လံာ်စီၤဧ့စြၤ 4:4 - Sgaw Karen Common Bible

⁴ တုၤနုၤတစုပှၤဂီၢ်မုၢ်လၢအအိၣ်တ့ၢ်လံလၢထံကီၢ်ပူၤတဖၣ်ကျဲး စၢးမၤသးဟးဂီၤဒီးမၤပျံၤမၤဖုးပှၤယူဒၤဖိတဖၣ်ဒီးမၤ တံာ်တာ်အဝဲသ့ၣ်လၢကဘှီထီၣ်တၢ်လုၢ်ဟံၣ်အဂီၢ်န့ၣ်လီၤ.

လံာ်စီၤဧ့စြၤ 4:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 4:1

ဖဲစီၤစီလူးအဖိခွါစီၤအံၤၡဘိၡ့းနၢ်ဟူလၢစီၤအဘံန့ၢ် ဘၣ်တၢ်မၤသံကွံာ်အီၤလၢဝ့ၢ်ဃ့ဘြိၣ်န့ၣ်အဝဲပျံၤတၢ်, ဒီးကယဲၢ်ကီၢ်အံၣ်စရ့လးအပှၤဂီၢ်မုၢ်ဖုးသံပျီၢ်သံဘၣ်မးအသးလီၤ.

လံာ်စီၤဧ့စြၤ 3:3

ပှၤဘၣ်တၢ်စိာ်မၢကဲကုၢ်လၢအဟဲက့ၤကဒါက့ၤတဖၣ်မ့ၢ်ပျံၤဘၣ်ပှၤ ဂီၢ်မုၢ်လၢအအိၣ်ဆိးဝဲဖဲကီၢ်ပူၤဒၣ်လဲာ်, အဝဲသ့ၣ်ဘှီထီၣ်ကဒါက့ၤတၢ်လုၢ်လီၢ်ဖဲအအိၣ်ပာ်စၢၤတ့ၢ်အလီၢ် လၢညါလီၤ. အန့ၣ်ဝံၤဒီးလၢတၢ်လုၢ်လီၢ်န့ၣ်အဖီခိၣ်အဝဲသ့ၣ်စးထီၣ်ဆိၣ် ကဲၤကဒါက့ၤတၢ်လုၢ်တၢ်ပာ်တဖၣ်လၢဂီၤဒီးဟါဒ်အညီနုၢ်အသိးန့ၣ်လီၤ.

လံာ်စီၤဧ့စြၤ 4:5

အဝဲသ့ၣ်ဟ့ၣ်ခိၣ်ဖးလာ်ဆှိးဆူကီၢ်ပၤရၣ်အပဒိၣ်ပပှၢ်တဖၣ်အအိၣ်ဒ် သိးကမၤတၢ်ထီဒါပှၤယူဒၤဖိန့ၣ်လီၤ. အဝဲသ့ၣ်မၤတၢ်အံၤတပယူာ်ဃီစးထီၣ်လၢစီၤပၤဖးဒိၣ်ကိရ့ၣ် အစိၤဒီးတုၤလီၤလၢစီၤပၤဖးဒိၣ်ဒၤရယါဝ့ၣ်အစိၤန့ၣ်လီၤ.

လံာ်စီၤနဃ့မယၤ 4:11

ပဒုၣ်ပဒါတဖၣ်ဆိကမိၣ်ဝဲဒၣ်လၢပတထံၣ်အဝဲသ့ၣ်မ့ၢ်ဂ့ၤ, ပတသ့ၣ်ညါလၢတၢ်မၤအသးတုၤလၢအဝဲသ့ၣ်ကအိၣ်လၢပလိၤ, ဒီးမၤသံပှၤ, ဒီးမၤကတၢၢ်ကွံာ်ပတၢ်မၤမ့ၢ်ဂ့ၤန့ၣ်ဘၣ်လီၤ.

