လံာ်စီၤဧ့စြၤ 6:3 - Sgaw Karen Common Bible

³ “ဖဲစီၤပၤဖးဒိၣ်ကိရ့ၣ်ပၢတၢ်အခီၣ်ထံးတနံၣ်န့ၣ်အဝဲမၤလိာ် တ့ၢ်ဝဲလၢဝ့ၢ်ယရူၤၡလ့ၣ်အတၢ်လုၢ်ဟံၣ်ကဘၣ်တၢ်သူၣ်ထီၣ်ကဒါက့ၤ အီၤဒ်တၢ်လီၢ်တတီၤဖဲတၢ်လုၢ်တၢ်ပာ်တဖၣ်ဘၣ်တၢ်မၤအီၤ, ဒီးတၢ်မၤဘူၣ်တဖၣ်ဘၣ်တၢ်ဆိၣ်ကဲၤအီၤန့ၣ်လီၤ. တၢ်လုၢ်ဟံၣ်န့ၣ်ကဘၣ်ထီအပျၢ်ဃုဆံဒီးကဘၣ်လဲၢ်အပျၢ်ဃုဆံ န့ၣ်လီၤ.

လံာ်စီၤဧ့စြၤ 6:3 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 2:3

စီၤၡလိၤမိၤဆှၢလီၤတၢ်ကစီၣ်တမံၤဆူဝ့ၢ်ထါယၢၣ်အစီၤပၤဃံ ရၣ်အအိၣ်ဒီးစံးဝဲဒၣ်, “မၤသကိးတၢ်ဒီးယၤဒ်နမၤတ့ၢ်ဒီးယပၢ်, စီၤပၤဒၤဝံးအသိး, ဖဲနဆါန့ၢ်တ့ၢ်အီၤသ့ၣ်ဆှိးအ့ရ့းအကျီၣ်တဖၣ်လၢတၢ်ကသူၣ်ထီၣ် အနီအဂီၢ်န့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 2:6

ဘၣ်ဆၣ်, ပှၤသူၣ်ထီၣ်တၢ်လုၢ်ဟံၣ်တဖျၢၣ်လၢယွၤအဂီၢ်တသ့နီၢ်နီၢ် နီတဂၤဘၣ်. အဂ့ၢ်ဒ်အံၤ, ကယဲၢ်မူခိၣ်အတၢ်လီၢ်အလဲၢ်ခဲလၢာ်ဒၣ်လဲာ်, အဝဲအိၣ်တတြီၢ်ဘၣ်. မ့မ့ၢ်ဒ်န့ၣ်ဒီး, တၢ်လုၢ်ဟံၣ်တဖျၢၣ်လၢ ယသူၣ်ထီၣ်အီၤအံၤ, မ့ၢ်တၢ်အါန့ၢ်ဒံးတၢ်လီၢ်တတီၤဖဲ တၢ်လုၢ်နၢမူကဘၣ်တၢ်ဆူးကဲၤထီၣ်အီၤဆူကစၢ်ယွၤန့ၣ်, ကသ့ဒ်လဲၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 36:22

ဖဲကီၢ်ပၤရၣ်အစီၤပၤကိရ့ၣ်ပၢတၢ်အခီၣ်ထံးတနံၣ်အပူၤန့ၣ်, ယွၤမၤလၢထီၣ်ပှဲၤထီၣ်တၢ်လၢအစံးဘၣ်တ့ၢ်ဝဲခီဖျိဝံယံးရမံ ယၤန့ၣ်လီၤ. အဝဲထိၣ်ဟူးထိၣ်ဂဲၤစီၤကိရ့ၣ်အသးလၢကထုးထီၣ်ရၤလီၤတၢ်မၤ လိာ်လၢလာ်အံၤဒီးဆှၢလီၤအီၤခီဖျိတၢ်ကွဲးဒ်သိးကဘၣ်တၢ်ဖး သီၣ်ထီၣ်အီၤဒိၣ်ဒိၣ်လၢတၢ်လီၢ်တပူၤလၢ်လၢ်, လၢအဝဲအဘီအမုၢ်အပူၤအဂီၢ်န့ၣ်လီၤ.

လံာ်စီၤဧ့စြၤ 1:1

ဖဲကီၢ်ပၤရၣ်အစီၤပၤဖးဒိၣ်စီၤကိရ့ၣ်ပၢတၢ်အခီၣ်ထံးတနံၣ် န့ၣ်, ယွၤမၤလၢထီၣ်ပှဲၤထီၣ်တၢ်လၢအစံးတ့ၢ်ဝဲခီဖျိဝံယံးရမံယၤ န့ၣ်လီၤ. အဝဲမၢန့ၢ်ဆီၣ်ခံစီၤကိရ့ၣ်ဒ်သိးအကဟ့ၣ်လီၤအကလုၢ်ဒီးဆှၢ လီၤအီၤလၢတၢ်ကွဲးဒ်လၢလာ်အံၤအသိး, လၢကဘၣ်တၢ်ဖးအီၤလၢအကလုၢ်ဖးဒိၣ်လၢတၢ်လီၢ်ကိးပူၤဒဲးလၢ အဘီအမုၢ်အပူၤန့ၣ်လီၤ.

