လံာ်စီၤဧ့စြၤ 7:13 - Sgaw Karen Common Bible

¹³ “ယမၤလိာ်လၢကယဲၢ်အံၣ်စရ့လးအပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ်လၢအအိၣ်လၢယဘီ ယမုၢ်ဒီဘ့ၣ်အပူၤ, လၢအသးအိၣ်ဒိၣ်မးဒ်သိးကလဲၤဆူ ဝ့ၢ်ယရူၤၡလ့ၣ်ဃုာ်ဒီးနၤန့ၣ်ကဘၣ်တၢ်ပျဲအီၤလီၤ.

လံာ်စီၤဧ့စြၤ 7:13 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 30:5

အဃိအဝဲသ့ၣ်ကွဲမုာ်ကယဲၢ်ပှၤအံၣ်စရ့လးဖိခဲလၢာ်, စးထီၣ်လၢဝ့ၢ်ဒၣ်လၢကလံၤစိးတုၤလၢဝ့ၢ်ဘ့ၢ်ၡဘၤလၢကလံၤထံး, ဒ်သိးကဟဲပာ်ဖှိၣ်သကိးအသးလၢဝ့ၢ်ယရူၤရှလ့ၣ်အပူၤ, အနီၣ်ဂံၢ်အါန့ၢ်ဒံးလၢအပူၤကွံာ်ဒီးမၤဘူၣ်လဲၤကပာ်ဒ်ယူဒၤ အတၢ်သိၣ်တၢ်သီအိၣ်ဝဲအသိးန့ၣ်လီၤ.

လံာ်စီၤဧ့စြၤ 1:3

မ်ကစၢ်ယွၤအိၣ်ဒီးသုဝဲခဲလၢာ်လၢအမ့ၢ်အပှၤဂီၢ်မုၢ်န့ၣ်တ က့ၢ်. သုကဘၣ်လဲၤဆူဝ့ၢ်ယရူၤၡလ့ၣ်ဒီးသူၣ်ထီၣ်ကဒါက့ၤယွၤ, အံၣ်စရ့လးအကစၢ်ယွၤလၢအဘၣ်တၢ်ဘူၣ်ထီၣ်ဘါထီၣ်အီၤလၢဝ့ၢ်ယရူၤ ၡလ့ၣ်အပူၤအတၢ်လုၢ်ဟံၣ်န့ၣ်လီၤ.

လံာ်စီၤဧ့စြၤ 5:13

ဒီးဖဲစီၤပၤကိရ့ၣ်ပၢတၢ်ဒ်ကီၢ်ဘၤဘူၤလိၣ်အစီၤပၤဖးဒိၣ် တဂၤအသိးအခီၣ်ထံးတနံၣ်န့ၣ်, စီၤကိရ့ၣ်ဟ့ၣ်လီၤတ့ၢ်တၢ်ကလုၢ်လၢတၢ် လုၢ်ဟံၣ်ကဘၣ်တၢ်သူၣ်ထီၣ်ကဒါက့ၤအီၤန့ၣ်လီၤ.

လံာ်စီၤဧ့စြၤ 6:1

လၢတၢ်န့ၣ်အဃိစီၤပၤဖးဒိၣ်ဒၤရယါဝ့ၣ်ဟ့ၣ်လီၤအကလုၢ်လၢတၢ် ကဃုထံၣ်န့ၢ်တၢ်လၢစီၤပၤအတၢ်ကွဲးနီၣ်တဖၣ်အပူၤလၢအဘၣ် တၢ်ပာ်အီၤလၢကီၢ်ဘၤဘူၤလိၣ်န့ၣ်လီၤ.

လံာ်နီၢ်အ့ၤစတၢ် 3:15

လၢစီၤပၤအကလုၢ်န့ၣ်တၢ်မၤလိာ်ဘၣ်တၢ်ရၤလီၤ အီၤလၢဝ့ၢ်ခိၣ်ဝ့ၢ်ၡူၡၣ်အပူၤဒီး, ပှၤဆှၢလံာ်ဖိတဖၣ်ဆှၢလီၤတၢ်ကစီၣ်ဆူကီၢ်တဖၣ်န့ၣ်လီၤ. စီၤပၤဒီးစီၤဟၤမၣ်ဆ့ၣ်နီၤဝဲဒီးအီတၢ်, ဖဲဝ့ၢ်ၡူၡၣ်ပှဲၤဝဲဒီး တၢ်သဘံၣ်ဘုၣ်ဒီးသူၣ်ကိၢ်သးဂီၤအခါန့ၣ်လီၤ.

