လံာ်စီၤဧ့စြၤ 6:4 - Sgaw Karen Common Bible

⁴ တၢ်ဒူၣ်တဖၣ်ကဘၣ်တၢ်ဘှီထီၣ်အီၤအိၣ်ဒီးလၢၢ်သၢဂ့ၢ်အဖီခိၣ်သ့ၣ် တဂ့ၢ်တဆီဘၣ်တဆီန့ၣ်လီၤ. ကယဲၢ်တၢ်လၢာ်ဘူၣ်လၢာ်စ့ၤခဲလၢာ်ကဘၣ်တၢ်ထုးထီၣ်အီၤလၢစီၤပၤ အစ့ပာ်ဖှိၣ်အလီၢ်န့ၣ်လီၤ.

လံာ်စီၤဧ့စြၤ 6:4 Iomraidhean Croise

လံာ်စီၤပၤအခီၣ်ထံးတဘ့ၣ် 6:36

ဘျီၣ်လၢအအိၣ်လၢတၢ်သးကံၢ်ပူၤတဖျၢၣ်န့ၣ်ဘၣ်တၢ်ဘှီထီၣ်အီၤလၢ ယွၤအတၢ်လုၢ်ဟံၣ်အမဲာ်ညါဒီးဘၣ်တၢ်ဒူၣ်ဝးတရံးအီၤ လၢတၢ်ဒူၣ်လၢတၢ်မၤအီၤဒီးသ့ၣ်ဆှိအ့ရ့းအကျိၤတကထၢအဖီခိၣ် အိၣ်ဒီးလၢၢ်သၢကထၢတဆီဘၣ်တဆီန့ၣ်လီၤ.

လံာ်စီၤဧ့စြၤ 3:7

ပှၤဂီၢ်မုၢ်ဟ့ၣ်လီၤစ့လၢပှၤမၤတၢ်လၢလၢၢ်တဖၣ်ဒီးပှၤစုသ့ တဖၣ်ဒီးဟ့ၣ်တၢ်အီၣ်တၢ်အီ, ဒီးသ့ၣ်စၤယံးအသိဒ်သိးကဘၣ်တၢ်ဆှၢအီၤဆူဝ့ၢ်ထါယၢၣ်ဒီးဝ့ၢ် စံဒိၣ်တဖၣ်လၢတၢ်ကလဲလိာ်အီၤဒီးလဘၤနိၣ်အသ့ၣ်ဆှိအ့ရ့းတဖၣ် လၢကဘၣ်တၢ်ဟဲစိာ်အီၤလၢပီၣ်လဲၣ်အကျဲတကပၤဆူဝ့ၢ်ယၤဖိၤန့ၣ် လီၤ. ကယဲၢ်တၢ်အံၤခဲလၢာ်ဘၣ်တၢ်မၤအီၤဒၣ်လၢကီၢ်ပၤရၣ်အစီၤပၤဖး ဒိၣ်စီၤကိရ့ၣ်အတၢ်ပျဲန့ၣ်လီၤ.

လံာ်စီၤဧ့စြၤ 5:8

ကစၢ်စီၤပၤဖးဒိၣ်ကြၢးသ့ၣ်ညါဝဲလၢပလဲၤတ့ၢ်ဆူကီၢ်ယူဒၤ ဒီးထံၣ်ဘၣ်လၢတၢ်ဒိၣ်ကစၢ်ယွၤအတၢ်လုၢ်ဟံၣ်ဘၣ်တၢ်သူၣ်ထီၣ်ကဒါ က့ၤအီၤလၢလၢၢ်ကိၢ်လိၢ်ဖးဒိၣ်တဖၣ်, အိၣ်ဒီးသ့ၣ်ကျိၤတဖၣ်ဘၣ်တၢ်ထီထီၣ်အီၤလၢတၢ်ဒူၣ်အလိၤလံ. တၢ်ဖံးတၢ်မၤအံၤဘၣ်တၢ်မၤအီၤလီၤတံၢ်လီၤဆဲးဒီးလဲၤထီၣ်ဆူ ညါကွ့ၢ်ကွ့ၢ်လံန့ၣ်လီၤ.

လံာ်စီၤဧ့စြၤ 6:8

အအံၤမ့ၢ်ယတၢ်မၤလိာ်လၢသုကဘၣ်မၤစၢၤအဝဲသ့ၣ်လၢအတၢ်သူၣ်ထီၣ် ကဒါက့ၤတၢ်လုၢ်ဟံၣ်န့ၣ်လီၤ. အဝဲသ့ၣ်အတၢ်လၢာ်တဖၣ်ကဘၣ်တၢ်ဟ့ၣ်အီၤဘၣ်ဆၢဘၣ်ကတီၢ်လၢစီၤပၤ အကျိၣ်အစ့လၢအမၤန့ၢ်ဝဲလၢတၢ်ခိတၢ်သွဲ လၢကီၢ်ဖရၤသးအမုၢ်နုာ်အပူၤဒ်သိးတၢ်ဖံးတၢ်မၤအသုတဘၣ်တံာ် တာ်တဂ့ၤအဂီၢ်န့ၣ်လီၤ.

စံးထီၣ်ပတြၢၤ 68:29

လၢနတၢ်လုၢ်ဟံၣ်လၢယရူၤၡလ့ၣ်အပူၤ, ဖဲစီၤပၤတဖၣ်ဟဲစိာ်တၢ်ဟ့ၣ်တဖၣ်ဆူ နအိၣ်န့ၣ်တက့ၢ်.

စံးထီၣ်ပတြၢၤ 72:10

မ်ကီၢ်စပၤနံဒီးကီးတဖၣ်အစီၤပၤတဖၣ် ဟ့ၣ်အီၤလၢတၢ်ဟ့ၣ်, မ်ၡဘၤဒီးစဘၤအစီၤပၤတဖၣ် ဟဲစိာ်တၢ်ဟ့ၣ်တဖၣ်တက့ၢ်.

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်လီၣ်ဖျါ 12:16

ဘၣ်ဆၣ်ဒီးဟီၣ်ခိၣ်မၤစၢၤပိာ်မုၣ်တဂၤန့ၣ်လီၤ. အဝဲဒၣ်အိးထီၣ်အထးခိၣ်ဒီးယူၢ်လီၤကွံာ်ထံလၢအဟဲဖျိးထီၣ် တ့ၢ်ဝဲလၢပယိၤအကိာ်ပူၤန့ၣ်လီၤ.