လံာ်စီၤဧ့စြၤ 5:3 - Sgaw Karen Common Bible

³ တကတီၢ်ဃီဃၣ်ဃၣ်န့ၣ်, ပဒိၣ်ဖးဒိၣ်စီၤတးနဲလၢကီၢ်ဖရၤသးအမုၢ် နုာ်, စီၤၡသၢ်ဘိစနဲၤ, ဒီးပဒိၣ်ပပှၢ်သကိးသကိးတဖၣ်ဟဲဆူ ဝ့ၢ်ယရူၤရှလ့ၣ်ဒီးသံကွၢ်ဝဲဆူၣ်ဆူၣ်, “မတၤဟ့ၣ်လီၤသုတၢ် ကလုၢ်လၢသုကသူၣ်ထီၣ်တၢ်လုၢ်ဟံၣ်ဒီးမၤပှဲၤထီၣ်အီၤန့ၣ်လဲၣ်.”

လံာ်စီၤဧ့စြၤ 5:3 Iomraidhean Croise

လံာ်စီၤဧ့စြၤ 1:3

မ်ကစၢ်ယွၤအိၣ်ဒီးသုဝဲခဲလၢာ်လၢအမ့ၢ်အပှၤဂီၢ်မုၢ်န့ၣ်တ က့ၢ်. သုကဘၣ်လဲၤဆူဝ့ၢ်ယရူၤၡလ့ၣ်ဒီးသူၣ်ထီၣ်ကဒါက့ၤယွၤ, အံၣ်စရ့လးအကစၢ်ယွၤလၢအဘၣ်တၢ်ဘူၣ်ထီၣ်ဘါထီၣ်အီၤလၢဝ့ၢ်ယရူၤ ၡလ့ၣ်အပူၤအတၢ်လုၢ်ဟံၣ်န့ၣ်လီၤ.

လံာ်စီၤဧ့စြၤ 4:12

ပဆၢလၢပကစၢ်, စီၤပၤဖးဒိၣ်ကသ့ၣ်ညါဘၣ်လၢပှၤယူဒၤဖိ တဖၣ်လၢအဟဲဖဲအံၤလၢနတၢ်ပၢအလီၢ်ကဝီၤအဂၤတဖၣ်န့ၣ်ဟဲဆီလီၤ တ့ၢ်အသးလၢဝ့ၢ်ယရူၤၡလ့ၣ်အပူၤဒီးသူၣ်ထီၣ်ဘှီထီၣ်ကဒါက့ၤ ဝ့ၢ်လၢအအၢအသီဒီးပူထီၣ်လီထီၣ်တ့ၢ်တၢ်န့ၣ်လီၤ. အဝဲသ့ၣ်စးထီၣ်သူၣ်ထီၣ်တၢ်အခိၣ်ဒူတဖၣ်ဒီးတယံာ်ဘၣ်ကမၤဝံၤဝဲ ဒၣ်န့ၣ်လီၤ.

လံာ်စီၤဧ့စြၤ 4:9

“လၢပဒိၣ်ဖးဒိၣ်စီၤရဃူၣ်, ကီၢ်အပှၤကွဲးလံာ်စီၤၡံးမၡဲ, ပှၤမၤသဃဲၤတၢ်သ့ၣ်တဖၣ်, စံၣ်ညီၣ်ကွီၢ်သ့ၣ်တဖၣ်, ဒီးကယဲၢ်ပဒိၣ်ပပှၢ်အဂၤတဖၣ်လၢအိၣ်ပာ်တ့ၢ်လၢဝ့ၢ်အ့ရ့း, ဝ့ၢ်ဘၤဘူၤလိၣ်ဒီးဝ့ၢ်ၡူၡၣ်လၢကီၢ်ဧ့ၤလၣ်အပူၤလၢပျၢၤလံၤ လံၤ,

လံာ်စီၤဧ့စြၤ 5:6

အအံၤမ့ၢ်တၢ်ပာ်ဖျါလၢအဆှၢဝဲဆူစီၤပၤဖးဒိၣ်အအိၣ်န့ၣ်လီၤ.

လံာ်စီၤဧ့စြၤ 5:9

ဖဲန့ၣ်ပသံကွၢ်တ့ၢ်ပှၤဂီၢ်မုၢ်အခိၣ်အနၢ်တဖၣ်လၢကတဲပှၤမ့ၢ်မတၤ ဟ့ၣ်စိဟ့ၣ်ကမီၤတ့ၢ်အဝဲသ့ၣ်လၢကသူၣ်ထီၣ်က့ၤတၢ်လုၢ်ဟံၣ်ဒီး မၤပှဲၤထီၣ်အီၤန့ၣ်လဲၣ်.

