လံာ်စီၤဧ့စြၤ 6:15 - Sgaw Karen Common Bible

¹⁵ လၢစီၤပၤဖးဒိၣ်ဒၤရယါဝ့ၣ်ပၢတၢ်ဃုနံၣ်တနံၣ်လါအးဒၢ်လါ ထီၣ်သၢသီတသီန့ၣ်အဝဲသ့ၣ်မၤဝံၤတၢ်လုၢ်ဟံၣ်န့ၣ်လီၤ.

လံာ်စီၤဧ့စြၤ 6:15 Iomraidhean Croise

လံာ်စီၤပၤအခီၣ်ထံးတဘ့ၣ် 8:63

အဝဲလုၢ်ထီၣ်ဂီၤဖံးအဒုခံကလးခံကထိ, ဒီးသိအဒုတကလီၢ်ခံ ကလးဒ်တၢ်လုၢ်မၤဃူမၤဖိးအသိးန့ၣ်လီၤ. လၢတၢ်န့ၣ်အဃိ, စီၤပၤဒီးကယဲၢ်ပှၤဂီၢ်မုၢ်ခဲလၢာ်ပာ်စီဆှံ ယွၤအတၢ်လုၢ်ဟံၣ်န့ၣ်လီၤ.

လံာ်စီၤဧ့စြၤ 4:24

တၢ်ဖံးတၢ်မၤလၢတၢ်လုၢ်ဟံၣ်အဂီၢ်ဘၣ်တၢ်ဆိကတီၢ်ကွံာ်အီၤဒီး ဘၣ်တၢ်ပာ်ဒၣ်အီၤဒ်န့ၣ်တုၤလီၤလၢကီၢ်ပၤရၣ်အစီၤပၤဖးဒိၣ်စီၤ ဒၤရယါဝ့ၣ်ကဲစီၤပၤခံနံၣ်တနံၣ်န့ၣ်လီၤ.

လံာ်စီၤဧ့စြၤ 5:16

လၢတၢ်န့ၣ်အဃိ, စီၤၡ့ၡဘးစၢ်ဟဲဒီးပာ်လီၤတၢ်လုၢ်ဟံၣ်အခီၣ် ထံးန့ၣ်လီၤ. တၢ်သူၣ်ထီၣ်ဘှီထီၣ်စးထီၣ်အသးဖဲန့ၣ်တုၤခဲ ကနံၣ်အံၤ, ဘၣ်ဆၣ်တၢ်လုၢ်ဟံၣ်န့ၣ်တဝံၤဒံးဘၣ်.

လံာ်စီၤဧ့စြၤ 9:9

ပမ့ၢ်တ့ၢ်ကုၢ်တဖၣ်, ဘၣ်ဆၣ်နတပာ်ထီဃာ်ပှၤလၢကုၢ်အလီၢ်န့ၣ်ဘၣ်. နမၢကီၢ်ပၤရၣ်အစီၤပၤဖးဒိၣ်တဖၣ်ကွၢ်မဲာ်ပှၤဒီးပျဲပှၤလၢ ပကအိၣ်ဆိးဘၣ်ဒံးဒီးသူၣ်ထီၣ်ဘှီထီၣ်က့ၤနတၢ်လုၢ်ဟံၣ်လၢအအိၣ် လၢတၢ်ဟးဂီၤအပူၤဒီးထံၣ်န့ၢ်တၢ်ပူၤဖျဲးဖဲအံၤလၢကီၢ်ယူ ဒၤဒီးဝ့ၢ်ယရူၤၡလ့ၣ်အပူၤန့ၣ်လီၤ.

