လံာ်စီၤဧ့စြၤ 6:18 - Sgaw Karen Common Bible

¹⁸ ဒ်တၢ်မၤလိာ်အိၣ်တ့ၢ်ဝဲလၢစီၤမိၤၡ့အလံာ်တၢ်ကွဲးအပူၤအသိး န့ၣ်, အဝဲသ့ၣ်ကရၢကရိထီၣ်စ့ၢ်ကီးပှၤလုၢ်တၢ်အခိၣ်တဖၣ်ဒီးပှၤလ့ၤဝံ ဖိတဖၣ်လၢတၢ်လုၢ်ဟံၣ်အတၢ်ဖံးတၢ်မၤတဖၣ်အဂီၢ်လၢဝ့ၢ်ယရူၤၡလ့ၣ် အပူၤန့ၣ်လီၤ.

လံာ်စီၤဧ့စြၤ 6:18 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 24:1

အအံၤမ့ၢ်ကရူၢ်တဖၣ်လၢစီၤအၤဟရိၣ်အစၢၤအသွဲၣ်တဖၣ်ဘၣ်ထွဲဝဲန့ၣ်လီၤ. ဒီးစီၤအၤဟရိၣ်အိၣ်ဒီးအဖိခွါလွံၢ်ဂၤ, စီၤနၤဒာ်, စီၤအဘံဟူၤ, စီၤအလၤဧစၢ်ဒီးစီၤအံသမၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 24:24

စီၤၡၤမံၣ်, စီၤဧူးစံအ့လးအစၢၤအသွဲၣ်တဂၤလၢအဟဲခီဖျိ စီၤမံၤကါ,

လံာ်ကွဲးနီၣ်တၢ်အခီၣ်ထံးတဘ့ၣ် 25:1

စီၤပၤဒၤဝံးဒီးပှၤလ့ၤဝံဖိအခိၣ်အနၢ်တဖၣ်ဃုထၢထီၣ်ဝဲပှၤ လ့ၤဝံဖိစီၤအၤစာ်, စီၤဟ့မၣ်ဒီးစီၤယဒူသူၣ်အဒူၣ်ထၢတဖၣ် အပှၤခိၣ်ပှၤနၢ်တဖၣ်ဒ်သိးကဆှၢတၢ်ဘူၣ်ထီၣ်ဘါထီၣ်အတၢ်မၤတဖၣ် န့ၣ်လီၤ. အဝဲသ့ၣ်ကဘၣ်ဒုးဟူထီသါလီၤကစၢ်ယွၤအတၢ်ကစီၣ်တဖၣ် အိၣ်ဒီးစှၢၣ်စှံးဒီးသီတူၢ်အတၢ်သူၣ်ဝံၣ်သးဆၢတဖၣ်န့ၣ်လီၤ. အအံၤမ့ၢ်ပှၤဘၣ်တၢ်ဃုထၢဒ်အတၢ်မၤဒၣ်ဝဲအကလုာ်တဖၣ် အတၢ်ကွဲးနီၣ်ကွဲးဃါလၢကဆှၢတၢ်ဘူၣ်ထီၣ်ဘါထီၣ်ယွၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:10

တုၤကယဲၢ်တၢ်ခဲလၢာ်ဘၣ်တၢ်ကတဲာ်ကတီၤအီၤလၢဘူၣ်လဲၤကပာ်အဂီၢ် ဝံၤန့ၣ်, ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်ဟံးန့ၢ်အလီၢ်ဒ်စီၤ ပၤမၤလိာ်တ့ၢ်ဝဲအသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:6

ပှၤလုၢ်တၢ်အခိၣ်တဖၣ်ဆၢထၢၣ်ဝဲဖဲတၢ်လီၢ်တဖၣ်လၢအဘၣ်တၢ်ပာ်လီၤ အီၤဒီးလၢအဝဲသ့ၣ်အမဲာ်ညါလိၤလိၤန့ၣ်, ပှၤလ့ၤဝံဖိတဖၣ်ဆၢထၢၣ်ဝဲစံးထီၣ်ပတြၢၤယွၤလၢတၢ်ဒ့တၢ်အူ အပီးအလီတဖၣ်လၢစီၤပၤဒၤဝံးမၤပာ်စၢၤတ့ၢ်ဝဲ, ဒီးသးဝံၣ်ထါသးဝံၣ်, “အဝဲအတၢ်အဲၣ်မ့ၢ်တၢ်အထူအယိာ်” ဒ်အဝဲသ့ၣ်ဘၣ်တၢ်မၢတ့ၢ်ဒီးဟ့ၣ်စိဟ့ၣ်ကမီၤအီၤလၢစီၤဒၤဝံး အသိးန့ၣ်လီၤ. ဖဲပှၤဂီၢ်မုၢ်ခဲလၢာ်ဆၢထၢၣ်ဝဲန့ၣ်, ပှၤလုၢ်တၢ်အခိၣ်တဖၣ်အူထီၣ်ကွဲၤတဖၣ်န့ၣ်လီၤ.

လံာ်တၢ်ဂံၢ် 3:9

မူဒါထဲတမံၤဧိၤလၢပှၤလ့ၤဝံဖိတဖၣ်ကဘၣ်မၤဝဲန့ၣ်မ့ၢ်တၢ် မၤစၢၤစီၤအၤဟရိၣ်ဒီးအဖိခွါတဖၣ်န့ၣ်လီၤ.