လံာ်စီၤဧ့စြၤ 7:14 - Sgaw Karen Common Bible

¹⁴ ယၤ, ဃုာ်ဒီးယပှၤကူၣ်လိာ်တၢ်နွံဂၤ, ဆှၢလီၤနၤလၢနကလဲၤဃု ထံၣ်သ့ၣ်ညါတၢ်မၤအသးအဂ့ၢ်အခၢးလၢဝ့ၢ်ယရူၤၡလ့ၣ်ဒီးကီၢ်ယူ ဒၤအပူၤဒ်သိးတၢ်ကထံၣ်ဘၣ်လၢနကစၢ်ယွၤအတၢ်သိၣ်တၢ်သီလၢပှၤယူ ဒၤဖိအဂီၢ်လၢအဘၣ်တၢ်ဟ့ၣ်လီၤအးလီၤတ့ၢ်နၤန့ၣ်, ဘၣ်တၢ်စူၢ်အီၤဂ့ၤဂ့ၤထဲလဲၣ်န့ၣ်လီၤ.

လံာ်စီၤဧ့စြၤ 7:14 Iomraidhean Croise

လံာ်စီၤဧ့စြၤ 1:3

မ်ကစၢ်ယွၤအိၣ်ဒီးသုဝဲခဲလၢာ်လၢအမ့ၢ်အပှၤဂီၢ်မုၢ်န့ၣ်တ က့ၢ်. သုကဘၣ်လဲၤဆူဝ့ၢ်ယရူၤၡလ့ၣ်ဒီးသူၣ်ထီၣ်ကဒါက့ၤယွၤ, အံၣ်စရ့လးအကစၢ်ယွၤလၢအဘၣ်တၢ်ဘူၣ်ထီၣ်ဘါထီၣ်အီၤလၢဝ့ၢ်ယရူၤ ၡလ့ၣ်အပူၤအတၢ်လုၢ်ဟံၣ်န့ၣ်လီၤ.

လံာ်စီၤဧ့စြၤ 5:8

ကစၢ်စီၤပၤဖးဒိၣ်ကြၢးသ့ၣ်ညါဝဲလၢပလဲၤတ့ၢ်ဆူကီၢ်ယူဒၤ ဒီးထံၣ်ဘၣ်လၢတၢ်ဒိၣ်ကစၢ်ယွၤအတၢ်လုၢ်ဟံၣ်ဘၣ်တၢ်သူၣ်ထီၣ်ကဒါ က့ၤအီၤလၢလၢၢ်ကိၢ်လိၢ်ဖးဒိၣ်တဖၣ်, အိၣ်ဒီးသ့ၣ်ကျိၤတဖၣ်ဘၣ်တၢ်ထီထီၣ်အီၤလၢတၢ်ဒူၣ်အလိၤလံ. တၢ်ဖံးတၢ်မၤအံၤဘၣ်တၢ်မၤအီၤလီၤတံၢ်လီၤဆဲးဒီးလဲၤထီၣ်ဆူ ညါကွ့ၢ်ကွ့ၢ်လံန့ၣ်လီၤ.

လံာ်စီၤဧ့စြၤ 6:12

မ်စီၤပၤတဂၤလၢ်လၢ်မ့ၢ်ဂ့ၤ, ပှၤတကလုာ်လၢ်လၢ်မ့ၢ်ဂ့ၤ, လၢအခီၣ်ဆၢတၢ်မၤလိာ်အံၤဒီးဂုာ်ကျဲးစၢးလၢကမၤဟးဂီၤတၢ် လုၢ်ဟံၣ်ဖဲန့ၣ်, ဘၣ်တၢ်တ့ၢ်လီၤကွံာ်အီၤလၢကစၢ်ယွၤလၢအဃုထၢဝ့ၢ်ယရူၤၡလ့ၣ်ဒ် တၢ်လီၢ်ဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤန့ၣ်တက့ၢ်. ယၤ, စီၤဒၤရယါဝ့ၣ်ဟ့ၣ်လီၤလံတၢ်ကလုၢ်အံၤလီၤ. တၢ်အံၤတၢ်ကဘၣ်စူၢ်အီၤလၢလၢပှဲၤပှဲၤန့ၣ်လီၤ.”