လံာ်နီၢ်အ့ၤစတၢ် 3:13

ပှၤဆှၢလံာ်ဖိတဖၣ်ဟံးန့ၢ်လံာ်ဘိးဘၣ်သ့ၣ်ညါဒီးဆှၢ ဝဲဆူကီၢ်ဆၣ်ကိးဘ့ၣ်ဒဲးလၢအအိၣ်လၢဘီမုၢ်အပူၤန့ၣ်လီၤ. လံာ်ဘိးဘၣ်သ့ၣ်ညါအံၤအိၣ်ဒီးတၢ်ပိာ်လီၤနဲၣ်လီၤ တဖၣ်လၢဖဲလါအးဒၢ်ထီၣ်တဆံသၢနံၤ, တနံၤဃီဧိၤန့ၣ်, ပှၤယူဒၤဖိခဲလၢာ်လၢအမ့ၢ်ပှၤသးစၢ်ဒီးပှၤသးပှၢ်, ပိာ်မုၣ်ဒီးဖိသၣ်တဖၣ်, ကဘၣ်တၢ်မၤသံကွံာ်အီၤန့ၣ်လီၤ. အဝဲသ့ၣ်ကဘၣ်တၢ်မၤသံအီၤလၢတၢ်သးကညီၤတအိၣ်ဘၣ်အပူၤ, ဒီးအတၢ်ဖိတၢ်လံၤတဖၣ်ကဘၣ်တၢ်ဟံးန့ၢ်ကွံာ်အီၤန့ၣ်လီၤ.

လံာ်နီၢ်အ့ၤစတၢ် 3:7

လၢစီၤပၤအဃၤၡဝ့ရိၣ်ပၢတၢ်တဆံခံနံၣ်တနံၣ်, လါအခီၣ် ထံးတလါလၢအမ့ၢ်လါနံစၣ်အပူၤန့ၣ်, စီၤဟၤမၣ်ဟ့ၣ်လီၤ အကလုၢ်လၢတၢ်ကတ့ၢ်လီၤတၢ်ဖးတဖၣ်လၢအဘၣ်တၢ်ကိး အီၤလၢပူရးဒ်သိးကထံၣ်န့ၢ်နံၤသီဒီးလါအကြၢးကတၢၢ် လၢကမၤဝဲအတၢ်ကူၣ်ခူသူၣ်အဂီၢ်န့ၣ်လီၤ. ဒီးတၢ်ဖးလီၤဘၣ်ဝဲလၢလါတဆံခံလါတလါလၢအမ့ၢ်လါ အးဒၢ်ထီၣ်တဆံသၢနံၤတနံၤန့ၣ်လီၤ.

လံာ်နီၢ်အ့ၤစတၢ် 8:12

တၢ်စံၣ်ညီၣ်ဟ့ၣ်လီၤကလုၢ်အံၤကဘၣ်ကဲထီၣ်လိၣ်ထီၣ်ဝဲ သကုၤကီၢ်ပၤရၣ်အဘီအမုၢ်ဖဲမုၢ်တနံၤလၢတၢ်ပာ်လီၤတ့ၢ်အီၤ ဒ်တၢ်ကမၤသံပှၤယူဒၤဖိတဖၣ်အနံၤလၢအမ့ၢ်လါတဆံခံလါတလါ, လါအးဒၢ်ထီၣ်တဆံသၢနံၤတနံၤန့ၣ်လီၤ.

လံာ်နီၢ်အ့ၤစတၢ် 9:1

မုၢ်တနံၤလၢစီၤပၤအတၢ်ဘိးဘၣ်သ့ၣ်ညါကဘၣ်ကဲထီၣ်လိၣ်ထီၣ်, လါအၢ်ဒးထီၣ်တဆံသၢသီတသီ, မုၢ်တနံၤဖဲပှၤယူဒၤဖိအဒုၣ်အဒါတဖၣ်မုၢ်လၢ်မၤန့ၢ်တၢ်ဒိၣ်စိ လၢပှၤယူဒၤဖိအဖီခိၣ်ဟဲတုၤဝဲလံ. ဘၣ်ဆၣ်လၢတၢ်န့ၣ်အလီၢ်ပှၤယူဒၤဖိတဖၣ်အိၣ်ဒီးတၢ်မၤနၢၤလၢ အဝဲသ့ၣ်အဖီခိၣ်န့ၣ်လီၤ.

လံာ်နီၢ်အ့ၤစတၢ် 9:15

လၢလါအးဒၢ်ထီၣ်တဆံလွံၢ်နံၤတနံၤန့ၣ် ပှၤယူဒၤဖိလၢအအိၣ်လၢဝ့ၢ်ၡူၡၣ်အပူၤတဖၣ်ပာ်ဖှိၣ်ထီၣ်ကဒီး အသး, ဒီးမၤသံပှၤသၢကယၤလၢဝ့ၢ်ပူၤန့ၣ်လီၤ. ဘၣ်ဆၣ်ဒီး, အဝဲသ့ၣ်တဂုာ်ဆူၣ်ပျီဆူၣ်တၢ်နီတမံၤန့ၣ်ဘၣ်.

