လံာ်စီၤဧ့စြၤ 7:11 - Sgaw Karen Common Bible

¹¹ စီၤပၤဖးဒိၣ်အၢ်တၤၡါၡတၤဟ့ၣ်ဃီၤလံာ်ကွဲးနီၣ်ဟ့ၣ်စိဟ့ၣ် ကမီၤဒ်လာ်အံၤဆူစီၤဧ့စြၤအစုပူၤ, ပှၤတဂၤလၢအမ့ၢ်ပှၤလုၢ်တၢ်အခိၣ်ဒီးပှၤကူၣ်ဘၣ်ဘၣ်ကူၣ်သ့, ပှၤလၢအအိၣ်ဒီးတၢ်သ့ၣ်ညါနၢ်ပၢၢ်ဂ့ၤဂ့ၤကလဲာ်ဘၣ်ထွဲဒီးတၢ် စူၢ်တၢ်နာ်အတၢ်သိၣ်တၢ်သီတဖၣ်ဒီးတၢ်မၤလိာ်တဖၣ်လၢယွၤဟ့ၣ်လီၤ တ့ၢ်ပှၤအံၣ်စရ့လးဖိတဖၣ်န့ၣ်လီၤ.

လံာ်စီၤဧ့စြၤ 7:11 Iomraidhean Croise

လံာ်စီၤဧ့စြၤ 4:11

ဒီးအအံၤမ့ၢ်ဝဲလံာ်ပရၢအတၢ်ကတိၤန့ၣ်လီၤ. “ဆူစီၤပၤဖးဒိၣ်အၢ်တၤၡါၡတၤ, လၢနခ့နပှၤတဖၣ်, ပှၤတဖၣ်လၢဖရၤသးအမုၢ်နုာ်.

လံာ်စီၤဧ့စြၤ 5:6

အအံၤမ့ၢ်တၢ်ပာ်ဖျါလၢအဆှၢဝဲဆူစီၤပၤဖးဒိၣ်အအိၣ်န့ၣ်လီၤ.

လံာ်စီၤဧ့စြၤ 7:10

စီၤဧ့စြၤမ့ၢ်ပှၤဟ့ၣ်လီၤအးလီၤတ့ၢ်အသးဒ်သိးကမၤလိယွၤအတၢ် သိၣ်တၢ်သီလၢပှၤယူဒၤဖိအဂီၢ်, ဒ်သိးကမၤထွဲအီၤဒီးဒ်သိးကသိၣ်လိန့ၢ်အံၣ်စရ့လးအပှၤဂီၢ် မုၢ်လၢကယဲၢ်တၢ်စူၢ်တၢ်နာ်အတၢ်သိၣ်တၢ်သီတဖၣ်ဒီးအတၢ်ဘျၢတဖၣ် န့ၣ်လီၤ.

လံာ်စီၤဧ့စြၤ 7:12

“လၢစီၤပၤဖးဒိၣ်အၢ်တၤၡါၡတၤဆူပှၤလုၢ်တၢ်အခိၣ်စီၤဧ့ စြၤ, ပှၤကူၣ်သ့ကူၣ်ဘၣ်လၢယူဒၤအတၢ်သိၣ်တၢ်သီလၢမူခိၣ်အကစၢ်ယွၤ ဟ့ၣ်လီၤဝဲအပူၤ.

လံာ်စီၤဧ့စြၤ 7:21

ယမၤလိာ်ကယဲၢ်တၢ်ပာ်ဖှိၣ်အလီၢ်အပဒိၣ်ပပှၢ်လၢကီၢ်ဖရၤသးအမုၢ် နုာ်အပူၤ, လၢအကဟ့ၣ်တၢ်လၢအဃ့ဝဲတမံၤလၢ်လၢ်ဘၣ်ဆၢဘၣ်ကတီၢ်ဆူစီၤဧ့စြၤ လၢအမ့ၢ်ပှၤလုၢ်တၢ်အခိၣ်ဒီးပှၤကူၣ်သ့ကူၣ်ဘၣ်လၢယူဒၤအတၢ်သိၣ် တၢ်သီလၢမူခိၣ်အကစၢ်ယွၤဟ့ၣ်လီၤဝဲအပူၤတဂၤအအိၣ်, လၢအဃ့ဝဲ

လံာ်စီၤဧ့စြၤ 7:6

စီၤဧ့စြၤမ့ၢ်ပှၤကူၣ်သ့ကူၣ်ဘၣ်တဂၤလၢအအိၣ်ဒီးတၢ်သ့ၣ်ညါနၢ် ပၢၢ်ဂ့ၤဂ့ၤကလဲာ်ဖဲအဘၣ်ထွဲဒီးပှၤယူဒၤဖိအတၢ်သိၣ်တၢ်သီ လၢယွၤ, အံၣ်စရ့လးအကစၢ်ယွၤဟ့ၣ်တ့ၢ်စီၤမိၤၡ့န့ၣ်လီၤ. မ့ၢ်လၢစီၤဧ့စြၤဒိးန့ၢ်ကစၢ်, အဝဲအကစၢ်ယွၤအတၢ်ဆိၣ်ဂ့ၤအဃိ, စီၤပၤဖးဒိၣ်ဟ့ၣ်အီၤတၢ်လၢအဃ့ဝဲတမံၤလၢ်လၢ်န့ၣ်လီၤ. လၢစီၤအၢ်တၤၡါၡတၤပၢတၢ်နွံနံၣ်တနံၣ်န့ၣ်စီၤဧ့စြၤဟးထီၣ် လၢကီၢ်ဘၤဘူၤလိၣ်ဒ်သိးကလဲၤဆူဝ့ၢ်ယရူၤၡလ့ၣ်ဃုာ်ဒီးပှၤအံၣ် စရ့လးဖိတဖုလၢအအိၣ်ဝဲဒီးပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, တၢ်လုၢ်ဟံၣ်အပှၤသးဝံၣ်တၢ်ဖိတဖၣ်, တၢ်လုၢ်ဟံၣ်အပှၤပၢၤတၢ်တဖၣ် ဒီးပှၤမၤတၢ်လၢတၢ်လုၢ်ဟံၣ်အပူၤတဖၣ်န့ၣ်လီၤ.

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်မးသဲ 23:2

“ပှၤသ့တၢ်ဘူၣ်တၢ်ဘါအတၢ်သိၣ်တၢ်သီဒီးပှၤဖၤရံၤၡဲတဖၣ်, မ့ၢ်ပှၤတဖၣ်လၢအဘၣ်တၢ်ဟ့ၣ်စိဟ့ၣ်ကမီၤအီၤလၢကတဲဖျါထီၣ်န့ၢ် သုလၢစီၤမိၤၡ့အတၢ်သိၣ်တၢ်သီအခီပညီလီၤ.