လံာ်စီၤဧ့စြၤ 6:8

အအံၤမ့ၢ်ယတၢ်မၤလိာ်လၢသုကဘၣ်မၤစၢၤအဝဲသ့ၣ်လၢအတၢ်သူၣ်ထီၣ် ကဒါက့ၤတၢ်လုၢ်ဟံၣ်န့ၣ်လီၤ. အဝဲသ့ၣ်အတၢ်လၢာ်တဖၣ်ကဘၣ်တၢ်ဟ့ၣ်အီၤဘၣ်ဆၢဘၣ်ကတီၢ်လၢစီၤပၤ အကျိၣ်အစ့လၢအမၤန့ၢ်ဝဲလၢတၢ်ခိတၢ်သွဲ လၢကီၢ်ဖရၤသးအမုၢ်နုာ်အပူၤဒ်သိးတၢ်ဖံးတၢ်မၤအသုတဘၣ်တံာ် တာ်တဂ့ၤအဂီၢ်န့ၣ်လီၤ.

လံာ်စီၤဧ့စြၤ 7:15

နကဘၣ်လဲၤစိာ်ဃုာ်တၢ်မၤဘူၣ်လၢထူဒီးစ့တဖၣ်လၢယၤဒီးယပှၤ ကူၣ်လိာ်တၢ်တဖၣ်သးအိၣ်ဟ့ၣ်ဆူပှၤအံၣ်စရ့လးဖိအကစၢ်ယွၤ, လၢအတၢ်လုၢ်ဟံၣ်အိၣ်လၢဝ့ၢ်ယရူၤၡလ့ၣ်အပူၤအဂီၢ်န့ၣ်လီၤ.

လံာ်စီၤဧ့စြၤ 7:28

လၢကစၢ်ယွၤအဘျုးအဖှိၣ်အဃိ, ယဘၣ်တၢ်ကွၢ်မဲာ်တ့ၢ်လံ ယၤလၢစီၤပၤဖးဒိၣ်, လၢအပှၤကူၣ်လိာ်တၢ်တဖၣ်, ဒီးကယဲၢ်ပဒိၣ်ပပှၢ်အိၣ်စိအိၣ်ကမီၤတဖၣ်လံ. ယွၤ, ယကစၢ်ယွၤဟ့ၣ်တ့ၢ်လံယၤတၢ်သူၣ်ဒူသးဒူဒီးယသ့ သဆၣ်ထီၣ်ပှၤခိၣ်ပှၤနၢ်အါဂၤအသးလၢအံၣ်စရ့လးအဒူၣ်အထၢတဖၣ် အပူၤ, ဒ်သိးကဟဲက့ၤဃုာ်ဒီးယၤန့ၣ်လီၤ.”

လံာ်စီၤဧ့စြၤ 8:25

အန့ၣ်ဝံၤဒီးယစီၤထီၣ်ဒီးဟ့ၣ်လီၤပှၤလုၢ်တၢ်အခိၣ်တဖၣ်လၢစ့, ထူဒီးတၢ်အဃၢၤအဃိၢ်တဖၣ်လၢစီၤပၤဖးဒိၣ်, အဝဲအပှၤဟ့ၣ်ကူၣ်ဟ့ၣ်ဖးတၢ်တဖၣ်ဒီးပဒိၣ်ပပှၢ်တဖၣ်, ဒီးအံၣ်စရ့လးအပှၤဂီၢ်မုၢ်ဟ့ၣ်တ့ၢ်ဝဲဒ်သိးတၢ်ကသူအီၤလၢတၢ် လုၢ်ဟံၣ်အပူၤအဂီၢ်န့ၣ်လီၤ.

