ်ဃဲလၢ အအိၣ်တ့ၢ်မ့ၢ်ဂ့ၤ နီတဂၤတဂ့ၤ.

လံာ်ယိၤနါ 3:7

အဝဲဆှၢလီၤတၢ်ဘိးဘၣ်သ့ၣ်ညါဆူဝ့ၢ်နံၤနဝ့ဒီဝ့ၢ်အပူၤ, “အအံၤမ့ၢ်စီၤပၤဒီးအပဒိၣ်တဖၣ်စံၣ်ညီၣ်ခါလီၤအကလုၢ်န့ၣ် လီၤ. အဃိ ပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ, ဂီၤဘုၣ်ဂီၤဖံးမ့ၢ်ဂ့ၤ, သိဒီးမဲာ်တဲးလဲးမ့ၢ်ဂ့ၤ, မ်အသုတအီၣ်ကွၢ်တၢ်နီတမံၤတဂ့ၤ. မ်အသုတအီၣ်အဆၣ်ဒီးအသုတအီထံတဂ့ၤ.