လံာ်နီၢ်အ့ၤစတၢ် 9:17

အအံၤမ့ၢ်ဖဲလါအးဒၢ်ထီၣ်တဆံသၢနံၤတနံၤန့ၣ်လီၤ. လၢခံတနံၤဖဲလါထီၣ်တဆံလွံၢ်နံၤတနံၤန့ၣ် တၢ်မၤသံတအိၣ်လၢၤဘၣ်ဒီး, ပာ်ဝဲဒ်အမ့ၢ်တၢ်သူၣ်ခု သးခုအတၢ်အီၣ်တၢ်အီအမူးအမုၢ်တနံၤန့ၣ်လီၤ.

လံာ်နီၢ်အ့ၤစတၢ် 9:19

မၤသးဒ်န့ၣ်ဒီးပှၤယူဒၤဖိလၢအအိၣ်လၢသဝီ ဒီးဝ့ၢ်ဆံးတဖၣ်အပူၤန့ၣ်ပာ်ဝဲဒၣ်လါအးဒၢ်ထီၣ်တဆံလွံၢ်နံၤ တနံၤလၢတၢ်သူၣ်ခုသးခုအနံၤအိၣ်ဘှံးတနံၤ, ဒီးတၢ်အီၣ်တၢ်အီအမူးတနံၤဒီးတၢ်ဟ့ၣ်လိာ်သကိးသး လၢတၢ်အီၣ်တၢ်အီအမုၢ်နံၤန့ၣ်လီၤ.

လံာ်နီၢ်အ့ၤစတၢ် 9:21

တဲဘၣ်အဝဲသ့ၣ်လၢကဘၣ်တိၢ်န့ၢ်ဖံးဃာ်လါအးဒၢ်ထီၣ်တဆံ လွံၢ်နံၤတနံၤဒီးတဆံယဲၢ်နံၤတနံၤတဖၣ်ဒ်တၢ်အိၣ်ဘှံးအမုၢ်နံၤ တဖၣ်အသိးကိးနံၣ်ဒဲးန့ၣ်လီၤ.

လံာ်စကၤရယၤ 1:1

ဖဲကီၢ်ပၤရၣ်အစီၤပၤဖးဒိၣ်, စီၤဒၤရယါဝ့ၣ်ပၢတၢ်ခံနံၣ်တနံၣ်လါဃိးလါတလါအဆၢကတီၢ် န့ၣ်, ယွၤဟ့ၣ်လီၤတၢ်ကစီၣ်အံၤဆူဝံစကၤရယၤလၢအမ့ၢ် စီၤဘရ့ကယၤအဖိခွါ, ဒီးစီၤဧံးဒိၤအလံၤခွါအအိၣ်န့ၣ်လီၤ.

လံာ်စကၤရယၤ 1:16

လၢတၢ်န့ၣ်အဃိ, ယဟဲက့ၤကဒါက့ၤဆူဝ့ၢ်ယရူၤရှလ့ၣ်လၢယကဒုး နဲၣ်တၢ်သးကညီၤဘၣ်ဝ့ၢ်အံၤန့ၣ်လီၤ. ယတၢ်လုၢ်ဟံၣ်ကဘၣ်တၢ်ပာ်ကဒါက့ၤအီၤ, ဖဲအအိၣ်တ့ၢ်ဝဲ အလီၢ်ဒီးဝ့ၢ်ကဘၣ်တၢ်ဘှီထီၣ်ကဒါက့ၤအီၤလီၤ.”

လံာ်စကၤရယၤ 4:9

အဝဲစံးဝဲဒၣ်, “စီၤစရူၤဘၤဘ့လးပာ်လီၤတၢ်လုၢ်ဟံၣ်အခီၣ်ထံးလံ. ဒီးအဝဲဒၣ်ကမၤဝံၤတၢ်သူၣ်ထီၣ်န့ၣ်လီၤ. ဖဲတၢ်အံၤမၤအသးန့ၣ်, ယပှၤဂီၢ်မုၢ်ကသ့ၣ်ညါလၢပှၤလၢအဆှၢလီၤအီၤဆူအဝဲသ့ၣ်အအိၣ်န့ၣ်, မ့ၢ်ယၤလီၤ.”