လံာ်စီၤဧ့စြၤ 6:5 - Sgaw Karen Common Bible

⁵ ဒ်န့ၣ်အသိး, တၢ်အဃၢၤအဃိၢ်ထူဒီးစ့လၢစီၤပၤနဘူၤကးန့စၢ် ဟဲက့ၤစိာ်ဆူကီၢ်ဘၤဘူၤလိၣ်လၢဝ့ၢ်ယရူၤၡလ့ၣ်အတၢ်လုၢ်ဟံၣ် ပူၤတဖၣ်န့ၣ်မ်တၢ်ကဆှၢကဒါက့ၤဆူအလီၢ်ဘၣ်ကျဲဘၣ်လၢဝ့ၢ်ယရူၤ ၡလ့ၣ်အတၢ်လုၢ်ဟံၣ်ပူၤန့ၣ်တက့ၢ်.”

လံာ်စီၤဧ့စြၤ 6:5 Iomraidhean Croise

လံာ်စီၤပၤခံဘ့ၣ်တဘ့ၣ် 24:13

ဒီးစိာ်ထီၣ်ကွံာ်ကယဲၢ်တၢ်လုၢ်ဒိၣ်ပှ့ၤဒိၣ်လၢယွၤအတၢ်လုၢ်ဟံၣ် အပူၤဒီးလၢနူၢ်ဧိၤစီၤဧိၤအပူၤတဖၣ်ဆူဝ့ၢ်ဘၤဘူၤလိၣ်န့ၣ်လီၤ. ဒ်ယွၤတဲဆိပာ်စၢၤတ့ၢ်ဝဲအသိးန့ၣ်, စီၤနဘူၤကးန့စၢ်မၤကၢ် ကွံာ်ကယဲၢ်တၢ်အဃၢၤအဃိၢ်ထူတဖၣ်လၢအဘၣ်တၢ်မၤအီၤလၢစီၤပၤ ၡလိၤမိၤဒ်သိးတၢ်ကသူအီၤလၢယွၤအတၢ်လုၢ်ဟံၣ်ပူၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:10

ဖဲတၢ်မဲထီၣ်သီအကတီၢ်တုၤဝဲန့ၣ်, စီၤပၤနဘူၤကးန့စ့ၢ်က့ၤ ကိးစီၤပၤယဟါယါခံၣ်ဒ်ပှၤဘၣ်တၢ်စၢဃာ်တဂၤအသိးဆူကီၢ်ဘၤ ဘူၤလိၣ်ဒီးစိာ်ထီၣ်ကွံာ်ယွၤအတၢ်လုၢ်ဟံၣ်အတၢ်ထူးတၢ်တီၤတဖၣ် န့ၣ်လီၤ. အန့ၣ်ဒီး, စီၤပၤနဘူၤကးန့စၢ်ဒုးကဲထီၣ်စီၤယဟိယါခံၣ်အဖါ တံၢ်စီၤစံးဒကံယၤလၢကီၢ်ယူဒၤဒီးဝ့ၢ်ယရူၤရှလ့ၣ်အစီၤပၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:18

ကီၢ်ဘၤဘူၤလိၣ်အစီၤပၤဂုာ်န့ၢ်ကွံာ်ယွၤအတၢ်လုၢ်ဟံၣ်အဃၢၤ အဃိၢ်တဖၣ်, တၢ်လုၢ်ဟံၣ်အကျိၣ်ဧိၤစ့ဧိၤ, ဒီးစီၤပၤဒီးပဒိၣ်ပပှၢ်တဖၣ်အတၢ် ထူးတၢ်တီၤ, ဒီးက့ၤစိာ်ကယဲၢ်တၢ်ခဲလၢာ်န့ၣ်, ဆူကီၢ်ဘၤဘူၤလိၣ်လီၤ.

လံာ်စီၤဧ့စြၤ 5:14

အဝဲဟ့ၣ်က့ၤတၢ်လုၢ်ဟံၣ်အဃၢၤအဃိၢ်ထူဒီးစ့လၢစီၤပၤနဘူၤကး န့စၢ်ဟံးန့ၢ်ကွံာ်လၢဝ့ၢ်ယရူၤရှလ့ၣ်အတၢ်လုၢ်ဟံၣ်အပူၤဒီးက့ၤ ပာ်ဝဲလၢတၢ်လုၢ်ဟံၣ်လၢကီၢ်ဘၤဘူၤလိၣ်န့ၣ်လီၤ. စီၤပၤဖးဒိၣ်ကိရ့ၣ်ဟ့ၣ်က့ၤတၢ်အဃၢၤအဃိၢ်တဖၣ်အံၤဆူ ပှၤတဂၤလၢအမံၤမ့ၢ်စီၤၡ့ၡဘးစၢ်, ပှၤလၢအဝဲဃုထၢပာ်လီၤဝဲဒ် ကီၢ်ယူဒၤအပဒိၣ်ဖးဒိၣ်, အစုပူၤန့ၣ်လီၤ.

