လံာ်စီၤဧ့စြၤ 7:17 - Sgaw Karen Common Bible

¹⁷ နကဘၣ်သူကျိၣ်ဧိၤစ့ဧိၤအံၤလၢတၢ်ပလီၢ်ပဒီသးအပူၤဒီးပှ့ၤ ကျီၢ်ဖါတဖၣ်, သိဖါတဖၣ်, သိဖိတဖၣ်, ဘုဧိၤဟုဧိၤဒီးစပံးထံဒီးလုၢ် ထီၣ်အီၤလၢတၢ်လုၢ်လီၢ်အဖီခိၣ်လၢတၢ်လုၢ်ဟံၣ်လၢဝ့ၢ်ယရူၤၡလ့ၣ် အပူၤန့ၣ်လီၤ.

လံာ်စီၤဧ့စြၤ 7:17 Iomraidhean Croise

လံာ်စီၤဧ့စြၤ 6:12

မ်စီၤပၤတဂၤလၢ်လၢ်မ့ၢ်ဂ့ၤ, ပှၤတကလုာ်လၢ်လၢ်မ့ၢ်ဂ့ၤ, လၢအခီၣ်ဆၢတၢ်မၤလိာ်အံၤဒီးဂုာ်ကျဲးစၢးလၢကမၤဟးဂီၤတၢ် လုၢ်ဟံၣ်ဖဲန့ၣ်, ဘၣ်တၢ်တ့ၢ်လီၤကွံာ်အီၤလၢကစၢ်ယွၤလၢအဃုထၢဝ့ၢ်ယရူၤၡလ့ၣ်ဒ် တၢ်လီၢ်ဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤန့ၣ်တက့ၢ်. ယၤ, စီၤဒၤရယါဝ့ၣ်ဟ့ၣ်လီၤလံတၢ်ကလုၢ်အံၤလီၤ. တၢ်အံၤတၢ်ကဘၣ်စူၢ်အီၤလၢလၢပှဲၤပှဲၤန့ၣ်လီၤ.”

လံာ်စီၤဧ့စြၤ 7:18

နကသူဘၣ်စ့ဒီးထူလၢအအိၣ်လီၤတဲာ်တဖၣ်, ဖဲနၤဒီးနပှၤထံဖိ ကီၢ်ဖိကဒဲကဒဲအဲၣ်ဒိးဝဲ, ဒ်အလီၤပလိာ်ဝဲဒီးသုကစၢ်ယွၤအတၢ်ဘၣ်အသးအသိးန့ၣ်လီၤ.

လံာ်ယၡါယၤ 16:1

လၢဝ့ၢ်စ့လၤလၢပှၢ်မုၢ်ကနၢအပူၤတခီ, ပှၤမိၤအးဖိတဖၣ်ဆှၢအသိတဒုဒ်တၢ် ဟ့ၣ်တခါအသိးဆူပှၤတဂၤလၢအပၢတၢ်လၢဝ့ၢ် ယရူၤၡလ့ၣ်အပူၤန့ၣ်လီၤ.

လံာ်တၢ်ဂံၢ် 15:3

ဂီၤဖံးဖါတဒု, သိဖါတဒု, သိတဒု, မ့တမ့ၢ်မဲာ်တဲးလဲးတ ဒုကဘၣ်တၢ်ဟ့ၣ်ထီၣ်အီၤဆူယွၤအအိၣ်ဒ်တၢ်လုၢ်တၢ်ပာ်တမံၤလၢတၢ်မၤ လၢထီၣ်ပှဲၤထီၣ်တၢ်ဆိၣ်တမံၤမ့ၢ်ဂ့ၤ, တၢ်သူၣ်အိၣ်သးအိၣ်အတၢ်ဟ့ၣ်တမံၤမ့ၢ်ဂ့ၤ, ဒ်တၢ်လုၢ်တၢ်ပာ်လၢသု ညီနုၢ်မၤအီၤဖဲတၢ်ဘူၣ်တၢ်ဘါအမူးတဖၣ်အကတီၢ်မ့ၢ်ဂ့ၤ အသိးန့ၣ်လီၤ. တၢ်အီၣ်အတၢ်လုၢ်တၢ်ပာ်တဖၣ်အံၤအတၢ်နၢမူန့ၣ် မ့ၢ်တၢ်လၢအဘၣ်ယွၤအသးန့ၣ်လီၤ.

လံာ်ယိၤဟၣ် 2:14

ဖဲတၢ်လုၢ်ဟံၣ်အပူၤန့ၣ်အဝဲထံၣ်န့ၢ်ပှၤဆါကျီၢ်, သိဖိဒီးထိၣ်လွံၢ် တဖၣ်, ဒီးပှၤခီလဲစ့တဖၣ်မၤအတၢ်မၤလၢအစီၢ်နီၤခိၣ်တဖၣ် အလိၤန့ၣ်လီၤ.