လံာ်စီၤဧ့စြၤ 6:13 - Sgaw Karen Common Bible

¹³ တုၤနုၤတစုပဒိၣ်ဖးဒိၣ်စီၤတးနဲ, စီၤၡသၢ်ဘိစနဲၤဒီးအပဒိၣ် ကဒဲကဒဲတဖၣ်မၤဝဲဒ်စီၤပၤဖးဒိၣ်မၤလိာ်တ့ၢ်ဝဲအသိးန့ၣ်လီၤ.

လံာ်စီၤဧ့စြၤ 6:13 Iomraidhean Croise

လံာ်စီၤဧ့စြၤ 4:23

တစုဃီဖဲလံာ်ပရၢလၢစီၤပၤဖးဒိၣ်အၢ်တၤၡါၡတၤအအိၣ်ဘၣ်တၢ် ဖးန့ၢ်စီၤရဃူၣ်, စီၤၡံးမၡဲ, ဒီးအဝဲသ့ၣ်အပှၤမၤသဃဲၤတၢ်တဖၣ်န့ၣ်, အဝဲသ့ၣ်လဲၤချ့သဒံးဆူဝ့ၢ်ယရူၤၡလ့ၣ်ဒီးမၢဆူၣ်ပှၤယူဒၤဖိ တဖၣ်လၢကဆိကတီၢ်တၢ်သူၣ်ထီၣ်ဘှီထီၣ်ကဒါက့ၤဝ့ၢ်န့ၣ်လီၤ.

လံာ်စီၤဧ့စြၤ 4:9

“လၢပဒိၣ်ဖးဒိၣ်စီၤရဃူၣ်, ကီၢ်အပှၤကွဲးလံာ်စီၤၡံးမၡဲ, ပှၤမၤသဃဲၤတၢ်သ့ၣ်တဖၣ်, စံၣ်ညီၣ်ကွီၢ်သ့ၣ်တဖၣ်, ဒီးကယဲၢ်ပဒိၣ်ပပှၢ်အဂၤတဖၣ်လၢအိၣ်ပာ်တ့ၢ်လၢဝ့ၢ်အ့ရ့း, ဝ့ၢ်ဘၤဘူၤလိၣ်ဒီးဝ့ၢ်ၡူၡၣ်လၢကီၢ်ဧ့ၤလၣ်အပူၤလၢပျၢၤလံၤ လံၤ,

လံာ်စီၤဧ့စြၤ 5:3

တကတီၢ်ဃီဃၣ်ဃၣ်န့ၣ်, ပဒိၣ်ဖးဒိၣ်စီၤတးနဲလၢကီၢ်ဖရၤသးအမုၢ် နုာ်, စီၤၡသၢ်ဘိစနဲၤ, ဒီးပဒိၣ်ပပှၢ်သကိးသကိးတဖၣ်ဟဲဆူ ဝ့ၢ်ယရူၤရှလ့ၣ်ဒီးသံကွၢ်ဝဲဆူၣ်ဆူၣ်, “မတၤဟ့ၣ်လီၤသုတၢ် ကလုၢ်လၢသုကသူၣ်ထီၣ်တၢ်လုၢ်ဟံၣ်ဒီးမၤပှဲၤထီၣ်အီၤန့ၣ်လဲၣ်.”

လံာ်စီၤဧ့စြၤ 5:6

အအံၤမ့ၢ်တၢ်ပာ်ဖျါလၢအဆှၢဝဲဆူစီၤပၤဖးဒိၣ်အအိၣ်န့ၣ်လီၤ.

လံာ်စီၤဧ့စြၤ 6:6

တုၤနုၤတစုစီၤပၤဖးဒိၣ်ဒၤရယါဝ့ၣ်ဆှၢလီၤတၢ်စံးဆၢဒ်လာ် အံၤအသိးန့ၣ်လီၤ. “ဆူကီၢ်ဖရၤသးအမုၢ်နုာ်အပဒိၣ်ဖးဒိၣ်စီၤတးနဲ, စီၤၡသၢ်ဘိစနဲၤဒီးပဒိၣ်ပပှၢ်ကဒဲကဒဲလၢကီၢ်ဖရၤသးအမုၢ်နုာ် တဖၣ်,

လံာ်နီၢ်အ့ၤစတၢ် 6:11

လၢတၢ်န့ၣ်အဃိစီၤဟၤမၣ်လဲၤဟံးန့ၢ်ဆ့ကၤဖးထီတဖၣ်ဒီးကသ့ၣ်, ဒီးဒုးကူထီၣ်သိးထီၣ်စီၤမၢ်ဒကဲၤလၢဆ့ကၤဖးထီန့ၣ်လီၤ. စီၤမၢ်ဒကဲၤဒိးထီၣ်ကသ့ၣ်ဒီးစီၤဟၤမၣ်ဆှၢအီၤလၢဝ့ၢ်အကျဲ ဧိၤကပူၤဧိၤတဖၣ်ဒီးကိးထီၣ်ဝဲဆူပှၤဂီၢ်မုၢ်, “ကွၢ်စီၤပၤမၤဘျုးပှၤတဂၤလၢအဝဲအဲၣ်ဒိးမၤလၤကပီၤဝဲဒ်လဲၣ် န့ၣ်တက့ၢ်.”

တၢ်ကတိၤဒိ. 29:26

ပှၤကိးဂၤန့ၢ်ဘၣ်ပှၤပၢတၢ်အတၢ်ဘၣ်သူၣ်ဘၣ်သးန့ၣ်လီၤ. ဘၣ်ဆၣ်ဒီး, တၢ်စံၣ်ညီၣ်တီန့ၣ်နမၤန့ၢ်သ့ထဲဒၣ်လၢယွၤတဂၤဧိၤအအိၣ်လီၤ.

လံာ်ပှၤစံၣ်တဲၤတဲလီၤတၢ် 8:4

စီၤပၤမၤတၢ်လၢတၢ်စိတၢ်ကမီၤလီၤ. ဒီးတၢ်လၢအမၤဝဲန့ၣ်, ပှၤတၤအီၤတသ့ဘၣ်နီတဂၤဘၣ်.