လံာ်စီၤဧ့စြၤ 5:8 - Sgaw Karen Common Bible

⁸ ကစၢ်စီၤပၤဖးဒိၣ်ကြၢးသ့ၣ်ညါဝဲလၢပလဲၤတ့ၢ်ဆူကီၢ်ယူဒၤ ဒီးထံၣ်ဘၣ်လၢတၢ်ဒိၣ်ကစၢ်ယွၤအတၢ်လုၢ်ဟံၣ်ဘၣ်တၢ်သူၣ်ထီၣ်ကဒါ က့ၤအီၤလၢလၢၢ်ကိၢ်လိၢ်ဖးဒိၣ်တဖၣ်, အိၣ်ဒီးသ့ၣ်ကျိၤတဖၣ်ဘၣ်တၢ်ထီထီၣ်အီၤလၢတၢ်ဒူၣ်အလိၤလံ. တၢ်ဖံးတၢ်မၤအံၤဘၣ်တၢ်မၤအီၤလီၤတံၢ်လီၤဆဲးဒီးလဲၤထီၣ်ဆူ ညါကွ့ၢ်ကွ့ၢ်လံန့ၣ်လီၤ.

လံာ်စီၤဧ့စြၤ 5:8 Iomraidhean Croise

လံာ်စီၤဧ့စြၤ 2:1

ပှၤအါဂၤလၢပှၤဘၣ်စိာ်မၢကဲကုၢ်အကျါဟးထီၣ်ကွံာ်လၢဘၤဘူၤ လိၣ်အကီၢ်ပူၤဒီးက့ၤကဒါက့ၤဆူဝ့ၢ်ယရူၤၡလ့ၣ်ဒီးကီၢ်ယူဒၤ, ဆူအဝ့ၢ်ဒၣ်ဝဲစုာ်စုာ်န့ၣ်လီၤ. အဝဲသ့ၣ်အဟံၣ်ဖိဃီဖိတဖၣ် အိၣ်ဆိးတ့ၢ်လံလၢတၢ်ကဲကုၢ်အပူၤလၢကီၢ်ဘၤဘူၤလိၣ် စးထီၣ်လၢစီၤပၤနဘူၤကးန့စၢ်စိာ်ထီၣ်ကွံာ်အဝဲသ့ၣ်ဖဲန့ၣ်ဒ် ပှၤဘၣ်တၢ်စၢဃာ်တဖၣ်အသိးန့ၣ်လီၤ.

လံာ်စီၤဧ့စြၤ 5:7

“စီၤပၤဖးဒိၣ်ဒၤရယါဝ့ၣ်ဧၢ, မ်နပၢဘၣ်တၢ်လၢတၢ်ဃူတၢ်ဖိး အပူၤန့ၣ်တက့ၢ်.

လံာ်စီၤဧ့စြၤ 5:9

ဖဲန့ၣ်ပသံကွၢ်တ့ၢ်ပှၤဂီၢ်မုၢ်အခိၣ်အနၢ်တဖၣ်လၢကတဲပှၤမ့ၢ်မတၤ ဟ့ၣ်စိဟ့ၣ်ကမီၤတ့ၢ်အဝဲသ့ၣ်လၢကသူၣ်ထီၣ်က့ၤတၢ်လုၢ်ဟံၣ်ဒီး မၤပှဲၤထီၣ်အီၤန့ၣ်လဲၣ်.

လံာ်စီၤဧ့စြၤ 6:10

တၢ်အံၤမ့ၢ်တၢ်လၢတၢ်ကဘၣ်မၤအီၤဒ်သိးအဝဲသ့ၣ်လုၢ်ထီၣ်ပာ်ထီၣ် တၢ်လုၢ်တၢ်ပာ်တဖၣ်လၢကစၢ်ယွၤလၢမူခိၣ်တူၢ်လိာ်အီၤကသ့ဝဲဒီး ဃ့ဘါထုကဖၣ်လၢအတၢ်ဆိၣ်ဂ့ၤကအိၣ်လၢယလိၤဒီးလၢယဖိခွါတဖၣ် အလိၤကသ့ဝဲန့ၣ်လီၤ.

လံာ်စီၤဧ့စြၤ 6:4

တၢ်ဒူၣ်တဖၣ်ကဘၣ်တၢ်ဘှီထီၣ်အီၤအိၣ်ဒီးလၢၢ်သၢဂ့ၢ်အဖီခိၣ်သ့ၣ် တဂ့ၢ်တဆီဘၣ်တဆီန့ၣ်လီၤ. ကယဲၢ်တၢ်လၢာ်ဘူၣ်လၢာ်စ့ၤခဲလၢာ်ကဘၣ်တၢ်ထုးထီၣ်အီၤလၢစီၤပၤ အစ့ပာ်ဖှိၣ်အလီၢ်န့ၣ်လီၤ.

