လံာ်စီၤဧ့စြၤ 7:16 - Sgaw Karen Common Bible

¹⁶ နကဘၣ်လဲၤစိာ်ဃုာ်စ့ၢ်ကီးကယဲၢ်စ့ဒီးထူလၢနထၢဖှိၣ်လၢကီၢ် ဘၤဘူၤလိၣ်ဒီဘ့ၣ်ညါဒီးတၢ်မၤဘူၣ်တဖၣ်လၢအံၣ်စရ့လးအပှၤဂီၢ် မုၢ်ဒီးအဝဲသ့ၣ်အပှၤလုၢ်တၢ်အခိၣ်တဖၣ်ဟ့ၣ်လီၤဝဲလၢအကစၢ်ယွၤ အတၢ်လုၢ်ဟံၣ်လၢအအိၣ်လၢဝ့ၢ်ယရူၤၡလ့ၣ်အပူၤအဂီၢ်န့ၣ်လီၤ.

လံာ်စီၤဧ့စြၤ 7:16 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:17

ယသ့ၣ်ညါလၢနမၤကွၢ်ပှၤခဲလၢာ်အသး, ဒီးနမုာ်သူၣ်မုာ်သးတ့ၢ် ဒီးပှၤဂီၢ်မုၢ်လၢအသူၣ်တီသးရၤန့ၣ်လီၤ. ဒီးလၢတၢ်သူၣ်တီသးလိၤနီၢ်နီၢ်အပူၤန့ၣ်, ယဟ့ၣ်လီၤတၢ်သ့ၣ်တဖၣ်အံၤခဲလၢာ်ဆူနၤ, လၢတၢ်သူၣ်အိၣ်သးအိၣ်အပူၤ, ဒီးယထံၣ်တ့ၢ်နပှၤဂီၢ်မုၢ်လၢအဟဲပာ်ဖှိၣ်အသးဖဲအံၤတဖၣ်သူၣ် ဖှံသးညီတ့ၢ်ဒ်လဲၣ်, လၢကဟဲစိာ်တၢ်မၤဘူၣ်တဖၣ်ဆူနအိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:6

အန့ၣ်တစု, ဒူၣ်ထၢတဖၣ်အခိၣ်အနၢ်တဖၣ်, ဒူၣ်တဖၣ်အပဒိၣ်ပပှၢ်တဖၣ်, သုးခိၣ်ကျၢၢ်တဖၣ်လၢသုးမုၢ်အပူၤ, ဒီးပှၤတဖၣ်လၢအပၢဆှၢသုးကျဲၤစီၤပၤအတၢ်စုလီၢ်ခီၣ်ခိၣ်, ဟ့ၣ်လီၤတၢ်လၢတၢ်သးအိၣ်အပူၤလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:9

ပှၤဂီၢ်မုၢ်ဟ့ၣ်တၢ်လၢတၢ်သူၣ်အိၣ်သးအိၣ်အပူၤဆူယွၤဒီးအဝဲ သ့ၣ်သူၣ်ဖှံသးညီဝဲလီၤ. စီၤပၤစီၤဒၤဝံးစ့ၢ်ကီးအသးခုဝဲဒိၣ်ဒိၣ်ကလဲာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:14

ပှၤလ့ၤဝံဖိတဂၤလၢအမ့ၢ်စီၤယံးမနၤအဖိခွါစီၤကိၤရ့, ပှၤပၢၤတၢ်အခိၣ်အဒိၣ်ကတၢၢ်လၢယွၤအတၢ်လုၢ်ဟံၣ်အတြဲၤမုၢ်ထီၣ် တကပၤန့ၣ်, ဘၣ်ကွၢ်ထွဲတၢ်တူၢ်လိာ်တၢ်ဟ့ၣ်တဖၣ်လၢတၢ် လုၢ်ထီၣ်အီၤဆူယွၤဒီးနီၤဟ့ၣ်လီၤတၢ်ဟ့ၣ်တဖၣ်န့ၣ်စ့ၢ်ကီးလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:2

ခဲကနံၣ်အံၤယသူၣ်ထီၣ်တ့ၢ်လံတၢ်လုၢ်ဟံၣ်လီၤဘီလီၤမုၢ်တဖျၢၣ် လၢနဂီၢ်, တၢ်လီၢ်တတီၤလၢနကအိၣ်နဲဆိးနဲလၢအပူၤ လီၤစိၤလီၤထီန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 6:5

