လံာ်စီၤဧ့စြၤ 5:14 - Sgaw Karen Common Bible

¹⁴ အဝဲဟ့ၣ်က့ၤတၢ်လုၢ်ဟံၣ်အဃၢၤအဃိၢ်ထူဒီးစ့လၢစီၤပၤနဘူၤကး န့စၢ်ဟံးန့ၢ်ကွံာ်လၢဝ့ၢ်ယရူၤရှလ့ၣ်အတၢ်လုၢ်ဟံၣ်အပူၤဒီးက့ၤ ပာ်ဝဲလၢတၢ်လုၢ်ဟံၣ်လၢကီၢ်ဘၤဘူၤလိၣ်န့ၣ်လီၤ. စီၤပၤဖးဒိၣ်ကိရ့ၣ်ဟ့ၣ်က့ၤတၢ်အဃၢၤအဃိၢ်တဖၣ်အံၤဆူ ပှၤတဂၤလၢအမံၤမ့ၢ်စီၤၡ့ၡဘးစၢ်, ပှၤလၢအဝဲဃုထၢပာ်လီၤဝဲဒ် ကီၢ်ယူဒၤအပဒိၣ်ဖးဒိၣ်, အစုပူၤန့ၣ်လီၤ.

လံာ်စီၤဧ့စြၤ 5:14 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:18

ကီၢ်ဘၤဘူၤလိၣ်အစီၤပၤဂုာ်န့ၢ်ကွံာ်ယွၤအတၢ်လုၢ်ဟံၣ်အဃၢၤ အဃိၢ်တဖၣ်, တၢ်လုၢ်ဟံၣ်အကျိၣ်ဧိၤစ့ဧိၤ, ဒီးစီၤပၤဒီးပဒိၣ်ပပှၢ်တဖၣ်အတၢ် ထူးတၢ်တီၤ, ဒီးက့ၤစိာ်ကယဲၢ်တၢ်ခဲလၢာ်န့ၣ်, ဆူကီၢ်ဘၤဘူၤလိၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:7

စီၤနဘူၤကးန့စၢ်စိာ်ကွံာ်တၢ်ထူးတၢ်တီၤတနီၤလၢယွၤအတၢ်လုၢ် ဟံၣ်အပူၤဒီးက့ၤပာ်ဝဲလၢအဝဲအနီပူၤလၢအအိၣ်လၢကီၢ်ဘၤဘူၤ လိၣ်အပူၤန့ၣ်လီၤ.

လံာ်စီၤဧ့စြၤ 5:15

စီၤပၤဖးဒိၣ်တဲဘၣ်တ့ၢ်အီၤလၢကဟံးထီၣ်ကွံာ်တၢ်တဖၣ်န့ၣ်ဒီး က့ၤစိာ်ပာ်က့ၤအီၤလၢဝ့ၢ်ယရူၤရှလ့ၣ်အတၢ်လုၢ်ဟံၣ်အပူၤဒီးဘှီ ကဒါက့ၤတၢ်လုၢ်ဟံၣ်ဖဲအလီၢ်လၢအအိၣ်ပာ်စၢၤတ့ၢ်လၢညါန့ၣ်လီၤ.

လံာ်စီၤဧ့စြၤ 5:16

လၢတၢ်န့ၣ်အဃိ, စီၤၡ့ၡဘးစၢ်ဟဲဒီးပာ်လီၤတၢ်လုၢ်ဟံၣ်အခီၣ် ထံးန့ၣ်လီၤ. တၢ်သူၣ်ထီၣ်ဘှီထီၣ်စးထီၣ်အသးဖဲန့ၣ်တုၤခဲ ကနံၣ်အံၤ, ဘၣ်ဆၣ်တၢ်လုၢ်ဟံၣ်န့ၣ်တဝံၤဒံးဘၣ်.

လံာ်စီၤဧ့စြၤ 6:5

ဒ်န့ၣ်အသိး, တၢ်အဃၢၤအဃိၢ်ထူဒီးစ့လၢစီၤပၤနဘူၤကးန့စၢ် ဟဲက့ၤစိာ်ဆူကီၢ်ဘၤဘူၤလိၣ်လၢဝ့ၢ်ယရူၤၡလ့ၣ်အတၢ်လုၢ်ဟံၣ် ပူၤတဖၣ်န့ၣ်မ်တၢ်ကဆှၢကဒါက့ၤဆူအလီၢ်ဘၣ်ကျဲဘၣ်လၢဝ့ၢ်ယရူၤ ၡလ့ၣ်အတၢ်လုၢ်ဟံၣ်ပူၤန့ၣ်တက့ၢ်.”

လံာ်စီၤဧ့စြၤ 7:27

စီၤဧ့စြၤစံးဝဲ, “စံးထီၣ်ပတြၢၤယွၤ, ပမိၢ်ပၢ်ဖံဖုလၢပျၢၤအကစၢ်ယွၤန့ၣ်တက့ၢ်. အဝဲထိၣ်ဂဲၤလံစီၤပၤဖးဒိၣ်အသး, လၢကျဲဒ်အံၤဒ်သိးကမၤလၤကပီၤယွၤအတၢ်လုၢ်ဟံၣ်လၢဝ့ၢ်ယရူၤၡလ့ၣ် အပူၤလံ.

