လံာ်စီၤဧ့စြၤ 6:22 - Sgaw Karen Common Bible

²² လၢနွံသီအတီၢ်ပူၤန့ၣ်, အဝဲသ့ၣ်မၤတၢ်သ့ၣ်နီၣ်မၤလၤကပီၤဘူၣ် တအိၣ်ဘၣ်ဒီးကိၣ်မံၣ်လၢတၢ်သူၣ်ခုသးခုအပူၤန့ၣ်လီၤ. အဝဲသ့ၣ်ပှဲၤဒီးတၢ်သူၣ်ခုသးခုမ့ၢ်လၢယွၤထိးဘၣ်တ့ၢ်ကီၢ်အၤ ၡူၢ်အစီၤပၤဖးဒိၣ်အသးလၢကကွၢ်မဲာ်အဝဲသ့ၣ်, တုၤဒၣ်လဲာ်မၤစၢၤအဝဲသ့ၣ်လၢအတၢ်ဖံးတၢ်မၤလၢတၢ်သူၣ်ထီၣ်ကဒါ က့ၤပှၤအံၣ်စရ့လးဖိအကစၢ်ယွၤအတၢ်လုၢ်ဟံၣ်အပူၤအဃိန့ၣ်လီၤ.

လံာ်စီၤဧ့စြၤ 6:22 Iomraidhean Croise

လံာ်စီၤပၤခံဘ့ၣ်တဘ့ၣ် 23:29

ဖဲစီၤယိၤၡံယၤမ့ၢ်စီၤပၤအခါန့ၣ်, ကီၢ်အဲၤကူပတူးအစီၤပၤ နကိၤဆှၢဃီၤသုးမုၢ်တဖုဆူထံကျိဖရၤသးလၢကမၤစၢၤကီၢ်အၤ ၡူၢ်အစီၤပၤအဂီၢ်န့ၣ်လီၤ. စီၤယိၤၡံယၤဂုာ်ကျဲးစၢးတြီပှၤအဲၤကူပတူးဖိအသုးမုၢ်ဖဲ ဝ့ၢ်မကံးဒိၤဒီးဘၣ်တၢ်မၤသံကွံာ်အီၤလၢတၢ်ဒုးအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:18

စီၤယဟိယဒါပာ်လီၤပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိ တဖၣ်လၢကကွၢ်ထွဲယွၤအတၢ်လုၢ်ဟံၣ်အတၢ်ဖံးတၢ်မၤအဂီၢ်န့ၣ်လီၤ. အဝဲသ့ၣ်ကဘၣ်မၤမူဒါတဖၣ်လၢအဘၣ်တၢ်ဟ့ၣ်လီၤတ့ၢ်အဝဲသ့ၣ်လၢ စီၤပၤစီၤဒၤဝံးဒီးကဘၣ်ဆိၣ်ကဲၤထီၣ်တၢ်လုၢ်တၢ်ပာ်တဖၣ်လၢ အဘၣ်တၢ်လုၢ်ထီၣ်အီၤဆူယွၤဒ်ယူဒၤအတၢ်သိၣ်တၢ်သီလၢစီၤမိၤ ၡ့ဟ့ၣ်တ့ၢ်ဝဲန့ၣ်လီၤ. အဝဲသ့ၣ်ကဲခိၣ်ကဲနၢ်စ့ၢ်ကီးလၢတၢ်သူၣ်ဝံၣ်သးဆၢဒီးတၢ်ဘူၣ် တၢ်ဘါအမူးတဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:30

စီၤပၤဒီးပှၤကလုာ်အခိၣ်အနၢ်တဖၣ်တဲဘၣ်ပှၤလ့ၤဝံဖိတဖၣ်လၢ ကသးဝံၣ်စံးထီၣ်ပတြၢၤယွၤလၢတၢ်သးဝံၣ်စံးထီၣ်ပတြၢၤလၢ အဘၣ်တၢ်ကွဲးအီၤလၢစီၤဒၤဝံးဒီးဝံအၤစာ်န့ၣ်လီၤ. လၢတၢ်န့ၣ်အဃိပှၤကိးဂၤဒဲးသးဝံၣ်ထီၣ်တၢ်လၢတၢ်သးခု ဖးဒိၣ်အပူၤဖဲအဝဲသ့ၣ်တီၤလီၤကဒွံကျိာ်ဒီးဘူၣ်ထီၣ်ဘါထီၣ် ကစၢ်ယွၤအခါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:21

