လံာ်စီၤဧ့စြၤ 4:15 - Sgaw Karen Common Bible

¹⁵ နကဟ့ၣ်လီၤနကလုၢ်လၢပှၤကဃုထံၣ်န့ၢ်က့ၤတၢ်ကွဲးနီၣ်တဖၣ်လၢ နမိၢ်ပၢ်ဖံဖုလၢပျၢၤတဖၣ်ပာ်ကီၤတ့ၢ်အီၤန့ၣ်လီၤ. နမ့ၢ်မၤဒီးနကထံၣ်ဘၣ်လၢဝ့ၢ်အံၤထီဘိပူထီၣ်လီထီၣ်တၢ်ဒီး စးထီၣ်လၢပျၢၤလၢသီလံၤလံၤန့ၣ်, ဟ့ၣ်တ့ၢ်လံတၢ်ကီတၢ်ခဲဆူ စီၤပၤတဖၣ်ဒီးကီၢ်အပှၤပၢတၢ်တဖၣ်န့ၣ်လီၤ. ဝ့ၢ်အံၤအပှၤဂီၢ်မုၢ်မ့ၢ်ပှၤတဖၣ်လၢထီဘိတၢ်ပၢအီၤကီဒိၣ်မး လီၤ. လၢတၢ်န့ၣ်အဃိ, ဝ့ၢ်အံၤဘၣ်တၢ်မၤဟးဂီၤကွံာ်တ့ၢ်အီၤန့ၣ် လီၤ.

လံာ်စီၤဧ့စြၤ 4:15 Iomraidhean Croise

လံာ်စီၤပၤခံဘ့ၣ်တဘ့ၣ် 24:20

ယွၤအသးဒိၣ်ထီၣ်ဘၣ်ဝ့ၢ်ယရူၤၡလ့ၣ်ဒီးကီၢ်ယူဒၤအပှၤဂီၢ်မုၢ် တုၤဒၣ်လဲာ်အဝဲနီၣ်ထီၣ်ဟီထီၣ်ကွံာ်အဝဲသ့ၣ်လၢအမဲာ်ညါန့ၣ် လီၤ.

လံာ်စီၤပၤခံဘ့ၣ်တဘ့ၣ် 25:4

ဝ့ၢ်ခိၣ်ဒူတဖၣ်ဘၣ်တၢ်ဘၢၣ်ဖျိကွံာ်အီၤန့ၣ်လီၤ. ပှၤဘၤဘူၤလိၣ်ဖိတဖၣ်ကဝီၤဝ့ၢ်ဒၣ်လဲာ်န့ၣ်, ကယဲၢ်ပှၤသုးဖိ ခဲလၢာ်ဃ့ၢ်ပူၤဖျဲးကွံာ်ဝဲဒၣ်လၢမုၢ်နၤအခါန့ၣ်လီၤ. အဝဲသ့ၣ်ဟးထီၣ်ကွံာ်လၢစီၤပၤအတၤသၣ်လီၢ်အကျဲ, လဲၤခီဖျိဝဲကျဲစၢၤလၢအဒုးစဲဘူးတၢ်ဒူၣ်ခံခါဒီးဃ့ၢ် ပူၤဖျဲးကွံာ်ဝဲဒၣ်ဆူယၢ်ဒ့ၣ်အတၢ်တြီၤပူၤတခီန့ၣ်လီၤ.

လံာ်စီၤဧ့စြၤ 4:12

ပဆၢလၢပကစၢ်, စီၤပၤဖးဒိၣ်ကသ့ၣ်ညါဘၣ်လၢပှၤယူဒၤဖိ တဖၣ်လၢအဟဲဖဲအံၤလၢနတၢ်ပၢအလီၢ်ကဝီၤအဂၤတဖၣ်န့ၣ်ဟဲဆီလီၤ တ့ၢ်အသးလၢဝ့ၢ်ယရူၤၡလ့ၣ်အပူၤဒီးသူၣ်ထီၣ်ဘှီထီၣ်ကဒါက့ၤ ဝ့ၢ်လၢအအၢအသီဒီးပူထီၣ်လီထီၣ်တ့ၢ်တၢ်န့ၣ်လီၤ. အဝဲသ့ၣ်စးထီၣ်သူၣ်ထီၣ်တၢ်အခိၣ်ဒူတဖၣ်ဒီးတယံာ်ဘၣ်ကမၤဝံၤဝဲ ဒၣ်န့ၣ်လီၤ.

