လံာ်စီၤဧ့စြၤ 6:17 - Sgaw Karen Common Bible

¹⁷ လၢတၢ်ပာ်စီဆှံအဂီၢ်န့ၣ်, အဝဲသ့ၣ်လုၢ်ထီၣ်ပာ်ထီၣ်ကျီၢ်ဖါဖိ တကယၤ, သိအဒု ခံကယၤဒီး, သိဖိအဒုလွံၢ်ကယၤ, ဒ်တၢ်လုၢ်တၢ်ပာ်တဖၣ်အသိး, ဒီးမဲာ်တဲးလဲးဖါတဆံခံဒု ဒ်တၢ်လုၢ်တၢ်ဒဲးဘးအသိး, တဒုလၢပှၤအံၣ်စရ့လးဖိတဒူၣ်စုာ် စုာ်အဂီၢ်န့ၣ်လီၤ.

လံာ်စီၤဧ့စြၤ 6:17 Iomraidhean Croise

လံာ်စီၤပၤအခီၣ်ထံးတဘ့ၣ် 18:31

အဝဲဟံးထီၣ်လၢၢ်တဆံခံဖျၢၣ်ဒ်ဒူၣ်တဖၣ်လၢအဘၣ်ဃးဒီးစီၤယၤ ကိာ်အဖိခွါတဖၣ်အတၢ်ဂံၢ်အိၣ်ဝဲအသိးန့ၣ်လီၤ. စီၤယၤကိာ်မ့ၢ်ပှၤတဂၤလၢယွၤဟ့ၣ်တ့ၢ်အီၤမံၤလၢအမ့ၢ်ဝဲ စီၤအံၣ်စရ့လးန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:62

တုၤနုၤတစု, စီၤပၤၡလိၤမိၤဒီးကယဲၢ်ပှၤဂီၢ်မုၢ်ဖဲန့ၣ်ခဲလၢာ် လုၢ်ထီၣ်တၢ်လုၢ်တၢ်ပာ်တဖၣ်ဆူယွၤအအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:24

ဝံၤဒီးပှၤလုၢ်တၢ်အခိၣ်တဖၣ်မၤသံကွံာ်မဲာ်တဲးလဲးတဖၣ်ဒီးလူ လီၤအသွံၣ်, လၢတၢ်လုၢ်လီၢ်အလိၤဒ်တၢ်လုၢ်တၢ်ပာ်တမံၤအသိးလၢကစိာ်ထီၣ်ကွံာ် ပှၤဂီၢ်မုၢ်အတၢ်ဒဲးဘးအဂီၢ်န့ၣ်လီၤ. အဂ့ၢ်ဒ်အံၤ, စီၤပၤမၤလိာ်တ့ၢ်ဝဲလၢတၢ်လုၢ်မ့ၣ်အူတဖၣ်ဒီးတၢ် လုၢ်တၢ်ဒဲးဘးတဖၣ်န့ၣ်ကဘၣ်တၢ်မၤအီၤလၢပှၤအံၣ်စရ့လးဖိခဲ လၢာ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:5

အဝဲလုၢ်ထီၣ်ဝဲ, ဂီၤဖံးအဒုခံကလးခံကထိ, ဒီးသိအဒုတကလီၤခံကလးလၢတၢ်လုၢ်မၤဃူမၤဖိးတဖၣ်အဂီၢ်န့ၣ် လီၤ. ဒီးလၢတၢ်န့ၣ်အဃိအဝဲဒီးပှၤဂီၢ်မုၢ်ခဲလၢာ်ပာ်စီဆှံယွၤ အတၢ်လုၢ်ဟံၣ်န့ၣ်လီၤ.

