လံာ်စီၤဧ့စြၤ 5:2 - Sgaw Karen Common Bible

² တုၤစီၤၡၤလတံၤအ့လးအဖိခွါစီၤစရူၤဘၤဘ့လးဒီးစီၤယိၤ စါဒးအဖိခွါစီၤယိၤၡူနၢ်ဟူအဝဲသ့ၣ်အတၢ်ကစီၣ်တဖၣ်န့ၣ်, အဝဲသ့ၣ်စးထီၣ်သူၣ်ထီၣ်ကဒါက့ၤတၢ်လုၢ်ဟံၣ်လၢဝ့ၢ်ယရူၤရှလ့ၣ်အ ပူၤ, ဒီးဝံခံဂၤအံၤမၤစၢၤအဝဲသ့ၣ်န့ၣ်လီၤ.

လံာ်စီၤဧ့စြၤ 5:2 Iomraidhean Croise

လံာ်စီၤဧ့စြၤ 1:8

အဝဲဟ့ၣ်က့ၤတၢ်သ့ၣ်တဖၣ်အံၤဆူစီၤပၤအပှၤပၢၤတၢ်လုၢ်ဒိၣ်ပှ့ၤဒိၣ် အခိၣ်စီၤမံးသြၤဒး, လၢအဂံၢ်ဒီးကွဲးနီၣ်တၢ်ဖိတၢ်လံၤအနီၣ်ဂံၢ်ဒီးကၢပှ့ၤကၢ ကလံၤလၢကီၢ်ယူဒၤအပဒိၣ်ဖးဒိၣ်စီၤၡ့ၡဘးစၢ်အဂီၢ်ဒ်လာ်အံၤလီၤ.

လံာ်စီၤဧ့စြၤ 10:18

အအံၤမ့ၢ်တၢ်ကွဲးနီၣ်ဘၣ်ထွဲဒီးပှၤပိာ်ခွါတဖၣ်လၢအအိၣ်ဒီး အမါပှၤတခီဘီမုၢ်ဖိတဖၣ်န့ၣ်လီၤ. ပှၤလုၢ်တၢ်အခိၣ်တဖၣ်, ဘၣ်တၢ်ကွဲးနီၣ်အီၤဒ်အဒူၣ်ထၢတဖၣ်ဟဲဝဲန့ၣ်လီၤ. လၢစီၤယိၤၡူဒီးအဒီပုၢ်ဝဲၢ်ခွါတဖၣ်အဒူၣ်ထၢပူၤန့ၣ်, စီၤယိၤစဒးအဖိခွါတဖၣ်လၢအမ့ၢ်ဝဲ, စီၤမၤစ့ယၤ, စီၤအလၤဧစၢ်, စီၤယၤရံာ်ဒီးစီၤကဒါလယၤန့ၣ်လီၤ.

လံာ်စီၤဧ့စြၤ 3:2

ဒီးစီၤယိၤစါဒးအဖိခွါစီၤယိၤၡူ, အပှၤလုၢ်တၢ်အခိၣ်သကိး သကိးဒီးအီၤတဖၣ်, ဒီးစီၤၡၤလတံၤအ့လးအဖိခွါစီၤစရူၤဘၤဘ့လး, ဃုာ်ဒီးအဝဲအဘူးအတံၢ်တဖၣ်, ဘှီထီၣ်ကဒါက့ၤပှၤအံၣ်စရ့လးဖိ အကစၢ်ယွၤအတၢ်လုၢ်လီၢ်, ဒ်သိးအဝဲသ့ၣ်ဆိၣ်ကဲၤထီၣ်တၢ်လုၢ်တၢ်ပာ် တဖၣ်လၢအဖီခိၣ်ဒ်တၢ်သိၣ်လိသီလိလၢအဘၣ်တၢ်ကွဲးလီၤအီၤလၢ ကစၢ်ယွၤအပှၤကညီစီၤမိၤၡ့အလံာ်တၢ်သိၣ်တၢ်သီအပူၤအသိးကသ့န့ၣ်လီၤ.

လံာ်စီၤဧ့စြၤ 3:8

လၢတၢ်န့ၣ်အဃိအဝဲသ့ၣ်စးထီၣ်အတၢ်မၤဖဲလါခံလါတလါလၢနံၣ် န့ၣ်အပူၤ, ဖဲအဝဲသ့ၣ်ဟဲက့ၤကဒါက့ၤဆူတၢ်လုၢ်ဟံၣ်အလီၢ်လၢဝ့ၢ်ယရူၤ ၡလ့ၣ်ဝံၤအလီၢ်ခံလီၤ. စီၤစရူၤဘၤဘ့လး, စီၤယိၤၡူဒီးအပှၤထံဖိကီၢ်ဖိကဒဲကဒဲလၢအအိၣ်လီၤတဲာ်တဖၣ်, ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်, ဒီးကယဲၢ်ပှၤဘၣ်စိာ်မၢကဲကုၢ်လၢအဟဲက့ၤကဒါက့ၤဆူ ဝ့ၢ်ယရူၤၡလ့ၣ်တဖၣ်, မၤသကိးတၢ်လၢတၢ်မၤအပူၤန့ၣ်လီၤ. ကယဲၢ်ပှၤလ့ၤဝံဖိတဖၣ်လၢအသးအိၣ်အနံၣ်ခံဆံမ့ၢ်ဂ့ၤပှၢ်န့ၣ် အဝဲန့ၣ်မ့ၢ်ဂ့ၤဘၣ်တၢ်ပာ်လီၤအီၤလၢပှၤကွၢ်ထွဲပၢဆှၢတၢ်ဖံး တၢ်မၤဘၣ်ဃးဒီးတၢ်သူၣ်ထီၣ်ကဒါက့ၤတၢ်လုၢ်ဟံၣ်န့ၣ်လီၤ.

