လံာ်စီၤဧ့စြၤ 6:10 - Sgaw Karen Common Bible

¹⁰ တၢ်အံၤမ့ၢ်တၢ်လၢတၢ်ကဘၣ်မၤအီၤဒ်သိးအဝဲသ့ၣ်လုၢ်ထီၣ်ပာ်ထီၣ် တၢ်လုၢ်တၢ်ပာ်တဖၣ်လၢကစၢ်ယွၤလၢမူခိၣ်တူၢ်လိာ်အီၤကသ့ဝဲဒီး ဃ့ဘါထုကဖၣ်လၢအတၢ်ဆိၣ်ဂ့ၤကအိၣ်လၢယလိၤဒီးလၢယဖိခွါတဖၣ် အလိၤကသ့ဝဲန့ၣ်လီၤ.

လံာ်စီၤဧ့စြၤ 6:10 Iomraidhean Croise

လံာ်တၢ်ကဲထီၣ်အခီၣ်ထံး 8:21

တၢ်လုၢ်ထီၣ်အတၢ်နၢမူမၤမုာ်ယွၤအသး, ဒီးစံးလီၤက့ၤအသးဒၣ် ဝဲ, “ယတပာ်ကဒီးဟီၣ်ခိၣ်လၢတၢ်ဆိၣ်အၢအဖီလာ်လၢတၢ်လၢပှၤကညီမၤ ဝဲအဃိန့ၣ်နီတစုလၢၤဘၣ်. စးထီၣ်လၢအသးစၢ်ဒံးအကတီၢ်န့ၣ်အတၢ်ဆိကမိၣ်မ့ၢ်တၢ်အၢန့ၣ် ယသ့ၣ်ညါယဲလီၤ. ဒ်ယမၤတ့ၢ်တၢ်တဘျီ အံၤအသိးန့ၣ်ယတမၤဟးဂီၤကဒီးကယဲၢ်တၢ်လၢအမူ အသါအိၣ်တဖၣ်နီတစုလၢၤဘၣ်.

လံာ်စီၤဧ့စြၤ 1:2

“အအံၤမ့ၢ်ကီၢ်ပၤရၣ်အစီၤပၤဖးဒိၣ်စီၤကိရ့ၣ်အတၢ်မၤလိာ်န့ၣ် လီၤ. ယွၤ, မူခိၣ်အကစၢ်ယွၤဒုးကဲတ့ၢ်လံယၤပှၤပၢဟီၣ်ခိၣ်ဒီဘ့ၣ်, ဒီးဟ့ၣ်မူဟ့ၣ်ဒါတ့ၢ်လံယၤလၢယကသူၣ်ထီၣ်တၢ်လုၢ်ဟံၣ်တဖျၢၣ်လၢ အဂီၢ်လၢဝ့ၢ်ယရူၤၡလ့ၣ်, လၢကီၢ်ယူဒၤအပူၤန့ၣ်လီၤ.

လံာ်စီၤဧ့စြၤ 6:9

တနံၤဘၣ်တနံၤန့ၣ်, သုကဘၣ်ဟ့ၣ်တၢ်ဒီးတဘၣ်လီၤတိၢ်ဘၣ်, ဆူပှၤလုၢ်တၢ်အခိၣ်တဖၣ်လၢဝ့ၢ်ယရူၤၡလ့ၣ်, တၢ်တမံၤလၢ်လၢ်လၢ အဝဲသ့ၣ်တဲသုလၢအလိၣ်ဘၣ်ဝဲဒ်အမ့ၢ်, ကျီၢ်ဖါဖိတဖၣ်, သိတဖၣ်မ့တမ့ၢ်သိဖိတဖၣ်လၢတၢ်ကဆူးကဲၤအီၤလၢတၢ်ကလုၢ်ထီၣ် အီၤလၢကစၢ်ယွၤလၢမူခိၣ်အဂီၢ်မ့ၢ်ဂ့ၤ, ဘုဧိၤဟုဧိၤ, အံသၣ်, စပံးထံမ့တမ့ၢ်သ့ၣ်စၤယံးအသိမ့ၢ်ဂ့ၤ ဒ်တၢ်မၤဘူၣ်တဖၣ်ဆူကစၢ်ယွၤလၢမူခိၣ်အအိၣ်န့ၣ်လီၤ.