လံာ်စီၤဧ့စြၤ 7:23

သုကဘၣ်ပာ်သူၣ်ပာ်သးသပှၢ်ပှၢ်လၢသုကဟ့ၣ်တၢ်လိၣ်တမံၤလၢ်လၢ်လၢ မူခိၣ်အကစၢ်ယွၤလိၣ်ဘၣ်ဝဲလၢအတၢ်လုၢ်ဟံၣ်အဂီၢ်, ဒီးမၤလီၤတံၢ်လၢအဝဲတသးထီၣ်ယၤမ့ၢ်ဂ့ၤ, ပှၤပၢတၢ်လၢယလီၢ်ခံတဖၣ်မ့ၢ်ဂ့ၤနီတစုဘၣ်တက့ၢ်.

လံာ်စီၤနဃ့မယၤ 11:3

လၢဝ့ၢ်အဂၤတဖၣ်အပူၤန့ၣ်ကီၢ်အံၣ်စရ့လးအပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, ပှၤမၤတၢ်လၢတၢ်လုၢ် ဟံၣ်တဖၣ်, ဒီးပှၤလီၤစၢၤလီၤသွဲၣ်လၢစီၤၡလိၤမိၤအခ့အပှၤတဖၣ်အိၣ်ဝဲ ဆိးဝဲဖဲဝ့ၢ်တဖၣ်လၢအဝဲသ့ၣ်အတၢ်စုလီၢ်ခီၣ်ခိၣ်ဒၣ်ဝဲအိၣ်, အပူၤန့ၣ်လီၤ. အအံၤမ့ၢ်လီၢ်ကဝီၤလၢကီၢ်ယူဒၤပူၤအထံ ဖိကီၢ်ဖိခိၣ်နၢ်တဖၣ်လၢအအိၣ်ဝဲဆိးဝဲလၢဝ့ၢ်ယရူၤရှလ့ၣ်အပူၤ အမံၤအသၣ်န့ၣ်လီၤ.

လံာ်စီၤနဃ့မယၤ 7:6

ပှၤလၢအဘၣ်တၢ်စိာ်မၢကဲကုၢ်အီၤအါဂၤဟးထီၣ်ကွံာ်လၢကီၢ်ဘၤ ဘူၤလိၣ်အလီၢ်ကဝီၤဒီးဟဲက့ၤဆူဝ့ၢ်ယရူၤၡလ့ၣ်ဒီးကီၢ်ယူဒၤ ဆူအဝဲသ့ၣ်အဝ့ၢ်ဒၣ်ဝဲစုာ်စုာ်န့ၣ်လီၤ. ဒီးအဒူၣ်ဖိထၢဖိသ့ၣ်တဖၣ်အိၣ်ဆိးတ့ၢ်ဝဲလၢကီၢ်ဘၤဘူၤလိၣ် အပူၤလၢတၢ်စိာ်မၢကဲကုၢ်အလီၢ်ဖဲစီၤပၤနဘူၤကးန့စၢ်စိာ် ကွံာ်အီၤဒ်ပှၤဘၣ်တၢ်စၢဃာ်အသိးန့ၣ်လီၤ.

လံာ်နီၢ်အ့ၤစတၢ် 1:1

တၢ်အံၤမ့ၢ်တၢ်မၤအသးဖဲမုၢ်နံၤမုၢ်သီတဖၣ် လၢစီၤပၤအဃၤၡဝ့ရိၣ်ပၢတၢ်လၢကီၢ်ပၤရၣ်အဝ့ၢ်ခိၣ်ဝ့ၢ်ၡူၡၣ် န့ၣ်လီၤ. အဝဲပၢဘၣ်ကီၢ်ဖိတကယၤခံဆံနွံဘ့ၣ်, စးထီၣ် လၢကီၢ်ဟံၣ်ဒူၤတုၤလၢကီၢ်ကူၤၡးန့ၣ်လီၤ.

လံာ်နီၢ်အ့ၤစတၢ် 1:22

အဝဲဆှၢလီၤတၢ်ကစီၣ်တမံၤအံၤဆူကီၢ်တဘ့ၣ်ဘၣ် တဘ့ၣ်လၢအပၢဘၣ်ဝဲဒ်အကျိာ်ဒၣ်ဝဲအသိး, လၢဝၤကိးဂၤဒဲးကဘၣ်မ့ၢ်ဟံၣ်ခိၣ်လၢအဟံၣ်ဒၣ်ဝဲဒီး ကတိၤတၢ်အိၣ်ဒီးတၢ်စိတၢ်ကမီၤလၢခံကတၢၢ်န့ၣ်လီၤ.

စံးထီၣ်ပတြၢၤ 145:3

ယွၤန့ၣ်ဒိၣ်ဝဲ, ဒီးကဘၣ်တၢ်စံးထီၣ်ပတြၢၤအီၤ အါအါကလဲာ်လီၤ. ဒီးမ့ၢ်အဒိၣ်ဝဲဆံးဒိၣ်လဲၣ်န့ၣ်ပနၢ်ပၢၢ်တတုာ်ဘၣ်.