တၢ်ကတိၤဒိ. 21:1

ယွၤပၢၤဃာ်စီၤပၤတဂၤအတၢ်ကူၣ်တၢ်ဆိကမိၣ်ညီထဲသိးသိး အဝဲနဲၣ်ထံကျိဖိအကျိၤအသိးန့ၣ်လီၤ.

လံာ်ယံးရမံယၤ 52:19

အဝဲသ့ၣ် ဟံးန့ၢ်ကွံာ်တၢ်ကိးမံၤဒဲးလၢ အဘၣ်တၢ်မၤအီၤလၢ ထူဒီးစ့လၢအမ့ၢ်သလၢအဆံးဖိတဖၣ်, သပၢၤဘံၣ်သလၣ်လၢ တၢ်သူအီၤလၢ တၢ်စိာ်လၢၢ်သွဲၣ်လးကဲၤကဖးအဂီၢ်, သလၢတဖၣ်လၢကပဒၢးဃာ်တၢ်လုၢ်တၢ်ပာ်အသွံၣ်အဂီၢ်တဖၣ်, ဖၣ်ဆါအသပၢၤတဖၣ်, မ့ၣ်အူဒၢအထူၣ်တဖၣ်, သလၢတဖၣ်လၢ တၢ်သူအီၤလၢတၢ်လုၢ်နၢမူအဂီၢ်, ဒီးသလၢတဖၣ် လၢတၢ်သူအီၤလၢတၢ်လူလီၤတၢ်လုၢ်စပံးထံတဖၣ်အဂီၢ်န့ၣ်လီၤ.

လံာ်ဃးကဲ 1:1

ဖဲစီၤဒၤရယါဝ့ၣ်ကဲကီၢ်ပၤရၣ်အစီၤပၤဖးဒိၣ်ခံနံၣ်တနံၣ်အပူၤအတ့ၤ, လၢလါဃုလါတလါထီၣ်တသီအနံၤန့ၣ်, ယွၤကတိၤတ့ၢ်တၢ်ခီဖျိဝံဃးကဲလီၤ. တၢ်ကစီၣ်န့ၣ်, မ့ၢ်လၢကီၢ်ယူဒၤအပဒိၣ်ဖးဒိၣ်စီၤၡၤလတံၤအ့လး အဖိခွါစီၤစရူၤဘၤဘ့လး, ဒီးလၢပှၤလုၢ်တၢ်အခိၣ်အဒိၣ်ကတၢၢ်, စီၤယိၤစါဒးအဖိခွါစီၤယိၤရူအဂီၢ်န့ၣ်လီၤ.

လံာ်ဃးကဲ 1:14

ယွၤထိၣ်ဂဲၤတ့ၢ်ပှၤကိးဂၤဒဲး, ကီၢ်ယူဒၤအပဒိၣ်ဖးဒိၣ်စီၤစရူၤဘၤဘ့လး, ပှၤလုၢ်တၢ်အခိၣ်အဒိၣ်ကတၢၢ်စီၤယိၤရူဒီးပှၤဂီၢ်မုၢ်ခဲလၢာ်လၢ အဟဲက့ၤကဒါက့ၤလၢတၢ်မၢကဲကုၢ်အပူၤအသး, ဒ်သိးကမၤတၢ်လၢတၢ်လုၢ်ဟံၣ်န့ၣ်လီၤ. အဝဲသ့ၣ်စးထီၣ်မၤတ့ၢ်တၢ်လၢယွၤသ့တၢ်လၢာ်ကစၢ်, အဝဲသ့ၣ်အကစၢ်ယွၤအတၢ်လုၢ်ဟံၣ်,

လံာ်ဃးကဲ 2:2

အဝဲစံးဘၣ်တ့ၢ်စီၤဃးကဲလၢကကတိၤတၢ်ဒီးကီၢ်ယူဒၤအပဒိၣ် ဖးဒိၣ်စီၤစရူၤဘၤဘ့လး, ပှၤလုၢ်တၢ်အခိၣ်အဒိၣ်ကတၢၢ်စီၤယိၤရူဒီးဆူပှၤဂီၢ်မုၢ်ဒီး ကဘၣ်စံးဘၣ်အဝဲသ့ၣ်,

လံာ်ဃးကဲ 2:21

လၢကီၢ်ယူဒၤအပဒိၣ်ဖးဒိၣ်စီၤစရူၤဘၤဘ့လးအဂီၢ်လီၤ. “ယကမၤဟူးမၤဝးမူခိၣ်ဒီးဟီၣ်ခိၣ်,

မၤတၢ် 13:12

ဖဲပဒိၣ်တဂၤအံၤထံၣ်ဘၣ်တၢ်လၢအမၤတ့ၢ်အသးတဖၣ်အံၤန့ၣ်, အဝဲဒၣ်စူၢ်က့ၤနာ်က့ၤတၢ်လီၤ. အဝဲဒၣ်ကမၢကမၣ်အဒိၣ်အအါ, ဖဲအနၢ်ဟူဘၣ်တၢ်သိၣ်လီၤသီလီၤဘၣ်ဃးကစၢ်အဂ့ၢ်န့ၣ်လီၤ.