လၢနွံသီအတီၢ်ပူၤပှၤဂီၢ်မုၢ်လၢအပာ်ဖှိၣ်အသးလၢဝ့ၢ်ယရူၤ ၡလ့ၣ်အပူၤ, ဒီးမၤဘူၣ်တအိၣ်ဘၣ်ဒီးကိၣ်မံၣ်လၢတၢ်သူၣ်ခုသးခုဖးဒိၣ် အပူၤန့ၣ်လီၤ. တနံၤဘၣ်တနံၤန့ၣ်, ပှၤလ့ၤဝံဖိတဖၣ်ဒီးပှၤလုၢ်တၢ်အခိၣ်တဖၣ် စံးထီၣ်ပတြၢၤယွၤလၢအဂံၢ်အဘါခဲလၢာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:11

လၢတၢ်န့ၣ်အဃိ, ယွၤပျဲကီၢ်စူၤရံအသုးမုၢ်အခိၣ်အနၢ်တဖၣ်လၢ ကလဲၤနုာ်လီၤဒုးကီၢ်ယူဒၤန့ၣ်လီၤ. ဒီးအဝဲသ့ၣ်ဖီၣ်န့ၢ်စီၤမနၤၡ့ၤ, ဘျးထီၣ်ထးက့ၣ်ခိၣ်တဖၣ်လၢအလိၤ, စၢဃးအီၤလၢထးသွဲဒီးက့ၤမိၤအီၤဆူကီၢ်ဘၤဘူၤလိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:17

အံၣ်စရ့လးအပှၤဂီၢ်မုၢ်လၢအအိၣ်ဖဲန့ၣ်, မၤဘူၣ်လဲၤကပာ်ဒီး ဘူၣ်ကိၣ်တအိၣ်ဘၣ်ဒီးကိၣ်မံၣ်လၢနွံသီအတီၢ်ပူၤန့ၣ်လီၤ.

လံာ်စီၤဧ့စြၤ 1:1

ဖဲကီၢ်ပၤရၣ်အစီၤပၤဖးဒိၣ်စီၤကိရ့ၣ်ပၢတၢ်အခီၣ်ထံးတနံၣ် န့ၣ်, ယွၤမၤလၢထီၣ်ပှဲၤထီၣ်တၢ်လၢအစံးတ့ၢ်ဝဲခီဖျိဝံယံးရမံယၤ န့ၣ်လီၤ. အဝဲမၢန့ၢ်ဆီၣ်ခံစီၤကိရ့ၣ်ဒ်သိးအကဟ့ၣ်လီၤအကလုၢ်ဒီးဆှၢ လီၤအီၤလၢတၢ်ကွဲးဒ်လၢလာ်အံၤအသိး, လၢကဘၣ်တၢ်ဖးအီၤလၢအကလုၢ်ဖးဒိၣ်လၢတၢ်လီၢ်ကိးပူၤဒဲးလၢ အဘီအမုၢ်အပူၤန့ၣ်လီၤ.

လံာ်စီၤဧ့စြၤ 6:1

လၢတၢ်န့ၣ်အဃိစီၤပၤဖးဒိၣ်ဒၤရယါဝ့ၣ်ဟ့ၣ်လီၤအကလုၢ်လၢတၢ် ကဃုထံၣ်န့ၢ်တၢ်လၢစီၤပၤအတၢ်ကွဲးနီၣ်တဖၣ်အပူၤလၢအဘၣ် တၢ်ပာ်အီၤလၢကီၢ်ဘၤဘူၤလိၣ်န့ၣ်လီၤ.

လံာ်စီၤဧ့စြၤ 7:27

စီၤဧ့စြၤစံးဝဲ, “စံးထီၣ်ပတြၢၤယွၤ, ပမိၢ်ပၢ်ဖံဖုလၢပျၢၤအကစၢ်ယွၤန့ၣ်တက့ၢ်. အဝဲထိၣ်ဂဲၤလံစီၤပၤဖးဒိၣ်အသး, လၢကျဲဒ်အံၤဒ်သိးကမၤလၤကပီၤယွၤအတၢ်လုၢ်ဟံၣ်လၢဝ့ၢ်ယရူၤၡလ့ၣ် အပူၤလံ.

