လံာ်စီၤဧ့စြၤ 6:12 - Sgaw Karen Common Bible

¹² မ်စီၤပၤတဂၤလၢ်လၢ်မ့ၢ်ဂ့ၤ, ပှၤတကလုာ်လၢ်လၢ်မ့ၢ်ဂ့ၤ, လၢအခီၣ်ဆၢတၢ်မၤလိာ်အံၤဒီးဂုာ်ကျဲးစၢးလၢကမၤဟးဂီၤတၢ် လုၢ်ဟံၣ်ဖဲန့ၣ်, ဘၣ်တၢ်တ့ၢ်လီၤကွံာ်အီၤလၢကစၢ်ယွၤလၢအဃုထၢဝ့ၢ်ယရူၤၡလ့ၣ်ဒ် တၢ်လီၢ်ဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤန့ၣ်တက့ၢ်. ယၤ, စီၤဒၤရယါဝ့ၣ်ဟ့ၣ်လီၤလံတၢ်ကလုၢ်အံၤလီၤ. တၢ်အံၤတၢ်ကဘၣ်စူၢ်အီၤလၢလၢပှဲၤပှဲၤန့ၣ်လီၤ.”

လံာ်စီၤဧ့စြၤ 6:12 Iomraidhean Croise

လံာ်စီၤပၤအခီၣ်ထံးတဘ့ၣ် 9:3

ယွၤစံးဘၣ်အီၤ, “ယနၢ်ဟူတ့ၢ်နတၢ်ထုကဖၣ်န့ၣ်လံ. ယမၤစီဆှံလံယွၤအတၢ်လုၢ်ဟံၣ်လၢနသူၣ်ထီၣ်တ့ၢ်အီၤအံၤ, ဒ်တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါထီၣ်ယၤလီၤစိၤလီၤထီ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:16

အဂ့ၢ်ဒ်အံၤ, ယဃုထၢတ့ၢ်တၢ်လီၢ်အံၤဒီးပာ်စီဆှံတ့ၢ်အီၤဒ် အမ့ၢ်တၢ်လီၢ်လၢယကဘၣ်တၢ်ဘူၣ်ထီၣ်ဘါထီၣ်ယၤတဘိ ယူၢ်ဃီန့ၣ်လီၤ. ယကအံးလီၤကွၢ်လီၤတၢ်လီၢ်အံၤဒီးဒီဒၣ်အိၣ် ပှိၤအီၤကိးဆၢကိးကတီၢ်ဒဲးန့ၣ်လီၤ.

လံာ်စီၤဧ့စြၤ 6:13

တုၤနုၤတစုပဒိၣ်ဖးဒိၣ်စီၤတးနဲ, စီၤၡသၢ်ဘိစနဲၤဒီးအပဒိၣ် ကဒဲကဒဲတဖၣ်မၤဝဲဒ်စီၤပၤဖးဒိၣ်မၤလိာ်တ့ၢ်ဝဲအသိးန့ၣ်လီၤ.

လံာ်စီၤဧ့စြၤ 6:14

ပှၤယူဒၤဖိအခိၣ်အနၢ်တဖၣ်မၤတၢ်လဲၤထီၣ်လဲၤထီဂ့ၤဂ့ၤလၢတၢ် ဘှီထီၣ်ကဒါက့ၤတၢ်လုၢ်ဟံၣ်အိၣ်ဒီးတၢ်ဟ့ၣ်ဂံၢ်ဟ့ၣ်ဘါအဝဲသ့ၣ် လၢဝံဃးကဲဒီးဝံစကၤရယၤတဖၣ်န့ၣ်လီၤ. အဝဲသ့ၣ်မၤဝံၤကွံာ်တၢ်လုၢ်ဟံၣ်ဒ်အဝဲသ့ၣ်ဘၣ်တၢ်မၤလိာ်တ့ၢ် အီၤလၢအံၣ်စရ့လးအကစၢ်ယွၤဒီးကီၢ်ပၤရၣ်အစီၤပၤဖးဒိၣ်တဖၣ် လၢအမ့ၢ်စီၤကိရ့ၣ်, စီၤဒၤရယါဝ့ၣ်ဒီးစီၤအၢ်တၤၡါၡတၤန့ၣ်လီၤ.

