လံာ်စီၤဧ့စြၤ 4:7 - Sgaw Karen Common Bible

⁷ မၤကဒီးလၢကီၢ်ပၤရၣ်အစီၤပၤဖးဒိၣ်စီၤအၢ်တၤၡါၡတၤအစိၤ န့ၣ်, စီၤဘံးၡလၣ်, စီၤမံးသြၤဒး, စီၤတၤဘ့လးဒီးပှၤမၤသဃဲၤတၢ် ဒီးအဝဲသ့ၣ်တဖၣ်ကွဲးလံာ်ပရၢတဘ့ၣ်ဆူစီၤပၤဖးဒိၣ်အအိၣ်န့ၣ် လီၤ. လံာ်ပရၢအံၤဘၣ်တၢ်ကွဲးအီၤလၢပှၤအရၣ်ဖိအကျိာ်ဒီးကဘၣ်တၢ်တဲ ကျိာ်ထံက့ၤအီၤဖဲတၢ်ဖးအီၤန့ၣ်လီၤ.

လံာ်စီၤဧ့စြၤ 4:7 Iomraidhean Croise

လံာ်စီၤပၤခံဘ့ၣ်တဘ့ၣ် 18:26

ဝံၤဒီးစီၤအ့ၤလယါကံၣ်, စီၤၡ့ၤဘနၤဒီးစီၤယိၤအၤတဲဘၣ် သုးခိၣ်န့ၣ်, “တၢ်ဒိၣ်ဧၢ, ကတိၤတၢ်ဒီးပှၤလၢပှၤအၤရၣ်ဖိ အကျိာ်တက့ၢ်. ပနၢ်ပၢၢ်အီၤ. ကစီဒီလီၤ. ကတိၤတၢ်လၢဧ့ၤဘြံၤအကျိာ်တဂ့ၤ. ပှၤဂီၢ်မုၢ်လၢဝ့ၢ်ခိၣ်ဒူအလိၤဒိကနၣ်တၢ်န့ၣ်လီၤ.”

လံာ်စီၤဧ့စြၤ 4:1

ယူဒၤဒီးဘံၣ်ယၤမံၣ်အပှၤဂီၢ်မုၢ်အဒုၣ်အဒါတဖၣ်နၢ်ဟူဝဲလၢပှၤ လၢအဟဲက့ၤကဒါက့ၤလၢတၢ်စိာ်မၢကဲကုၢ်တဖၣ်သူၣ်ထီၣ်ကဒါက့ၤ ယွၤ, ပှၤအံၣ်စရ့လးဖိအကစၢ်ယွၤအတၢ်လုၢ်ဟံၣ်န့ၣ်လီၤ.

လံာ်စီၤဧ့စြၤ 4:17

စီၤပၤဖးဒိၣ်ဆှၢလီၤကဒါက့ၤတၢ်စံးဆၢအံၤလီၤ. “ယဆှၢလီၤယတၢ်ဆၢဂ့ၤဆၢဝါဆူပဒိၣ်ဖးဒိၣ်စီၤရဃူၣ်, ကီၢ်အပှၤကွဲးလံာ်စီၤၡံးမၡဲ, ဒီးအပှၤမၤသဃဲၤတၢ်တဖၣ်လၢ အအိၣ်လၢကီၢ်ၡၤမရံဒီးတၢ်လီၢ်အိၣ်လီၤတဲာ်လၢကီၢ်ဖရၤသးအမုၢ် နုာ်န့ၣ်လီၤ.

လံာ်စီၤဧ့စြၤ 4:8

ဒ်န့ၣ်အသိးပဒိၣ်ဖးဒိၣ်စီၤရဃူၣ်ဒီးစီၤၡံးမၡဲလၢအမ့ၢ်ကီၢ်အပှၤကွဲးလံာ်, ကွဲးလံာ်ဒ်လာ်အံၤဆူစီၤပၤဖးဒိၣ်အၢ်တၤၡါၡဘၤအအိၣ်ဘၣ်ထွဲ ဒီးဝ့ၢ်ယရူၤၡလ့ၣ်န့ၣ်လီၤ.

လံာ်စီၤဧ့စြၤ 4:9

“လၢပဒိၣ်ဖးဒိၣ်စီၤရဃူၣ်, ကီၢ်အပှၤကွဲးလံာ်စီၤၡံးမၡဲ, ပှၤမၤသဃဲၤတၢ်သ့ၣ်တဖၣ်, စံၣ်ညီၣ်ကွီၢ်သ့ၣ်တဖၣ်, ဒီးကယဲၢ်ပဒိၣ်ပပှၢ်အဂၤတဖၣ်လၢအိၣ်ပာ်တ့ၢ်လၢဝ့ၢ်အ့ရ့း, ဝ့ၢ်ဘၤဘူၤလိၣ်ဒီးဝ့ၢ်ၡူၡၣ်လၢကီၢ်ဧ့ၤလၣ်အပူၤလၢပျၢၤလံၤ လံၤ,

လံာ်စီၤဧ့စြၤ 5:6

အအံၤမ့ၢ်တၢ်ပာ်ဖျါလၢအဆှၢဝဲဆူစီၤပၤဖးဒိၣ်အအိၣ်န့ၣ်လီၤ.