လံာ်စီၤနဃ့မယၤ 13:6

ဖဲတၢ်အံၤမၤအသးအခါန့ၣ်ယတအိၣ်ဘၣ်လၢဝ့ၢ်ယရူၤရှလ့ၣ်အပူၤဘၣ်, မ့ၢ်လၢဖဲစီၤပၤအၢ်တၤၡါၡတၤကီၢ်ဘၤဘူၤလိၣ်အစီၤပၤသၢဆံ ခံနံၣ်တနံၣ်န့ၣ်ယဘၣ်လဲၤကဒါက့ၤဒီးပာ်ဖျါတၢ်ဆူအအိၣ်အဃိ န့ၣ်လီၤ. တစိၢ်ဖိဝံၤအလီၢ်ခံန့ၣ်ယဒိးန့ၢ်ဘၣ်အဝဲအတၢ်ပျဲ,

တၢ်ကတိၤဒိ. 16:7

တုၤနမၤတၢ်ဘၣ်ယွၤအသးဒီး, နဒုးကဲထီၣ်နဒုၣ်နဒါတဖၣ်လၢနတံၤ သကိးသ့လီၤ.

တၢ်ကတိၤဒိ. 21:1

ယွၤပၢၤဃာ်စီၤပၤတဂၤအတၢ်ကူၣ်တၢ်ဆိကမိၣ်ညီထဲသိးသိး အဝဲနဲၣ်ထံကျိဖိအကျိၤအသိးန့ၣ်လီၤ.

လံာ်ယဃ့းစက့လး 23:23

ယကဟဲကိးကယဲၢ်ပှၤဘၤဘူၤလိၣ်ဖိတဖၣ်ဒီးပှၤက့ၤစ့းဖိတဖၣ်, ပှၤပိာ်ခွါတဖၣ်လၢပကိး, ၡိအၤဒီးကိအၤဒီးကယဲၢ်ပှၤအၤၡူၢ် ဖိခဲလၢာ်န့ၣ်လီၤ. ယကပာ်ဖှိၣ်ထီၣ်ကယဲၢ်တူၢ်ဒိၣ်ကီၤဒိၣ်သးစၢ်ခွါလၢအက့ၢ်ဘၣ်ဂီၤ ဂ့ၤခဲလၢာ်ဒီးပဒိၣ်ပပှၢ်တဖၣ်, ကယဲၢ်ပှၤကိးဂၤဒဲးလၢအမ့ၢ်ပှၤခိၣ်ပှၤနၢ်အကါဒိၣ်တဖၣ်ဒီးပှၤ ဒိးကသ့ၣ်ဒုးသုးအခိၣ်တဖၣ်လၢအအိၣ်ဒီးလီၢ်ဒိၣ်လၤထီန့ၣ်လီၤ.

လံာ်မးသဲ 26:17

လၢဘူၣ်ကိၣ်တအိၣ်ဘၣ်ဒီးကိၣ်မံၣ်အခီၣ်ထံးကတၢၢ်တသီန့ၣ်, ယ့ၣ်ၡူးအပျဲၢ်အဘီၣ်တဖၣ်ဟဲဆူအအိၣ်ဒီးသံကွၢ်အီၤ, “နအဲၣ်ဒိးလၢပကကတဲာ်ကတီၤန့ၢ်တၢ်လီၢ်လၢနကအီၣ် ဘူၣ်လဲၤကပာ်အဂီၢ်ဖဲလဲၣ်.”

လံာ်ယိၤဟၣ် 19:11

ယ့ၣ်ၡူးစံးဆၢတၢ်ဒီးစံးဝဲ, “နအိၣ်ဒီးတၢ်စိတၢ်ကမီၤလၢ ယဖီခိၣ်မ့ၢ်ဒၣ်လၢကစၢ်ယွၤဟ့ၣ်လီၤနၤတၢ်စိတၢ်ကမီၤအံၤ အဃိန့ၣ်လီၤ. လၢတၢ်န့ၣ်အဃိ, ပှၤလၢအဟ့ၣ်လီၤယၤဆူ နစုပူၤအံၤန့ၣ်, အတၢ်ဒဲးဘးဒိၣ်ဒၣ်တၢ်တက့ၢ်န့ၣ်လီၤ.”