လံာ်စီၤဧ့စြၤ 4:17 - Sgaw Karen Common Bible

¹⁷ စီၤပၤဖးဒိၣ်ဆှၢလီၤကဒါက့ၤတၢ်စံးဆၢအံၤလီၤ. “ယဆှၢလီၤယတၢ်ဆၢဂ့ၤဆၢဝါဆူပဒိၣ်ဖးဒိၣ်စီၤရဃူၣ်, ကီၢ်အပှၤကွဲးလံာ်စီၤၡံးမၡဲ, ဒီးအပှၤမၤသဃဲၤတၢ်တဖၣ်လၢ အအိၣ်လၢကီၢ်ၡၤမရံဒီးတၢ်လီၢ်အိၣ်လီၤတဲာ်လၢကီၢ်ဖရၤသးအမုၢ် နုာ်န့ၣ်လီၤ.

လံာ်စီၤဧ့စြၤ 4:17 Iomraidhean Croise

လံာ်စီၤဧ့စြၤ 4:16

လၢတၢ်န့ၣ်အဃိနာ်နီၢ်နီၢ်လၢဝ့ၢ်အံၤမ့ၢ်ဘၣ်တၢ်သူၣ်ထီၣ်ကဒါ က့ၤအီၤ, ဒီးဝ့ၢ်အခိၣ်ဒူတဖၣ်မ့ၢ်ဘၣ်တၢ်မၤဝံၤအီၤန့ၣ်, တမ့ၢ်ကစၢ်စီၤပၤဖးဒိၣ်ပၢဘၣ်ကီၢ်ဖရၤသးအမုၢ်နုာ်ကသ့ လၢၤဘၣ်.”

လံာ်စီၤဧ့စြၤ 4:18

လံာ်ပရၢလၢသုဆှၢလီၤန့ၣ်ဘၣ်တၢ်ကျိာ်ထံက့ၤအီၤဒီးဖးန့ၢ် ယၤလီၤ.

လံာ်စီၤဧ့စြၤ 4:7

မၤကဒီးလၢကီၢ်ပၤရၣ်အစီၤပၤဖးဒိၣ်စီၤအၢ်တၤၡါၡတၤအစိၤ န့ၣ်, စီၤဘံးၡလၣ်, စီၤမံးသြၤဒး, စီၤတၤဘ့လးဒီးပှၤမၤသဃဲၤတၢ် ဒီးအဝဲသ့ၣ်တဖၣ်ကွဲးလံာ်ပရၢတဘ့ၣ်ဆူစီၤပၤဖးဒိၣ်အအိၣ်န့ၣ် လီၤ. လံာ်ပရၢအံၤဘၣ်တၢ်ကွဲးအီၤလၢပှၤအရၣ်ဖိအကျိာ်ဒီးကဘၣ်တၢ်တဲ ကျိာ်ထံက့ၤအီၤဖဲတၢ်ဖးအီၤန့ၣ်လီၤ.

လံာ်စီၤဧ့စြၤ 5:7

“စီၤပၤဖးဒိၣ်ဒၤရယါဝ့ၣ်ဧၢ, မ်နပၢဘၣ်တၢ်လၢတၢ်ဃူတၢ်ဖိး အပူၤန့ၣ်တက့ၢ်.

လံာ်စီၤဧ့စြၤ 7:12

“လၢစီၤပၤဖးဒိၣ်အၢ်တၤၡါၡတၤဆူပှၤလုၢ်တၢ်အခိၣ်စီၤဧ့ စြၤ, ပှၤကူၣ်သ့ကူၣ်ဘၣ်လၢယူဒၤအတၢ်သိၣ်တၢ်သီလၢမူခိၣ်အကစၢ်ယွၤ ဟ့ၣ်လီၤဝဲအပူၤ.

လံာ်ဒၤနံးယ့လး 4:1

စီၤပၤနဘူၤကးန့စၢ်ဘိးဘၣ်သ့ၣ်ညါလီၤတၢ်ဆူကယဲၢ်ပှၤဂီၢ် မုၢ်လၢထံကီၢ်ခဲလၢာ်, ပှၤကိးကလုာ်ဒဲး, ဒီးပှၤကတိၤကျိာ် အကလုာ်ကလုာ်လၢအအိၣ်လၢဟီၣ်ခိၣ်ဒီဘ့ၣ်, “မ်တၢ်ဃူတၢ်မုာ်ဂံၢ်အါထီၣ်အသးလၢသုဂီၢ်တက့ၢ်.

လံာ်ဒၤနံးယ့လး 6:25

တၢ်န့ၣ်တဖၣ်အလီၢ်ခံန့ၣ်စီၤပၤဒၤရယါဝ့ၣ်ကွဲးလီၤ တၢ်ဆူကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲး, ဒီးပှၤကတိၤကျိာ်အကလုာ်ကလုာ်တဖၣ်လၢဟီၣ်ခိၣ်ဒီဘ့ၣ်ညါ အအိၣ်, “မ်တၢ်ဃူတၢ်မုာ်ဂံၢ်အါထီၣ်အသးလၢသုဂီၢ်တက့ၢ်.

လံာ်လူၤကၣ် 10:5

တဘျီလၢ်လၢ်ဖဲသုလဲၤနုာ်လီၤဆူဟံၣ်တဖျၢၣ်အပူၤန့ၣ်, စံးဆိသုဝဲ, ‘မ်တၢ်ဃူတၢ်ဖိးအိၣ်လၢဟံၣ်တဖျၢၣ်အံၤအပူၤတက့ၢ်.’

မၤတၢ် 23:26

“တၢ်ဆၢဂ့ၤဆၢဝါလၢယၤ, စီၤကျီၤဒံလူၤစံ, ဆူတၢ်ဒိၣ်ကစၢ်ပဒိၣ်ဖးဒိၣ်စီၤဖ့လံးအအိၣ်, မ်နဘၣ်အမုာ်တက့ၢ်.

ရိမ့ၤ 1:7

လၢတၢ်န့ၣ်အဃိယကွဲးတၢ်ဆူသုဝဲခဲလၢာ်လၢအအိၣ် လၢဝ့ၢ်ရိမ့ၤအပူၤ, ပှၤလၢကစၢ်ယွၤအဲၣ်ဘၣ်အီၤဒီးကိးထီၣ်အီၤလၢ အကမ့ၢ်အပှၤဂီၢ်မုၢ်ဒၣ်ဝဲတဖၣ်အဂီၢ်အအိၣ်န့ၣ်လီၤ. ပပၢ်ကစၢ်ယွၤပပၢ်ဒီးကစၢ်ယ့ၣ်ၡူးခရံာ်ဟ့ၣ်သုတၢ်ဘျုး တၢ်ဖှိၣ်ဒီးတၢ်ဃူတၢ်ဖိးတက့ၢ်.