လံာ်စီၤဧ့စြၤ 4:14

ခဲကနံၣ်အံၤဒ်ပမ့ၢ်ပှၤလၢအဘၣ်မၤဆၢက့ၤတၢ်လၢပဂ့ၤမၤဆူ စီၤပၤဖးဒိၣ်အအိၣ်အသိး, ပတအဲၣ်ဒိးထံၣ်တၢ်အံၤမၤအသးဘၣ်အ ဃိ, ပဟ့ၣ်ကူၣ်လၢ,

လံာ်စီၤဧ့စြၤ 4:16

လၢတၢ်န့ၣ်အဃိနာ်နီၢ်နီၢ်လၢဝ့ၢ်အံၤမ့ၢ်ဘၣ်တၢ်သူၣ်ထီၣ်ကဒါ က့ၤအီၤ, ဒီးဝ့ၢ်အခိၣ်ဒူတဖၣ်မ့ၢ်ဘၣ်တၢ်မၤဝံၤအီၤန့ၣ်, တမ့ၢ်ကစၢ်စီၤပၤဖးဒိၣ်ပၢဘၣ်ကီၢ်ဖရၤသးအမုၢ်နုာ်ကသ့ လၢၤဘၣ်.”

လံာ်စီၤနဃ့မယၤ 2:19

ဒီးတုၤစီၤစၤနဘၤလး, စီၤတိၤဘံယၤဒီးပှၤဧ့ရ့းဖိစီၤ က့ၤၡ့ၣ်နၢ်ဟူဝဲတၢ်လၢပသုးကျဲၤလၢပကမၤအီၤန့ၣ်အဝဲသ့ၣ်နံၤ ဘၣ်ပှၤဒီးစံးဝဲ, “တၢ်လၢသုကမၤန့ၣ်သုဆိကမိၣ်လၢအမ့ၢ်တၢ်မနုၤလဲၣ်. မ့ၢ်သုကပူထီၣ်ထီဒါစီၤပၤဖးဒိၣ်န့ၣ်ဧါ.”

လံာ်စီၤနဃ့မယၤ 6:6

ဒီးအတၢ်ကွဲးမ့ၢ်ဝဲ, “စီၤကၤၡမူစံးဝဲဒၣ်လၢတၢ်ကစီၣ်ဟူထီၣ်သါလီၤလၢပှၤကလုာ် အိၣ်ဝးတရံးပှၤအကျါလၢနၤဒီးပှၤယူဒၤဖိသ့ၣ်တဖၣ်အိၣ်ဒီးတၢ် ကူၣ်လၢတၢ်ပူထီၣ်တၢ်အဂီၢ်န့ၣ်လီၤ. ဒီးလၢတၢ်န့ၣ်အဃိနသူၣ်ထီၣ်ကဒါက့ၤဝ့ၢ်ခိၣ်ဒူန့ၣ်လီၤ. အဝဲစံးစ့ၢ်ကီးဝဲဒၣ်လၢနအိၣ်ဒီးတၢ်ကူၣ်လၢနကကဲထီၣ်စီၤပၤ,

လံာ်နီၢ်အ့ၤစတၢ် 2:23

တၢ်လူၤဃုသ့ၣ်ညါတၢ်ဂ့ၢ်တမံၤအံၤ, ဒီးတၢ်ထံၣ်လၢအမ့ၢ်ဝဲတီဝဲ အဃိဒီးပှၤခံဂၤလိာ်အံၤဘၣ်တၢ်စၢသံကွံာ် အီၤလၢတၢ်စၢသံအလီၢ်န့ၣ်လီၤ. ဒီးစီၤပၤမၤလိာ်ဝဲဒၣ်လၢတၢ် မၤအသးတမံၤအံၤကဘၣ်တၢ်ကွဲးနီၣ်အီၤလၢဘီမုၢ်အလံာ် ကွဲးနီၣ်တၢ်အပူၤန့ၣ်လီၤ.