လံာ်စီၤဧ့စြၤ 7:15

နကဘၣ်လဲၤစိာ်ဃုာ်တၢ်မၤဘူၣ်လၢထူဒီးစ့တဖၣ်လၢယၤဒီးယပှၤ ကူၣ်လိာ်တၢ်တဖၣ်သးအိၣ်ဟ့ၣ်ဆူပှၤအံၣ်စရ့လးဖိအကစၢ်ယွၤ, လၢအတၢ်လုၢ်ဟံၣ်အိၣ်လၢဝ့ၢ်ယရူၤၡလ့ၣ်အပူၤအဂီၢ်န့ၣ်လီၤ.

လံာ်စီၤဧ့စြၤ 7:17

နကဘၣ်သူကျိၣ်ဧိၤစ့ဧိၤအံၤလၢတၢ်ပလီၢ်ပဒီသးအပူၤဒီးပှ့ၤ ကျီၢ်ဖါတဖၣ်, သိဖါတဖၣ်, သိဖိတဖၣ်, ဘုဧိၤဟုဧိၤဒီးစပံးထံဒီးလုၢ် ထီၣ်အီၤလၢတၢ်လုၢ်လီၢ်အဖီခိၣ်လၢတၢ်လုၢ်ဟံၣ်လၢဝ့ၢ်ယရူၤၡလ့ၣ် အပူၤန့ၣ်လီၤ.

လံာ်စီၤဧ့စြၤ 7:26

ပှၤတဂၤလၢ်လၢ်မ့ၢ်တစူၢ်ဘၣ်နကစၢ်ယွၤအတၢ်ဘူၣ်တၢ်ဘါ အတၢ်သိၣ်တၢ်သီတဖၣ်မ့ၢ်ဂ့ၤ, ထံကီၢ်အတၢ်သိၣ်တၢ်သီတဖၣ်မ့ၢ်ဂ့ၤန့ၣ်, အဝဲကဘၣ်တၢ်စံၣ်ညီၣ်အီၤဘၣ်ဆၢဘၣ်ကတီၢ်ခီဖျိတၢ်မၤသံ, မ့တမ့ၢ်တၢ်နီၣ်ထီၣ်ဟီထီၣ်ကွံာ်အီၤ, မ့တမ့ၢ်ဟံးန့ၢ်ကွံာ်အတၢ်စုလီၢ်ခီၣ်ခိၣ်, မ့တမ့ၢ်တၢ်ဒၢနုာ်အီၤဆူဃိာ်ပူၤန့ၣ်လီၤ.”

လံာ်နီၢ်အ့ၤစတၢ် 8:14

ဒ်စီၤပၤအတၢ်မၤလိာ်အိၣ်ဝဲအသိး, စီၤပၤအပှၤဒိးကသ့ၣ်ချ့တဖၣ် ဒိးထီၣ်ကသ့ၣ်ဒီးနီၣ်ထီၣ်ဝဲအချ့ကတၢၢ်လီၤ. ဒီးတၢ်စံၣ်ညီၣ်ဟ့ၣ်လီၤ ကလုၢ်အံၤ, ဘၣ်တၢ်ရၤလီၤစ့ၢ်ကီးအီၤလၢဝ့ၢ်ခိၣ်, ဝ့ၢ်ၡူၡၣ်အပူၤန့ၣ်လီၤ.

စံးထီၣ်ပတြၢၤ 5:10

ကစၢ်ယွၤဧၢ, စံၣ်ညီၣ်ဒီးသိၣ်ဃီၣ်အဝဲသ့ၣ်န့ၣ်တက့ၢ်. မ်အတၢ်ကူၣ်အၢဒၣ်ဝဲ ကမၤဟးဂီၤက့ၤအဝဲသ့ၣ်န့ၣ်တက့ၢ်. မ့ၢ်လၢအတၢ်ဒဲးဘးအါဝဲဒီးအတၢ်ပူထီၣ်နၤအဃိ, နီၣ်ထီၣ်ကွံာ်အဝဲသ့ၣ်လၢနမဲာ်ညါန့ၣ်တက့ၢ်.

