လံာ်စီၤဧ့စြၤ 4:13 - Sgaw Karen Common Bible

¹³ ကစၢ်စီၤပၤဖးဒိၣ်ဧၢ, ဝ့ၢ်အံၤမ့ၢ်ဘၣ်တၢ်သူၣ်ထီၣ်ကဒါက့ၤအီၤ, ဒီးအခိၣ်ဒူတဖၣ်မ့ၢ်ဝံၤန့ၣ်, ပှၤဂီၢ်မုၢ်ကဆိကတီၢ်ဟ့ၣ်တၢ်ခိ တၢ်သွဲတဖၣ်, ဒီးတၢ်ခိတၢ်သွဲတဖၣ်လၢအဘၣ်ဃးဒီးစီၤပၤကစှၤလီၤဝဲန့ၣ် လီၤ.

လံာ်စီၤဧ့စြၤ 4:13 Iomraidhean Croise

လံာ်စီၤဧ့စြၤ 4:14

ခဲကနံၣ်အံၤဒ်ပမ့ၢ်ပှၤလၢအဘၣ်မၤဆၢက့ၤတၢ်လၢပဂ့ၤမၤဆူ စီၤပၤဖးဒိၣ်အအိၣ်အသိး, ပတအဲၣ်ဒိးထံၣ်တၢ်အံၤမၤအသးဘၣ်အ ဃိ, ပဟ့ၣ်ကူၣ်လၢ,

လံာ်စီၤဧ့စြၤ 4:20

စီၤပၤလၢအအိၣ်ဒီးတၢ်စိတၢ်ကမီၤတဖၣ်ပၢတ့ၢ်တၢ်ဖဲန့ၣ်, ဒီးပၢဘၣ်တၢ်လၢကီၢ်ဖရၤသးအမုၢ်နုာ်ဒီးထၢဖှိၣ်ဝဲတၢ်ခိ တၢ်သွဲတဖၣ်, လၢထံလီၢ်ကီၢ်ပူၤဒီးလၢတၢ်ဖိတၢ်လံၤလၢအဟဲလၢ ထံဂၤကီၢ်ဂၤတဖၣ်အဖီခိၣ်န့ၣ်လီၤ.

လံာ်စီၤဧ့စြၤ 7:24

သုတဘၣ်ထၢစ့ၢ်ကီးတၢ်ခိတၢ်သွဲတဖၣ်လၢပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, ပှၤသးဝံၣ်တၢ်ဖိတဖၣ်, ပှၤပၢၤတၢ်လုၢ်ဟံၣ်တ ဖၣ်, ဒီးကယဲၢ်ပှၤတဂၤလၢ်လၢ်လၢအဘၣ်ထွဲဒီးတၢ်လုၢ်ဟံၣ်အံၤအအိၣ် န့ၣ်ဘၣ်.

လံာ်စီၤနဃ့မယၤ 5:4

ဒီးပှၤအဂၤစံးဒံးဝဲ, “လၢပကဟ့ၣ်စီၤပၤအတၢ်ခိတၢ်သွဲလၢ ပစံာ်ပျီတဖၣ်ဒီးပစပံးလီၢ်တဖၣ်အဂီၢ်ပဘၣ်ဃ့လိၢ်ကျိၣ်စ့န့ၣ်လီၤ.

စံးထီၣ်ပတြၢၤ 119:69

ပှၤပာ်အသးထီၣ်ထီတဖၣ်န့ၣ်, ကူၣ်ထီၣ်ဖးလီၤတၢ်ကတိၤကဘျံးကဘျၣ် ထီဒါယၤလီၤ. ဘၣ်ဆၣ် ယစူၢ်နတၢ်သိၣ်တၢ် သီတဖၣ်လၢယသးဒီဖျၢၣ်ညါလီၤ.

စံးထီၣ်ပတြၢၤ 52:2

နကူၣ်ထီၣ်တၢ်မၤဟးဂီၤပှၤဂၤ, နပျ့ၤလီၤဂာ်ဒီးဒီလူၤတၢ်လၢအကနၣ်အ့ၣ်ဝဲ, ဒီးနမ့ၢ်ပှၤမၤတၢ်လၢတၢ်သူၣ်တဘျၢ သးတဘျၢအပူၤလီၤ.

လံာ်မးသဲ 17:25

အဝဲစံးဆၢဝဲ, “မ့ၢ်.” ဒီးတုၤအက့ၤနုာ်ဆူဟံၣ်ပူၤဒီး, ယ့ၣ်ၡူးကတိၤတၢ်ဒီးအီၤလၢအဆိဒီးစံးဝဲ, “စီၤၡံမိၣ်ဧၢ, နဆိကမိၣ်ဒ်လဲၣ်. ဟီၣ်ခိၣ်စီၤပၤတဖၣ်န့ၣ်, ဟံးန့ၢ်တၢ်အခိအသွဲလၢမတၤတဖၣ်အအိၣ်လဲၣ်. လၢအထံဖိကီၢ်ဖိအအိၣ်ဧါ. မ့တမ့ၢ်ဘၣ်ဒီး, လၢပှၤထံဂၤကီၢ်ဂၤဖိအအိၣ်လဲၣ်.”

လံာ်မးသဲ 9:9

တုၤယ့ၣ်ၡူးဟးထီၣ်လၢတၢ်လီၢ်န့ၣ်ဒီး လဲၤဝဲဆူညါန့ၣ်, အဝဲထံၣ်န့ၢ်ပှၤဃ့သွဲတဂၤ လၢအမံၤမ့ၢ်ဝဲစီၤမးသဲဆ့ၣ်နီၤလၢအတၢ်မၤအလီၢ်လီၤ. ယ့ၣ်ၡူးစံးဘၣ်အီၤ, “ဟဲဒီးကဲဘၣ်ယပျဲၢ်ယဘီၣ်တက့ၢ်.” ဒီးစီၤမးသဲဂဲၤဆၢထၢၣ်ဒီးပိာ်ထီၣ်အခံလီၤ.