လံာ်ယံးရမံယၤ 27:16

အန့ၣ်ဝံၤဒီး, ယတဲဘၣ်ပှၤလုၢ်တၢ်အခိၣ်တဖၣ်ဒီးပှၤဂီၢ်မုၢ်လၢ တၢ်လၢယွၤစံးတ့ၢ်ဝဲဒ်အံၤ, “ဒိကနၣ်ဝံတဖၣ်လၢ, အစံးဘၣ် သုလၢတယံာ်လၢၤဘၣ်န့ၣ် ယွၤအတၢ်လုၢ်ဟံၣ် အတၢ်လုၢ်ဒိၣ် ပှ့ၤဒိၣ်တဖၣ် ကဘၣ်တၢ်ဟဲက့ၤစိာ်ကဒါက့ၤအီၤလၢကီၢ်ဘၤဘူၤ လိၣ်လီၤ, အကလုၢ်န့ၣ်တဂ့ၤ. အဝဲသ့ၣ်လီန့ၢ်ဒၣ်သုလီၤ.

လံာ်ယံးရမံယၤ 52:19

အဝဲသ့ၣ် ဟံးန့ၢ်ကွံာ်တၢ်ကိးမံၤဒဲးလၢ အဘၣ်တၢ်မၤအီၤလၢ ထူဒီးစ့လၢအမ့ၢ်သလၢအဆံးဖိတဖၣ်, သပၢၤဘံၣ်သလၣ်လၢ တၢ်သူအီၤလၢ တၢ်စိာ်လၢၢ်သွဲၣ်လးကဲၤကဖးအဂီၢ်, သလၢတဖၣ်လၢကပဒၢးဃာ်တၢ်လုၢ်တၢ်ပာ်အသွံၣ်အဂီၢ်တဖၣ်, ဖၣ်ဆါအသပၢၤတဖၣ်, မ့ၣ်အူဒၢအထူၣ်တဖၣ်, သလၢတဖၣ်လၢ တၢ်သူအီၤလၢတၢ်လုၢ်နၢမူအဂီၢ်, ဒီးသလၢတဖၣ် လၢတၢ်သူအီၤလၢတၢ်လူလီၤတၢ်လုၢ်စပံးထံတဖၣ်အဂီၢ်န့ၣ်လီၤ.

လံာ်ဒၤနံးယ့လး 1:2

ဒီးယွၤဟ့ၣ်လီၤကွံာ်ကီၢ်ယူဒၤအစီၤပၤစီၤယဟိၤယါကံၣ်ဆူအစု ပူၤဃုာ်ဒီးတၢ်လုၢ်ဒိၣ်ပှ့ၤဒိၣ်တနီၤလၢယွၤအတၢ်လုၢ်ဟံၣ်အပူၤ န့ၣ်လီၤ. ဒီးက့ၤဖီၣ်န့ၢ်ဝဲပှၤယူဒၤဖိတနီၤဆူကီၢ်ၡံနၢ်ဒီးပာ်ဝဲလီခီ ထူလီခီစ့တဖၣ်န့ၣ်, လၢအကစၢ်တဖၣ်အဟံၣ်အတၢ်ပာ်ဖှိၣ် အလီၢ်ပူၤန့ၣ်လီၤ.

လံာ်ဒၤနံးယ့လး 5:2

ဒီးဖဲအဝဲသ့ၣ်အီသကိးတၢ်အဖၢမုၢ်န့ၣ်စီၤဘ့ၤလၡါစၢ်မၤလိာ် ဝဲလၢလီခီထူ, လီခီစ့တဖၣ်လၢအပၢ်စီၤနဘူၤကးန့စၢ်ဟံးထီၣ် ကွံာ်ဝဲလၢဝ့ၢ်ယရူၤရှလ့ၣ်အတၢ်လုၢ်ဟံၣ်အပူၤန့ၣ်ကဘၣ်တၢ်ဟဲ စိာ်အီၤဒ်သိးစီၤပၤဒီးအပဒိၣ်ပပှၢ်တဖၣ်, အမါတဖၣ်ဒီးအသံၣ် မါတဖၣ်ကဒၢနုာ်အီဝဲစပံးထံလၢအပူၤအဂီၢ်န့ၣ်လီၤ.