လံာ်စီၤဧ့စြၤ 5:11 - Sgaw Karen Common Bible

¹¹ အဝဲသ့ၣ်စံးဆၢဝဲလၢပမ့ၢ်မူခိၣ်ဒီးဟီၣ်ခိၣ်အကစၢ်ယွၤအခ့ အပှၤတဖၣ်, ဒီးပဘှီထီၣ်ကဒါက့ၤတၢ်လုၢ်ဟံၣ်, လၢအဘၣ်တၢ်ဘှီထီၣ်တ့ၢ်ဒီးမၤပှဲၤတ့ၢ်အီၤအဂံၢ်ခိၣ်ထံးလၢကီၢ် အံၣ်စရ့လးအစီၤပၤဖးဒိၣ်တဂၤလၢအပူၤကွံာ်အါနံၣ်အါလါတ့ၢ်လံန့ၣ်လီၤ.

လံာ်စီၤဧ့စြၤ 5:11 Iomraidhean Croise

လံာ်တၢ်ကဲထီၣ်အခီၣ်ထံး 24:3

ယအဲၣ်ဒိးလၢနကမၤတၢ်ဆိၣ်တမံၤလၢယွၤ, မူခိၣ်ဒီးဟီၣ်ခိၣ်အကစၢ်ယွၤအမံၤအပူၤလၢနတဃုထၢန့ၢ်ဘၣ်ယဖိ ခွါအမါတဂၤလၢပှၤဂီၢ်မုၢ်ဖဲအံၤလၢကီၢ်ကနၤဧၣ်အပူၤဘၣ်န့ၣ် လီၤ.

လံာ်စီၤပၤအခီၣ်ထံးတဘ့ၣ် 6:38

ဖဲစီၤၡလိၤမိၤပၢတၢ်တဆံတနံၣ်အပူၤလါဃိးလါတလါ, လၢအမ့ၢ်လါဘူလ့ၤအပူၤန့ၣ်, ယွၤအတၢ်လုၢ်ဟံၣ်ဘၣ်တၢ်မၤဝံၤအီၤ လၢလၢပှဲၤပှဲၤဒ်တၢ်တိာ်ကျဲၤပာ်အီၤလီၤတံၢ်လီၤဆဲးအသိးန့ၣ်လီၤ. စီၤၡလိၤမိၤသူၣ်ထီၣ်တၢ်လုၢ်ဟံၣ်အံၤယံာ်ဝဲ နွံနံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:10

စီၤၡလိၤမိၤသူၣ်ထီၣ်ယွၤအတၢ်လုၢ်ဟံၣ်ဒီးအဝဲအနီ, ယံာ်ဝဲအနံၣ်ခံဆံန့ၣ်လီၤ.

လံာ်စီၤဧ့စြၤ 5:10

ပသံကွၢ်စ့ၢ်ကီးအဝဲသ့ၣ်လၢအမံၤတဖၣ်ဒ်သိးပဘိးဘၣ်သ့ၣ်ညါနၤ လၢပှၤခိၣ်ပှၤနၢ်တဖၣ်လၢတၢ်မၤအံၤအဂီၢ်မ့ၢ်မတၤလဲၣ်ကသ့န့ၣ် လီၤ.

စံးထီၣ်ပတြၢၤ 119:46

ယကကတိၤတၢ်လၢနတၢ်အုၣ်နသးအဂ့ၢ်တဖၣ် လၢစီၤပၤတဖၣ်အမဲာ်ညါ ဒီးယတဘၣ်တၢ်မၤမဲာ်ဆှးယၤဘၣ်.

စံးထီၣ်ပတြၢၤ 136:26

စံးထီၣ်ပတြၢၤကစၢ်ယွၤလၢအအိၣ်ဝဲလၢမူခိၣ်န့ၣ်တက့ၢ်. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

လံာ်ဒၤနံးယ့လး 3:26

မၤသးဒ်န့ၣ်ဒီးစီၤပၤနဘူၤကးန့စၢ်လဲၤဘူးထီၣ်ဆူမ့ၣ်အူကဲၤကဖး အဖၣ်ကပူၤအတြဲၤဒီးကိးစိဃီၤဝဲ, “စီၤၡၤဒရး, စီၤမ့ၤၡး, စီၤဧဘ့ၤဒနကိၤ, တၢ်ထီကတၢၢ်ကစၢ်ယွၤအခ့အပှၤသ့ၣ်ဧၢ, ဟဲက့ၤထီၣ်တက့ၢ်.” ဒီးအဝဲသ့ၣ်ဟဲက့ၤထီၣ်ဝဲတကီၢ်ခါလီၤ.

လံာ်ယိၤနါ 1:9

စီၤယိၤနါစံးဆၢဝဲ, “ယမ့ၢ်ပှၤဧ့ၤဘြံၤဖိလီၤ. ယဘူၣ်ထီၣ်ဘါထီၣ်ယွၤ, မူခိၣ်အကစၢ်ယွၤလၢအတ့လီၤပီၣ်လဲၣ်ဒီးခိန့ၣ်လီၤ.”