လံာ်စီၤနဃ့မယၤ 4:2

ဒီးလၢအတံၤသကိးသ့ၣ်တဖၣ်, ဒီးၡၤမရံအပှၤသုးဖိသ့ၣ်တဖၣ် အမဲာ်ညါန့ၣ်စံးဝဲ, “ပှၤယူဒၤဖိလၢအတဂိာ်တသီၣ်တၢ်သ့ၣ်တဖၣ်အံၤမ့ၢ်အဆိကမိၣ်ဝဲ လၢအမၤတၢ်မနူၤန့ၣ်လဲၣ်. မ့ၢ်အဝဲသ့ၣ်အဲၣ်ဒိးသူၣ်ထီၣ်ကဒါက့ၤဝ့ၢ်န့ၣ်ဧါ. မ့ၢ်အဆိကမိၣ်ဝဲဒၣ်လၢခီဖျိအတၢ်လုၢ်ထီၣ်ပာ်ထီၣ်တၢ်န့ၣ်မၤတၢ် လၢတနံၤဃီအတီၢ်ပူၤကဝံၤန့ၣ်ဧါ. မ့ၢ်အမၤကဲထီၣ်လၢၢ်လၢတၢ်တဂိာ်တသီၣ်လၢမ့ၣ်အူအီၣ်အီၤအကျါ န့ၣ်ကသ့စ့ၢ်ကီးဧါ.”

လံာ်စီၤနဃ့မယၤ 6:9

အဝဲသ့ၣ်ဂုာ်ကျဲးစၢးမၤပျံၤပှၤဒ်သိးပကဆိကတီၢ်ကွံာ်တၢ်မၤ န့ၣ်လီၤ. ဒီးယဘါထုကဖၣ်ယဲ, “ကစၢ်ယွၤဧၢ, ခဲကနံၣ်အံၤဒုးဆူၣ်ထီၣ်ယၤတက့ၢ်.”

လံာ်ယံးရမံယၤ 38:4

အန့ၣ်ဒီး, ပဒိၣ်ပပှၢ်တဖၣ် လဲၤဆူစီၤပၤအအိၣ်ဒီး စံးဝဲ, “ပှၤတဂၤအံၤ ကြၢးဘၣ်တၢ်မၤသံအီၤလီၤ. မ့ၢ်လၢအဝဲဒၣ် ကတိၤတၢ်ဒ်သိးအံၤအဃိန့ၣ်, အဝဲမၤလီၤမၢ်ကွံာ် ပှၤသုးဖိလၢအအိၣ်လၢ ဝ့ၢ်ပူၤတဖၣ် အတၢ်သးဒူန့ၣ်လီၤ. ဒီးအဝဲမၤတၢ်တမံၤအံၤဆူ ပှၤအဂၤခဲလၢာ်လၢ အအိၣ်လီၤ တဲာ်လၢ ဝ့ၢ်အံၤအပူၤန့ၣ်လီၤ. အဝဲတကျဲးစၢးမၤစၢၤပှၤဂီၢ်မုၢ် ဘၣ်. အဝဲအဲၣ်ဒိးမၤဘၣ်ဒိဘၣ်ထံး ထဲအဝဲသ့ၣ်တခီန့ၣ်လီၤ.”

လံာ်ဒၤနံးယ့လး 10:13

ကလူးလၢအပၢၤကီၢ်ပၤရၣ်အဘီအမုၢ်န့ၣ်ထီဒါယၤခံဆံတသီလီၤ. အန့ၣ်သတးဒီးမူခိၣ်ကလူးတဖၣ်အခိၣ်အဒိၣ်ကတၢၢ်မံၤက့လး ဟဲဝဲဒ်သိးကမၤစၢၤယၤလီၤ. အဂ့ၢ်ဒ်အံၤ, ယဘၣ်တၢ်ပာ်လီၤတဲာ်ကွံာ်ယၤထဲတဂၤဧိၤလၢကီၢ်ပၤရၣ်အပူၤလီၤ.

လံာ်ဒၤနံးယ့လး 10:20

တုၤနုၤတစု, အဝဲစံးဘၣ်ယၤ, “ဘၣ်မနုၤအဃိယဟဲဆူနအိၣ်န့ၣ် နသ့ၣ်ညါစ့ၢ်ကီးဧါ. မ့ၢ်ဒ်သိးယကလီၣ်ဖျါထီၣ်န့ၢ်နၤတၢ်ကွဲး အသးလၢလံာ်တၢ်မ့ၢ်တၢ်တီအပူၤန့ၣ်လီၤ. ခဲအံၤယကဘၣ်က့ၤကဒါက့ၤဒီးဒုးတၢ်ထီဒါကလူးလၢအပၢၤကီၢ် ပၤရၣ်, ဒီးတုၤယမၤနၢၤကွံာ်အီၤန့ၣ်, ကလူးလၢအပၢၤကီၢ်ကြံး(စ်) န့ၣ် ကဟဲဝဲလီၤ.