လံာ်စီၤဧ့စြၤ 7:23

သုကဘၣ်ပာ်သူၣ်ပာ်သးသပှၢ်ပှၢ်လၢသုကဟ့ၣ်တၢ်လိၣ်တမံၤလၢ်လၢ်လၢ မူခိၣ်အကစၢ်ယွၤလိၣ်ဘၣ်ဝဲလၢအတၢ်လုၢ်ဟံၣ်အဂီၢ်, ဒီးမၤလီၤတံၢ်လၢအဝဲတသးထီၣ်ယၤမ့ၢ်ဂ့ၤ, ပှၤပၢတၢ်လၢယလီၢ်ခံတဖၣ်မ့ၢ်ဂ့ၤနီတစုဘၣ်တက့ၢ်.

လံာ်တၢ်ဟးထီၣ်ကွံာ် 12:32

ဟံးန့ၢ်သုသိတဖၣ်, မဲာ်တဲးလဲးတဖၣ်ဒီးဂီၤဖံးတဖၣ်ဒီးဟးထီၣ်ကွံာ်တက့ၢ်. ဒီးဃ့ဘါထုကဖၣ်န့ၢ်စ့ၢ်ကီးလၢယတၢ်ဆိၣ်ဂ့ၤတမံၤအဂီၢ်တက့ၢ်.”

လံာ်ယံးရမံယၤ 29:7

မၤတၢ်အဂ့ၤလၢ ဝ့ၢ်တဖၣ်အဂီၢ်, တၢ်လီၢ်ဖဲယမၢသုလဲၤအိၣ် လဲၤဆိးဒ် ပှၤဘၣ်တၢ်စိာ်မၢကဲကုၢ်တဖၣ်အသိး, န့ၣ်တက့ၢ်. ဘါထုကဖၣ်တၢ်ဆူ ယအိၣ်လၢအဝဲသ့ၣ်အခၢၣ်စးတက့ၢ်. အဂ့ၢ်ဒ်အံၤ, အဝဲသ့ၣ်မ့ၢ် ဘီၣ်ထီၣ်ညီထီၣ်ဒီး, သုကဘီၣ် ထီၣ်ညီထီၣ် စ့ၢ်ကီးန့ၣ်လီၤ.

လံာ်ဒၤနံးယ့လး 2:46

တုၤနုၤတစုစီၤပၤနဘူၤကးန့စၢ်ချံးခီၣ်တီၤလီၤဒီးဟ့ၣ်တၢ်ယူး ယီၣ်ဆူစီၤဒၤနံးယ့လးအအိၣ်, ဒီးဟ့ၣ်လီၤအကလုၢ်လၢ ပှၤကမၤဘူၣ်တၢ်လုၢ်မၤဘူၣ်ဒီးတၢ်လုၢ်နၢမူတဖၣ်ဆူစီၤဒၤနံးယ့လး အအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:13

မ့မ့ၢ်ပှၤလၢအကလုၢ်တၢ်တဂၤန့ၣ်ကဘၣ်သ့စီကွံာ်တၢ်အပှံာ်ဒီးတၢ် အခီၣ်တဖၣ်ဒီးပှၤလုၢ်တၢ်အခိၣ်ကဘၣ်ပာ်ထီၣ်တၢ်လုၢ်ဆူ ယွၤအအိၣ်ဒီးဆိၣ်ကဲၤထီၣ်အီၤခဲလၢာ်လၢတၢ်လုၢ်လီၢ်အဖီ ခိၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:9

မ့မ့ၢ်, ပှၤလၢအကလုၢ်တၢ်တဂၤန့ၣ်, ကဘၣ်သ့စီကွံာ်တၢ်အပှံာ်တဖၣ် ဒီးတၢ်အခီၣ်တဖၣ်န့ၣ်လီၤ. ဒီးပှၤလုၢ်တၢ်အခိၣ်လၢအဘၣ်မူဘၣ်ဒါတဂၤန့ၣ်, ကဆိၣ်ကဲၤထီၣ်တၢ်လုၢ်ခဲလၢာ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.