လံာ်စီၤဧ့စြၤ 6:14

ပှၤယူဒၤဖိအခိၣ်အနၢ်တဖၣ်မၤတၢ်လဲၤထီၣ်လဲၤထီဂ့ၤဂ့ၤလၢတၢ် ဘှီထီၣ်ကဒါက့ၤတၢ်လုၢ်ဟံၣ်အိၣ်ဒီးတၢ်ဟ့ၣ်ဂံၢ်ဟ့ၣ်ဘါအဝဲသ့ၣ် လၢဝံဃးကဲဒီးဝံစကၤရယၤတဖၣ်န့ၣ်လီၤ. အဝဲသ့ၣ်မၤဝံၤကွံာ်တၢ်လုၢ်ဟံၣ်ဒ်အဝဲသ့ၣ်ဘၣ်တၢ်မၤလိာ်တ့ၢ် အီၤလၢအံၣ်စရ့လးအကစၢ်ယွၤဒီးကီၢ်ပၤရၣ်အစီၤပၤဖးဒိၣ်တဖၣ် လၢအမ့ၢ်စီၤကိရ့ၣ်, စီၤဒၤရယါဝ့ၣ်ဒီးစီၤအၢ်တၤၡါၡတၤန့ၣ်လီၤ.

လံာ်ဃးကဲ 2:18

တနံၤအံၤမ့ၢ်လါခွံလါတလါထီၣ်ခံဆံလွံၢ်နံၤတနံၤ, မုၢ်တနံၤဖဲတၢ်လုၢ်ဟံၣ်အခီၣ်ထံးဘၣ်တၢ်ပာ်လီၤအီၤ ဝံၤဝဲန့ၣ်လီၤ. စးထီၣ်ခဲအံၤဒီးဆူညါတၢ်မနုၤကမၤအသးလဲၣ်န့ၣ်, ကွၢ်တက့ၢ်.

လံာ်စကၤရယၤ 4:14

တုၤနုၤတစုအဝဲစံးဝဲဒၣ်, “အဝဲသ့ၣ်တဖၣ်အံၤမ့ၢ်ပှၤခံဂၤလၢကစၢ်ယွၤဃုထၢတ့ၢ်လံအီၤ ဒီးဖှူတ့ၢ်လံအီၤလၢကမၤအဝဲဒၣ်, လၢအမ့ၢ်ဟီၣ်ခိၣ်ဒီဘ့ၣ်အယွၤ, အတၢ်န့ၣ်လီၤ.”

လံာ်စကၤရယၤ 4:4

အန့ၣ်ဒီးယသံကွၢ်ကလူး, “တၢ်ဒိၣ်ဧၢ, တၢ်သ့ၣ်တဖၣ်အံၤအခီ ပညီဒ်လဲၣ်.”

လံာ်စကၤရယၤ 6:11

မၤကဲထီၣ်ခိၣ်သလုးတဖျၢၣ်လၢစ့ဒီးထူလၢအဝဲသ့ၣ်တဖၣ် ဟ့ၣ်တ့ၢ်ဒီးဒုးကုာ်ထီၣ်အီၤလၢစီၤယိၤစါဒးအဖိခွါ, ပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူအခိၣ်လိၤတက့ၢ်.

လံာ်စကၤရယၤ 8:9

အိၣ်ဒီးတၢ်သူၣ်ဒူသးဒူတက့ၢ်. ခဲအံၤသုနၢ်ဟူဘၣ်တၢ်ကတိၤတမံၤဃီဒ်သိးဒီးတၢ်ကတိၤလၢဝံ တဖၣ်ကတိၤတ့ၢ်ဝဲဖဲတၢ်ပာ်လီၤတၢ်ခီၣ်ထံးလၢတၢ်ကဘှီထီၣ် ကဒါက့ၤယတၢ်လုၢ်ဟံၣ်အဆၢကတီၢ်န့ၣ်လီၤ.

၂ ကရံၣ်သူး 1:24

ပတဂုာ်ကျဲးစၢးနဲၣ်သုလၢသုကဘၣ်စူၢ်တၢ်နာ်တၢ်ဒ်အံၤဒ် နုၤဘၣ်. ပသ့ၣ်ညါလၢသုအိၣ်ဆၢထၢၣ်သုဝဲကျၢၤကျၢၤလၢ တၢ်စူၢ်တၢ်နာ်အပူၤလီၤ. အခိၣ်တလိာ်ပမၤသကိးတၢ်ဒီးသု, လၢသုတၢ်သူၣ်ဖှံသးညီဒၣ်ဝဲအဂီၢ်န့ၣ်လီၤ.