လံာ်စီၤဧ့စြၤ 4:6 - Sgaw Karen Common Bible

⁶ ဖဲစီၤပၤဖးဒိၣ်အဃၤၡဝ့ရိၣ်စးထီၣ်ပၢတၢ်န့ၣ်ပှၤဂီၢ်မုၢ်လၢ အအိၣ်ဆိးလၢကီၢ်ယူဒၤဒီးဝ့ၢ်ယရူၤၡလ့ၣ်အပူၤအဒုၣ်အဒါတဖၣ်ဟဲ စိာ်လံာ်လၢတၢ်ကွဲးပာ်တၢ်ကမၣ်ထီဒါပှၤယူဒၤဖိတဖၣ်န့ၣ်လီၤ.

လံာ်စီၤဧ့စြၤ 4:6 Iomraidhean Croise

လံာ်တၢ်ကဲထီၣ်အခီၣ်ထံး 26:21

ဒီးစီၤအံၤစဲးအခ့အပှၤသ့ၣ်တဖၣ်ခူၣ်ကဒီးထံပူၤအဂၤတပူၤဒီး တၢ်အ့ၣ်လိာ်ဆိးက့လိာ်အိၣ်ကဒီးလၢထံပူၤအံၤအဃိစ့ၢ်ကီးန့ၣ် လီၤ. လၢတၢ်န့ၣ်အဃိစီၤအံၤစဲးကိးထံပူၤအံၤလၢ, “စံးတနၤ” အခီပညီ, “တၢ်ထီဒုၣ်ထီဒါ” န့ၣ်လီၤ.

လံာ်စီၤဧ့စြၤ 4:5

အဝဲသ့ၣ်ဟ့ၣ်ခိၣ်ဖးလာ်ဆှိးဆူကီၢ်ပၤရၣ်အပဒိၣ်ပပှၢ်တဖၣ်အအိၣ်ဒ် သိးကမၤတၢ်ထီဒါပှၤယူဒၤဖိန့ၣ်လီၤ. အဝဲသ့ၣ်မၤတၢ်အံၤတပယူာ်ဃီစးထီၣ်လၢစီၤပၤဖးဒိၣ်ကိရ့ၣ် အစိၤဒီးတုၤလီၤလၢစီၤပၤဖးဒိၣ်ဒၤရယါဝ့ၣ်အစိၤန့ၣ်လီၤ.

လံာ်နီၢ်အ့ၤစတၢ် 1:1

တၢ်အံၤမ့ၢ်တၢ်မၤအသးဖဲမုၢ်နံၤမုၢ်သီတဖၣ် လၢစီၤပၤအဃၤၡဝ့ရိၣ်ပၢတၢ်လၢကီၢ်ပၤရၣ်အဝ့ၢ်ခိၣ်ဝ့ၢ်ၡူၡၣ် န့ၣ်လီၤ. အဝဲပၢဘၣ်ကီၢ်ဖိတကယၤခံဆံနွံဘ့ၣ်, စးထီၣ် လၢကီၢ်ဟံၣ်ဒူၤတုၤလၢကီၢ်ကူၤၡးန့ၣ်လီၤ.

လံာ်နီၢ်အ့ၤစတၢ် 1:10

ဒီးလၢတၢ်အီၣ်တၢ်အီအမူးဖးဒိၣ်နွံနံၤတနံၤ, ဖဲစီၤပၤမုာ်လၤဝဲလၢစပံးထံအကတီၢ်အခါန့ၣ်, ကိးဃီၤပှၤဒ့ဒံၣ်ဖိနွံဂၤလၢအမ့ၢ်အနီၢ်ကစၢ်ဒၣ်ဝဲအခ့အပှၤ, စီၤမဟူမၣ်, စီၤဘံးစသၤ, စီၤဃၤရဘိနၤ, စီၤဘံးကသၤ, စီၤအဘၤကသၤ, စီၤစ့သၢ်ဒီးစီၤကၤရယၣ်တဖၣ်န့ၣ်လီၤ.

လံာ်နီၢ်အ့ၤစတၢ် 2:16

လၢတၢ်န့ၣ်အဃိ, ဖဲစီၤပၤအဃၤၡဝ့ရိၣ်ကဲထီၣ်စီၤပၤနွံနံၣ်တနံၣ်, လၢလါတဆံလါတလါ, လါတ့ဘ့းအပူၤန့ၣ်, နီၢ်အ့ၤစတၢ်ဘၣ်တၢ်လဲၤဆှၢအီၤဆူစီၤပၤ အဃၤၡဝ့ရိၣ်အအိၣ်လၢစီၤပၤအနီပူၤန့ၣ်လီၤ.

