လံာ်စီၤဧ့စြၤ 6:9 - Sgaw Karen Common Bible

⁹ တနံၤဘၣ်တနံၤန့ၣ်, သုကဘၣ်ဟ့ၣ်တၢ်ဒီးတဘၣ်လီၤတိၢ်ဘၣ်, ဆူပှၤလုၢ်တၢ်အခိၣ်တဖၣ်လၢဝ့ၢ်ယရူၤၡလ့ၣ်, တၢ်တမံၤလၢ်လၢ်လၢ အဝဲသ့ၣ်တဲသုလၢအလိၣ်ဘၣ်ဝဲဒ်အမ့ၢ်, ကျီၢ်ဖါဖိတဖၣ်, သိတဖၣ်မ့တမ့ၢ်သိဖိတဖၣ်လၢတၢ်ကဆူးကဲၤအီၤလၢတၢ်ကလုၢ်ထီၣ် အီၤလၢကစၢ်ယွၤလၢမူခိၣ်အဂီၢ်မ့ၢ်ဂ့ၤ, ဘုဧိၤဟုဧိၤ, အံသၣ်, စပံးထံမ့တမ့ၢ်သ့ၣ်စၤယံးအသိမ့ၢ်ဂ့ၤ ဒ်တၢ်မၤဘူၣ်တဖၣ်ဆူကစၢ်ယွၤလၢမူခိၣ်အအိၣ်န့ၣ်လီၤ.

လံာ်စီၤဧ့စြၤ 6:9 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 9:29

ပှၤအဂၤတဖၣ်ဘၣ်ကွၢ်ထွဲတၢ်စီဆှံအပီးအလီတဖၣ်, ဒီးကိၣ်ကမူၣ်, စပံးထံ, သ့ၣ်စၤယံးအသိ, သိနၢမူဒီးတၢ်နၢမူ အဂၤတဖၣ်န့ၣ်လီၤ.

လံာ်စီၤဧ့စြၤ 6:10

တၢ်အံၤမ့ၢ်တၢ်လၢတၢ်ကဘၣ်မၤအီၤဒ်သိးအဝဲသ့ၣ်လုၢ်ထီၣ်ပာ်ထီၣ် တၢ်လုၢ်တၢ်ပာ်တဖၣ်လၢကစၢ်ယွၤလၢမူခိၣ်တူၢ်လိာ်အီၤကသ့ဝဲဒီး ဃ့ဘါထုကဖၣ်လၢအတၢ်ဆိၣ်ဂ့ၤကအိၣ်လၢယလိၤဒီးလၢယဖိခွါတဖၣ် အလိၤကသ့ဝဲန့ၣ်လီၤ.

လံာ်စီၤဧ့စြၤ 6:8

အအံၤမ့ၢ်ယတၢ်မၤလိာ်လၢသုကဘၣ်မၤစၢၤအဝဲသ့ၣ်လၢအတၢ်သူၣ်ထီၣ် ကဒါက့ၤတၢ်လုၢ်ဟံၣ်န့ၣ်လီၤ. အဝဲသ့ၣ်အတၢ်လၢာ်တဖၣ်ကဘၣ်တၢ်ဟ့ၣ်အီၤဘၣ်ဆၢဘၣ်ကတီၢ်လၢစီၤပၤ အကျိၣ်အစ့လၢအမၤန့ၢ်ဝဲလၢတၢ်ခိတၢ်သွဲ လၢကီၢ်ဖရၤသးအမုၢ်နုာ်အပူၤဒ်သိးတၢ်ဖံးတၢ်မၤအသုတဘၣ်တံာ် တာ်တဂ့ၤအဂီၢ်န့ၣ်လီၤ.

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်တၢ်ဘူၣ်ထီၣ်ဘါထီၣ် 1:10

ဒီးပှၤတဂၤအံၤမ့ၢ်လုၢ်ထီၣ်အသိ, မ့တမ့ၢ်အမဲာ်တဲးလဲးအကျါတဒုန့ၣ်, ကဘၣ်မ့ၢ်အဖါလၢမဲၣ်သူမဲၣ် ဂီၤတအိၣ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:2

ဒီးစီၤမိၤၡ့စံးဘၣ်စီၤအၤဟရိၣ်, “ဟံးန့ၢ်ဂီၤဖံးဖါဖိတဒုဒီးသိဖါဖိတဒုလၢမဲၣ်သူမဲၣ် ဂီၤတအိၣ်ဘၣ်ဒီးလုၢ်ထီၣ်အီၤဆူယွၤအအိၣ်တက့ၢ်. ဂီၤဖံးဖါဖိတဒုန့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဒီးသိ ဖါဖိန့ၣ်လၢတၢ်လုၢ်မ့ၣ်အူအဂီၢ်န့ၣ်တက့ၢ်.

လံာ်မၢ်ကူး 9:49

ပှၤကိးဂၤဒဲးကဘၣ်တၢ်မၤကဆှီထီၣ်အီၤလၢမ့ၣ်အူ, ဒ်တၢ်လုၢ်တၢ်ပာ်ဘၣ်တၢ်မၤကဆှီထီၣ်အီၤလၢအံသၣ်အသိးန့ၣ်လီၤ.