လံာ်စီၤဧ့စြၤ 7:1

တဘျုးနံၣ်ဝံၤအလီၢ်ခံ, ဖဲကီၢ်ပၤရၣ်အစီၤပၤဖးဒိၣ်စီၤအၢ်တၤ ၡါၡတၤကဲစီၤပၤအကတီၢ်န့ၣ်, ပှၤအမံၤစီၤဧ့စြၤအိၣ်ဝဲတဂၤန့ၣ်လီၤ. အဝဲဒွးကဒါက့ၤအမိၢ်ပၢ်ဖံဖုလၢပျၢၤအတၢ်လီၤစၢၤစးထီၣ်လၢ ပှၤလုၢ်တၢ်အခိၣ်အဒိၣ်ကတၢၢ်စီၤအၤဟရိၣ်ဒ်လာ်အံၤလီၤ. စီၤဧ့စြၤမ့ၢ်စီၤစရါယၤအဖိခွါ, စီၤဧစၤရယၤအဖိခွါ, စီၤဃံးစကံယၤအဖိခွါ,

လံာ်စီၤဧ့စြၤ 8:36

အဝဲသ့ၣ်ဟံးန့ၢ်စ့ၢ်ကီးဝဲလံာ်ကွဲးနီၣ်ဟ့ၣ်စိဟ့ၣ်ကမီၤလၢ စီၤပၤဖးဒိၣ်ဟ့ၣ်လီၤတ့ၢ်အဝဲသ့ၣ်ဒီးဟ့ၣ်ဃီၤဝဲဆူပဒိၣ်ဖး ဒိၣ်တဖၣ်ဒီးပဒိၣ်ပပှၢ်တဖၣ်အအိၣ်လၢဖရၤသးအမုၢ်နုာ်အကီၢ်, လၢအမၤစၢၤတ့ၢ်ပှၤဂီၢ်မုၢ်ဒီးတၢ်ဘူၣ်ထီၣ်ဘါထီၣ်လၢတၢ်လုၢ် ဟံၣ်ပူၤဖဲန့ၣ်တဖၣ်အအိၣ်န့ၣ်လီၤ.

လံာ်စီၤနဃ့မယၤ 2:1

ဒီးလၢစီၤပၤဖးဒိၣ်အၢ်တၤၡါၡတၤအနံၣ်ပှဲၤထီၣ်ခံဆံနံၣ် တနံၣ်လါနံစၣ်အပူၤ, မုၢ်တနံၤဖဲစီၤပၤအီၣ်တၢ်အကတီၢ်န့ၣ်ယဟဲစိာ်န့ၢ်အီၤစပံးထံလီၤ. အဝဲတထံၣ်ဝဲယမဲာ်လီၤသပှၢ်တ့ၢ်ဒ်သိးအံၤနီတဘျီဘၣ်.

လံာ်ယၡါယၤ 36:11

အန့ၣ်ဒီး, စီၤအ့ၤလယါကံၣ်, စီၤၡ့ၤဘနၤ, ဒီးစီၤယိၤအၤတဖၣ် စံးဘၣ်သုးခိၣ်န့ၣ်, “ကတိၤတၢ်ဒီးပှၤလၢအၤရၣ်အကျိာ်တက့ၢ်. ပနၢ်ပၢၢ်အီၤကစီဒီန့ၣ်လီၤ. ကတိၤတၢ်လၢဧ့ၤဘြံၤ အကျိာ်တဂ့ၤ. ပှၤဂီၢ်မုၢ်လၢဝ့ၢ်ခိၣ်ဒူအဖီခိၣ်တဖၣ်ဒိကနၣ်တၢ်လီၤ.”

လံာ်ဒၤနံးယ့လး 11:2

ဒီးခဲအံၤယကဒုးနဲၣ်နၤလၢတၢ်မ့ၢ်တၢ်တီန့ၣ်လီၤ.” “ကွၢ်ကွၢ်, စီၤပၤအဂၤသၢဂၤကဟဲအိၣ်ထီၣ်ဒံးလၢကီၢ်ပၤရၣ်အပူၤ, ဒီးလွံၢ်ဂၤတဂၤန့ၣ်ကထူးတီၤဝဲအါန့ၢ်ဒံးအဝဲသ့ၣ်ခဲလၢာ်လီၤ. ဒီးဖဲအဂံၢ်အဘါဆူၣ်ထီၣ်ခီဖျိအတၢ်ထူးတၢ်တီၤန့ၣ်, ကတၤလိာ်အသးဒီးကြံး(စ်) အဘီအမုၢ်န့ၣ်လီၤ.

လံာ်ဒၤနံးယ့လး 2:4

ဒီးအဝဲသ့ၣ်စံးဆၢက့ၤစီၤပၤလၢပှၤအၤရၣ်ဖိအကျိာ်, “မ်စီၤပၤမူဝဲလီၤထူလီၤယိာ်တက့ၢ်. စံးဘၣ်ပှၤလၢနတၢ်မံ မီၢ်တက့ၢ်. ဒီးပကဖးဖျါထီၣ်အခီပညီလၢနဂီၢ်လီၤ.”