လံာ်စီၤဧ့စြၤ 6:13

တုၤနုၤတစုပဒိၣ်ဖးဒိၣ်စီၤတးနဲ, စီၤၡသၢ်ဘိစနဲၤဒီးအပဒိၣ် ကဒဲကဒဲတဖၣ်မၤဝဲဒ်စီၤပၤဖးဒိၣ်မၤလိာ်တ့ၢ်ဝဲအသိးန့ၣ်လီၤ.

လံာ်စီၤဧ့စြၤ 6:6

တုၤနုၤတစုစီၤပၤဖးဒိၣ်ဒၤရယါဝ့ၣ်ဆှၢလီၤတၢ်စံးဆၢဒ်လာ် အံၤအသိးန့ၣ်လီၤ. “ဆူကီၢ်ဖရၤသးအမုၢ်နုာ်အပဒိၣ်ဖးဒိၣ်စီၤတးနဲ, စီၤၡသၢ်ဘိစနဲၤဒီးပဒိၣ်ပပှၢ်ကဒဲကဒဲလၢကီၢ်ဖရၤသးအမုၢ်နုာ် တဖၣ်,

လံာ်စီၤဧ့စြၤ 7:21

ယမၤလိာ်ကယဲၢ်တၢ်ပာ်ဖှိၣ်အလီၢ်အပဒိၣ်ပပှၢ်လၢကီၢ်ဖရၤသးအမုၢ် နုာ်အပူၤ, လၢအကဟ့ၣ်တၢ်လၢအဃ့ဝဲတမံၤလၢ်လၢ်ဘၣ်ဆၢဘၣ်ကတီၢ်ဆူစီၤဧ့စြၤ လၢအမ့ၢ်ပှၤလုၢ်တၢ်အခိၣ်ဒီးပှၤကူၣ်သ့ကူၣ်ဘၣ်လၢယူဒၤအတၢ်သိၣ် တၢ်သီလၢမူခိၣ်အကစၢ်ယွၤဟ့ၣ်လီၤဝဲအပူၤတဂၤအအိၣ်, လၢအဃ့ဝဲ

လံာ်ဃးကဲ 1:1

ဖဲစီၤဒၤရယါဝ့ၣ်ကဲကီၢ်ပၤရၣ်အစီၤပၤဖးဒိၣ်ခံနံၣ်တနံၣ်အပူၤအတ့ၤ, လၢလါဃုလါတလါထီၣ်တသီအနံၤန့ၣ်, ယွၤကတိၤတ့ၢ်တၢ်ခီဖျိဝံဃးကဲလီၤ. တၢ်ကစီၣ်န့ၣ်, မ့ၢ်လၢကီၢ်ယူဒၤအပဒိၣ်ဖးဒိၣ်စီၤၡၤလတံၤအ့လး အဖိခွါစီၤစရူၤဘၤဘ့လး, ဒီးလၢပှၤလုၢ်တၢ်အခိၣ်အဒိၣ်ကတၢၢ်, စီၤယိၤစါဒးအဖိခွါစီၤယိၤရူအဂီၢ်န့ၣ်လီၤ.

လံာ်မးသဲ 21:23

ယ့ၣ်ၡူးက့ၤကဒါက့ၤဆူတၢ်လုၢ်ဟံၣ်အပူၤ, ဒီးဖဲအဝဲသိၣ်လီၤသီလီၤတၢ်အဖၢမုၢ်န့ၣ်, ပှၤလုၢ်တၢ်အခိၣ်အဒိၣ်တဖၣ်ဒီးပှၤယူဒၤဖိကရၢအခိၣ်အနၢ်တဖၣ် ဟဲဆူအအိၣ်ဒီးသံကွၢ်အီၤ, “လၢနကမၤတၢ်တဖၣ်အံၤအဂီၢ်န့ၣ်, နန့ၢ်ဘၣ်တၢ်စိတၢ်ကမီၤဖဲလဲၣ်. မတၤတဂၤဟ့ၣ်စိဟ့ၣ်ကမီၤနၤလဲၣ်.”

မၤတၢ် 4:7

အဝဲသ့ၣ်မၢတၢ်မၢဖိတဖၣ်န့ၣ်ဆၢထၢၣ်လၢအဝဲသ့ၣ်အမဲာ်ညါ ဝံၤသံကွၢ်ဝဲ, “သုမၤတၢ်အံၤခီဖျိတၢ်စိတၢ်ကမီၤမနုၤမ့တမ့ၢ်ခီဖျိ မတၤတဂၤအမံၤလဲၣ်.”