လံာ်ဒၤနံးယ့လး 2:47

စီၤပၤစံးဘၣ်စီၤဒၤနံးယ့လး, “မ့ၢ်မးနကစၢ်ယွၤန့ၣ်မ့ၢ် ဝဲကစၢ်တဖၣ်အကစၢ်ယွၤဒီးစီၤပၤတဖၣ်အယွၤ, ဒီးမ့ၢ်ပှၤလၢအမၤဖျါ ထီၣ်တၢ်ခူသူၣ်အဒိၣ်အယိာ်တဖၣ်လီၤ. ယသ့ၣ်ညါတၢ်အံၤ မ့ၢ်လၢနမၤဖျါထီၣ်တၢ်ခူသူၣ်အဒိၣ်အယိာ်အံၤသ့ဝဲဒၣ်အဃိ န့ၣ်လီၤ.”

လံာ်ဒၤနံးယ့လး 3:26

မၤသးဒ်န့ၣ်ဒီးစီၤပၤနဘူၤကးန့စၢ်လဲၤဘူးထီၣ်ဆူမ့ၣ်အူကဲၤကဖး အဖၣ်ကပူၤအတြဲၤဒီးကိးစိဃီၤဝဲ, “စီၤၡၤဒရး, စီၤမ့ၤၡး, စီၤဧဘ့ၤဒနကိၤ, တၢ်ထီကတၢၢ်ကစၢ်ယွၤအခ့အပှၤသ့ၣ်ဧၢ, ဟဲက့ၤထီၣ်တက့ၢ်.” ဒီးအဝဲသ့ၣ်ဟဲက့ၤထီၣ်ဝဲတကီၢ်ခါလီၤ.

လံာ်ဒၤနံးယ့လး 4:2

ယဆိကမိၣ်တၢ်, မ့ၢ်တၢ်ဂ့ၤဘၣ်ယၤလၢယကဒုးသ့ၣ်ညါက့ၤ တၢ်ပနီၣ်တဖၣ်ဒီးတၢ်လီၤလးတဖၣ်လၢတၢ်ထီကတၢၢ်ကစၢ် ယွၤလီၣ်ဖျါထီၣ်တ့ၢ်လၢယၤန့ၣ်လီၤ.

လံာ်ဒၤနံးယ့လး 6:26

ယဟ့ၣ်လီၤယကလုၢ်ဆူယဘီယမုၢ်ဒီဘ့ၣ်ညါအပူၤလၢပှၤကိး ဂၤဒဲးကဘၣ်ပျံၤဒီးယူးယီၣ်ပာ်ကဲစီၤဒၤနံးယ့လး အကစၢ်ယွၤန့ၣ်လီၤ. အဝဲမ့ၢ်ကစၢ်ယွၤလၢအမူဝဲ, အိၣ်ဝဲဆိးဝဲအစိၤစိၤအဃၣ်ဃၣ်လီၤ. အဝဲအဘီအမုၢ်န့ၣ်တဟးဂီၤနီတစုဘၣ်, ဒီးအစိအကမီၤန့ၣ် အကတၢၢ်တအိၣ်ဘၣ်.

လံာ်သိၣ်လီၤသီလီၤတၢ် 10:17

ယွၤ, သုကစၢ်ယွၤန့ၣ်ဒိၣ်စိဝဲဒၣ်လၢကစၢ်အဂၤတဖၣ်ခဲလၢာ်ဒီး ကယဲၢ်တၢ်စိတၢ်ကမီၤခဲလၢာ်အဖီခိၣ်န့ၣ်လီၤ. အဝဲဒၣ်န့ၣ်ဒိၣ်ဝဲဒီးအဂံၢ်အဘါဆူၣ်ဝဲဒီးအဝဲကဘၣ်တၢ်ပျံၤအီၤန့ၣ်လီၤ. အဝဲတကွၢ်မဲာ်တၢ်ဘၣ်ဒီးတတူၢ်လိာ်ဘၣ်ခိၣ်ဖးလာ်ဆှိးန့ၣ်ဘၣ်.

လံာ်သိၣ်လီၤသီလီၤတၢ် 32:31

အဝဲသ့ၣ်အဒုၣ်အဒါတဖၣ်သ့ၣ်ညါဝဲလၢအဝဲသ့ၣ်အကစၢ်တဖၣ်လၢ အဘူၣ်ဝဲဘါဝဲန့ၣ်အဂံၢ်စၢ်ဘါစၢ်, ဒီးတဒိၣ်ဝဲမုၢ်ဝဲထဲသိးကီၢ်အံၣ်စရ့လးအကစၢ်ယွၤ ဘၣ်န့ၣ်လီၤ.