လံာ်မးသဲ 10:32

ပှၤတဂၤဂၤမ့ၢ်အၢၣ်လီၤလၢပှၤကညီအမဲာ်ညါလၢအဘၣ်ဃးဒီးယၤန့ၣ်, ယကအၢၣ်လီၤစ့ၢ်ကီးအီၤလၢယပၢ်အိၣ်လၢမူခိၣ်အမဲာ်ညါလီၤ.

လံာ်လူၤကၣ် 12:8

ယစံးဘၣ်တဲဘၣ်သု, ပှၤတဂၤလၢ်လၢ်လၢအအၢၣ်လီၤလၢပှၤအါဂၤအမဲာ်ညါ, လၢအဝဲဒၣ်ဘၣ်ဃးဒီးယၤန့ၣ်, ပှၤကညီဖိခွါကမၤတၢ်တမံၤဃီန့ၣ်လၢ အဂီၢ်, လၢကစၢ်ယွၤအကလူးတဖၣ်အမဲာ်ညါလီၤ.

မၤတၢ် 27:23

အဂ့ၢ်ဒ်အံၤ, ဖဲနၤလၢအပူၤကွံာ်န့ၣ်, ကစၢ်ယွၤလၢယမ့ၢ်အတၢ်ဒီး ယဘါအီၤတဂၤအကလူးဟဲဆူယအိၣ်,

ရိမ့ၤ 1:16

အဂ့ၢ်ဒ်အံၤ, ယမဲာ်တဆှးဘၣ်လၢခရံာ်အတၢ်သးခုကစီၣ်အဃိဘၣ်. မ့ၢ်ကစၢ်ယွၤအစိကမီၤလၢကအုၣ်က့ၤခီၣ်က့ၤပှၤလၢအစူၢ်က့ၤနာ် က့ၤတၢ်ခဲလၢာ်, ပှၤယူဒၤဖိတဖၣ်လၢအဆိဒီး ပှၤကြံးခ်ဖိတဖၣ်စ့ၢ်ကီးန့ၣ်လီၤ.

ရိမ့ၤ 6:16

သုသ့ၣ်ညါသပှၢ်ကတၢၢ်လၢ ဖဲသုဟ့ၣ်လီၤသုသးဒ်ကုၢ် တဖၣ်အသိးလၢသုကစူၢ်ပှၤတဂၤဂၤန့ၣ်ဒီး, သုမ့ၢ်နီၢ်နီၢ်ကစၢ်လၢသုစူၢ်အီၤတဂၤအံၤအကုၢ် တဖၣ်န့ၣ်လီၤ. တဘျီဃီဖဲသုကဲတၢ်ဒဲးဘး လၢအဆှၢသု ဆူတၢ်သံအကုၢ်န့ၣ်, သုကဲတၢ်ဒိကနၣ်လၢအဆှၢသုဆူ တၢ်ပာ်တီပာ်လိၤသုအကုၢ်န့ၣ်တသ့ဘၣ်.

ကလၤတံ 6:14

မ့မ့ၢ်ယဲဒၣ်အံၤ, ယကပာ်ကဖၢလၢယသးထဲဒၣ်လၢပကစၢ် ယ့ၣ်ၡူးခရံာ်အထူၣ်စုညါအဃိလီၤ. အဂ့ၢ်ဒ်အံၤ, ခီဖျိလၢ အထူၣ်စုညါန့ၣ်, တၢ်ဘၣ်ဃးဒီးဟီၣ်ခိၣ်သံသဒၣ်ကွံာ်ယၤဒီး ယသံသဒၣ်ကွံာ်တၢ်ဘၣ်ဃးဒီးဟီၣ်ခိၣ်န့ၣ်လီၤ.

လံာ်စီၤယိၤၡူ 24:15

သုမ့ၢ်တသးအိၣ်မၤအတၢ်ဘၣ်ဒီး, ဃုထၢလၢမုၢ်မဆါတနံၤအံၤပှၤ လၢသုကမၤအတၢ်န့ၣ်တက့ၢ်. သုကဃုထၢကစၢ်တဖၣ်လၢသုမိၢ်ပၢ်ဖံဖုလၢပျၢၤတဖၣ်မၤအတၢ်လၢ ထံမိၢ်ပှၢ်ဝၢ်ဘးခီ, မ့တမ့ၢ်ပှၤအမိၢ်ဖိလၢသုအိၣ်သုဆိး လၢအကီၢ်ပူၤအကစၢ်တဖၣ်ဧါ. မ့မ့ၢ်ယဲဒၣ်အံၤဒီးယပှၤဟံၣ်ဖိ, ပကမၤယွၤအတၢ်လီၤ.”