လံာ်စီၤဧ့စြၤ 8:35

ကယဲၢ်ပှၤခဲလၢာ်လၢအဟဲက့ၤကဒါက့ၤလၢတၢ်စိာ်မၢကဲကုၢ်အလီၢ် န့ၣ်ဟဲစိာ်ဃီၤတၢ်မၤဘူၣ်တဖၣ်ဒ်တၢ်လုၢ်တၢ်ပာ်တဖၣ်လၢကဘၣ်တၢ် ဆိၣ်ကဲၤထီၣ်အီၤဆူပှၤအံၣ်စရ့လးဖိအကစၢ်ယွၤအအိၣ်န့ၣ်လီၤ. အဝဲသ့ၣ်မၤဘူၣ်လီၤဂီၤဖံးဖါတဆံခံဒုလၢပှၤအံၣ်စရ့လးဖိ ခဲလၢာ်အဂီၢ်, သိဖါခွံဆံဃုဒုဒီးသိဖိနွံဆံနွံဒု, ဒီးမဲာ်တဲးလဲးတဆံခံဒုစ့ၢ်ကီးလၢကမၤကဆှီထီၣ်က့ၤအသးလၢ တၢ်ဒဲးဘးအဂီၢ်န့ၣ်လီၤ. ကယဲၢ်ဆၣ်ဖိကီၢ်ဖိခဲလၢာ်အံၤဘၣ်တၢ်ဆိၣ်ကဲၤအီၤဒ်တၢ်လုၢ်တၢ် ပာ်တဖၣ်အသိးဆူယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:28

တုၤအတၢ်ဒဲးဘးလၢအမၤဝဲဘၣ်တၢ်ဒုးသ့ၣ်ညါက့ၤအီၤဒီးကဘၣ်ဟဲ စိာ်ဝဲမဲာ်တဲးလဲးမိၢ်တဒုလၢမဲၣ်သူမဲၣ်ဂီၤဒၣ်လဲာ်တ အိၣ်ဘၣ်လၢတၢ်လုၢ်မၤဘူၣ်တၢ်ပျၢ်တၢ်ဒဲးဘးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:3

ပှၤမၤတၢ်ဒဲးဘးမ့မ့ၢ်ပှၤလုၢ်တၢ်အခိၣ်အဒိၣ်ကတၢၢ်ဒီး, ဒုးလီၤဘၣ်တၢ်ကမၣ်လၢပှၤဂီၢ်မုၢ်အလိၤန့ၣ်, မ်အကဟဲစိာ်ဂီၤဖံးဖါတဒုလၢအတအိၣ်ဘၣ်ဒီးမဲၣ်သူမဲၣ်ဂီၤ ဒီးလုၢ်ထီၣ်အီၤဆူယွၤအအိၣ်လၢအတၢ်ဒဲးဘးအဂီၢ်တက့ၢ်.

လံာ်လူၤကၣ် 22:30

သုကအီၣ်တၢ်အီတၢ်လၢယစီၢ်နီၤခိၣ်လၢယဘီယမုၢ်အပူၤ, ဒီးသုကဆ့ၣ်နီၤလၢလီၢ်ပစိာ်အဖီခိၣ်ဒ်သိးသုကပၢပှၤ အံၣ်စရ့လးဖိတဆံခံဒူၣ်န့ၣ်လီၤ.

လံာ်လီၣ်ဖျါ 21:12

ဝ့ၢ်န့ၣ်အိၣ်ဒီးတၢ်ဒူၣ်ဖးဒိၣ်ဖးထီလၢအအိၣ်ဒီးတြဲၤ ဖးဒိၣ်တဆံခံဘ့ၣ်, အိၣ်ဒီးကလူးတဆံခံဂၤလၢအအိၣ်ခိးကွၢ်ထွဲတြဲၤဖးဒိၣ် တဖၣ်န့ၣ်လီၤ. လၢတြဲၤဖးဒိၣ်အလိၤန့ၣ်ပှၤအံၣ်စရ့လးဖိ တဆံခံဒူၣ်အမံၤတဖၣ်အိၣ်ကွဲးအသးလီၤ.