လံာ်နီၢ်အ့ၤစတၢ် 3:8

လၢတၢ်န့ၣ်အဃိစီၤဟၤမၣ်တဲဘၣ်စီၤပၤ, “ပှၤအိၣ်ဝဲဒၣ်တကလုာ်လၢအအိၣ်လီၤပြံလီၤပြါလၢနဘီနမုၢ်ဒီ ဘ့ၣ်ညါအပူၤန့ၣ်လီၤ. အဝဲသ့ၣ်အိၣ်ဒီးအလုၢ်အလၢ်အတၢ်ဆဲးတၢ်လၤတဖၣ်လၢအတ ဒ်သိးဒီးပှၤဘၣ်န့ၣ်လီၤ. အါန့ၣ်အန့ၣ်, အဝဲသ့ၣ်တဒိကနၣ်ဘီ မုၢ်အတၢ်သိၣ်တၢ်သီတဖၣ်ဘၣ်. ဒီးနတကြၢးသူၣ်အိၣ်သးအိၣ်အဝဲသ့ၣ်ဒီးပျဲအဝဲသ့ၣ်ကမၤဒ် အလုၢ်အလၢ်အိၣ်အသိးန့ၣ်ဘၣ်.

လံာ်ဒၤနံးယ့လး 11:2

ဒီးခဲအံၤယကဒုးနဲၣ်နၤလၢတၢ်မ့ၢ်တၢ်တီန့ၣ်လီၤ.” “ကွၢ်ကွၢ်, စီၤပၤအဂၤသၢဂၤကဟဲအိၣ်ထီၣ်ဒံးလၢကီၢ်ပၤရၣ်အပူၤ, ဒီးလွံၢ်ဂၤတဂၤန့ၣ်ကထူးတီၤဝဲအါန့ၢ်ဒံးအဝဲသ့ၣ်ခဲလၢာ်လီၤ. ဒီးဖဲအဂံၢ်အဘါဆူၣ်ထီၣ်ခီဖျိအတၢ်ထူးတၢ်တီၤန့ၣ်, ကတၤလိာ်အသးဒီးကြံး(စ်) အဘီအမုၢ်န့ၣ်လီၤ.

လံာ်ဒၤနံးယ့လး 9:1

ဖဲပှၤမၤဒဲဖိစီၤအဃၤၡဝ့ရိၣ်အဖိခွါစီၤပၤစီၤဒၤရယါဝ့ၣ်ပၢတၢ်လၢ ဘၤဘူၤလိၣ်အဘီအမုၢ်ပူၤအခီၣ်ထံးတနံၣ်အပူၤန့ၣ်,

လံာ်မးသဲ 27:37

လၢထူၣ်စုညါအလိၤဖဲယ့ၣ်ၡူးအခိၣ်ထးန့ၣ်, ပှၤကွဲးလီၤတၢ်ကွဲး, “အဝဲအံၤ မ့ၢ်ယ့ၣ်ၡူး, ပှၤယူဒၤဖိအစီၤပၤ” လၢအမ့ၢ်တၢ်ကမၣ်လၢအဘၣ်တၢ်ပာ်ဝဲလၢ ယ့ၣ်ၡူးအလိၤန့ၣ်လီၤ.

မၤတၢ် 24:13

ဒ်န့ၣ်အသိး, တၢ်ကမၣ်လၢအဝဲသ့ၣ်ပာ်ထီၣ်လၢယလိၤန့ၣ်, အဝဲသ့ၣ်ဟ့ၣ်တၢ်အုၣ်အသးတသ့ဘၣ်.

မၤတၢ် 25:7

ဖဲစီၤပီလူးဟဲတုၤန့ၣ်, ပှၤယူဒၤဖိလၢအဟဲတ့ၢ်ဝဲလၢဝ့ၢ်ယရူၤၡလ့ၣ်တဖၣ်အိၣ်ဆၢထၢၣ် ဝးတရံးအီၤဒီးပာ်တၢ်ကမၣ်အဃၢလၢအလိၤအါမံၤလၢ အဝဲသ့ၣ်ဟ့ၣ်တၢ်အုၣ်အသးတသ့ဘၣ်တဖၣ်န့ၣ်လီၤ.

လံာ်လီၣ်ဖျါ 12:10

တုၤနုၤတစုယနၢ်ဟူတၢ်ကလုၢ်ဖးဒိၣ်လၢမူခိၣ်စံးဝဲ, “ခဲကနံၣ်အံၤ, ကစၢ်ယွၤအတၢ်အုၣ်က့ၤခီၣ်က့ၤဟဲတုၤဝဲလံ. ခဲကနံၣ်အံၤ, ကစၢ်ယွၤပာ်ဖျါလံအတၢ်စိတၢ်ကမီၤဒ်စီၤပၤတဂၤ အသိးလံ. ခဲကနံၣ်အံၤ, အဝဲဒၣ်အခရံာ်အတၢ်ပၢတၢ်ပြးစးထီၣ်လံ. အဂ့ၢ်ဒ်အံၤ, ပှၤလၢအဆၢထၢၣ်လၢပကစၢ်ယွၤအမဲာ်ညါဒီးပာ်တၢ်ကမၣ်လၢ ပဒီပုၢ်ဝဲၢ်တဖၣ်အလိၤ, မုၢ်ဆါဆါမုၢ်နၤနၤတဂၤန့ၣ်, ဘၣ်တၢ်တ့ၢ်လီၤကွံာ်အီၤလၢမူခိၣ်လံ.