လံာ်နီၢ်အ့ၤစတၢ် 9:14

စီၤပၤမၤလိာ်ဝဲလၢတၢ်ကမၤအသးဒ်န့ၣ်လီၤ. ဒီးတၢ်ဘိးဘၣ်သ့ၣ်ညါန့ၣ်ဘၣ်တၢ်ရၤလီၤအီၤလၢဝ့ၢ် ၡူၡၣ်အပူၤလီၤ. ပှၤဘျးထီၣ်စီၤဟၤမၣ်အဖိခွါအဂၤတဆံ အစိၣ်လၢကမျၢၢ်အမဲာ်ညါလီၤ.

စံးထီၣ်ပတြၢၤ 110:3

မုၢ်တနံၤလၢနဒုးနဒုၣ်နဒါတဖၣ်န့ၣ်, နပှၤဂီၢ်မုၢ်ကဟ့ၣ်လီၤအသးလၢ တၢ်သးအိၣ်အပူၤလီၤ. ဒ်မုၢ်ဂီၤအပစီၤထံအသိး နပှၤသးစၢ်တဖၣ်ကဟဲဆူနအိၣ်လၢ ကစၢၢ်စီဆှံတဖၣ်အလိၤလီၤ.

စံးထီၣ်ပတြၢၤ 148:6

ဒီးအဝဲမၤဂၢၢ်မၤကျၢၤအဝဲသ့ၣ်လီၤစိၤလီၤထီ, အဝဲပာ်လီၤတၢ်မၤလိာ်လၢတၢ်လုၢ်သ့ၣ်ခါပတာ် တသ့ဝဲနီတစုဘၣ်န့ၣ်လီၤ.

လံာ်ဒၤနံးယ့လး 6:26

ယဟ့ၣ်လီၤယကလုၢ်ဆူယဘီယမုၢ်ဒီဘ့ၣ်ညါအပူၤလၢပှၤကိး ဂၤဒဲးကဘၣ်ပျံၤဒီးယူးယီၣ်ပာ်ကဲစီၤဒၤနံးယ့လး အကစၢ်ယွၤန့ၣ်လီၤ. အဝဲမ့ၢ်ကစၢ်ယွၤလၢအမူဝဲ, အိၣ်ဝဲဆိးဝဲအစိၤစိၤအဃၣ်ဃၣ်လီၤ. အဝဲအဘီအမုၢ်န့ၣ်တဟးဂီၤနီတစုဘၣ်, ဒီးအစိအကမီၤန့ၣ် အကတၢၢ်တအိၣ်ဘၣ်.

ဖံလံးပံၤ 2:13

အဂ့ၢ်ဒ်အံၤ, ကစၢ်ယွၤမၤတၢ်လၢသုပူၤထီဘိဒ်သိးသုကသးအိၣ် ဒီးဒိကနၣ်မၤထွဲအတၢ်တိာ်ပာ်ကသ့အဂီၢ်န့ၣ်လီၤ.

လံာ်လီၣ်ဖျါ 22:17

ယွၤအသးဒီးတလးမူးပိာ်မုၣ်န့ၣ်စံးဝဲ, “ဟဲတက့ၢ်.” ပှၤတဂၤလၢ်လၢ်လၢအနၢ်ဟူတၢ်အဝဲအံၤန့ၣ်, ကဘၣ်စံးစ့ၢ်ကီးဝဲ, “ဟဲတက့ၢ်” န့ၣ်လီၤ. ဟဲတက့ၢ်, ပှၤလၢတၢ်သူအသးလၢထံတဂၤလၢ်လၢ်ဧၢ, တူၢ်လိာ်ထံမူဒ်တၢ်ဟ့ၣ်တက့ၢ်, ပှၤလၢအဆၢဒိးန့ၢ်ဘၣ်အီၤ တဂၤလၢ်လၢ်ဧၢ.