လံာ်စီၤဧ့စြၤ 1:2

“အအံၤမ့ၢ်ကီၢ်ပၤရၣ်အစီၤပၤဖးဒိၣ်စီၤကိရ့ၣ်အတၢ်မၤလိာ်န့ၣ် လီၤ. ယွၤ, မူခိၣ်အကစၢ်ယွၤဒုးကဲတ့ၢ်လံယၤပှၤပၢဟီၣ်ခိၣ်ဒီဘ့ၣ်, ဒီးဟ့ၣ်မူဟ့ၣ်ဒါတ့ၢ်လံယၤလၢယကသူၣ်ထီၣ်တၢ်လုၢ်ဟံၣ်တဖျၢၣ်လၢ အဂီၢ်လၢဝ့ၢ်ယရူၤၡလ့ၣ်, လၢကီၢ်ယူဒၤအပူၤန့ၣ်လီၤ.

လံာ်စီၤဧ့စြၤ 3:7

ပှၤဂီၢ်မုၢ်ဟ့ၣ်လီၤစ့လၢပှၤမၤတၢ်လၢလၢၢ်တဖၣ်ဒီးပှၤစုသ့ တဖၣ်ဒီးဟ့ၣ်တၢ်အီၣ်တၢ်အီ, ဒီးသ့ၣ်စၤယံးအသိဒ်သိးကဘၣ်တၢ်ဆှၢအီၤဆူဝ့ၢ်ထါယၢၣ်ဒီးဝ့ၢ် စံဒိၣ်တဖၣ်လၢတၢ်ကလဲလိာ်အီၤဒီးလဘၤနိၣ်အသ့ၣ်ဆှိအ့ရ့းတဖၣ် လၢကဘၣ်တၢ်ဟဲစိာ်အီၤလၢပီၣ်လဲၣ်အကျဲတကပၤဆူဝ့ၢ်ယၤဖိၤန့ၣ် လီၤ. ကယဲၢ်တၢ်အံၤခဲလၢာ်ဘၣ်တၢ်မၤအီၤဒၣ်လၢကီၢ်ပၤရၣ်အစီၤပၤဖး ဒိၣ်စီၤကိရ့ၣ်အတၢ်ပျဲန့ၣ်လီၤ.

လံာ်စီၤဧ့စြၤ 6:14

ပှၤယူဒၤဖိအခိၣ်အနၢ်တဖၣ်မၤတၢ်လဲၤထီၣ်လဲၤထီဂ့ၤဂ့ၤလၢတၢ် ဘှီထီၣ်ကဒါက့ၤတၢ်လုၢ်ဟံၣ်အိၣ်ဒီးတၢ်ဟ့ၣ်ဂံၢ်ဟ့ၣ်ဘါအဝဲသ့ၣ် လၢဝံဃးကဲဒီးဝံစကၤရယၤတဖၣ်န့ၣ်လီၤ. အဝဲသ့ၣ်မၤဝံၤကွံာ်တၢ်လုၢ်ဟံၣ်ဒ်အဝဲသ့ၣ်ဘၣ်တၢ်မၤလိာ်တ့ၢ် အီၤလၢအံၣ်စရ့လးအကစၢ်ယွၤဒီးကီၢ်ပၤရၣ်အစီၤပၤဖးဒိၣ်တဖၣ် လၢအမ့ၢ်စီၤကိရ့ၣ်, စီၤဒၤရယါဝ့ၣ်ဒီးစီၤအၢ်တၤၡါၡတၤန့ၣ်လီၤ.

စံးထီၣ်ပတြၢၤ 122:4

ပှၤအဒူၣ်, ယွၤအဒူၣ်သ့ၣ်တဖၣ်လဲၤထီၣ်ဖဲန့ၣ် ဒ်တၢ်မၤလိာ်အံၣ်စရ့လးအသိး, ဒ်သိးကစံးထီၣ်ပတြၢၤယွၤအမံၤအဂီၢ်န့ၣ်လီၤ.

လံာ်လီၣ်ဖျါ 21:16

ဝ့ၢ်န့ၣ်အိၣ်ဒီးအကပၤလွံၢ်ကပၤလၢအထဲသိးလိာ်အသး လီၤတံၢ်လီၤဆဲး, အထီဒီးအဒီၣ်ဃီၤတုၤသိးလိာ်အသး လီၤ. ကလူးထိၣ်ဝ့ၢ်န့ၣ်လၢအနီၣ်ထိၣ်လီၤ. အထီအိၣ်ဝဲအမံးလးတကထိယဲၢ်ကယၤဒီးအလဲၢ်ဒီး အကစီၤထီၣ်စ့ၢ်ကီးတုၤသိးသိးအထီန့ၣ်လီၤ.