လံာ်နီၢ်အ့ၤစတၢ် 1:14

ပှၤလၢအဝဲညီနုၢ်ဃ့တၢ်ဟ့ၣ်ကူၣ်အအါကတၢၢ်မ့ၢ်ဝဲ, ကီၢ်ပၤရၣ်ဒီးကီၢ်မၤဒဲအပဒိၣ်ဖးဒိၣ်နွံဂၤလၢအမ့ၢ်စီၤကၢ်ၡနၤ, စီၤၡ့သၢ်, စီၤအၤဒမါသၤ, စီၤတၢ်ၡံၣ်, စီၤမ့ရ့း, စီၤမၢ်စနၤဒီးစီၤမမူကၣ်န့ၣ်လီၤ. အဝဲသ့ၣ်မ့ၢ်ပှၤအိၣ်ဒီးလီၢ်လၤအထီကတၢၢ်လၢဘီမုၢ်အပူၤန့ၣ်လီၤ.

လံာ်ယၡါယၤ 8:20

သုကဘၣ်စံးဆၢက့ၤအဝဲသ့ၣ်, “ဒိကနၣ်တၢ်လၢယွၤသိၣ်လိ သီလိသုတက့ၢ်. ဒိကနၣ်ပှၤကွဲပှၤသံအကလၤတဖၣ်တဂ့ၤ. တၢ်လၢအစံးဘၣ်သုန့ၣ်တမၤဂ့ၤသုနီတမံၤဘၣ်.”

လံာ်ဒၤနံးယ့လး 2:47

စီၤပၤစံးဘၣ်စီၤဒၤနံးယ့လး, “မ့ၢ်မးနကစၢ်ယွၤန့ၣ်မ့ၢ် ဝဲကစၢ်တဖၣ်အကစၢ်ယွၤဒီးစီၤပၤတဖၣ်အယွၤ, ဒီးမ့ၢ်ပှၤလၢအမၤဖျါ ထီၣ်တၢ်ခူသူၣ်အဒိၣ်အယိာ်တဖၣ်လီၤ. ယသ့ၣ်ညါတၢ်အံၤ မ့ၢ်လၢနမၤဖျါထီၣ်တၢ်ခူသူၣ်အဒိၣ်အယိာ်အံၤသ့ဝဲဒၣ်အဃိ န့ၣ်လီၤ.”

လံာ်ဒၤနံးယ့လး 6:20

တုၤလၢအတုၤဃီၤဝဲဖဲန့ၣ်ဒီးကိးထီၣ်ဝဲလၢတၢ်သူၣ်ကိၢ်သးဂီၤ အပူၤ, “စီၤဒၤနံးယ့လး, ကစၢ်ယွၤလၢအမူဝဲတဂၤအခ့အပှၤ ဧၢ, ကစၢ်ယွၤလၢနမၤအတၢ်လၢတၢ်သူၣ်တီ သးရၤအပူၤတဂၤန့ၣ်မၤပူၤဖျဲးနၤလၢခ့ ယုၢ်တဖၣ်န့ၣ်သ့စ့ၢ်ကီးဧါ.”

လံာ်ဒၤနံးယ့လး 6:26

ယဟ့ၣ်လီၤယကလုၢ်ဆူယဘီယမုၢ်ဒီဘ့ၣ်ညါအပူၤလၢပှၤကိး ဂၤဒဲးကဘၣ်ပျံၤဒီးယူးယီၣ်ပာ်ကဲစီၤဒၤနံးယ့လး အကစၢ်ယွၤန့ၣ်လီၤ. အဝဲမ့ၢ်ကစၢ်ယွၤလၢအမူဝဲ, အိၣ်ဝဲဆိးဝဲအစိၤစိၤအဃၣ်ဃၣ်လီၤ. အဝဲအဘီအမုၢ်န့ၣ်တဟးဂီၤနီတစုဘၣ်, ဒီးအစိအကမီၤန့ၣ် အကတၢၢ်တအိၣ်ဘၣ်.