လံာ်တၢ်ဟးထီၣ်ကွံာ် 20:24

မၤထီၣ်တၢ်လုၢ်လီၢ်တခါလၢဟီၣ်ခိၣ်လၢယဂီၢ်ဒီးလၢအဖီခိၣ်န့ၣ် လုၢ်ထီၣ်ပာ်ထီၣ်သုသိဒီးသုဂီၤဘုၣ်ဂီၤဖံးတဖၣ်ဒ်တၢ်လုၢ်မၤ ဃူမၤဖိးတဖၣ်လၢကဘၣ်တၢ်ဆူးကဲၤအီၤခဲလၢာ်န့ၣ်တက့ၢ်. လၢတၢ်လီၢ်ကိးပူၤဒဲးဖဲယပာ်လီၤဆီအီၤလၢသုဂီၢ်ဒ်သိးသု ကဘူၣ်ထီၣ်ဘါထီၣ်ယၤအလီၢ်န့ၣ်ယကဟဲဆူသုအိၣ်ဒီးဆိၣ်ဂ့ၤသုန့ၣ်လီၤ.

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်ယၡါယၤ 60:12

ဘၣ်ဆၣ်ဒီးပှၤကလုာ်တဖၣ်လၢအတမၤနခ့နပှၤအတၢ်မၤန့ၣ် ကဘၣ်တၢ်မၤဟးဂီၤကွံာ်အီၤ လၢာ်လၢာ်ဆ့ဆ့န့ၣ်လီၤ.

လံာ်ဧိၤဘါဒယၤ 1:10

မ့ၢ်လၢနဂုာ်ဆူၣ်ပျီဆူၣ်ဒီးမၤသံနဒီပုၢ်ဝဲၢ်စီၤယၤကိာ် အစၢၤအသွဲၣ်တဖၣ်အဃိ, နကဘၣ်တၢ်မၤဟးဂီၤကွံာ်နၤ ဒီးနကဘၣ်တၢ်မၤမဲာ်ဆှးနၤလီၤထူလီၤယိာ်လီၤ.

မၤတၢ် 9:5

အဝဲဒၣ်သံကွၢ်ဝဲ, “ကစၢ်ဧၢ, နမ့ၢ်မတၤတဂၤလဲၣ်.” ဒီးတၢ်ကလုၢ်န့ၣ်စံးဆၢက့ၤအီၤ, “ယမ့ၢ်ယ့ၣ်ၡူးလၢနမၤအၢမၤနးအီၤတဂၤန့ၣ်လီၤ.

လံာ်သိၣ်လီၤသီလီၤတၢ် 12:11

ယွၤကဃုထၢတၢ်လီၢ်ထဲတတီၤဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤအဂီၢ်, ဒီးဖဲန့ၣ်, သုကဘၣ်ဟဲစိာ်ကယဲၢ်တၢ်လၢယမၤလိာ်သုဆူအအိၣ်, လၢအမ့ၢ်သုတၢ်လုၢ်တၢ်ပာ်တဖၣ်လၢတၢ်ကဆိၣ်ကဲၤအီၤဒီးသုတၢ်လုၢ် တၢ်ပာ်အဂၤတဖၣ်, သုတၢ်ဆံဆဲၣ်ပူတပူ တဖၣ်ဒီးတၢ်မၤဘူၣ်တဖၣ်, ဒီးသုတၢ်ဟ့ၣ်လီၤဆီတဖၣ်လၢ သုအၢၣ်လီၤလၢသုကဟ့ၣ်ယွၤန့ၣ်လီၤ.

လံာ်သိၣ်လီၤသီလီၤတၢ် 12:5

လၢကယဲၢ်သုဒူၣ်တဖၣ်အလီၢ်ကဝီၤပူၤန့ၣ်, ယွၤကဃုထၢထီၣ်တၢ်လီၢ် တတီၤဖဲပှၤဂီၢ်မုၢ်တဖၣ်ကဘၣ်ဟဲဆူအမဲာ်ညါဒီးဘူၣ်ထီၣ်ဘါထီၣ် အီၤန့ၣ်လီၤ.

လံာ်သိၣ်လီၤသီလီၤတၢ် 16:2

လဲၤဆူတၢ်ဘူၣ်ထီၣ်ဘါထီၣ်အလီၢ်တတီၤဒီးဖဲန့ၣ်မၤသံသုသိ အကျါတဒုမ့တမ့ၢ်သုဂီၤဘုၣ်ဂီၤဖံးအကျါတဒုလၢဘူၣ်လဲၤကပာ် အတၢ်အီၣ်အဂီၢ်လၢတၢ်မၤလၤကပီၤယွၤသုကစၢ်အဂီၢ်န့ၣ်တက့ၢ်.