စးထီၣ်လၢယထုးထီၣ်ကွံာ်ယပှၤဂီၢ်မုၢ်လၢကီၢ်အဲၤကူပတူးအပူၤ တုၤလီၤခဲအံၤန့ၣ်, ယတဃုထၢတ့ၢ်ဝ့ၢ်လၢကီၢ်အံၣ်စရ့လးအပူၤနီတဖျၢၣ်, ဒ်တၢ်လီၢ်လၢတၢ်ကသူၣ်ထီၣ်တၢ်လုၢ်ဟံၣ်တဖျၢၣ်လၢတၢ်ကဘူၣ်ထီၣ်ဘါ ထီၣ်ယၤအဂီၢ်, ဒီးယတဃုထၢတ့ၢ်ပှၤနီတဂၤလၢကဆှၢယပှၤဂီၢ်မုၢ်, ပှၤအံၣ်စရ့လးဖိတဖၣ်န့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 6:6

ဘၣ်ဆၣ်ဒီး, ခဲကနံၣ်အံၤယဃုထၢလံဝ့ၢ်ယရူၤၡလ့ၣ်ဒ်တၢ်လီၢ်လၢ ယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်, ဒီးနဲဒၣ်, စီၤဒၤဝံးဒ်ပှၤလၢကပၢယပှၤဂီၢ်မုၢ်န့ၣ်လီၤ.”

လံာ်စီၤဧ့စြၤ 1:4

အပှၤဂီၢ်မုၢ်လၢတၢ်စိာ်မၢကဲကုၢ်အကျါမ့ၢ်လိၣ်ဘၣ်တၢ်မၤစၢၤလၢ ကက့ၤကဒါက့ၤန့ၣ်, အဝဲသ့ၣ်အပှၤအိၣ်ခိၣ်အိၣ်ဃၢၤတဖၣ်ကဘၣ်မၤစၢၤအဝဲသ့ၣ်န့ၣ်လီၤ. ပှၤအိၣ်ခိၣ်အိၣ်ဃၢၤကဘၣ်ဟ့ၣ်အဝဲသ့ၣ်လၢစ့ဒီးထူ, တၢ်လၢအလိၣ်ဝဲတဖၣ်ဒီးဆၣ်ဖိကီၢ်ဖိအဒၢလၢအဂီၤကၢ်အသးတဖၣ် ဃုာ်ဒီးတၢ်ဟ့ၣ်မၤဘူၣ်လၢကဟ့ၣ်ဝဲဆူကစၢ်ယွၤအတၢ်လုၢ်ဟံၣ်လၢ ဝ့ၢ်ယရူၤၡလ့ၣ်အပူၤန့ၣ်လီၤ.”

လံာ်စီၤဧ့စြၤ 1:6

ကယဲၢ်ပှၤအိၣ်ခိၣ်အိၣ်ဃၢၤခဲလၢာ်မၤစၢၤအဝဲသ့ၣ်ခီဖျိဟ့ၣ်အ ဝဲသ့ၣ်လၢတၢ်အါမံၤဒ်, တၢ်အဃၢၤအဃိၢ်စ့တဖၣ်, ထူဧိၤလွဲဧိၤ, တၢ်အလိၣ်တဖၣ်, ဆၣ်ဖိကီၢ်ဖိအဒၢလၢဂီၤကၢ်အသး တဖၣ်, တၢ်လုၢ်ဒိၣ်ပှ့ၤဒိၣ်အဂၤတဖၣ်, ဒီးတၢ်မၤဘူၣ်မၤတီၢ်တဖၣ်လၢတၢ် လုၢ်ဟံၣ်အဂီၢ်န့ၣ်လီၤ.

စံးထီၣ်ပတြၢၤ 135:21

စံးထီၣ်ပတြၢၤယွၤလၢ စံယိၣ်အပူၤ, လၢအဟံၣ်လၢ ယရူၤရှလ့ၣ်အပူၤန့ၣ်တက့ၢ်. စံးထီၣ်ပတြၢၤယွၤတက့ၢ်.

၂ ကရံၣ်သူး 8:12

သုမ့ၢ်အိၣ်ဒီးတၢ်သးဆူၣ်ဟ့ၣ်တၢ်န့ၣ်, ကစၢ်ယွၤကတူၢ်လိာ် သုတၢ်ဟ့ၣ်, ဒ်အကြၢးဒီးတၢ်အိၣ်ဒီးသုလၢသုကဟ့ၣ်အဂီၢ်ဒီး တမ့ၢ်လၢတၢ်တအိၣ်ဒီးသုန့ၣ်ဘၣ်လီၤ.

၂ ကရံၣ်သူး 9:7

လၢတၢ်န့ၣ်အဃိ, ပှၤတဂၤဘၣ်တဂၤကြၢးဟ့ၣ်တၢ်ဒ် အပာ်လီၤတ့ၢ်လံအသးအသိး, တမ့ၢ်လၢတၢ်သးအုးအပူၤ, မ့တမ့ၢ်လၢတၢ်သ့ၣ်ညါအမူအဒါအဃိဘၣ်န့ၣ်လီၤ. အဂ့ၢ်ဒ်အံၤ, ယွၤအဲၣ်ပှၤတဂၤလၢအဟ့ၣ်တၢ်လၢတၢ်သးခု အပူၤန့ၣ်လီၤ.